05/03/2026
Pale madanm
Yo te aprann nou goumen pou kenbe gason, n ap aprann pitit nou goumen pou kenbe diyite yo, pou yo pa rete kote yo pa respekte yo!
Yo te aprann nou pran swen gason, n ap aprann pitit nou pran swen tèt yo (fizikman ak mantalman).
Yo te aprann nou kouri dèyè maryaj, n ap aprann pitit nou kouri dèyè rèv yo.
Yo te aprann pitit nou pa gad granmoun nan je, n ap aprann pitit nou kape pou sa yo kwè: pale, denonse, di sa yo panse, pa janm mache tèt bese.
Yo te aprann nou pitit se byen malere, n ap aprann pitit nou edikasyon se pi gwo byen yo paske se yonn nan bagay moun pa ka retire nan men yo lè yo genyen l, se konesans li! Donk y a fè pitit si yo vle/lè yo pare!
Yo te aprann nou kè n fèt ak kanè bank nou, pou n chache yon gason pou leve n atè a, n ap aprann pitit nou fè biznis, konstwi anpi, pran kontwòl lavi yo. N ap fè edikasyon finansyè yo pou yo ka gen pouvwa ekonomik.
Yo te leve ti gason nan jenerasyon n yo tankou ti kòk, nou menm n ap leve pitit gason n tankou MOUN!
Nou pa p pase eritaj twomatik la bay pitit nou.
N ap chanje naratif la!
