O-Mind Garden 塚愛友家

O-Mind Garden 塚愛友家 「塚愛友家」以主題樂園的形式為普羅大眾帶來不同精神健康的資訊。希望透過增加對疾病的了解，減少標籤效應並提升大眾對精神健康的關注。 HKOP-ABI-202203-003

唔想成日被情緒困擾？先要理解到我哋嘅想法、情緒同行為係環環相扣、互相影響嘅。真正影響我哋情緒嘅，往往唔係事情本身，而係我哋點樣解讀。當負面情緒出現時，不妨試試用 ABCDE 思考法，幫自己停一停、諗一諗。[1]（A）辨識當下發生嘅事，點解令...
16/09/2026

唔想成日被情緒困擾？先要理解到我哋嘅想法、情緒同行為係環環相扣、互相影響嘅。
真正影響我哋情緒嘅，往往唔係事情本身，而係我哋點樣解讀。當負面情緒出現時，不

妨試試用 ABCDE 思考法，幫自己停一停、諗一諗。[1]
（A）辨識當下發生嘅事，點解令你產生負面情緒
（B）觀察自己點樣看待呢件事同想法
（C）對於呢種想法又帶嚟咩感受？甚至行為上又做咗咩？
（D）需要對負面想法作出反駁，提醒自己用個客觀、平衡嘅角度去解讀整件事
（E）嘗試自我激勵，從問題中有冇領悟出一啲正面想法

學習樂觀思維，唔係逼自己凡事都要正面，而係提醒自己停一停，唔好第一時間相信所有負面想法。當你願意用更客觀、更平衡嘅角度去睇事情，情緒自然會慢慢穩定落嚟，亦更容易搵到解決問題嘅方法。如果以上方法用得著，歡迎save 低或者share出去～

#塚愛友家 #樂觀思維 #正向思維 #情緒更自在

Reference:
1. 樂觀從轉念開始. 香港正常教育. Available at: https://www.positiveeducation.org.hk/files/pamphlets/39/10_Cognitive-Behavioral-Theory.pdf. Accessed on Aug 26, 2026.

HKOP-ABI-202608-004

當我哋由情緒主導自己嘅決定，就容易跌入情緒陷阱。但原來，真正令好多人一直走唔出情緒困擾嘅，往往係腦海中不停出現嘅負面想法。有冇試過，另一半冇覆訊息，就覺得自己不被重視？工作出錯一次，就認定自己做乜都唔掂？身體有少少唔舒服，就開始懷疑自己患上...
11/09/2026

當我哋由情緒主導自己嘅決定，就容易跌入情緒陷阱。但原來，真正令好多人一直走唔出情緒困擾嘅，往往係腦海中不停出現嘅負面想法。有冇試過，另一半冇覆訊息，就覺得自己不被重視？工作出錯一次，就認定自己做乜都唔掂？身體有少少唔舒服，就開始懷疑自己患上重病？我好怕改變，萬一結果更差點算？

呢啲自動浮現嘅負面想法，心理學稱為「思想陷阱」。佢哋好多時源於過往嘅經歷，慢慢變成一種慣性思維，影響我哋點樣理解事情，令自己喺情緒困擾中愈陷愈深。[1] 記住，想法唔等於事實。 有時困住我哋嘅，唔係事情本身，而係我哋對事情嘅解讀。

負面想法人人都會有，最重要係唔好一直被佢困住或牽住走。由今日開始，試吓用另一個角度睇事情，你會發現，原來想法係可以改變嘅。下個貼文，我哋會分享點樣改變負面思維方式，提升調節情緒嘅能力。如果你都有共鳴，歡迎share或者save低！

#塚愛友家 #負面想法 #思維陷阱 #思維方式影響情緒
Reference:
1. 想太多、鑽牛角尖？ 9個思想陷阱令你遠離快樂. Refresh 線上精神健康自助平台. Available at: https://refresh.bokss.org.hk/tc/insights/AutomaticThoughts. Accessed on Aug 19, 2026.

