中醫動 HACMK

22/05/2026

全港18間中醫診所暨教研中心將會喺佛誕翌日假期（2026年5月25日）休息 ，詳情請留意：
https://cmk.ha.org.hk/services/notice/on-the-day-following-the-Birthday-of-the-Buddha-2026

21/05/2026

今日係廿四節氣嘅「小滿」，呢個係夏季第二個節氣，雨季開始來臨☔️，氣候濕氣重；加上氣溫逐漸上升，出汗多容易令身體流失水分🥵但汗水又唔容易蒸發，痴痴笠笠令人容易攰🥱，胃口麻麻又唔夠精神。

中醫認為濕氣太重會影響脾胃運化，建議多食健脾易消化同清熱利濕💦的食物，例如冬瓜、絲瓜、苦瓜、秋葵、西瓜🍉、綠豆同薏仁等；亦可以煲吓冬瓜薏米湯，清熱解毒消滯。盡量少啲食油炸、辛辣、太甜嘅食物同凍飲🥤🙅‍♀️，避免更難消化。中醫話初夏唔止要養生更要「養心🫀」，午餐後可以小休15至30分鐘😪，慢行伸展令氣血暢通🚶🏻‍♀️，少啲發嬲急躁以免傷肝氣，準備好身心迎接入夏啦😌！

想知更多有關「小滿」嘅資訊，可以瀏覽中醫動網站：
https://cmk.ha.org.hk/zh-cht/information-index/news/solar_terms/%E5%B0%8F%E6%BB%BF

20/05/2026

【深化跨域交流 推廣中西醫協作】

醫院管理局（醫管局）非常榮幸早前接待新加坡樟宜綜合醫院（Changi General Hospital）的代表團，交流中西醫協作服務。衷心感謝廣華醫院及九龍醫院的西醫及中西醫臨床團隊的熱情接待，帶領代表團參觀「肌肉及骨骼痛症治療」及「中風治療」兩個中西醫協作項目及分享寶貴的臨床經驗，讓是次交流更具成效。

代表團由樟宜綜合醫院醫務委員會主席Siau Chuin教授率領，成員包括西醫、中醫、護士及專職醫療人員等。期間，代表團先後與醫管局及兩間醫院代表交流，並參觀中西醫協作服務，了解服務構建的策略及運作流程，探討如何將中西醫結合應用於慢性疾病管理；此外，代表團亦參觀了東華三院設於廣華醫院的中醫門診服務，促進專業經驗分享。

這次交流不僅深化兩地跨專業團隊的聯繫，更透過這種「互學互鑑」的國際交流展示醫管局中西醫協作服務的經驗和成果，進一步推動中醫藥走向國際。未來我們期待與更多海外醫療夥伴交流合作，共同促進病人福祉。

#醫院管理局 #中西醫協作服務 #中西醫結合
#國際交流 #推動中醫藥發展
#中風治療 #肌肉及骨骼痛症治療

15/05/2026

【2026醫院管理局研討大會 促進中西醫專業交流】

一連三日（5月11至13日）的年度盛事「醫院管理局研討大會」已圓滿結束，今年破紀錄超過9 000名本地及海內外醫療專業人員及學者參與，當中包括中醫藥領域的權威專家及同業。廣東省中醫院張忠德院長及廣東省第二中醫院劉軍院長，聯同多位大灣區中醫專家特別來港參與盛會，促進專業交流和合作。18區中醫診所暨教研中心的三方協作伙伴，包括本地大學、非政府機構和中醫診所代表亦積極參與及分享實踐經驗，攜手推動香港中醫藥持續發展。

今年大會涵蓋多個中醫藥重點議題，在「循證為本提升中風治療：香港中西醫協作模式」的專題環節中，香港中文大學醫學院內科及藥物治療學系梁慧康教授分享一項於多間公立醫院的中西醫協作中風復康研究，結果顯示中西醫協作治療對中風病人恢復活動、行走能力及吞嚥功能方面均有顯著成效，成果亦已發表於國際性學術期刊。博愛醫院-香港中文大學中醫診所暨教研中心（沙田區）高級中醫顧問暨中醫服務主任郭元琦教授，亦分享中醫治療中風的優勢，透過多個案例展示中西醫協作治療全方位加快病人的康復進度。兩位專家的實證分享，充分體現中西醫協作在提升臨床治療成效的重要角色。

此外，大會邀請到美國耶魯大學醫學院藥理學系講座教授鄭永齊教授及香港大學中醫藥學院院長馮奕斌教授，分享中醫及草藥醫學於國際新藥研究及治療癌症策略的最新發展，令與會者獲益良多。是次研討大會促進本地與國際專業交流，彰顯中醫藥發展的廣闊前景，為香港醫療體系邁向更高水平注入動力。

