https://youtube.com/channel/UC-t2wHuvcNFrHRnP_TJsn6A

نۆرینگەی پەرستاری گشتی دڵشێر ڕۆژبەیانی, Irbil (2026)

23/05/2026

بۆچی هه‌ندێك چاره‌سه‌ری (شه‌كره‌ ) دكتۆر ده‌ڵێت پێویسته‌ پێش نان خواردن وه‌ربگیرێت وه‌ هه‌ندێكی تر دوای نان خواردن ؟

چونكه‌ به‌شێكیان وه‌ك Metformin میكانیزمی كاركردنیان كارناكاته‌ سه‌ر ده‌ردانی ئه‌نسۆلینی له‌ش , به‌ڵكو خۆی هانی خانه‌كانی ده‌دات گلوكۆز هه‌ڵبمژن , هه‌روه‌ها ده‌بێته‌ هۆی كه‌مكردنه‌وه‌ی به‌رمهێنانی شه‌كر له‌لایه‌ن خانه‌كانی جگه‌ره‌وه‌ , وه‌ ده‌بێته‌ هۆی كه‌مكردنه‌وه‌ی هه‌ڵمژینی كاربۆهایدره‌یت له‌ ڕیخۆڵه‌كاندا , بۆیه‌ باشتره‌ له‌ كاتی نان خواردن یان دوای نان خواردن وه‌ربگیرێت.

به‌ڵام به‌شێكی تریان وه‌ك Amaryl هه‌ڵده‌ستن به‌ چالاكردنی خانه‌كانی په‌نكریاس ( beta cells ) بۆ ده‌ردانی ئه‌نسۆلین بۆیه‌ باشتره‌ له‌ پێش نانخواردن به‌ نیو كاتژمێر وه‌ربگیرێن بۆ ئه‌وه‌ی ئه‌نسۆلینی له‌ش به‌رز بكه‌نه‌وه‌ و ئاماده‌ی بكه‌ن بۆ ئه‌و گلوكۆزه‌ی
كه‌ له‌ خواردن دا ده‌رده‌چێت .

08/05/2026

هه‌وكردنی ڕیخۆڵه‌ كوێره‌ چییه‌ ؟

07/05/2026

(‎ نیشانە باوەکانی بەرزی پەستانی خوێن )
‎بەرزی پەستانی خوێن نیشانەیەکی دیاری نییە هەر بۆیە پێی دەوترێت بکوژی بێدەنگ
‎نیشانە باوەکانی بریتین لە
‎ئازاری سەر -
‎تەڵخی چاو -
‎ئازاری سنگ -
‎هەناسە کورتی -
‎سەرگێژی -

(‎ الأعراض الشائعة لأرتفاع ضغط الدم )
‎ارتفاع ضغط الدم يُعرف أحيانًا بالقاتل الصامت، لأنه غالبًا لا يُسبب أعراضًا واضحة، لكن بعض العلامات التي قد تشير إلى ارتفاعه تشمل
‎ • صداع
‎ • ضبابية العينين
‎ • ألم في الصدر
‎ • ضيق في التنفس
‎ • الدوخة

———————————————————————

05/05/2026

فریاگوزاری خێرا بۆ خوێنبەربوونی لووت 🩺💡

زۆربەمان کاتێک لووتمان خوێنی لێ دێت، سەرمان بۆ دواوە بەرز دەکەینەوە، بەڵام ئەمە هەڵەیە و دەبێتە هۆی چوونی خوێن بۆ ناو قوڕگ و گەدە!

