28/06/2019
剛剛完成左我escort 生涯中最長嘅一次，total 坐左五程機，總共二十八個鐘flight hours，飛左二萬一千幾公里。我計過依幾日喺飛機上面嘅時間同喺陸地嘅時間相若。無辦法，因為係要我去布格勒斯特（羅馬尼亞）接個病人返鞍山市(中國遼寧省)。而無論由香港去羅馬尼亞(要喺多哈轉機)，或者由羅馬尼亞返遼寧都無直航機(要喺法蘭克福轉機）。羅馬尼亞個醫院就好普通，無冷氣嘅，但原來所有地方都無冷氣，包捨救護車，地鐵，機場大樓等...印象中所有東歐國家都係咁。好啦入正題，我接左個病人之後第二日就由布格勒斯特飛去法蘭克福再轉機去瀋陽，喺起飛後唔夠兩個鐘，我安頓好自己個病人正想準備休息的時候突然聽到機長廣播：May I have your attention please, are there any doctors or nurses on board, please contact our cabin crew, Thank you.
我個病人好醒目:”找你啊，要不要去看看?”
我:”好吧!😅”
可能佢地無特別交更話機上有個護士，唔緊要，我向crew表明身分然後就拎架生去望一望。
當我揭開堂簾行入經濟艙，見到好多人離開座位企喺度，或是行黎行去，或是三五成群喺度議論紛紛。我第一個反應係唔通個乘客情況好差所以引起公眾恐慌？我第一時間問個crew發生咩事，佢話有個男乘客不斷嘔，食乜嘔乜。我一路assess個case一路問history ，原來係Ca stomach 做左gastrectomy ，咁坐飛機嘔都好正常。見佢alert conscious，strong pulse ，take 左set vital signs 都正常，係個人攰d(屌我仲攰)。我叫屋企人密切留意下 ，唔好再俾佢食野，打側訓。再同個crew講暫時無大問題，有咩事就搵我啦，我坐1A。我行出經濟艙先發覺原來d人離開座位企喺度行黎行喺度不斷講野唔係因為有乘客出事，而係本性如此，可能我坐得少大陸機，少見多怪。之後個ISM問我個乖客情況點，洗唔洗做emergency landing，我微笑搖一搖頭：no need😌