#2026醫院管理局研討大會
#中醫專題
#中醫藥創新
#中西醫協作發展
#中風復康
#中醫循證醫學
#醫療人才交流

05/05/2026

今日係廿四節氣中嘅「立夏」，標誌住春天完結，夏天即將開始☀️！立夏之後，氣溫慢慢上升，雷雨亦會多咗，大家出門口時記得帶定樽水同埋把遮🌂呀。喺中醫角度，夏天屬火🔥、火氣通心，所以容易出現心煩氣躁、失眠🫩、熱氣等症狀，所以立夏嘅養生重點就係「養心」。飲食方面應以清淡、易消化嘅食物為主，可以食多啲紅色嘅食物，例如番茄🍅、紅豆、紅蘿蔔🥕，幫助補血養心；仲有少食生冷嘢，以免傷及脾胃。除咗保持良好飲食習慣，不妨多啲試吓靜心活動🥰，例如冥想、做瑜伽、聽音樂，幫自己保持心境平和、調節情緒，咁就容易做到「心靜自然涼」㗎喇😁！

想知更多有關「立夏」嘅資訊，可以瀏覽中醫動網站: https://cmk.ha.org.hk/zh-cht/information-index/news/solar_terms/%E7%AB%8B%E5%A4%8F 。

30/04/2026

醫健通正式推出全新「e+證書」功能啦💡！

而家18區中醫診所嘅醫療證明書已經上載咗去醫健通。已經登記咗醫健通嘅18區中醫診所求診人士除咗可以用醫健通App查閱到電子版本醫療證明書之外，如果有需要仲可以掃描醫療證明書上面嘅二維碼核實文件真偽及有效性✅。另外，醫療證明書上面嘅主診中醫師簽署都會由手寫改為電子簽署。記得留意喇！🙌🏻

#18區中醫診所
#醫健通
#電子醫療證明書
#醫療證明書驗證平台
#中醫門診服務

Redirect Download Page

29/04/2026

全港18間中醫診所暨教研中心將會喺勞動節公眾假期（2026年5月1日）休息 ，詳情請留意：
👉https://cmk.ha.org.hk/services/notice/on-labour-day-2026

20/04/2026

今日係穀雨💧，春季最後一個節氣，即係好快又會迎接夏天來臨啦！穀雨過後天氣由寒轉暖，氣溫開始上升，要特別留意感染呼吸道疾病👃或出現皮膚問題。隨著降雨量增多，濕氣更明顯，容易令人出現腸胃不適、消化不良等濕重症狀🥶。從中醫角度呢段時間適合健脾祛濕、養陰益氣，飲食方面避免食過多生冷、油膩食物以及甜食，多進食清淡、易消化嘅食物，例如綠葉蔬菜🥬（如芥蘭、菜心、菠菜）及瓜果、豆類同鮮魚🐟等；另外亦可以飲啲紅豆薏仁湯或陳皮薑茶🍵，祛濕理氣。

除此之外，建議大家保持適量運動🏃‍♀️，改善濕氣困滯情況，促進氣血運行💪，精神爽利！🌱☀️
想知更多有關「穀雨」嘅資訊，可以瀏覽中醫動網站: https://cmk.ha.org.hk/information-index/news/solar_terms/%E7%A9%80%E9%9B%A8

14/04/2026

「大灣區中醫訪問學者」主題研討會🎉
最新一期嘅網上研討會將於2026年4月24日（星期五）舉行，今次我哋好榮幸邀請到廣東省第二中醫院骨傷科主任醫師劉欣擔任講者，佢將會分享中西醫協作治療膝骨關節炎病人嘅經驗。講座費用全免，歡迎各位中醫師、醫護同業報名參與🙋🏻♂️🙋🏻🙋🏻♀️。中醫師參加研討會後可以獲得1分註冊中醫進修學分！
講座名額有限，把握機會報名喇👇🏻
https://ha-org-hk.zoom.us/webinar/register/WN_WBxSyCBFSNyKHJpTA5Bc-A #/registration

#大灣區中醫訪問學者計劃
#中醫專家
#中西醫協作
#膝骨關節炎
#中醫研討會

05/04/2026

今日係「清明」，除咗係掃墓祭祖嘅日子，亦係廿四節氣之一。「清明時節雨紛紛」🌫️，清明前後氣候多變，時暖時寒驟雨增多🌧️，出門前記得留意天氣預報帶遮🌂同薄外套啊！呢啲濕重天氣容易令人覺得口乾、頭重身倦😴或者心口翳悶😔，不妨趁假期煲吓花生眉豆湯🥜、綠豆薏仁湯等湯水🍲排毒祛濕；另外飲食上建議清淡為主，可以食啲補脾養肝嘅蔬菜🥬，例如菠菜、淮山、番薯🍠、白菜、蘿蔔🥕等。好陽光時可以多啲出外踏青散步🚶‍♀️‍➡️，做吓伸展運動🧘‍♀️，唔好坐太耐，保持心情放鬆，避免鬱悶或者發忟憎🙅‍♀️😠，都係養肝好辦法嚟㗎。

祝大家假期愉快! 🍃

想知更多有關「清明」嘅資訊，可以瀏覽中醫動網站👇:
https://cmk.ha.org.hk/information-index/news/solar_terms/%E6%B8%85%E6%98%8E