12/06/2026
ჩვენი სალომე 😍
Medscriptum წარმოგიდგენთ ახალ რუბრიკას - OncoFeed
რუბრიკის პირველი მასალა ძუძუს კიბოს სისტემურ მკურნალობაში მიმდინარე მნიშვნელოვან ტრანსფორმაციას - ანტისხეულისა და წამლის კონიუგატებს (ADC) ეძღვნება.
თემის სიღრმისეულ და დეტალურ ანალიზს კლინიკა „კონსილიუმ მედულას“ კლინიკური ონკოლოგი და თსუ-ის დოქტორანტი სალომე კორძაია გვთავაზობს.
ავტორი დეტალურად განიხილავს, თუ როგორ შეცვალა მიზნობრივმა თერაპიამ პაციენტების რეალობა. თუ წლების განმავლობაში ეს დიაგნოზი მძიმე, ტოქსიკურ ქიმიოთერაპიასთან ასოცირდებოდა, დღეს აქცენტი მხოლოდ სიცოცხლის გახანგრძლივებაზე აღარ კეთდება - უმთავრესი ხდება მკურნალობის პროცესში პაციენტის ცხოვრების ხარისხისა და ყოველდღიური აქტივობის შენარჩუნება.
ბლოგში გაანალიზებულია ADC პრეპარატების მოქმედების პრინციპი, რომლებიც ციტოტოქსიურ ნივთიერებას პირდაპირ სიმსივნურ უჯრედამდე აწვდიან და მაქსიმალურად აზღვევენ ჯანმრთელ ქსოვილებს დაზიანებისგან.
ასევე, სტატიაში მიმოხილულია უახლესი კლინიკური კვლევები (DESTINY, ASCENT, TROPION), რომლებმაც აჩვენა ისეთი ინოვაციური მოლეკულების ეფექტურობა, როგორებიცაა ტრასტუზუმაბ დერუქსტეკანი (T-DXd) და საციტუზუმაბ გოვიტეკანი.
საგულისხმოა, რომ ეს მიდგომა უკვე გასცდა მხოლოდ HER2-დადებითი ქვეტიპის ფარგლებს და წარმატებით გამოიყენება ჰორმონდამოკიდებულ და ყველაზე აგრესიულ, სამმაგად უარყოფით (TNBC) დაავადებებშიც.
გაიგეთ, რა ეტაპზეა ამ ინოვაციური მიზნობრივი მკურნალობის ხელმისაწვდომობა საქართველოში.
🔗 სტატიის ბმული იხილეთ პირველ კომენტარში.
