الدكتور مصطفى البهادلي ::: Orthopedic

  • Home
  • Iraq
  • Baghdad
  • الدكتور مصطفى البهادلي ::: Orthopedic
Call Website

الدكتور مصطفى البهادلي ::: Orthopedic عيادة مختصة بعلاج وجراحة العظام والمفاصل والكسور
والعمود الفقري والاصابات الرياضية المعقدة والقدم السكري

04/10/2026

تحس بسمار بالكعب اول ما تكعد من النوم وتحاول تمشي؟

والألم يخف بعد ما تمشي شوية، ويرجع بعد الوقوف أو المشي الطويل.

هذي من أشهر علامات التهاب اللفافة الأخمصية، بس لا تخاف لان علاجها يبدأ بتمارين الإطالة، تغيير الحذاء، وتقليل الحمل على القدم.

بس إذا الألم صار يومي أو استمر فترة طويلة، لا تعتمد على المسكنات وحدها… لان اكتشافك للسبب هو اول خطوة للعلاج…

03/10/2026

من تقدم نصيحة طبية لازم تكون مطبقها بحذافيرها قبل لا تحجيها
هواي سألوني بالريل الي انتشر انتشار قوي
عن كوني اتمرن لو لا وهذا الجواب الهم
الدكتور مصطفى البهادلي
اختصاصي جراحة العظام والكسور والطب الرياضي…

03/10/2026

مو بس العضلات، العظم كذلك يتأقلم ويا الجهد… وكلما تعرض لتمارين مقاومة وحمل بشكل منتظم، الجسم يحفّز بناءه ويحافظ على كثافته أكثر.

أما قلة الحركة لفترات طويلة، فممكن تضعف العظم مع الوقت وتخليه أكثر عرضة للكسر.

يعني التمرين مو بس يبني عضلاتك…
يبنيلك عظم أقوى هم

02/10/2026

مشكلة ممكن تكون موجودة بجسمك… وأنت أصلاً ما تدري بيها…

مرات تبين بالصدفة بالرنين وما تسبب أي أعراض، بس مرات إذا ضغطت على العصب راح تخرب كل يومك فتسبب ألم ينزل للرجل، تنميل، أو ضعف.

واللي هي الانزلاق الغضروفي.

والمهم: وجودها بالصورة او الرنين وحده مو معناها تحتاج عملية…
الأعراض والفحص هم اللي يحددون العلاج المناسب…

30/09/2026

مو كل شي يصير بعد الإبرة يعني صار بسببها.

الشلل المفاجئ إله أسباب كثيرة ومهمة، مثل الجلطة الدماغية أو مشاكل بالأعصاب والعمود الفقري، ولازم ينفحص بسرعة حتى نعرف السبب الحقيقي.

أما إبرة المفصل نفسها، فإذا انحقنت بالمكان الصحيح، وعن طريق مختص فـ الشلل مو من مضاعفاتها ابداً لان الابرة مراح توصل للحبل الشوكي...

29/09/2026

تحب تكعد بالگاع لفترات طويلة؟ 🧎🏻‍♂️

المشكلة مو بالگاع نفسها… المشكلة إذا تبقى ساعات بوضعية تثني الركبة والورك وتحمّل المفاصل حمل أكثر من اللازم.

هذا الشي ممكن يزيد ألم الركبة، يسبب تيبّس، ويصعّب النهوض خصوصاً عند كبار السن أو اللي عندهم خشونة.

القاعدة بسيطة: لا تتعود عليها لان اذيتها تراكمية… 🦴

28/09/2026

التدخين مو بس يأذي الرئة والقلب… أكو ضرر ثاني هواي ناس ماتنتبه اله

مع الوقت، يأثر على تروية الأنسجة، يبطّئ التئام الكسور، وممكن يخلي نتيجة بعض عمليات العظام أضعف.

والاسوء؟
(التدخين) واحد من العوامل اللي تزيد خطر هشاشة العظام.

#التدخين

27/09/2026

هاي العظمة يم إبهام القدم مو بس تغيّر شكل الرجل… ممكن حتى تخليج تلبسين حذاء أعرض أو أكبر من المعتاد.

إذا الانحراف صار واضح ومسبب ألم أو ضايقج بالحذاء، العلاج ممكن يرجّع شكل مقدمة القدم ويقلل عرضها، ولهذا بعض المرضى يلاحظون أن الحذاء يصير أريح وأصغر عليهم.

بس اكيد مو كل حالة تحتاج عملية، والقرار يعتمد على درجة الانحراف والأعراض…

26/09/2026

اذا عندك الم بركبتك هواي راح تفيدك هاي المعلومة

لأن بعض الحالات ممكن تنحل بعلاج أبسط، وحتى أحياناً بحقنة داخل المفصل حسب سبب الألم ومرحلة الخشونة.

بس المهم مو تختار الإبرة من نفسك… المهم تعرف شنو سبب الألم أولاً، لأن مو كل ركبة يناسبها نفس العلاج. 🦴💉

25/09/2026

لأن الوزن الزايد ممكن يزيد الحمل على المفصل، يصعّب العملية والتأهيل بعدها، ويرفع بعض مخاطر المضاعفات.
راح نصر عليك ان تنزله…

لان نزول الوزن قبل العملية يكون جزء من العلاج نفسه… حتى تدخل للعملية بفرصة أفضل ونتيجة أحسن. 🦴

Address

العراق/بغداد/الطوبجي/تقاطع الفراشة/مجمع نور القمر
Baghdad
10001

Opening Hours

Monday 16:00 - 20:00
Tuesday 16:00 - 20:00
Wednesday 16:00 - 20:00
Thursday 16:00 - 20:00
Saturday 16:00 - 20:00
Sunday 16:00 - 20:00

Telephone

+9647807818502

Website

Alerts

Be the first to know and let us send you an email when الدكتور مصطفى البهادلي ::: Orthopedic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category