中醫動 HACMK

23/08/2026

今日就係「處暑」喇！其中「處」字解作停止嘅意思，意味暑氣逐步退場，係由暑轉涼嘅重要分界點。
雖然香港嘅天氣未咁快轉涼，日頭依然有三十幾度又曬又熱🌡，但之後夜晚會開始吹起微風🍃，早晚溫差漸漸明顯，加上大家成日出入冷氣房，最好隨身帶件薄外套，保護後頸同雙肩，避免寒氣入侵生病😷。
處暑嘅氣候交替容易引致皮膚乾燥、喉嚨乾涸，建議多食滋潤嘅食物，例如雪梨🍐、龍眼、冬瓜、百合、雪耳， 又或者煲個雪梨瘦肉湯🥣，可以生津潤燥、滋陰安神。
此外，大家記得保持早睡早起嘅作息節奏，心境平和穩定😌，咁就可以慢慢適應夏秋季節嘅轉換啦！🍂

想知更多有關「處暑」嘅資訊，可以瀏覽中醫動網站: 👉
https://cmk.ha.org.hk/zh-cht/information-index/news/solar_terms/%E8%99%95%E6%9A%91

22/08/2026

【🎉 醫健通10周年】

醫健通10周年慶祝活動✨ 今日喺將軍澳新都城中心三期1樓天幕廣場隆重舉行！

18區中醫診所暨教研中心作為首批中醫藥紀錄互通服務提供者會繼續參與推動醫健通發展！歡迎各位中醫同業踴躍登記參與醫健通，共同推動跨專業合作，為求診人提供更全面嘅醫療服務！

⁠ #醫健通⁠ ⁠ ⁠ #醫健通10周年 #中醫藥紀錄互通 #中醫藥發展 #18區中醫診所

21/08/2026

【綜援及75歲或以上長者生活津貼人士費用豁免資格核實優化安排】
由今年8月28日（星期五）起，18區中醫診所暨教研中心將優化核實政府資助中醫門診費用豁免資格嘅程序。

現時，綜援受助人於使用政府資助中醫門診服務及中西醫協作計劃時可獲收費豁免；而75歲或以上長者生活津貼受惠人於使用政府資助中醫門診服務可獲收費豁免。

喺新安排下，符合費用豁免資格人士於每次登記掛號時，須主動表明其受助／受惠人身份，並且出示有效嘅身份證明文件正本同提供申請相關福利時所用嘅證件編號。由中醫診所透過線上系統核實資格，通過後就可以即時獲得豁免。同時，中醫診所將取消以出示受助通知書正本為證明嘅安排，一切以線上系統顯示之核實結果為準。以上安排旨在優化核實資格程序，唔會改變相關服務一貫之豁免收費原則，只要係合資格受助／受惠人，使用有關服務時便可享有費用豁免。

提提大家，公營醫療體系嘅醫療費用減免機制，以及無需經濟審查、每年一萬港元嘅公營醫療服務全年收費上限，一律不適用於18區中醫診所服務。如果市民對自己嘅福利受助資格有疑問，可以向社會福利署查詢。

#18區中醫診所 #服務優化 #中醫門診服務 #費用豁免資格核實安排

19/08/2026

今日（8月19日）是中國醫師節，藉著這個機會，我們向18區中醫診所暨教研中心的全體中醫師致以衷心的感謝！

18區中醫診所的中醫師同事一直緊守社區前線，為市民提供中醫門診服務。不論是政府資助中醫門診，或是專家診療、天灸等非資助服務，都盡心為市民提供專業的中醫診療，照顧市民大衆的醫療需要。中醫師亦參與醫管局的中西醫協作服務，與西醫團隊緊密合作，為病人提供適切的治療。

除了臨床診治，18區中醫診所的醫師亦肩負傳承及傳播中醫藥文化的責任，透過中醫專欄、健康講座等活動向大衆推廣中醫藥知識。中醫師將繼續憑藉仁心與專業，發揮及傳承傳統中醫藥智慧，守護香港市民的健康。

醫管局中醫部會繼續同各中醫診所及中醫師並肩同行，秉持扎根社區、服務市民的理念，提供優質、專業的中醫藥服務。

#中國醫師節 #18區中醫診所暨教研中心 #註冊中醫師携手服務香港市民

17/08/2026

「大灣區中醫訪問學者」主題研討會🎉~
最新一期嘅網上研討會將於2026年9月2日（星期三）舉行，今次我哋好榮幸邀請到廣東省中醫院針灸科馬瑞副主任醫師擔任講者，佢將會以針灸治療中風為題，分享特色針灸技術嘅臨床應用。講座費用全免，歡迎各位中醫師、醫護同業報名參與🙋‍♀️🙋🙋‍♂️。而中醫師參加研討會後可以獲得1分註冊中醫進修學分！🎓
講座名額有限，快啲把握機會，去以下連結報名喇！👇
https://ha-org-hk.zoom.us/webinar/register/WN_u8DnraZmQ9qR2pGIxVURWA #/registration