HKOP-ABI-202608-003

大家都知道要小心詐騙陷阱，但其實情緒都有陷阱。當焦慮、恐懼、抑鬱等負面情緒出現時，我哋好容易不知不覺俾情緒主導自己嘅決定，慢慢跌入情緒陷阱。明明知道一直諗落去都解決唔到問題，卻停唔到；明明知道發脾氣會傷害身邊人，卻控制唔到；明明知道逃避解決...
07/09/2026

大家都知道要小心詐騙陷阱，但其實情緒都有陷阱。當焦慮、恐懼、抑鬱等負面情緒出現時，我哋好容易不知不覺俾情緒主導自己嘅決定，慢慢跌入情緒陷阱。明明知道一直諗落去都解決唔到問題，卻停唔到；明明知道發脾氣會傷害身邊人，卻控制唔到；明明知道逃避解決唔到問題，卻只想一直避開。

點解會咁？因為當情緒湧上嚟時，大腦會優先作出情緒反應，理性思考暫時停止。當下可能會覺得自己嘅反應好合理，但如果一直任由情緒帶住自己走，問題唔單止解決唔到，反而可能令自己愈陷愈深。情緒本身唔可怕，可怕嘅係我哋一直由情緒替自己作決定。 學識停一停，覺察自己嘅情緒，而唔係即刻跟住情緒走，先可以跳出情緒陷阱。
如果你認同呢篇內容，歡迎分享出去，提醒身邊人一齊小心跌入情緒陷阱！

#塚愛友家 #情緒陷阱 # #察覺情緒 #情緒主導一切

HKOP-ABI-202608-002

面對來自工作、學業、人際關係嘅壓力，甚至未知嘅將來，而感到焦慮、擔憂、煩躁不安都係一種正常嘅情緒反應，一般都會隨住事情過去而慢慢緩解。但如果你發現自己不停鑽牛角尖、反覆擔心同一件事，點都放鬆唔到，甚至開始影響日常生活，就有可能已經跌入情緒困...
02/09/2026

面對來自工作、學業、人際關係嘅壓力，甚至未知嘅將來，而感到焦慮、擔憂、煩躁不安都係一種正常嘅情緒反應，一般都會隨住事情過去而慢慢緩解。但如果你發現自己不停鑽牛角尖、反覆擔心同一件事，點都放鬆唔到，甚至開始影響日常生活，就有可能已經跌入情緒困擾。唔好再同自己講：「我撐得到」！好多情緒困擾，都係由一次又一次嘅逃避同忽視開始。

9月 10 日被定為「世界預防自殺日」，塚愛友家借此呼籲大家關注精神健康，打破社會對精神疾病嘅污名化，並想同大家傳遞「自殺係可以預防」嘅重要觀念。 並同大家分享有關情緒困擾嘅內容，大家一齊正向認識情緒、及早察覺情緒問題，鼓勵有需要嘅人勇敢尋求幫助。

如果你都認同呢篇內容，歡迎分享出去，提醒身邊人關注情緒健康！

#塚愛友家 #世界預防自殺日 #情緒困擾

HKOP-ABI-202608-001

呢個夏天，不如留返少少時間俾自己，睇一套充滿溫度嘅電影~《菊次郎的夏天》講一個小朋友喺暑假獨自出發，去搵從未見過嘅媽媽。途中遇上一個性格粗魯、做事隨性，甚至唔太可靠嘅大叔，兩個人就咁開始咗一段冇計劃、冇方向嘅夏日旅程。佢哋一路搭車、一路行路...
28/08/2026

呢個夏天，不如留返少少時間俾自己，睇一套充滿溫度嘅電影~

《菊次郎的夏天》講一個小朋友喺暑假獨自出發，去搵從未見過嘅媽媽。途中遇上一個性格粗魯、做事隨性，甚至唔太可靠嘅大叔，兩個人就咁開始咗一段冇計劃、冇方向嘅夏日旅程。佢哋一路搭車、一路行路，遇到唔同人，有荒謬搞笑嘅一面，亦有安靜沉默嘅時刻。陽光下嘅田野、盛放嘅向日葵、藍天白雲，再配上輕快嘅音樂，美好嘅夏天慢慢展開。

呢部節奏慢慢、但充滿情感嘅電影好適合夏天靜靜細味。希望你都可以同主角一齊喺呢趟找回童心嘅救贖之旅中被溫柔治癒到。

#塚愛友家 #菊次郎的夏天 #治癒系

HKOP-ABI-202607-006

八月天氣酷熱，仲要係一日公眾假期都冇，情緒好低落？咁又唔使咁灰嘅，我哋可以自製夏日小確幸。從五感出發，幫情緒降溫，提升好心情！一齊嚟捉住夏天獨有嘅美好Moment～冰爽味覺： 切開一個冰凍嘅西瓜，挖出最中心嘅部分，享受最甜嘅一啖，感受清涼幸...
24/08/2026

八月天氣酷熱，仲要係一日公眾假期都冇，情緒好低落？咁又唔使咁灰嘅，我哋可以自製夏日小確幸。從五感出發，幫情緒降溫，提升好心情！一齊嚟捉住夏天獨有嘅美好Moment～

