患上乳癌的為食男 Breast Cancer Man

  • Home
  • 患上乳癌的為食男 Breast Cancer Man

患上乳癌的為食男 Breast Cancer Man 一名患有肌肉萎縮症又貪吃的盛年男子確診乳癌，特此分享化療飲食生活經，順手紀錄復康之路。Glutton man with muscular dystrophy, breast cancer, shares lifestyle and enhances appetite in chemotherapy.

#化療 #化療飲食 #男士乳癌 #乳癌化療 #復康之路 #骨痛 #乳癌化療副作用 #升白針

暫別我是一個懶人，既然療程已經完結，出完這個和老媽子外面啤一啤的相，我亦不想往後再登新的飲食相，之前嘅心路歷程會在這保留。生老病死未能看破，但時間唔會停係度等我，往後我仍然會走回人生呢幾個必經之路，但願人人開開心心，有緣人可留訊息，我會ch...
13/03/2022

暫別

我是一個懶人，既然療程已經完結，出完這個和老媽子外面啤一啤的相，我亦不想往後再登新的飲食相，之前嘅心路歷程會在這保留。生老病死未能看破，但時間唔會停係度等我，往後我仍然會走回人生呢幾個必經之路，但願人人開開心心，有緣人可留訊息，我會check的。

#化療 #乳癌化療 #男士乳癌 #副作用 #化療飲食 #電療 #抗賀爾蒙 #三苯氧胺 #新冠

電療完成終於做完療程，感謝各醫護的照顧，你地的一句保重，簡而精，我唔能夠好開心咁回應你地，因為我知道病患眾多，有人歡迎有人愁，況且每個人生老病死乃必經之路，我相信他日總要再面對。所以，無言感激了。 #化療 #乳癌化療 #男士乳癌 #副...
10/03/2022

電療完成

終於做完療程，感謝各醫護的照顧，你地的一句保重，簡而精，我唔能夠好開心咁回應你地，因為我知道病患眾多，有人歡迎有人愁，況且每個人生老病死乃必經之路，我相信他日總要再面對。所以，無言感激了。

#化療 #乳癌化療 #男士乳癌 #副作用 #化療飲食 #電療 #抗賀爾蒙 #三苯氧胺 #新冠

電療第8/15次一直以來的電療都沒什麼感覺，直到第8次電療後安排見專科姑娘，佢話會開始熱、㷫、格肋位痛，如果格肋位因磨擦多而損會好痛，同埋傷口會慢慢擴大一發不可收拾，聽完佢講，我都覺得心口摸上去好熱，好似俾熱水白灼似的，少少紅，瞓覺壓到會刺...
01/03/2022

電療第8/15次

一直以來的電療都沒什麼感覺，直到第8次電療後安排見專科姑娘，佢話會開始熱、㷫、格肋位痛，如果格肋位因磨擦多而損會好痛，同埋傷口會慢慢擴大一發不可收拾，聽完佢講，我都覺得心口摸上去好熱，好似俾熱水白灼似的，少少紅，瞓覺壓到會刺痛，格肋底有啲啲損咁痛，肋位損左會真係好痛架，嗯，要好好保護唔好進一步刺激了。

最近邊度都唔駛去，除了醫院。全民強檢吹到咁行，又唔想染疫而中斷電療，靠阿媽煮了，雖然手勢同創新性都好一般，但都作個簡單紀錄吧。

車打芝士榨菜包係我的提議，我覺得味道同埋口感都非常好，又可以中和芝士嘅膩，少少辣幾惹味！

#住家飯 #白果腐竹 #薑葱 #蝦籽麵 #芝士榨菜包 #豉汁蒸烏頭 #炒菜芯 #湯丸 #蝦乾蒸蛋

#化療 #乳癌化療 #男士乳癌 #副作用 #化療飲食 #冇晚巿 #覆診 #電療 #抗賀爾蒙 #三苯氧胺 #新冠肺炎 #強檢 #動態清零 #禁足 #全民檢測

燉蛋少出外，又凍，電療個心口乾乾地又唔可以搽野，阿媽燉個蛋潤下，點知水太多失敗，是繼芝麻糊花生糊後另一新的中式甜品 - 雞蛋糊。 #化療 #乳癌化療 #男士乳癌 #副作用 #化療飲食 #冇晚巿 #覆診 #電療...
23/02/2022