#大灣區中醫訪問學者計劃
#中醫專家
#中西醫協作
#中風治療
#中醫研討會

13/08/2026

一連五日嘅「美食博覽2026」今日（8月13日）喺灣仔會展開鑼啦！今年除咗繼續有環球美食俾大家飽口福之外🍴，大會仲特別設立「中醫藥面面觀」公眾教育展區 ，介紹香港中醫藥最新發展動態。醫管局中醫部榮幸受邀參與，同大家介紹我哋18區中醫診所嘅中醫門診服務及中西醫協作服務 ✨。大家喺享用美食之餘 🥟🧋，不妨順道過嚟三樓展覽廳3D參觀吓🚶‍♂️🚶‍♀️！

除此之外，大會將會喺8月15日（星期六）於展覽廳3D表演舞台舉辦「中醫藥保健公開論壇」，中西區中醫診所暨教研中心嘅石盈惠中醫師會喺當日上午11時30分教大家認識食療湯水常用藥材 🥣。對養生保健有興趣，又想學煲湯、揀藥材嘅市民，記得唔好錯過啦！

📌「中醫藥面面觀」展覽詳情如下：
🗓 開放日期及時間：
🔸 8月13-16日 10:00-22:00
🔸 8月17日 10:00-18:00
📍 地點：香港會議展覽中心三樓展覽廳3D（展位3D-A21，表演舞台旁）

#美食博覽2026 #中醫藥面面觀 #中醫藥保健公開論壇 #中醫服務 #健康養生

醫管局參與美食博覽「中醫藥面面觀」展覽，向市民介紹我哋嘅中醫服務發展，歡迎大家前來支持（三樓展覽廳 3D）。

10/08/2026

中風患者出現吞嚥障礙嘅情況十分常見，如果未能及早處理，唔單止會影響患者日常進食，嚴重者更有可能引發吸入性肺炎、營養失衡等問題，影響整體康復進程。

今期專題文章由中醫角度出發，結合現代研究同臨床經驗，分享以針灸作爲輔助治療，改善中風後吞嚥障礙嘅成效。針灸除咗可以幫中風患者改善吞嚥功能，仲有助紓緩其他中風後遺症，協助身體機能恢復。

想了解中醫點樣治療中風後吞嚥障礙，歡迎瀏覽以下專題文章👇：

吞嚥障礙其實也是中風後常見而且不容忽視的併發症。患者可能出現飲水嗆咳、進食困難、吞嚥費力、聲音濕濁或嘶啞等情況

07/08/2026

今日係「立秋」，雖然準備踏入秋季，但香港仍處於颱風季節💨，日頭依然炎熱🌞，間中會多雨水和暑氣未完全消退。隨著節氣改變秋燥會逐漸浮現，身體容易出現口乾舌燥、皮膚乾癢等不適😔。呢段時間適宜食啲多秋梨、蜂蜜🍯、雪耳、百合呢類潤燥養陰嘅食材，同時食少啲辛辣同燒烤食物，避免上火傷津、加重秋燥症狀。

立秋過後，早晚溫差逐漸擴大，出入記得帶多件薄外套，避免受涼🍃。不過亦唔好一下子著得太厚，留少少空間俾身體適應天氣變化👍。作息盡量早睡早起，得閒可以外出散步🚶，紓解秋意帶嚟嘅鬱悶感😃。

想知更多有關「立秋」嘅資訊，可以瀏覽中醫動網站:
https://cmk.ha.org.hk/zh-cht/information-index/news/solar_terms/%E7%AB%8B%E7%A7%8B

25/07/2026

因應天文台發出八號熱帶氣旋警告信號，我哋18區中醫診所會喺警告信號生效期間暫停服務，「18區中醫診所」流動應用程式嘅預約服務亦會即時停止。

有關18區中醫診所喺警告生效時嘅服務安排，詳情可以喺呢度睇到：https://cmk.ha.org.hk/zh-cht/services/notice/AdverseWeatherArrangement

大家要留意最新天氣消息，注意安全呀！

23/07/2026

【積極推動中醫藥業界參與醫健通】

而家中醫師只要登記醫健通，獲得求診人嘅互通同意之後，唔單止可以睇到中醫藥紀錄，仲可以取覽求診人嘅西醫藥紀錄，包括臨床摘要、出生紀錄、化驗及放射報告等等，方便中醫師更全面掌握求診人嘅身體狀況，進一步提升診療安全及治療成效。

最近，醫管局中醫部嘅「醫健通小隊」頻頻出動，去到各大中醫藥學術論壇、晚宴同專題研討會擺設攤位，向一衆中醫師同與會人士介紹醫健通嘅最新發展，反應相當熱烈！我哋除咗詳細講解中醫師及診所參與醫健通嘅登記流程，仲即場示範點樣透過「醫承通EC Connect」中醫臨床管理系統連接醫健通，輕鬆取覽中西醫相關紀錄。

我哋會繼續參與推動醫健通發展，歡迎各位中醫同業踴躍登記參與醫健通，共同推動跨專業合作，為求診人提供更全面嘅醫療服務！

立即參與醫健通：https://www.ehealth.gov.hk/tc/healthcare-provider-and-professional/how-to-register/index.html

#醫院管理局
#中醫藥紀錄互通
#醫健通
#醫承通
#中醫發展新時代
#踴躍參與醫健通
#中醫取覽西醫藥紀錄