هەنگاوە ڕاستەکان ئەمانەن:

1️⃣ دانیشتن و لاربوونەوە بۆ پێشەوە: کەمێک سەرت بۆ پێشەوە بچەمێنەرەوە (نەک بۆ دواوە).🧘‍♂️ 2️⃣ گوشینی بەشە نەرمەکەی لووت: بۆ ماوەی ١٠ خولەک بە بەردەوامی بە پەنجەکانت لووتت بگرە و مەیکەرەوە. ⏱️
3️⃣ هەناسەدان بە دەم: لەو ماوەیەدا تەنها بە دەم هەناسە بدە. 👄💨
4️⃣ بەکارهێنانی سەهۆڵ: پارچەیەک سەهۆڵ بخەرە سەر بەشی سەرەوەی لووت (ئێسکەکە) بۆ ئەوەی دەمارەکان گرژ ببنەوە. ❄️

⚠️ چی نەکەین؟

📍 سەرت بۆ دواوە مەبەرە.
📍 دوای ڕاوەستانی خوێنەکە، هەوڵ بدە بۆ چەند کاتژمێرێک پەستان نەخەیتە سەر لووتت.

✨ کەی پێویستە سەردانی پزیشک بکەیت؟

ئەگەر خوێنەکە لە ٢٠ خولەک زیاتری خایاند و ڕانەوەستا، یان ئەگەر بەهۆی لێدانێکی بەهێزەوە بوو، پێویستە پزیشکی پسپۆڕ بە ناوبین (ناظور) پشکنین بکات بۆ دۆزینەوەی سەرچاوەی خوێنەکە و چارەسەرکردنی. 🩺🔍

هیوای تەندروستییەکی باش بۆ هەمووان. ✨

-----------------------------------------------------

03/05/2026

نیشانه‌كانی حه‌ساسیه‌ت بریتین له‌:
١- خوران
٢- پژمین
٣- سووربوونه‌وه‌
٤- ئاو هاتن له‌ لووت و چاو
٥- تا
٦- گرانی هه‌ناسه‌دان

29/04/2023

( Vital signs )
نیشانە گرینگەکان
‎
نیشانە گرنگەکان بریتین لە کۆمەڵێک نیشانە پزیشکییە گرنگەکان کە ئاماژەن بۆ دۆخی ئەرکە گرنگەکانی جەستە. ئەم پێوانانە بۆ یارمەتیدان لە هەڵسەنگاندنی تەندروستی جەستەیی گشتی کەسێک، پێدانی ئاماژە بۆ نەخۆشییە ئەگەرییەکان و نیشاندانی پێشکەوتن بەرەو چاکبوونەوە ئەنجام دەدرێن.

ئەمانیش بریتین لە..

Body temperature (پلەی گەرمی جەستە)
Heart rate (لێدانی دڵ )
Respiratory rate (هەناسەدان )
Blood pressure (پەستانی خوێن )
SPO2 (ڕێژەی ئۆکسجین )

ڕێژەکانیان بۆ کەسێکی تەندروست پێویستە بەم جۆرە بن..

پلەی گەرمی ئاسایی( ۳٦،٥_۳۷.٥ )

لێدانی دڵ بۆ کەسێکی پێگەشتوو (٦٠_۱٠٠) لێدانە لە دەقەیەکدا

هەناسەدان بۆ کەسێکی پێگەشتوو (۱۲_۲٠) لە دەقەیەکدا

پەستانی خوێنی ئاسایی (۱۲٠/۸٠)

ڕێژەی ئۆکسجین (۹٥٪_۱٠٠٪)

18/03/2023

جیاوازی چییە لەنێوان کرێم و مەرهەم؟

کرێم(Cream):
♦چڕی کەمترەو بەئاسانی بڵاو دەبێتەوە بەناوچەیەکی فراواندا.
♦لەبەر ئەوەی ئاوی زۆرە زیاد لە (۲۰٪)ی پێکهاتەکەیەتی زوو وشک دەبێتەوە ، باشتر وایە بۆ پێستی چەور بەکاربهێنرێت.
♦بەکاردێت تەنها بۆ چینی دەرەوەی پێست ، بێجگە لەهەندێک کرێمی داخیلی ئافرەتانە.
♦کرێم زیاتر لەسەر چینی سەرەوەی پێست ئیش دەکات.
♦کرێم زووتر بەئاو لادەچێت.