燉蛋

少出外，又凍，電療個心口乾乾地又唔可以搽野，阿媽燉個蛋潤下，點知水太多失敗，是繼芝麻糊花生糊後另一新的中式甜品 - 雞蛋糊。

#化療 #乳癌化療 #男士乳癌 #副作用 #化療飲食 #冇晚巿 #覆診 #電療 #抗賀爾蒙 #三苯氧胺 #新冠肺炎 #強檢 #動態清零 #燉蛋 #雞蛋糊 #甜品

開始電療今日開始電療，跟我預期差不多，去到醫院見急症室外都有一些帳篷設置，唯未見有人在外，氣氛都不是預想的緊張。去到醫院，先往櫃檯持電療證交錢，應該是每電療一次96元吧，之後把收據及電療卡放到我的雷電療機櫃檯，坐下等叫號碼。第一次等了30分...
17/02/2022

開始電療

今日開始電療，跟我預期差不多，去到醫院見急症室外都有一些帳篷設置，唯未見有人在外，氣氛都不是預想的緊張。

去到醫院，先往櫃檯持電療證交錢，應該是每電療一次96元吧，之後把收據及電療卡放到我的雷電療機櫃檯，坐下等叫號碼。第一次等了30分鐘，過程都是30分鐘左右，叫名換衫再等一陣，第一次要在我身上畫線定位，以及照幾張x-ray，過程中我舉著手定格，不可郁動，攰得手都麻痺了，開始電療前有一二個應該高級的或醫生的會入來複核。全過程無感不痛。

15日療程，星期一至五，時間每日不同，要開始不能搽潤膚膏及使用梘液沖涼了，當然不要用太熱的水沖，要穿闊身衣服通風，如痕癢發紅是正常，不是抓癢就是，出水嚴重痕癢要通知護士。

希望不要感染covid啦，唔想中途出差錯中斷，所以近來好多時候都是乖乖的在家挨貴菜或附近餐廳吃飯。

#化療 #乳癌化療 #男士乳癌 #副作用 #化療飲食 #冇晚巿 #覆診 #電療 #抗賀爾蒙 #三苯氧胺 #新冠肺炎 #強檢 #動態清零 #急症室排長龍 #烏頭 #貴菜

覆診後放縱話說先前化療後正等待電療通知期間覆診，醫生主要講返要開始食抗賀爾蒙藥（三苯氧氨？），血的咩指數都正常，加上由過年到依家屈左係家一排，雖然都有去家附近吃飯，但都去遠少少佐敦走走，放縱一下。好多店都因為冇晚巿，索性延長農曆年假期直到唔...
11/02/2022

覆診後放縱

話說先前化療後正等待電療通知期間覆診，醫生主要講返要開始食抗賀爾蒙藥（三苯氧氨？），血的咩指數都正常，加上由過年到依家屈左係家一排，雖然都有去家附近吃飯，但都去遠少少佐敦走走，放縱一下。

好多店都因為冇晚巿，索性延長農曆年假期直到唔知幾時了，平時去過的餐廳都沒開，於是去了這間以前去過但執左但變左名的餐廳吃。點知行去途中出事，路面不平叉錯腳一時失平均向後仆街，後腦撞左地下，當下好似飲大左天旋地轉，又起唔到身，好在有兩個哥仔過黎和老媽子扶我，有間餐廳拎左張櫈俾我坐左陣回神。老媽子當時行前幾個舖位，佢話成條街都聽到肉體碰撞石屎嘅聲音，好似跳樓聲。。。仲話以為我就咁瓜柴。

