21/08/2026
ONÈ, RESPÈ LASOSYETE!
CHITA KOZE AK DÒK SHEILA
NOUVO SERI SOU SANTE
Apati semèn pwochèn, Chita Koze Ak Dòk Sheila ap kòmanse prezante yon seri ti videyo sou diferan sijè ki gen rapò ak sante.
Chak videyo ap dire anviwon 5 minit, pou nou ka pran sijè yo ti kras pa ti kras, nan yon fason ki senp, klè, epi fasil pou konprann.
N ap separe chak sijè an plizyè ti pati, konsa nou ka pran tan nou pou nou pale sou diferan aspè enpòtan san nou pa mete twòp enfòmasyon nan yon sèl videyo.
POU PREMYE SERI A, NOU PRAL PALE SOU:
PERIMENOPÒZ AK MENOPÒZ
Nou pral pale sou sa k ap pase nan kò fanm pandan perimenopòz ak menopòz, sentòm ki ka parèt, chanjman òmonal yo, ak lòt enfòmasyon enpòtan pou ede nou konprann etap sa yo pi byen.
SERI SA A PA POU FANM SÈLMAN!
Li enpòtan tou pou gason konprann sa k ap pase nan kò fanm ki nan lavi yo — kit se madanm yo, mennaj yo, manman yo, sè yo, zanmi yo, oswa lòt fanm yo renmen.
Lè nou konprann chanjman yon moun ap travèse, sa ka ede nou gen plis pasyans, konpreyansyon ak sipò pou li.
Se poutèt sa, mesye yo envite tou! Vini aprann avèk nou. Sante fanm pa sèlman yon sijè pou fanm.
KI LÒT SIJÈ SOU SANTE OU TA RENMEN MWEN PREZANTE?
Ekri sijè ou ta renmen an nan kòmantè yo. Kesyon ak sijesyon nou yo ap ede m chwazi lòt sijè pou Chita Koze Ak Dòk Sheila.
Patisipe! Opinyon ou enpòtan pou sante nou tout.
Dr. Sheila Mary, ND, MD, MPH
Chita Koze Ak Dòk Sheila
Makaya Health Center
www.makayahealthcenter.com