مەرهەم(Ointment):
♦چڕی زۆرە بەئاسانی بڵاونابێتەوە بەناوچەیەکی فراواندا.
♦درەنگ وشک دەبێتەوە ، باشتر وایە بۆ پێستی وشک بەکاربهێنرێت..
♦بەکاردێت بۆ پێست و ڕووکاری ناوەوەی لەش(ناودەم ، پێڵوی چاو...)
♦مەرهەم هەڵدەمژرێت بۆ چینەکانی تری ژێرەوەی پێست.
♦مەرهەم درەنگتر بەئاو لادەچێت چونکە چەورترە.

30/01/2023

هۆكاره‌كانی سوربوونه‌وه‌ی چاو

1- توشبوونی پێڵوەکانی چاو بە هەوکردن بەهۆی پاک ڕانەگرتنی ڕووخسارەوە.

2- نەگەشتنی ئۆکسجینی پێویست بە خانەکانی چاو، ئەمەش دەبێتە هۆی هەڵئاوسان و سوربوونەوە.

3- وشکی ژینەگەی چواردەوری کەسەکە.

4-مانەوە لە بەردەم خۆردا بۆ ماوەیەکی زۆر.

5- لاوازبوونی سیستەمی بەرگری جەستە.

6-بەکارهێنانی لە ڕادەبەدەری ئەو ڕووبینانەی ڕووناکی دەدەنەوە وەک مۆبایل و ئامێرەکانی کۆمپیوتەر.

7- کۆکەی زۆریش دەبێتە هۆی سووربوونەوەی چاو.

14/01/2023

زیانەکانی خواردن گەرمکردنەوە

سەرەتا
هەندێک لە خۆراکەکان دوای دووبارە گەرمکردنەوە زنجیرەیەک ماددەی ژەهراوی و مەترسیدار بەرهەمدەهێنن کە مەترسیدارن بۆ لەش، زۆرجار خۆراکە ماوەکان دادەنێن تا بیبەستێت و دواتر گەرمی دەکەنەوە، هەرچەندە لە هەندێک حاڵەتدا ئەمە کێشە نییە، بەڵام هەندێک جار مەترسی لەسەر تەندروستی خەڵک دروست دەکات، بە ووتەی پسپۆڕان، هێشتنەوەی پاشماوەی خۆراك و دووبارە گەرمكردنەوەی مەترسی گەورە لەسەر لەش دروست دەكات، ڕاستییەکە ئەوەیە کە هەندێک خۆراک دوای گەرمکردنەوە هیچ بەهایەکی خۆراکییان نییە. لێرەدا باسی ئەو خواردنانە دەکەین کە نابێت گەرم بکرێنەوە و زیانیان هەیە.

