寶媽陪月站 Pomastation

Website Contact the business

寶媽陪月站 Pomastation Po Ma is an experienced postpartum care provider (Doula / Midwife) in Hong Kong.

Professional Confinement Nanny & Postnatal Recovery (Chinese therapist)

香港經驗豐富資深陪月員，擁有多項專業資格：產後修復師（盤骨修復）、母乳指導及催乳師、印尼古法紮肚師及中醫預防保健調理師。

✅ HACCP LEVEL 2 Food Hygiene
✅ DBS Check
✅ Insured

💡 服務內容：
• 產後母嬰護理、特殊嬰兒照顧
• 產後食療、拔罐、刮痧、淋巴排毒
• 艾灸、中藥穴位貼敷

📩 歡迎查詢！ She has been certified as a postpartum repair specialist (pelvic bone repair), breast feeding guidance and lactation specialist, and Balinese traditional (Bengkung) & Jamu belly binding specialist. She also has the qualification of a traditional Chinese medicine preventive health care practitioner and provides one-stop health care services such as postpartum maternal and infant care, special infant care, postpartum dietary therapy, cupping, scraping, manual lymphatic drainage, moxibustion, and traditional Chinese medicine acupoint application.

寶媽是香港經驗豐富的資深陪月員，已考獲產後修復師（盤骨修復）、母乳指導及催乳師、印尼古法紮肚師。並且擁有中醫預防保健調理師資格，提供產後上門母嬰護理、特殊嬰兒照顧、產後食療，拔罐，刮痧，人手淋巴排毒引流，艾灸，中藥穴位貼敷等一站式保健服務。

✨ 10日見證｜纖瘦媽媽嘅產後修復＋紮肚療程 Day 1 ➜ Day 10 ✨呢位媽媽本身已經屬於非常纖瘦嘅體型，所以今次療程重點唔係減肥，而係改善腹直肌分離、下腹貼服度，同時配合徒手盆骨修復，幫助改善佢原本嘅 盆骨前傾姿勢，令腰腹線條更加...
01/10/2026

✨ 10日見證｜纖瘦媽媽嘅產後修復＋紮肚療程 Day 1 ➜ Day 10 ✨

呢位媽媽本身已經屬於非常纖瘦嘅體型，所以今次療程重點唔係減肥，而係改善腹直肌分離、下腹貼服度，同時配合徒手盆骨修復，幫助改善佢原本嘅 盆骨前傾姿勢，令腰腹線條更加順。💛

完成10日療程後：

💪 腹直肌：約2指 ➜ 約0.5指
📏 下腹：75cm ➜ 73.5cm（-1.5cm）
📏 盆骨／下圍：約86cm ➜ 約82.5cm（約-3.5cm）

由相片亦可以見到，Day 10 腹部更加貼服，側面弧度順咗，背面腰線亦更加清晰。🌿

今次我亦特別教咗媽媽一啲針對 盆骨前傾同日常姿勢 嘅練習，最得意係媽媽學識之後，仲教埋老公一齊做 😂❤️ 而家兩公婆每日都繼續練習，希望將療程後嘅狀態慢慢維持落去。

我一直都覺得，產後修復唔應該只係「做完10日就算」，識得點樣用正確姿勢、核心同盆骨位置去生活，先係長遠最重要嘅一部分。🫶🏻

多謝媽媽10日以來嘅信任同配合❤️ 見住你一步一步恢復，真係好替你開心。

#寶媽陪月站 #紮肚療程 #產後修復 #腹直肌分離 #盆骨修復 #盆骨前傾 #收盆骨 #修腰線 #產後調理 #英國陪月 #倫敦陪月

25/09/2026

🌕✨ 中秋節快樂！
🌕✨ Happy Mid-Autumn Festival!

祝大家人月兩團圓，身體健康、事事順心。💛
Wishing everyone a joyful reunion, good health and happiness. 💛

無論你今年中秋身在香港、英國，還是世界任何一個地方，
No matter whether you are celebrating in Hong Kong, the UK, or anywhere around the world,

都希望大家可以同珍惜嘅人一齊賞月、食月餅，過一個溫暖又開心嘅中秋節。🥮🏮
May you spend this special festival with the people you love, enjoying the moon, mooncakes and precious moments together. 🥮🏮

寶媽陪月站祝大家中秋節快樂，團團圓圓！💕
Po.Ma Station wishes everyone a Happy Mid-Autumn Festival filled with love and togetherness! 💕

