15/02/2026
HORTI INDICI MALABARICI യുടെ ഒന്നാം വാല്യത്തിൽ ആദ്യമായി പരാമർശിക്കുന്ന വൃക്ഷം തെങ്ങാണ്. മലയാള ഭാഷ ഉരുത്തിരിഞ്ഞു വരുന്ന കാലമായിരുന്നു പതിനേഴാം നൂറ്റാണ്ടു എന്നതിനാൽ ചന്ദ്രക്കല പ്രചാരത്തിലില്ലായിരുന്നു എന്നതിന് തെളിവായി ഭാഷാ പണ്ഡിതന്മാർ ഇതിലെ തേങ്ങ എന്ന പ്രയോഗത്തെ നോക്കി കാണുന്നുണ്ട്.
ബ്രാഹ്മണ ഭാഷയിൽ MADO എന്ന് അറിയപ്പെടുന്ന തെങ്ങു ഉയരത്തിൽ ഒറ്റ തടിയായി മണൽ ഉള്ള മണ്ണിൽ വളരുന്ന വൃക്ഷമാണ് എന്ന് തുടങ്ങുന്ന വിവരണത്തിൽ തെങ്ങിന്റെ ഓരോ ഭാഗങ്ങളുടെയും മച്ചിങ്ങയുടെയും കരിക്കിന്റെയും തേങ്ങയുടെയും ചിരട്ടയുടെയും മറ്റും സവിഷേതകളും മദ്യം വിനാഗിരി ഇയാഗ്രാ എന്ന ചക്കര എന്നിവ ഉണ്ടാക്കുന്ന സൂരി അതായതു കള്ള് ചേകോർ അതായതു ഈഴവർ ചെത്തിയെടുക്കുന്ന വിധവും തേങ്ങാ മുളക്കുന്ന രീതിയും എല്ലാം വിശദമായി പ്രതിപാദിച്ചിരിക്കുന്നു.