ئەو خواردنانەی کە نابێت گەرم بکرێنەوە
گەرمکردنەوەی پەتاتە: ئەم خۆراكە بەهای خۆراكی بەرزی هەیە و بۆ لەش بەسوودە، بەڵام ئەگەر پەتاتە بۆ جاری دووەم گەرم بكرێتەوە بەهای خۆراكی لەدەست دەدات و ژەهر لە لەشدا دروست دەكات.
گەرمکردنەوەی سپێناخ: دووبارە گەرمکردنەوەی سپێناخ دەکرێت زۆر مەترسیدار بێت، ئەم سەوزەیە ڕێژەیەکی بەرزی نیتراتی تێدایە، کە دوای دووبارە گەرمکردنەوە دەگۆڕێت بۆ نیتریت، کە دەبێتە هۆی شێرپەنجە، دوای کوڵاندنی سپێناخ ڕاستەوخۆ بیخۆ.
گەرمکردنەوەی مریشک: خواردنی گۆشتی مریشک دوای یەک ڕۆژ مەترسیدار دەبێت هەرچەندە ڕەنگە مریشک گەرمکردنەوە نەبێتە هۆی ژەهراویبوونی خۆراک، بەڵام پێشنیار ناکرێت، چونکە پێکهاتەی پرۆتینەکەی دەگۆڕێت و دەبێتە هۆی دروستبوونی کێشە لە کۆئەندامی هەرس، ئەگەر پێویست بوو باشترە بە پلەی گەرمی نزم و بە ماوەیەکی زۆر گەرم بکرێتەوە.
گەرمکردنەوەی قارچک: ئەم ماددە خۆراكییە یەكێكە لە ناسراوترین ئەو ماددانەیە كە نابێت لە هیچ بارودۆخێكدا بۆ جاری دووەم گەرم بكرێتەوە، چونكە پێكهاتەی پرۆتینەكەی دوای گەرمكردنەوە دەگۆڕێت، كێشەی كۆئەندامی هەرس بۆ كەسەكە دروست دەكات، ئەگەر پێویست بوو ساردی بەکاربهێنە.
گەرمکردنەوەی هێلکە: ئەم خۆراکە کاتێک پلەی گەرمی بەرزی بەردەکەوێت، ژەهر لە جەستەدا دروست دەکات، پێویستە ئاماژە بەوە بکرێت کە ئەمە ئەو خواردنانە ناگرێتەوە کە هێلکە لە پێکهاتەیاندا هەیە، دووربکەوەرەوە لە دووبارە گەرمکردنەوەی هێلکە.
گەرمکردنەوەی برنج: برنجی کوڵاو دەتوانێت بەهۆی بەکتریایەکەوە پیس ببێت، هەرچەندە ئەم بەکتریایانە بەهۆی گەرمیەوە دەتوانن بێ زیان بن، ئەگەر ناچار بوویت برنجەکە گەرم بکەیتەوە، دڵنیابە کە هەموو بەشێکی بەباشی گەرم ببێتەوە.
گەرمکردنەوەی شیری دایک و خواردنی منداڵ: هەرچەندە دەتوانرێت شیری دایک و خۆراکی منداڵ دووبارە گەرم بکرێتەوە، بەڵام نابێت لە مایکرۆوەیڤدا گەرم بکرێتەوە، بەپێی ئامۆژگاری پسپۆڕانی بواری خۆراک، مایکرۆوەیڤ دەتوانێت خۆراک بە شێوەیەکی نایەکسان گەرم بکات و لە ئەنجامدا خاڵی گەرم دروست بکات کە دەبێتە هۆی سووتانی دەم و قوڕگی منداڵ.
گەرمکردنەوەی خواردنی دەریایی: باشترە هەمیشە خواردنە دەریاییەکان بەتازەیی بخۆیت، ئەو خواردنە دەریاییانەی کە تازە گیراون، سەلامەتن بۆ گەرمکردن، بەڵام خواردنە دەریاییە کوڵاوەکان کە ماوەیەک لە پلەی گەرمی ژووردا دانراون، لەوانەیە بەکتریایان تێدابێت کە دەبنە هۆی نەخۆشییە گواستراوەکانی خۆراک، ڕەنگە دووبارە گەرمکردنەوە ئەم بەکتریایانە نەکوژێت. بەڵام زانینی ئەوەی کە پێشتر خواردنە دەریاییەکە چۆن هەڵگیراوە قورسە.
گەرمکردنەوەی خواردنی چەور: ئەگەر ڕۆنەکە زیاد لە پێویست گەرم بکەیت، دەکرێت هەڵمی ژەهراوی بەرهەمبهێنێت، ئەو خۆراکانەی کە چەورن و ڕۆنێکی زۆریان تێدایە نابێت لە مایکرۆوەیڤدا گەرم بکرێنەوە، چونکە گەرمی زۆر دەبێتە هۆی بەرهەمهێنانی ژەهری مەترسیدار، ئەگەر دەتەوێت گەرمی بکەیتەوە باشترە لەسەر ئاگرێکی کەم گەرمی بکەیتەوە یان بەهیچ شێوەیەک گەرمی نەکەیتەوە.
چەند خاڵێک کە دەبێت بزانن دەربارەی گەرمکردنەوەی خواردن
ئەگەر نیازت هەیە دوای کوڵاندنی خواردنەکە گەرمی بکەیتەوە، باشترە زوو ساردی بکەیتەوە، پێویستە ئەو خواردنەی کە دەتەوێت بیخەیتە ناو دەفرێکی داخراوەوە.
بۆ گەرمکردنەوەی خواردن، بەلایەنی کەمەوە بۆ ماوەی ٢ خولەک لە پلەی گەرمی ٧٠ پلەی سەدی گەرمی بکەرەوە، بەمەش بەکتریا زیانبەخشەکانی ناو خۆراکەکە لەناو دەچن.
دوای خواردنی هەندێک خۆراک، تەنها جارێک ڕێگات پێدەدرێت دووبارە گەرمی بکەیتەوە، ئەم بابەتە بۆ هەندێک خۆراک ناتوانرێت و دەبێتە هۆی ژەهراویبوونی خۆراکەکە.
بۆ گەرمکردنەوەی خواردنە سوورکراوەکان باشترە بیخەیتە ناو فڕنێکی گەرمەوە.

