慰心哀傷輔導中心 Peace of Mind Bereavement Counseling Centre

24/05/2026

21/05/2026

20/05/2026

榮幸非常！

16/05/2026

【爸爸parenting 系列 · 1/5】
對話唔係天生識，係可以學嘅

好多爸爸同我哋講：
「我同個仔，好似得返『食飯未』、『溫書未』、『仲唔瞓』」
「我唔係唔想傾，係真係唔知點開始。」�「我問佢學校點，佢話『冇嘢』。」�「我講多兩句，佢就返入房。」
其實，青少年唔係唔想同你傾
——佢哋只係唔想用舊方式傾。

今次的工作坊有伍尚熾註冊社工，佢有超過十年經驗輔導警界轉介嘅違法青少年，經常要做家訪，走入去睇一個家庭嘅真實動態。

佢發現：
「好多爸爸唔係唔關心，而係用錯咗方法——例如審犯式問『點解』。」
工作坊，佢會分享 3個即學即用嘅對話技巧，用佢親身嘅案例，話你知點樣由「冇嘢講」變「傾到計」。

仲有 Mandy 沙盤治療師會帶你：�用一個沙盤和小模型，清晰自己喺家庭嘅位置。

📅 5月22日（五）7:30pm – 9:30pm
📍 上環｜💰 HKD 200｜20個位
👉 留言「想知」PM你詳情

唔使完美，只需要願意試。

#慰心哀傷輔導中心 #家長課 #情緒教育

15/05/2026

《星兒心語》畫展完滿結束！多謝每一位協力、出席、參與畫展和工作坊的朋友們！😊

願更大的祝福臨到大家！🌈🎉

14/05/2026

感恩您💜

2025-10-29

九龍殯儀館 連同 RIPHK 第2年趁着 #重陽節 政府 #休爐 舉辦「開放日」，其中喺3樓302室「光耀堂」有由 慰心善終服務 / 慰心哀傷輔導中心 推出嘅「 #人生小旅程」 #生命教育 體驗活動。

慰心創辦人 鍾家樂 介紹呢個「人生小旅程——反思之旅」嗰陣就話呢個活動適合所有人士，希望家長可以陪同小朋友參與。

🌟 由「人生首站」回想人生起點
📚 走過「童年站」、「青春站」重溫成長點滴
💕 感受「友情站」、「感恩站」人際溫暖連結
🛤️ 面對「挑戰站」、「回憶站」中得失真實體悟
🌟經過「離別站」抵達「下一站天堂」理解生命何以圓滿

過程中利用情緒提示卡，再諗下每一站有關人生嘅反思，思想同埋討論嘅互動之下，用愛同埋感恩嘅心理解生死嘅自然旅程。

活動嘅最尾可以利用 #撒灰 紀念花園模型感受一下模擬撒灰嘅感受，思考一下身邊至親好友以至自己過世之後，可以選擇一條點樣嘅「出路」。

訪問過程中其中好有印象嘅係即使鍾家樂身為慰心嘅負責人，但多次表示呢個活動中，佢唔係主要角色，並且連番提及Joanna、Hayley、Hazel先至係籌劃同埋執行嘅功臣，向公眾介紹活動嘅意義，呢份謙卑喺而家嘅社會入面着實難能可貴。

重陽懷念故人，正視生與死，用愛探索生命意義。

11/05/2026

🌟Emo Journey 情緒旅程
正式開幕！全個五月，為大家追溯情緒！

兒童情緒教育，家長應該點做好呢？

好多家長同我講，仔女學業成績唔錯，但一遇到挫折就情緒爆發，或者咩都屈喺心入面唔講。
其實唔怪得小朋友，因為情緒教育，學校真係好少教。

當小朋友情緒起伏時，講道理通常係最無效溝通。
真正有效嘅溝通，可以透過 「玩」 去打開心窗。

5月，我哋將會喺上環舉行 🌟Emo Journey 情緒旅程。

我設計咗3個環節，等小朋友用手去「說話」：
1️⃣ 情緒 Jenga：將生活情境變成遊戲，一邊抽一邊學解決問題。
2️⃣ 沙盤體驗：喺沙上面創造世界，唔洗講出口，我哋透過沙盤去聽佢嘅真心話。
3️⃣ 冷靜瓶 DIY：親手整一個專屬嘅冷靜工具，沉澱混亂嘅情緒。