#中秋節快樂 #寶媽陪月站 #人月兩團圓

13/09/2026

🌿【寶媽陪月日常｜002】由滿月湊到三個幾月，真係會湊出感情 🥹💛

呢個BB，我唔係由佢出世第一日開始湊。

媽媽一開始希望請24小時陪月，當時亦有問過我，但因為我自己唔接24小時工作，所以最後揀咗另一位熟人介紹嘅陪月。

可惜實際相處之後，工作安排同照顧方式同媽媽原本嘅期望有落差，坐月期間亦累積咗唔少壓力。

到BB滿月之後，媽媽仍然希望有人幫手，一直到佢返香港，所以就照由我開始接手。💛

由一個月大一路湊到三個幾月。

真係眼白白睇住佢由細細粒嘅初生BB，慢慢開始識笑、識趴、識抬頭，對住你愈來愈多反應，塊面同對脾仔又愈嚟愈肥嘟嘟。🥹

BB過咗滿月之後，其實真係另一個階段。

開始認得你、望住你、同你笑，甚至你同佢講嘢，佢都好似識得回應。

真係愈湊愈唔捨得。❤️

到佢返香港，我個心真係好似穿咗個窿咁。😂
好彩媽媽間中仲會send相同片俾我「止下渴」。

而我同媽媽，亦由陪月同客人，慢慢變成朋友。

其實經歷過今次，我更加覺得：

陪月唔只係煮飯、沖涼、換片同湊BB。

尤其第一胎媽媽，產後身體未恢復、荷爾蒙變化、睡眠不足，又根本唔知道一個新生BB嘅生活節奏應該點安排。

呢個時候，媽媽最需要嘅，其實仲包括：

有人俾佢休息、
有人聽佢講、
有人教佢、
有人令佢慢慢建立信心。

我唔敢話自己係最叻、最有經驗嘅陪月。

我只係希望自己係一個有良心、真正願意幫媽媽嘅陪月。

亦因為見過唔少準媽媽其實唔知道：

「一個陪月正常嘅一日，究竟應該係點？」

所以我愈來愈想將來開一個小班，同準媽媽分享：

請咗陪月之後，可以合理期待啲咩？
媽媽應該有幾多休息時間？
BB護理、產後餐、餵奶支援，一日應該點安排？

唔係想評論邊個做得好、邊個做得唔好。

而係我覺得，當媽媽知道咩叫正常，先更加容易搵到真正適合自己嘅人。 💛

而呢個肥嘟嘟BB，大概就係令我更加想做呢件事嘅其中一個原因。🥹

BB，下次返英國記得唔好唔認得寶媽呀！😂❤️

#寶媽陪月日常 #陪月服務 #英國陪月 #倫敦陪月 #英國坐月 #產後支援 #新手媽媽

07/09/2026

🌿【2026–27 寶媽陪月及紮肚檔期更新】

又要更新檔期啦！💛

原來11月我已經接咗一個紮肚，而1月底原本洽談中嘅媽媽亦都已經正式落實咗日子，所以而家最新檔期如下：

✅ 2026年10月：只剩一個紮肚期
✅ 2026年11月：只剩一個紮肚期
❌ 2026年12月：已滿
✅ 2027年1月：只剩一個紮肚期
❌ 2027年2月：已滿
✅ 2027年3月起：有期，歡迎查詢

真係好多謝媽媽們一直以來嘅信任同支持。🥰
見到一個個檔期慢慢落實，對我嚟講唔單止係工作安排，而係又多一位媽媽願意將產後呢段重要時間交俾我陪住一齊行。💛

如果已經知道大概預產期，尤其想搵指定陪月姨姨或者安排紮肚，真係可以早少少問定，會安心好多。

另外，如果日期或者地區我自己未能配合，我都可以幫忙轉介相熟、有經驗嘅陪月姨姨。

📩 歡迎私訊查詢陪月／紮肚檔期
🌐 www.pomastation.com
📍 .mastation

#寶媽陪月站 #陪月服務 #陪月檔期更新 #英國陪月 #倫敦陪月 #英國坐月 #紮肚調理 #產後修復

🌿【2026–27 寶媽陪月及紮肚檔期更新】最近陸續收到媽媽查詢嚟緊幾個月嘅陪月同紮肚檔期，所以再更新一次俾大家。💛📅 最新檔期如下：✅ 2026年10月：只剩一個紮肚期✅ 2026年11月：有期❌ 2026年12月：已滿✅ 2027年1月...
05/09/2026

