27/04/2021
#相信奇蹟🌈
經歷高風險手術之後，大概一星期後嘅晚上，我突然呼吸吾到，心口劇痛，耳鳴轟一聲。感恩當時姑娘正在替我打針，她立即幫我急救。姑娘們送我到急救房，幫我急救並且説：「琪其，撐住呀！」。也聽到她們緊張地說：「得番40 啦(指含氧量)」。
真係好感恩她們嘅鼓勵和努力不懈地搶救我，也感恩ICU醫生幫我插喉連接呼吸機，令我可以呼吸番😄
因為要插喉需要麻醉，所以急救後期，我已經合上眼，隱約聽到姑娘聲音。腦海意識中浮現白色一片，我不停祈求天主救我賜我力量，那一刻真係交托比主，我相信衪嘅安排🙏🏻
我再聽到聲音時，感覺自己掙唔開隻眼，於是用盡一切力量，同自己說：「琪其，努力掙開半隻眼呀⋯⋯要生存呀！」好感恩，經過一段時間努力，我終於可以掙開半隻眼，之後全隻眼，繼而雙眼都能夠打開。一開眼見到天花板，我知道自己已經“回來呢個世界了，仍然生存著😭🙏🏻感恩天主
之後另一個挑戰就係用呼吸機呼吸，因為插著嘅喉好粗，一直刺痛著個喉嚨，不能開聲說話，也令我不停流口水，實在太痛太辛苦了。隔15-30分鐘就要姑娘幫我抽口水和痰。我只能用文字與醫生和姑娘溝通。
感恩醫生耐心聆聽我嘅感受和想法，我寫出心聲：「我真係好辛苦，可以幫我拆咗條喉嗎？」。經過她專業嘅評估和觀察，決定比我試關掉呼吸機，觀察我數個小時自行呼吸狀態。
呢幾小時簡直係人生一大挑戰，我只需集中做好一件事，就係「呼吸」！一路望住個鐘，一分一秒咁過，我同自己講：「一定要努力證明比醫生睇我係能夠做到！無論如何辛苦都不要放棄呀！」。終於，醫生見到我嘅呼吸幾穩定，自行呼吸到，決定幫我移除呼吸機條喉。當醫生拆除條喉一刻，我用力呼吸一口，第一次深深感受到『能呼吸』嘅珍貴！
事後姑娘們告訴我，其實插左喉不是那麼容易可以拆除，有些病人甚致會捱不過而離開。我能夠克服呢個挑戰，真係十分感恩🙏🏻
📝只要相信奇蹟，奇蹟就會發生🌈
“Miracles happen to those who believe”
❤️感恩主嘅恩賜和一切安排，讓我有力量和勇氣去面對每一關🙏🏻
❤️感恩A4專業夜班護士們,ICU醫生,當值醫生幫我急救，插喉可以呼吸番🙏🏻
❤️感恩專業主診醫生和團隊用心醫治我🙏🏻
❤️感恩A4專業護士團隊日夜悉心照顧我🙏🏻
❤️感恩爸媽默默嘅愛🙏🏻
❤️感恩好朋友Amy幫手照顧爸媽,聯繫醫生和朋友🙏🏻
❤️感恩send msg 祝福鼓勵我,為我祈禱嘅所有朋友🙏🏻
💬 #癌友們 我或大家都會遇到挫折和危險情況，記得堅持信念和希望，永不放棄。相信奇蹟每天都會發生，一齊加油，共勉之💪🏻🌈
。
。
。
#堅持信念 #希望 #永不放棄
#專業醫護團隊 #醫生 #護士
#急救 #呼吸 #祈禱的力量
#琪其癌友 #癌友日常 #大腸癌
#常感恩 #活在當下 #同路人 #分享心得
#癌症健康 #癌症患者 #癌症資訊
#琪其癌友日記
#抗癌鬥士 #抗癌日記 #抗癌
#恩典之路 #信望愛 #感謝天主 #奇蹟
![#我的好與壞時代🙏🏻感謝好友幫手featuring我首原創歌曲~全新演繹版本嘅 [我的好與壞時代] 🎶感覺好amazing ，超級開心一齊錄音🎙😄與好友擁有共同經歷和體驗，對我來說充滿意義和紀念價值🥰 ．感謝producer嘅專業指導，讓...](https://img4.healthandbeauty1.com/509/131/234128915091316.jpg)
