Doc Orismé

03/04/2026

11 avril 2026 ap fè nou 4 lane depi n ap bay popilasyon an swen nan domèn iwoloji. Nou envite w selebre ak nou pandan w ap pwofite de espesyal nou yo. Kontakte n pou plis enfòmasyon.

08/03/2026

01/01/2026

222 lane depi zansèt yo te ban n libète fizik la. Li lè, li tan, pou n libere lespri n pou n ka vanse tout bon.

01/01/2026

Bon lane 2026 nan lanmou, lapè, tèt ansanm ak respè youn pou lòt 🙏🏿🙌🏿.

17/12/2025

Sa toujou deranje m chak fwa m nan obligasyon pou m retire testikil yon gason sitou si se yon jèn gason. Jodi a m vin pale nou de maladi sa ki rele "Torsion testiculaire". Se yon ijans chirijikal li ye. Sa vle di yon moun ki genyen l dwe opere an ijans.

Maladi sa rive lè kòd ki kenbe tiyo k ap pote san nan testikil yo tòdye. Sa lakòz tiyo k ap pote san nan testikil yo bloke. Nòmalman se san ki dwe pote oksijèn nan ògan yo. Lè yon ògan pa jwenn san li an soufrans.

Maladi sa rive pi souvan kay ti gason ki fenk fèt oubyen ki nan laj adolesans. Nou jwenn plis ka nan peryòd li fè frèt anpil.

Sentòm prensipal la se gwo doulè nan testikil la. Se yon doulè ki fè moun nan pa gen kote pou l mete kò l. Depi nou ta remake yon pwòch nou gen kalte doulè sa nan testikil li, fè l wè yon iwològ prese prese.

Tretman an se operasyon an ijans pou sove testikil la. Si moun sa fè plis ke 6èd tan san li pa gentan wè yon iwològ, posibilite pou sove testikil la fèb anpil. Aprè 24è, li prèske enposib pou sove testikil la.

Lè ka sa yo prezante, wè yon iwològ an ijans se priyorite a.

JSO.
17/12/25

10/12/2025

Dènye jou sa yo mwen resevwa plizyè pasyan ki gen enfeksyon nan kanal p**i yo. Majorite nan yo gen ekoulman. Sa vle di gen yon likid k ap sòti nan kanal p**i a. Pi souvan li jòn oubyen blanch. Enfeksyon sa fè pati de yo. Sa vle di maladi moun pran nan fè bagay.

M vle atire atansyon nou sitou mesye yo sou youn nan konsekans grav enfeksyon sa ka bay pi devan. Se sa yo rele oubyen . Se lè kanal p**i a bouche nèt. Lè sa ni p**i ni spèm pa p ka pase. Nan ka sa yo nou menm Iwològ oblije fè yon pou pasyan an. Sa vle di nou mete katetè a anba vant li pou p**i ka pase. Men solisyon final la se operasyon. Konplikasyon sa gen konsekans tou sou fètilite gason an. Si l pa opere pou kanal la debouche li pa p ka fè pitit.

M konseye mesye yo pwoteje tèt yo. Sitou nou nan mwa desanm. Se fèt, se plezi ! Evite tout eksè. Yon minit refleksyon ka evite yon pakèt dega pi devan.

05/12/2025

Yon papa ki mennen pitit li(yon adolesan 17 lane) vin konsilte.

Mwen: Bonjou, mwen se Doktè Orismé. Pou ki rezon ou vin nan konsiltasyon maten an? Ki sentòm ou genyen?

Adolesan an: Mwen gen yon semèn depi m ap bay yon likid vèt nan peni mwen.

Mwen: Ou te gen rapò san pwoteksyon?

Adolesan an: Non. Se frape m frape pandan m t ap jwe baskèt ki fè sa rive.

Mwen: Ok ! Eben pwochèn fwa ou pral jwe baskèt sonje mete pwoteksyon🥹😂😂😂😂😂.

10/11/2025

Espesyal operasyon sa yo ap kontinye pandan tout mwa novanm lan. Kontakte n pou plis enfòmasyon. "Uroclinique" se referans lan.

12/10/2025

Mesaj Ministère de la Santé Publique et de la Population

M pa gen okenn dwa sou videyo sa.

03/10/2025

M pa gen okenn dwa sou videyo sa....