15/05/2022
حملة مهمة جدا .. اذا كنتم حابين تكونون جزء منها، فشارك كمتطوع من خلال الرابط الي بالمنشور 🌿
تخيلوا حياتنا بدون أشجار 🌳!
هذا السيناريو صعب نتخيله لأنه ميصير فجأة وبدون سابق إنذار، وإنما تدريجياً وإحنة مستمرين بحياتنا طبيعي؛ فلمن يومياً نشوف الممارسات الخاطئة بالشوارع وإهمال المزروعات وإيذائها بالتلوث وغيره، والمباني الضخمة اللي دتمحي أراضي زراعية واسعة، وقلة الوعي بأهمية المساحات الخضراء بمنازلنا والمناطق السكنية، وتشجيعنا على زيادة المشاريع الاستهلاكية بدون تخطيط أو مراعاة للبيئة بالإضافة لعدم الإستقرار السياسي والقرارات التنفيذية للمشاريع، معناها المشكلة دتكبر كَدامنا بتدخلنا أو بدونه. سكوتنا، راح يصعب الموضوع لأن كل ما تقدمت السنين راح نحتاج مبالغ وموارد عملاقة حتى ننقذ أرضنا.
لازم نشكر الطبيعة لأن دتستغيث بينا وتذكّرنا؛ فبسبب الإنذار اللي أطلقته بآخر أشهر، بدينا كلنا ننتبه على آثار هذه المشاكل العميقة والممارسات الخاطئة اللي استمرت لسنين طويلة وزودتها عوامل خارجية هواية وبدت هواية نشاطات فردية ومدنية تتحرك حتى تساهم بظل هذه الأزمة.
ولرفع مستوى الوعي بين أصحاب المصلحة والمجتمعات بشأن الإجراءات اللي لازم تُتخذ للتحرك وتجنب الكوارث المرتبطة بالتصحر، تطلق المحطة حملة 🌱 لمكافحة التصحّر والتوعية والتشجيع على أهمية التشجير والدفع باتجاه تطبيق قوانين تصب باتجاه تفعيل مشروع الحزام الأخضر خلال مدة زمنية معلومة. راح تضم هذه الحملة عدد من المختصين والناشطين البيئيين والمؤثرين، وأنشطة على أرض الواقع وحلقات نقاشية راح تعرفون تفاصيلها بالأيام الجاية.
لكل فرد من عدنا دور يلعبه لأن المستقبل هو مستقبلنا كلنا ومستقبل أطفالنا!
المنظمات والمجموعات اللي حابين يساهمون بحملة "لونها بالأخضر 🌱" ويكونون جزء منها، يرجى التواصل مع: [email protected]
الأفراد الراغبين بالتطوع والمساهمة بأنشطة حملة "لونها بالأخضر 🌱"، قدموا من خلال الاستمارة: https://forms.gle/kn222xEeahkMjFm4A
#تشجير #زراعة
