05/06/2026
Ann fè yon ti pale de maladi ki rele pyè nan ren an.
Like&abòne&kòmante pataje tèks lan pou plis moun ka genyen konesans desa.
Kisa pyè nan ren an ye?
Se yon konpoze solid ki tankou ti wòch ki al fòme nan ren an ou byen nan kanal ki relye ren an ak vesi an sa nou rele uretère an.
Gwosè yo varye e pi souvan yo gen kalsyòm ou byen asid irik nan konpozisyon yo.
Maladi sa ou jwenn li plis lakay gason ke lakay fi,e li fòme pi souvan nan epòk chalè an ete.
Lè yon pyè al bloke nan youn nan kanal ki relye ren an ak vesi an,sa vin anpeche ou byen ralanti pasaj p**i an alòske ren an kontinye ap prodwi p**i,lè p**i sa yo vin twòp,yo pral fè yon gwo presyon sou pyè an,sa pral deklanche sentòm pyè nan ren an.
Kisa ki koz pyè nan ren an?
Gen divèz koz ki ka pèmet fòmasyon pyè an.
-Yon enfeksyon irinè kronik.
-Yon dezidratasyon,se koz prensipal lan.
-Manje konsèv tankou sosis,janbon,somon,pwason sale.
-Aspè jenetik,se lè yon manb nan fanmiw te fèl deja.
-ipètansyon
-Yon malfòmasyon anatomik nan ren an.
-Kèk maladi tankou:sik,obezite,yon dyare kronik,maladi de Crohn,hypèparatiroid.
Diferan tip pyè selon konpozisyon yo?
-Pyè a kalsyòm (ozalat de kalsyòm ou fasfat de kalsyòm) ki reprezante 80% ka yo.
-Pyè avèk asid irik 20% nan ka yo.
Ki siy ak sentòm li?
Pi souvan li manifeste pa yon gwo doulè yo rele kolik nefretik ki gen karakteristik pwòp ak li menm.
-Doulè sa sitiye swa nan do ou byen sou kote vant lan,li konn travèse anba vant lan,rive jis nan pati jenital lan,si se yon gason li kapab santi doulè an nan boul grenn li tou(testikil),si se yon fi li ka santi doulè an nan bouboun li.
-Doulè an kòmanse pi souvan pandan moun nan ap p**i e li vini britalman.
-Doulè sa talman atwòs ke yo konsidere kòm 3em doulè ki pi di,entansite doulè sa pafwa depase entansite doulè yon akouchman.
-Doulè a konn akonpanye ak anvi vomi, vomisman san nan p**i,anvi fè p**i de tanzantan(pollakiurie),fyèv,doulè pandan wap p**i,transpirasyon.
-li vini pa epizòd,chak kriz ka dire ant 10 minit jiska plizyè è.
Ki trètman yo fè pou maladi sa?
Se yon ijans medikal,priyorite an se soulaje doulè an epi evakye pyè an.
Premye sa poun fè,kontreman ak sa yo konn konseye nou,pa kite moun nan bwe dlo anpil,mwens ke 1 lit dlo pa jou,pou diminye presyon p**i an.
Dezyèm sa poun fè se kouri ale avèl lopital.
-Doktè a pral mete sou analjesik pou kalme doulè an.
-Nan 10 a 20% nan ka pyè nan ren yo,yon operasyon konn enpotan pou retire wòch ki twò gwo yo.
Gen kèk manje ki ka ede ou byen soulajew tankou.
-manyezyòm,yo remake li ka evite fòmasyon kalkil yo pa plizyè fason.
Prevansyon kont pyè nan ren?
1)Bwè anpil dlo 2 jiska 3 lit dlo pa jou pou diminye fòmasyon pyè an.
2)Pratike egzèsis fisik.
3) Manje anpil fwi ak legim.
4)Verifye medikaman wap pran yo,paske gen medikaman ki konn ogmante risk lan.
-Redwi konsomasyon proteyin.
Evite kèk manje.
-Si se pyè okzalat tankou chokola,kafe,thé,diminye sou kantite kalsyòm wap pran chak jou.
-Pyè asid irik,tankou somon,fwa,vyann wouj ke nap manje.
-Epi si nou abitye gen kriz la nou dwe evite,epina,seleri,bètrav,frez,nwa,manba.
Kisa li ka bay kòm konplikasyon ?
An jeneral, konplikasyon yo ra depi moun nan sou trètman.
Men nan ka kontrè an.
-Ka gen yon enfeksyon ki devlope.
-Li ka gen repèkisyon sou ren an.
Like pataje tèks lan.
Dr.Prud'homme
Klike sou linck lan pou abòne.
https://www.facebook.com/share/18wmmTeZ9X/