26/11/2022

قوڕگ ئێشه‌

(نیشانە، هۆکار و چارەسەری قورگ ئێشە)

هەوکردنی قورگ دەبێتە هۆی ئازار و خوران لە قورگ، حاڵەتەکە خراپتر دەبێت کاتێک شتێک قوت دەدەیت. دیارترین هۆکاری قورگ ئێشە و هەوکردنی، ڤایرۆسه‌ کە لە ئەنجامی سەرما و هەڵامەت دووچارمان دەبێت.

هەندێک جاریش، بەکتریا دەبێتە هۆی هەوکردنی قورگ.

هۆکارەکان

بەکتریا و ڤایرۆس

هەستیاریی (حەساسیەت)

هەوای وشک

جگەرە و هەڵمژینی ماددە کیمیاییەکان

ترشەڵۆکی گەدە

برینداربوونی قورگ بەهۆی خواردن

نیشانەکان

هەستی ئازار و خورانی قورگ

ئازارەکە زیاتر دەبێت کاتێک خواردن یان خواردنەوە قوت دەدەیت

سەختی قوتدانی خواردن

هەڵئاوسانی رژێنەکانی دەوری قورگ و چەناگە

هەڵئاواسان و سووربوونەوەی زمانە بچکۆلە

گۆڕانی دەنگ

کاریگەرییەکان

بەرزبوونەوەی پلەی گەرمی لەش

کۆکە

تەڕبوونی لووت

پژمین

ئازاری لەش

سەر ئێشە

رشانەوە و زیاد بوونی هەستی رشانەوە

چارەسەر

غەرغەرەکردن بە خوێیاو (ئاو و خوێ)

خواردنەوەی گەرم وەکو چای گەرم لەگەڵ هەنگوین، یان ئاوی گەرم لەگەڵ لیمۆ

شێدارکردن هەوا

خۆ دوورخستنەوەی لە خواردنە گازییەکان، جگەرە و کحول

خواردنی شتێکی سارد وەکو ئایسکرێم

پشوو بە قورگت بدە و ماندووی مەکە

تێبینی، ئەگەر دوای یەک هەفتە قورگ ئێشەکەت باش نەبوو، بەڵکو بووە هۆی هەناسە تەنگیی، پێویستە سەردانی پزیشک بکەیت.
P.B: Dlsher Rozhbayani

My canal in youtube: https://youtu.be/wrDH1d3SU_I

نۆرینگەی پەرستاری گشتی دڵشێر ڕۆژبەیانی

23/05/2026

08/05/2026

07/05/2026

05/05/2026

03/05/2026

29/04/2023

18/03/2023

30/01/2023

14/01/2023

26/11/2022

Address

Telephone

Website

Alerts

Shortcuts

Share

Category