03/09/2026
-
【活動花絮】我知你心——認知障礙症講座暨工作坊
感謝香港社會服務聯會「商界展關懷」計劃支持，縫補寶康健服裝主辦嘅「我知你心」認知障礙症講座暨工作坊，於 8 月 28 日（五）喺啟德 Airside 27/F Vista Deck 圓滿舉行。
當日企業同事、管理層同在職照顧者齊集一堂。講座由縫補寶創辦人、資深社工 Swing Lau 主講，從蒙特梭利教育理念出發，理解認知障礙症患者嘅世界，學習以尊嚴同自主為本嘅陪伴方式，並為企業提供支援照顧者員工嘅實務建議。
後半場由長者導師帶領 Kinusaiga 工作坊——無針無縫，用碎布同泡沫板創作個人療癒作品。過程強調慢活、正念同觸覺回饋，讓照顧者釋放壓力、找回內在平靜。
當日參加者帶走嘅重點：
【講座重點】
✧ 透過換角思考，了解患者嘅經歷同患病後嘅體驗，從而理解行為背後嘅需要，而唔係淨係處理表面行為
✧ 蒙特梭利理念鼓勵向長者提供支持，協助佢哋盡可能維持獨立自主，過有意義嘅生活
✧ 企業支援照顧者福利之餘，更要裝備主管嘅認知，並保有彈性嘅處理方式
【工作坊瞬間】
✧ 專注配襯布料，創作屬於自己嘅畫作
✧ 長者導師以身作則，示範「陪伴」本身就係療癒
✧ 完成作品帶走，照顧路上多一件屬於自己嘅提醒
照顧者嘅壓力往往隱形。人坐喺辦公桌前，心卻喺擔心家中長輩。今次活動希望將同理心化成行動——職場可以更有溫度，照顧者唔使一個人硬撐。
謝謝每一位抽空出席嘅伙伴。讓我們繼續同行，打造「願意講、敢求助、有人陪」嘅關懷職場。
#我知你心 #認知障礙症 #在職照顧者 #商界展關懷 #縫補寶 #蒙特梭利