🌿【2026–27 寶媽陪月及紮肚檔期更新】

最近陸續收到媽媽查詢嚟緊幾個月嘅陪月同紮肚檔期，所以再更新一次俾大家。💛

📅 最新檔期如下：

✅ 2026年10月：只剩一個紮肚期
✅ 2026年11月：有期
❌ 2026年12月：已滿
✅ 2027年1月：只剩一個紮肚期
❌ 2027年2月及3月：洽談中
✅ 2027年4月起：有期，歡迎查詢

好多媽媽都會問我：

「預產期仲有幾個月，係咪要而家問定？」

其實如果已經大概知道預產期，尤其想搵指定陪月姨姨，早少少查詢會比較安心同埋容易啲搵到一個啱心水嘅幫手。😊

另外，如果你嘅地區或者日期我自己未能配合，我都可以幫忙轉介相熟、有經驗嘅陪月姨姨。

真係好多謝每一位媽媽一直以來嘅信任同支持。🥰
每一次查詢、介紹，對我嚟講都係一份好大嘅鼓勵。

📩 歡迎私訊查詢陪月／紮肚檔期
🌐 www.pomastation.com
📍 .mastation

#寶媽陪月站 #陪月服務 #陪月檔期更新 #英國陪月 #倫敦陪月 #英國坐月 #紮肚調理 #產後修復

🌿【寶媽教室｜002】英國媽媽生完第一餐竟然想食 Burger King？🍔🇬🇧最近睇到一篇新聞，覺得幾有趣。原來唔少英國媽媽生完BB之後，最想食嘅第一餐竟然係 Burger King！🍔甚至 Burger King 曾經推出送餐服務，直接...
27/07/2026

🌿【寶媽教室｜002】英國媽媽生完第一餐竟然想食 Burger King？🍔🇬🇧

最近睇到一篇新聞，覺得幾有趣。

原來唔少英國媽媽生完BB之後，最想食嘅第一餐竟然係 Burger King！🍔

甚至 Burger King 曾經推出送餐服務，直接送去部分醫院俾新手媽媽。

睇到呢篇新聞，我第一個反應就係：

「如果係香港媽媽，應該會嚇一跳！」😂

陪月咁多年，我陪過好多喺英國醫院生BB嘅媽媽。

好多時醫院提供嘅第一餐都係：

🥪 三文治
🥗 沙律
🍪 餅乾
☕ 茶、咖啡
🥛 鮮奶
💧 凍水

有啲私家醫院仲會準備得好精緻，好似 High Tea 咁，有蛋糕、三文治同茶，真係好有儀式感。☕🍰🥪

所以我經常收到媽媽 WhatsApp：

💬「寶媽，我食唔食得？」
💬「寶媽，可唔可以幫我準備醫院餐送過嚟？」

其實，醫院提供嘅餐點本身並冇問題。如果從西醫角度，產後最重要係補充足夠熱量、蛋白質同水分，幫助身體恢復。

但如果媽媽希望按照中醫坐月調理理念去照顧身體，我一般都會建議預先準備一份熱食。

❤️ 如果係我，我通常會建議：

🍝 豬肉肉醬意粉（產後初期我一般會先建議選擇豬肉；至於牛肉，香港陪月界及部分中醫一直都有產後初期先少食嘅做法，我自己都會採取較保守方式，等身體同傷口恢復穩定後，再慢慢加入餐單。）