當晚同第二朝瞓低同起身都有啲頭暈，頭都損左。其實都唔係第一次，次次跌完都好氣餒，好想扮成正常人咁生活，但現實往往會提我唔係健全，就好似今次咁，以為最壞已經過去，點知當頭棒喝一樣。唔知邊次會跌完咁就死左😕

#化療 #乳癌化療 #男士乳癌 #副作用 #化療飲食 #冇晚巿 #覆診 #仆街 #腦震盪 #燒鵝 #黃金蝦 #啤酒

05/02/2022

年糕

估唔到今年過年仲悶過上年。晚巿復巿睇唔見曙光，上午免得過又唔想去四圍去，打左針理論上唔太驚感染後重症，而係驚要隔離、撩鼻、累街坊。

好啦買左底蘿蔔糕，未過年一次就食晒。之後果底年糕，阿媽話太稀，切同埋煎時都好軟好易黏埋一堆，點啲蛋再煎會好啲，蛋熟了又點多啲蛋煎。過下日晨，睇下冬奧睇下netflix、youtube，其實好快又一日，下星期天抽血覆診，應該好快開始又電療，代表什麼？可能好快返工，到時希望唔駛work from home啦，我想見人見人下面。

#化療 #乳癌化療 #男士乳癌 #副作用 #化療飲食 #冇晚巿 #年糕 #蘿蔔糕 #虎年 #壬寅年 #冬奧 #煎糕

咸水角尋日見冇乜野做，化療副作用又過得8899，住的附近又多染疫個案，於是walk-in去左間診所打了，當晚至到呢一刻都冇乜唔妥。襯仲未全面禁足，今朝就去左飲早茶，點了咸水角，見菜單寫住「安蝦咸水角」，好奇「安蝦」係咩意思，係地方？食材？味...
27/01/2022

咸水角

尋日見冇乜野做，化療副作用又過得8899，住的附近又多染疫個案，於是walk-in去左間診所打了，當晚至到呢一刻都冇乜唔妥。

襯仲未全面禁足，今朝就去左飲早茶，點了咸水角，見菜單寫住「安蝦咸水角」，好奇「安蝦」係咩意思，係地方？食材？味道？Google左一輪都搵唔到，反而發現咸水角有好多唔同名稱，除了安蝦咸水角，仲有家鄉咸水角、五香咸水角、金珠咸水角。

有啲咸水角會有蝦做涵，呢個冇啦。咁安蝦唔通係「安放蝦隻入裏面」的咸水角？

過完年又要去抽血，跟著又打第二針疫苗，係咁俾人插。。。哈哈！

#化療 #乳癌化療 #男士乳癌 #副作用 #化療飲食 #冇晚巿 #疫苗 #咸水角 #科興 #飲茶 #見孫仔

滑蛋近來睇左啲滑蛋食評，挑起條癮，好想吃滑蛋牛肉飯。我記得之前係公司附近都吃過滑蛋牛飯好正的，但又唔想過海，於是去了長沙灣搵食。這醉瓊樓好像在哪裡見過有分店？雖然是東江菜中餐館，好在佢上午11點已經有碟頭飯供應，叫了個滑蛋牛肉飯，哎呀！上枱...
20/01/2022

滑蛋

近來睇左啲滑蛋食評，挑起條癮，好想吃滑蛋牛肉飯。我記得之前係公司附近都吃過滑蛋牛飯好正的，但又唔想過海，於是去了長沙灣搵食。

這醉瓊樓好像在哪裡見過有分店？雖然是東江菜中餐館，好在佢上午11點已經有碟頭飯供應，叫了個滑蛋牛肉飯，哎呀！上枱的是玻璃芡的蛋汁牛肉，同我心目中的滑蛋牛好有距離，玻璃芡的滑蛋冇咁實在，我寧願吃芙蓉蛋呢（雖然我又嫌芙蓉蛋太乾），回想起以前吃過好吃的那個是「牛肉炒滑蛋」是有個炒字的滑蛋，炒得起的滑蛋，應該比玻璃芡滑蛋實在。