比起補習班，小朋友其實更需要一個「情緒避風港」。

《🌟Emo Journey 情緒旅程》
📅日期：5月9日 - 5月31日，需提前預約入場
🎟️費用：HKD 100 / 位
📍 地點：上環慰心哀傷輔導中心

想帶仔女嚟一場心靈冒險？
👇 留言 【參加】，我send報名表格俾你！

#情緒教育 #親子活動 #沙盤治療 #正向教養 #兒童發展 童您Play 慰心哀傷輔導中心 慰心善終服務

07/05/2026

今年第二次參加由大阪電視台主辦嘅貓咪博覽會 。經歷過上一次嘅經驗，今次總算係準備充足咁樣去參展，差唔多一個月嘅時間去準備，過程雖然好辛苦。始終係一人嘅公司，由諗idea、創作、設計、包裝設計、生產、及最後的上架。 都係一手包辦。嗰種疲倦，簡直冇辦法用文字嚟形容。有時夜深人靜都會想流眼淚😢。

不過當我將今年新嘅創作帶到去大阪，將所有作品放到枱上面，把展覽場館佈置得美輪美奐之際，就感覺到好興奮及期待。 🤭

到咗展覽當日有好多鍾意貓嘅人都特登俾貴一點的入場費，踏正10點就衝入現場。加上日本黃金週，真係感覺到咩叫人山人海，為嘅就係買自己嘅心頭好。每一個行過我嘅booth而停下來的客人，用佢哋嘅眼球不斷喺我嘅作品上面瀏覽。還有特登從鹿兒島及在日的朋友來探我 ，我真心覺得好開心。❤️

今年嘅Best Buy，不得不提一定係我最新嘅作品貓店長ねむみちゃん！佢一出動真係吸引左唔少貓粉絲埋嚟睇我嘅作品。另外一定係「奴滅の刃」系列，個個都會埋嚟告訴我佢好喜歡邊個角色， 實在太令人感動同興奮！🥰抽卡的環節更加令到大家尖叫起來。真係好激動呀！🤣

每位客人嘅一句「可愛い！」　、「すごい！」　都好似為我嘅創作打咗一支好大強心針💪🏻。由於自小就對自己嘅創作唔係太大信心，從來都冇諗過自己創作會有人會課金購買。所以今次呢兩日展覽嚟買入我創作嘅朋友。准許我喺呢度由衷講一次「真係好多謝你哋🙏🏻🙇🏻‍♀️。 感激。我一定會繼續努力下一年你哋記得要嚟探我呀！😊」。

最後，我當然要感謝返幫助我嘅人。 首先要感謝「にゃんこ博覧会2026」俾我嘅安排，佢哋嘅工作人員都好細心，而且好有禮貌，所有嘢都安排得好清楚，令到我同佢哋之間打破咗語言嘅障礙。🙇🏻‍♀️
接著一定要感謝安保先生及安保太太。多得佢哋嘅介紹令到我認識呢個展覽，而且每一次我過嚟嘅時候佢哋都負責幫我收信件。幫我將重要嘅訊息傳遞俾我，而且每一次見面都會送好大份禮物俾我，又請我食一餐好好味嘅晚飯。 下次你哋嚟香港，我一定要好好咁招待你哋。🙇🏻‍♀️
最後一定要感激我呢位全球最貼心嘅日語翻譯員Kev Sen（要翻譯真係要搵佢，100分）, 每一次佢都會幫我手set場，用盡力幫我去翻譯日語，將我嘅創作原意，用說話傳給大阪嘅粉絲。呢種咁落心落力嘅幫忙，我係唔會忘記嘅。 返香港好好休息之後再請你食餐勁嘅。🙇🏻‍♀️

最最最後 ，我要好好感謝自己，用盡自己嘅努力將我嘅創作發揮出來。盡力用自己嘅力去發光發亮。過程一點都不容易，但我經歷其中。感謝宇宙一早就給我有創作嘅能力，讓我好好發揮。🙏🏻❤️🙇🏻‍♀️🥰

好啦，我太長氣了，總之有緣的話，下年再見！👋🏻🙏🏻

#大阪 #にゃんこ博覧会
#ネコ

06/05/2026

遺憾

02/05/2026