冰爽味覺： 切開一個冰凍嘅西瓜，挖出最中心嘅部分，享受最甜嘅一啖，感受清涼幸福感。

清爽觸覺：放低工作，去游個夜水伸展一下，之後用薄荷沐浴露沖身，瞬間降溫又醒神。

晚霞視覺： 暫時放低一切繁瑣事情，傍晚去追日落，靜靜望住橘紅色嘅晚霞，讓心情慢慢沉澱。

治癒聽覺：暫時關掉社交媒體，打開一罐冰凍嘅蘇打水，加幾粒冰，聽住「滋滋」
嘅氣泡聲，即時覺得舒坦又療癒。

清新嗅覺： 喺舒適嘅冷氣房小睡片刻，切開檸檬，讓空氣瞬間瀰漫住清新嘅果香，聞住果香發個甜夢。

其實每件微細嘅事情，都可以成為你嘅小確幸。當生活遇到壓力或感到煩躁不安時，不妨慢落嚟，俾自己唞一唞。
如果你都鍾意以上嘅夏日小確幸，歡迎你save 低或者share出去～

#塚愛友家 #夏日小確幸 #夏日幸福感 #夏日情緒低落

HKOP-ABI-202607-005

夏天最鍾意食嘅生果係西瓜？荔枝？不過，當你喺炎夏心情鬱悶、煩躁嘅時候，再食荔枝可能再加多三把火 (大笑)！其實夏天有啲生果可以抗煩躁、提升好心情，因為佢哋含有豐富維他命C、色胺酸同抗氧化物，可以增加血清素分泌，有助紓緩壓力、穩定情緒，促進大...
18/08/2026

夏天最鍾意食嘅生果係西瓜？荔枝？不過，當你喺炎夏心情鬱悶、煩躁嘅時候，再食荔枝可能再加多三把火 (大笑)！其實夏天有啲生果可以抗煩躁、提升好心情，因為佢哋含有豐富維他命C、色胺酸同抗氧化物，可以增加血清素分泌，有助紓緩壓力、穩定情緒，促進大腦提升快樂指數！
香蕉： 富含維持神經傳遞重要物質嘅維他命B6同色胺酸，可幫助大腦製造血清素，能提升正面情緒的賀爾蒙，傳遞喜悅信息。[1]

莓果：藍莓、草莓富含多酚抗氧化物，包括花青素，有助紓緩因壓力衍生嘅情緒問題，提升血清素嘅濃度，帶來愉悅感覺。[2]

番石榴、柑橘類、奇異果： 含豐富嘅維他命C，能幫助腎上腺素合成，有助紓解壓力、穩定情緒。[3]

生果營養豐富，搵到啱你食嘅生果就健康又開心~如果你身邊有個「躁底」朋友，快啲share呢個post俾佢，一齊降降火啦～

#塚愛友家 #抗煩躁生果 #夏日生果 #夏季快樂情緒

References:
1. 以蕉拆「焦」解鬱奇蕉. 心晴行動慈善基金. Last updated on Apr-May, 2017. Available at: https://www.jmhf.org/heartwork20170405p48-49. Accessed on Jun 25, 2026.
2. 開懷莓事問. 心晴行動慈善基金. Last updated on Aug-Sep, 2018. Available at: https://www.jmhf.org/heartwork20180809p46-47. Accessed on Jun 25, 2026.
3. 快樂～可以是吃出來的！中山醫訊. Last updated on Feb 3, 2023. Available at: https://web.csh.org.tw/web/cshmagazine/?p=5079. Accessed on Jun 25, 2026.

HKOP-ABI-202607-004

夏天應該係充滿陽光同活力嘅季節☀️但你有冇試過——明明天氣咁好，但係你偏偏無緣無故感到悶悶不樂、提唔起勁、做咩都冇動力……間中嘅情緒低落，其實好正常。但如果呢種情緒低落總係喺某個季節反覆出現，持續兩年以上，而且呢段時間嘅低落，比起一年嘅其他...
12/08/2026

夏天應該係充滿陽光同活力嘅季節☀️但你有冇試過——明明天氣咁好，但係你偏偏無緣無故感到悶悶不樂、提唔起勁、做咩都冇動力……

間中嘅情緒低落，其實好正常。但如果呢種情緒低落總係喺某個季節反覆出現，持續兩年以上，而且呢段時間嘅低落，比起一年嘅其他時間更為明顯同頻密，咁就有機會屬於「季節性情感障礙」（SAD）。[1] 如果情況困擾你或者身邊人，記得搵專業醫生作出評估同診斷。