🍝 白汁雞肉意粉

🐟 白汁焗魚意粉 或 Fish Pie

🍜 熱湯麵（雞肉、魚片、豬肉都可以）

🥣 粥品

🥐 熱嘅 Sausage Roll（配一杯熱飲，比起凍三文治舒服得多。）

最重要係：

✔ 熱食
✔ 容易消化
✔ 有足夠蛋白質
✔ 可以補充體力

⸻

點解我會咁建議？

如果從中醫坐月調理角度，不論順產定開刀，身體都經歷咗大量氣血消耗，而且好多媽媽都會有會陰傷口、剪會陰或開刀傷口。

所以一般都會建議：

🌿 少食生冷、寒涼食物，讓脾胃慢慢恢復運作。

🌿 多飲暖水、熱湯，配合坐月調理。

🌿 選擇容易消化、富含蛋白質嘅熱食，幫助補充體力。

💕 其實坐月，從來都冇一份人人都適合嘅餐單。

西方有西方嘅飲食文化，中醫有中醫調理嘅理念。

最重要嘅，係了解自己身體需要，選擇最適合自己嘅恢復方式。

⸻

如果係你，生完BB第一餐，你會揀 Burger King？🍔

定係一碗熱騰騰嘅意粉或者湯麵？🍜😊

💬 歡迎留言分享你生完第一餐食咗咩，我都好想聽吓大家嘅故事！❤️

⸻

📍 .mastation
🌐 www.pomastation.com

#寶媽教室 #坐月 #產後飲食 #陪月知識 #坐月迷思 #中醫調理 #產後恢復 #英國媽媽 #香港媽媽 #英國坐月 #倫敦陪月 #陪月日常 #新手媽媽

🌿【寶媽教室｜001】坐月一定要食花膠？補得貴，不如補得啱！💛好多媽媽坐月前都會問我：「寶媽，我係咪要買好多花膠？」最近有位媽媽屋企準備咗一大袋花膠，佢話係佢廿四小時嗰個陪月叫佢買多啲，點知嗰個陪月煮嘢食麻麻哋，佢話特登留返等我過去先煮。我...
26/07/2026

🌿【寶媽教室｜001】坐月一定要食花膠？補得貴，不如補得啱！💛

好多媽媽坐月前都會問我：

「寶媽，我係咪要買好多花膠？」

最近有位媽媽屋企準備咗一大袋花膠，佢話係佢廿四小時嗰個陪月叫佢買多啲，點知嗰個陪月煮嘢食麻麻哋，佢話特登留返等我過去先煮。我就笑住問佢：「你又知我一定煮得好食？」

原來好多媽媽都誤以為，坐月一定要成日食花膠，先至夠補。

其實，以我多年陪月經驗，我反而唔會建議媽媽準備太多花膠。

花膠本身係一種優質蛋白質來源，中醫認為有養陰、養血、補腎嘅作用，適量食用對產後媽媽有幫助。

不過，中醫亦講求辨證論治，唔係人人都適合同一種補法。

花膠性質比較滋補、偏滋膩，如果經常食用，而媽媽本身脾胃未恢復、容易濕重或者消化能力較弱，有機會令自己覺得胃口差、消化慢，甚至有啲媽媽會覺得奶脹或乳房容易唔舒服。所以我通常都會建議間中適量食用，唔需要密集式食用既。

相反，我平時更常建議媽媽準備幾款喺英國都比較容易買到嘅海味，例如：

🐙 章魚：中醫認為有補氣養血作用，亦含有豐富蛋白質。

🐚 螺頭：有滋陰、健脾作用，煲湯味道鮮甜，亦容易配搭。

🦪 瑤柱：味道鮮甜，含有蛋白質，中醫認為有滋陰、補腎作用，煲湯或煲粥都好適合。

呢幾款配合雞、瘦肉或其他食材煲湯，對大部分產後媽媽嚟講已經係一個簡單又實用嘅選擇。

我一直都相信：

坐月唔係鬥食得幾貴，而係補得啱、食得均衡。

每位媽媽嘅體質、恢復情況、餵唔餵母乳、甚至季節都唔一樣，所以餐單都應該因人而異，而唔係人人都跟同一個餐單。

🌿 補得適合自己，遠比補得昂貴更加重要。

#寶媽教室 #坐月迷思 #花膠 #章魚 #螺頭 #瑤柱 #陪月知識 #產後飲食 #產後營養 #英國媽媽 #香港媽媽 #寶媽陪月站

#寶媽教室 #坐月迷思 #花膠 #陪月知識

💛【寶媽陪月日常｜001】陪伴，從來唔只係照顧BB。轉眼間，BB女已經三個月大啦！👶🏻💕由接手照顧佢到而家，每次見到佢又大隻咗、精靈咗，都覺得好有成功感。其實，我唔係由BB出世第一日開始照顧佢。媽媽坐月第一個月已經請咗一位24小時陪月。因為...
26/07/2026