幸好這個玻璃芡滑蛋熱度夠，量又夠，牛肉又可以，好啦，下次再搵過。

#化療 #乳癌化療 #男士乳癌 #副作用 #化療飲食 #冇晚巿 #疫苗 #滑蛋 #炒蛋 #芙蓉蛋 #玻璃芡 #東江菜 #客家菜 #醉瓊樓 #黃貓 #滑蛋炒牛肉

20/01/2022

麻辣火鍋

想打邊邊但冇得晚巿，去左一鍋堂，揀左麻辣湯底，好耐都冇食到口水鼻水汗水一齊流，同埋痛快chur牛，不過台式都係唔係咁對口味，還是港式或重慶的好。雖然如此，第二天還是火燒了後欄，燒了一點點啦，但肚係唔舒服，化療前可以食得辣啲都唔會咁易唔舒服。不過燒完冇乜野了。

#化療 #乳癌化療 #男士乳癌 #副作用 #化療飲食 #冇晚巿 #外科 #疫苗 #麻辣火鍋 #一鍋堂 #打邊爐 #火燒後欄 #肥牛 #重慶老火鍋

15/01/2022

羊腩煲 188蚊 二人份量 送生菜 一碗白飯 一碗例湯

#羊腩煲 #屋邨飯堂 #葵芳廣場 #平靚正

覆診今日回去幫我施手術果個外科醫生覆診，半年冇見，幫我登記果個袁姑娘都冇做了，有點失落感。去到都係睇下傷口，問下右邊背部有幾處骨位按下去有啲痛，醫生是外科，顧的是施手術範圍，佢話要問返政府腫瘤科果邊，希望只是最近用揼揼鬆唔小心揼親啦…有點擔...
15/01/2022

覆診

今日回去幫我施手術果個外科醫生覆診，半年冇見，幫我登記果個袁姑娘都冇做了，有點失落感。去到都係睇下傷口，問下右邊背部有幾處骨位按下去有啲痛，醫生是外科，顧的是施手術範圍，佢話要問返政府腫瘤科果邊，希望只是最近用揼揼鬆唔小心揼親啦…有點擔心係呃唔到自己。

好了，無論如何都要努力生活，反正我都做唔到什麼。最近因家中維修牆身，住了一晚唯港薈，好久沒有staycation ，正呀！雖然沒有dinner buffet ，但breakfast buffet都正，加上房間及床始終舒服過我家的豆腐膶地方嘛！

其他還吃了餃子、粥、羊腩煲等。

餃子是位於深水埗的圓方餃子，那裏堂食的煎韭菜餃熱辣辣香脆，冇得頂！至於粥品及腸粉就一般，11點開始的午巿蒸魚套餐45蚊都抵食。很多人食完都會順便買些生餃子回家煮，我也買了盒西洋菜餃。

羊腩煲是在葵芳廣場的翠河餐廳，188蚊，送生菜、一碗白飯、一碗例湯，兩個人齋叫呢個都夠吃，味道可以，羊腩舊舊都肥瘦相間唔錯，配料足，有東菇冬筍枝竹馬蹄，腐乳醬沒有椒絲，自行加辣椒油都好惹味。

依家疫情期間禁晚巿，對我影響不大，係比較難約朋友啫，餃子就早餐，羊腩就4點幾5點去吃當晚餐。不過都希望遲啲先打疫苗啊…

#化療 #乳癌化療 #男士乳癌 #副作用 #化療飲食 #冇晚巿 #餃子 #煎餃 #蒸魚 #羊腩煲 #西洋菜餃 #唯港薈 #裝修 #自助早餐 #葵芳廣場 #圓方餃子 #外科 #疫苗

Address


Website

Alerts

Be the first to know and let us send you an email when 患上乳癌的為食男 Breast Cancer Man posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Health & Beauty Business?

Share