26/06/2026
ადამიანის პაპილომა ვირუსის საწინააღმდეგო ვაქცინაცია აჭარაში სახელმწიფო პროგრამის ფარგლებში გრძელდება.
დაავადებათა კონტროლისა და საზოგადოებრივი ჯანმრთელობის სპეციალისტების განმარტებით, პაპილომა ვირუსი სქესობრივი გზით გადამდები ინფექციაა და მისი ზოგიერთი ტიპი შესაძლოა საშვილოსნოს ყელის კიბოს, გენიტალური სიმსივნეებისა და კიბოსწინარე დაავადებების განვითარების მიზეზი გახდეს.
პაპილომავირუსის საწინააღმდეგო ვაქცინის მთავარი მიზანი კიბოს პრევენციაა, რის გამოც მისი ჩატარება რეკომენდებულია ადრეული ასაკიდან.
საქართველოში HPV ვაქცინის დანერგვა 2017 წელს საპილოტე რეჟიმში თბილისსა და ბათუმში 9 წლის გოგონებისთვის დაიწყო. 2019 წლიდან ვაქცინაცია ეროვნული იმუნიზაციის კალენდრის ნაწილი გახდა და მოიცვა 10-12 წლის გოგონები, ხოლო 2023 წლიდან პროგრამას ამავე ასაკის ბიჭებიც დაემატნენ.
როგორც ჯანდაცვის სამინისტროში განმარტავენ, 2023 წლის შემოდგომიდან დაიწყო ე.წ. „გაწმენდის“ რაუნდები უფროსი ასაკობრივი ჯგუფებისთვისაც. ამჟამად ვაქცინაციის ჩატარება შეუძლიათ 13-45 წლის ქალებსა და კაცებს.
იმუნიზაციის სახელმწიფო პროგრამის ფარგლებში 2025 წლამდე გამოიყენებოდა „გარდასილ 4“-ის ვაქცინა, რომელიც იცავდა HPV-ის 6, 11, 16 და 18 ტიპებისგან. 2025 წლიდან კი ქვეყანაში დაინერგა „გარდასილ 9“, რომელიც დამატებით ხუთი შტამის - 31, 33, 45, 52 და 58 ტიპების პრევენციასაც უზრუნველყოფს.
ქვეყანაში მოქმედი ვაქცინაციის სქემის მიხედვით, 15 წლამდე ასაკის პირებისთვის რეკომენდებულია ორი დოზა მინიმუმ 6-თვიანი შუალედით, ხოლო 15-45 წლის ასაკობრივ ჯგუფში ვაქცინაცია ტარდება სამდოზიანი სქემით 0, 2 და 6 თვეში.
აჭარის ტერიტორიაზე პაპილომავირუსის საწინააღმდეგო ვაქცინაცია ხელმისაწვდომია შემდეგ მისამართებზე: 🔻
▪️შპს აკადემიკოს ვ. ივერიელის სახელობის ენდიკრინოლოგია, მეტაბოლოგია, დიეტოლოგიის ცენტრი ენმედიცი;
▪️შპს საოჯახო მედიცინის რეგიონული ცენტრი;
▪️შპს ქ.ბათუმის N4 პოლიკლინიკა;
▪️სს საქართველოს კლინიკები - ქედის კლინიკა;
▪️შპს ქ. ბათუმის N1 პოლიკლინიკა (გონიო, კახაბერი);
▪️სს საქართველოს კლინიკები - ქობულეთის ჰოსპიტალი;
▪️შპს მახინჯაურის პოლიკლინიკა;
▪️სს ,,ქობულეთის სამედიცინო ცენტრი";
შპს კლინიკა ფარმალია;
▪️შპს ხელვაჩაურის სამედიცინო ცენტრი;
▪️სს საზღვაო ჰოსპიტალი;
▪️სს საქართველოს კლინიკები შუახევის კლინიკა;
▪️ სს საქართველოს კლინიკები ხულოს კლინიკა;
▪️სს ,,ევექსი" - ბათუმის პოლიკლინიკა;
▪️ შპს ,,ხოზრევანიძის კლინიკა";
▪️შპს ინოვაციური მედიცინის საუნივერსიტეტო კლინიკა;
🔻ქობულეთის, ხელვაჩაურის, ქედა, შუახევი და ხულოს მუნიციპალიტეტის, სოფლის საექიმო უბნები.