💛【寶媽陪月日常｜001】陪伴，從來唔只係照顧BB。

轉眼間，BB女已經三個月大啦！👶🏻💕

由接手照顧佢到而家，每次見到佢又大隻咗、精靈咗，都覺得好有成功感。

其實，我唔係由BB出世第一日開始照顧佢。

媽媽坐月第一個月已經請咗一位24小時陪月。因為係屋企人認識嘅朋友，所以大家都覺得熟人介紹，應該會比較放心。始終有一位陪月姨姨住喺屋企一段時間，信任真係好重要。

可惜，實際相處之後，同媽媽原本期望有啲落差。所以喺一早已經預約好我嘅情況下，由我接手陪伴佢之後嘅產後生活。

呢件事令我更加深深感受到：

請陪月，唔係搵熟人就一定適合，亦唔係24小時就一定最好。

每個媽媽嘅需要都唔同，一位適合自己嘅陪月，除咗照顧BB，更重要係照顧媽媽。

💛 有冇俾媽媽真正休息？
💛 有冇耐心教新手爸媽照顧BB？
💛 有冇留意媽媽身體恢復？
💛 有冇按媽媽口味準備營養餐？
💛 有冇陪伴媽媽建立照顧BB嘅信心？

我認為，呢啲都係陪月工作不可缺少嘅一部分。

雖然我每日陪伴媽媽嘅時間唔係24小時，但我希望每一次到屋企，都可以令媽媽安心瞓一陣、慢慢食返一餐熱騰騰又啱口味嘅飯，俾身體真正休息，好好恢復。

最近天氣開始熱，我亦會調整餐單，多準備清爽、有營養、少油但足夠蛋白質嘅餸菜，再配合湯水，希望媽媽食得舒服，BB亦可以健康成長。

睇住BB由細細粒，到而家已經三個月大，媽媽同爸爸亦都越嚟越有信心，我真係替佢哋感到好開心。💛

最後想同所有準爸爸媽媽分享一句：

陪月唔係請一個工人，而係請一位陪伴你走過人生其中一個最重要階段嘅夥伴。

請陪月之前，不妨多了解、多溝通、多比較。最重要唔係服務時間有幾長，亦唔係係咪熟人介紹，而係搵到一位真正適合你哋一家嘅陪月。

感謝媽媽一直嘅信任，亦多謝你俾我陪伴你哋一家。❤️

📍 .mastation
🌐 www.pomastation.com

#寶媽陪月日常 #陪月服務 #英國媽媽 #香港媽媽 #新手媽媽 #產後護理 #英國坐月 #陪月日常

#寶媽陪月日常 #英國坐月 #新手媽媽 #產後護理

09/06/2026

🙋 義工招募｜端午節親子文化活動
🙋 CALLING FOR VOLUNTEERS | Dragon Boat Festival Family Cultural Event

📅 20 June 2026 (Saturday)
📅 2026年6月20日（星期六）

🕘 Volunteers welcome from 9:00am for event setup
🕘 義工可於上午9:00開始到場協助佈置

🎉 Event time: 10:00am – 1:00pm
🎉 活動時間：上午10:00 – 下午1:00

📍 Art Park Harrow
📍 Art Park Harrow

Together HK CIC 現正招募義工協助活動進行，包括登記、工作坊支援、小遊戲及接待參加者。
Together HK CIC is looking for volunteers to support registration, workshops, games and welcoming participants.

😊 無需經驗，歡迎16歲或以上人士參加。
😊 No experience needed. Volunteers aged 16+ are welcome.

⏰ 唔需要全程參與，任何時段可以幫手都非常歡迎！
⏰ You do not need to stay for the whole event – any help, at any time, is greatly appreciated!

🤝 如果你想認識更多街坊朋友、累積義工經驗，或者為社區出一分力，歡迎加入我哋！
🤝 If you’d like to meet new people, gain volunteering experience, or give back to the community, we’d love to have you join us!

📩 有興趣歡迎 PM 我了解詳情～
📩 Please PM me for more information.

👉 報名：togetherhkcic.org.uk/support-us
👉 Sign up: togetherhkcic.org.uk/support-us

❤️ 多謝大家支持！
❤️ Thank you for your support!

02/06/2026

香港大學正進行一個有關嬰兒餵哺的問卷調查

[ 👶🏻 誠邀香港媽媽分享其嬰兒餵哺經歷 ]
✨ 完成問卷的參與者將獲港幣50元 ✨

對象
‧ 在香港生產
‧ 子女介乎4至12個月大
‧ 常居於香港7年或以上
‧不限餵哺方式

網上問卷 (約15-20分鐘)：https://bit.ly/bfbarrier

查詢
‧ WhatsApp：9810 7390
‧ 電郵：[email protected]

#媽媽日常 #育兒日常 #新手父母 #育兒知識 #媽媽

Address

Hong Kong

Website

Alerts

Be the first to know and let us send you an email when 寶媽陪月站 Pomastation posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 寶媽陪月站 Pomastation:

Shortcuts

Share