想打造夏日好心情？其實好簡單！透過改變生活上一啲小習慣嚟保持心境開朗，大家一齊試吓做！

1. 為自己降溫： 當心情煩躁時，可以同自己講「心靜自然涼」；避開人多擠迫嘅地方；調節做運動嘅時間，例如挑清晨或傍晚時份外出做運動
2. 食清淡多飲水：減少食濃味、油膩、煎炸嘅食物，避免因「濕重」導致疲倦同煩躁；要定時補充水分同電解質，減少身體負擔
3. 社交媒體排毒：不妨停止刷手機，關掉社群訊息提醒，俾自己一段「靜音時間」，尋回平靜嘅心靈

如果以上內容幫到你或者身邊人，記得save 低或者share出去～

#塚愛友家 #夏日好心情 #同陽光玩遊戲

Reference:
1. Seasonal Affective Disorder. National Institute of Mental Health. Available at: https://www.nimh.nih.gov/health/publications/seasonal-affective-disorder . Accessed on Jun 26, 2026.

HKOP-ABI-202607-003

理應夏天日照時間變長，可以有多啲時間做自己鍾意嘅事情。明明應該好開心，心情卻反而變得down down哋? 其實可能同生理時鐘失調有關。 夏日陽光增多，的確可以令人活力充沛。但對部分人嚟講，日照時間延長、夜晚縮短、高溫天氣都有可能影響睡眠...
07/08/2026

理應夏天日照時間變長，可以有多啲時間做自己鍾意嘅事情。明明應該好開心，心情卻反而變得down down哋? 其實可能同生理時鐘失調有關。

夏日陽光增多，的確可以令人活力充沛。但對部分人嚟講，日照時間延長、夜晚縮短、高溫天氣都有可能影響睡眠品質。佢哋體內嘅血清素同褪黑激素水平嘅變化，亦打亂咗生理時鐘。當深層睡眠減少，長期睡眠不足，情緒調節力下降，容易導致情緒不穩，有機會出現煩躁，研究提出甚至有機會誘發「夏季抑鬱」。[1]

簡單應對方法，可以使用遮光窗簾令房間保持黑暗，開冷氣或電風扇維持室內溫度涼爽，打造良好嘅睡眠環境，幫助穩定生理時鐘。

希望大家瞓得好，心情好！如果你身邊有夏日失眠嘅朋友，快啲share呢個post俾佢啦～
#塚愛友家 #夏日生理時鐘 #夏季抑鬱 #夏日失眠

Reference:
1. Seasonal Affective Disorder. National Institute of Mental Health. Available at: https://www.nimh.nih.gov/health/publications/seasonal-affective-disorder . Accessed on Jun 26, 2026.

HKOP-ABI-202607-002

香港嘅夏天越嚟越長，又濕又熱！日間熱辣辣令人特別煩躁，食慾下降；夜晚又焗到瞓得唔好，影響情緒，搞到好似變咗另一個人咁。你有冇聽過「季節性情感障礙 」（Seasonal Affective Disorder，SAD）? 呢種係喺一年中特定季...
03/08/2026

香港嘅夏天越嚟越長，又濕又熱！日間熱辣辣令人特別煩躁，食慾下降；夜晚又焗到瞓得唔好，影響情緒，搞到好似變咗另一個人咁。

你有冇聽過「季節性情感障礙 」（Seasonal Affective Disorder，SAD）? 呢種係喺一年中特定季節（尤其冬季或夏季）反覆出現嘅抑鬱症，症狀一般會持續約4至5個月。而「夏季性情感障礙」（夏季SAD）除咗常見嘅抑鬱症狀，例如對日常活動失去興趣、無力感、情緒低落，仲有機會出現食慾不振、失眠、焦慮、煩躁不安、暴力行為等等。[1]
由於較少人認識夏季SAD，好多人都以為只係天氣太熱搞到自己忟憎，而忽略咗其實可能係情緒健康問題。今個夏天，我哋會同大家分享更多情緒健康相關資訊，一齊迎接夏天「好」心情！

記得Follow我哋個Page, 唔好錯過之後嘅內容。如果覺得有用，幫手share俾更多朋友認識塚愛友家~

#塚愛友家 #季節性情感障礙 #夏日好煩躁

Reference:
1. Seasonal Affective Disorder. National Institute of Mental Health. Available at: https://www.nimh.nih.gov/health/publications/seasonal-affective-disorder . Accessed on Jun 26, 2026.

HKOP-ABI-202607-001

Address

Hong Kong

Website

Alerts

Be the first to know and let us send you an email when O-Mind Garden 塚愛友家 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category