Aqua Jóga

05/09/2026

💧✨ Slökun í vatni – fyrsti tími vetrarins ✨💧

Nú hefjum við veturinn aftur með kyrrð, hlýju og notalegri stund í vatninu.

Í Slökun í vatni færðu tækifæri til að staldra við, sleppa takinu á amstri dagsins og leyfa hlýju vatninu að bera þig. Saman slökum við á og njótum þeirrar einstöku tilfinningar sem fylgir því að svífa nánast þyngdarlaus í vatninu. 💙

Ég skapa rólegt og notalegt andrúmsloft með hlýju vatni, slakandi tónlist og öllu því sem þarf til að búa til góða stund fyrir líkama og huga.

Þátttakendur nefna meðal annars djúpa hvíld, minni verki, betri svefn og aukna innri ró sem ástæður þess að þeir koma aftur og aftur.

✨ Slökun í vatni er opin öllum
💧 Lánssett í boði hjá Aqua Jóga fyrir þau sem eiga ekki eigin búnað
💧 Stakur tími: 1.500 kr.
💧 Engin skráning – bara mæta

📅 Laugardaginn 12. september kl. 13:30
📍 Sundlaug Akurskóla, Innri-Njarðvík

Komdu eins og þú ert – leyfðu vatninu að bera þig og gefðu þér stund til að vera. 💙

Verið hjartanlega velkomin í Slökun í vatni með Aqua Jóga.

04/09/2026

✨ Slökun í vatni snýr aftur eftir sumarleyfi ✨

Fyrsti tíminn verður laugardaginn 12. september 💧

Ímyndaðu þér að sökkva mjúklega niður í ylvolgt vatnið, með róandi tónlist í bakgrunni og ljúfan frið sem umvefur þig.

Í Slökun í vatni ertu leidd/ur inn í kyrrð þar sem tíminn hættir að skipta máli. Vatnið tekur við þér, líkaminn verður léttari og þú færð rými til að sleppa tökunum, losa um spennu og einfaldlega vera.

Ég skapa rólegt og nærandi andrúmsloft þar sem þú getur hvílt þig, endurnært og notið þess einstaka léttleika sem þyngdarleysið í vatninu getur veitt. 🌿

Þátttakendur hafa lýst því hvernig stundirnar færa þeim meðal annars dýpri slökun, minni spennu, betri svefn og innri ró og margir koma aftur og aftur. 💙

🌿 Ef þú átt ekki þitt eigið flotsett færðu það að láni hjá Aqua Jóga
🌿 Allir eru velkomnir
🌿 Stakur tími: 1.500 kr.
📍 Sundlaug Akurskóla, Innri-Njarðvík, Reykjanesbæ

💧 Gefðu þér þessa stund.
Stund til að hægja á.
Stund til að sleppa.
Stund til að fljóta og njóta.

Hlakka til að taka á móti ykkur aftur í vatninu. 💙

04/09/2026

Heil og sæl,

Ég minni á að námskeiðin hefjast á morgun, laugardaginn 5. September

Æfingaáætlun hefur verið birt í Abler.io appinu, endilega sækið það til að fylgjast með.
Gott er að tilkynna mætingu eða forföll í appinu áður en tíminn hefst. (Mæti/mæti ekki)

Kennsla fer fram í Íþróttamiðstöð Akurskóla, Tjarnabraut 5, 260 Innri Njarðvík.

Foreldri/Foreldrar eða aðrir fullorðnir eru með barninu ofan í lauginni meðan á tímanum stendur.

Ég mun taka á móti byrjendahópum fyrsta daginn í anddyri íþróttahúss Akurskóla 5 mínútum áður en tíminn hefst og útskýra hvernig klefamálin ganga best fyrir sig.

Aðra hópa hitti ég á sundlaugarbakkanum.

Hvað þarf að hafa með:
Gott er að hafa barnið í sundfötum sem halda vel að lærum þess og/eða sundbleyju (þær fást m.a. í Nettó og Krónunni, Krambúð ofl).
Ég mæli með því að hafa með næringu fyrir barnið eftir sundið.
Einnig þarf að hafa með sundföt fyrir þau sem ætla með barninu ofan í laugina.

Verðmæti:
Geymið ekki verðmæti í klefum, þar sem ekki eru læstir skápar. Hægt er að geyma verðmæti á sundlaugarbakka, þar sem þau eru í augnsýn, hjá starfsmanni sundlaugar eða úti í bíl.

Ættingjar og systkini:
Til þess að námskeiðið gangi vel fyrir sig er ekki er æskilegt að systkini yngri en 9 ára komi með ofan í laugina en þau mega að sjálfsögðu horfa á með forráðamanni.
Ættingjar og vinir eru alltaf velkomnir að horfa á sundtíma, sæti eru við laugina.

Myndatökur:
Foreldrum og aðstandendum er velkomið að taka myndir í sundtímunum, bæði ofan í lauginni og af bakka og með þátttöku á námskeiðinu samþykkið þið myndatökur í sundtímum.
Kafmyndataka með ljósmyndara er í boði við lok námskeiðs, það er þó mælt með því að börn ljúki a.m.k. tveimur námskeiðum áður en þau fara í kafmyndatökuna. Verð fyrir hana er 8.000 kr. Nánar auglýst síðar.

Ef þið hafið einhverjar spurningar, ekki hika við að hafa samband

Hlakka til að sjá ykkur og krílin!

Besta kveðja, Jóhanna

04/09/2026

Haf Yoga Grensáslaug

04/09/2026

Mæli með jóga hjá Mörtu 🙏🏻

JÓGAÞJÁLFUN MEÐ MÖRTU EIRÍKS 💪💃😃💖
STERKARI LIÐUGRI ORKUMEIRI BJARTSÝNNI

Góðan daginn mín kæra 🥰
vildi bara láta þig vita að jóganámskeiðin byrja 8.september!

Skráning er hafin!

EF ÞÚ VILT SKRÁ ÞIG Í FRÁBÆRAN HÓP SKEMMTILEGRA KVENNA ÞÁ TRYGGÐU ÞÉR PLÁSS MEÐ ÞVÍ AÐ SENDA MÉR SKILABOÐ Á MESSENGER.

🌟🌟🌟🌟🌟🌟🌟🌟

Hversu oft í viku viltu æfa og í hvaða jógatíma viltu mæta?

TÍMATAFLA HAUST 2026:

ÞRIÐJUDAGA
- kl 17:00
Bandvefsjóga
Liðkandi og róandi tímar.

- kl 18:15
Jógafitness
Klassískar Hatha Yoga æfingar og smá dans.

- kl 19:30
Slökunarjóga & Bowen meðhöndlun
(Marta með Ásdísi Elvu Bowentækni)

-------------------

MIÐVIKUDAGA*
- kl 16:30
Göngujóga útiþjálfun á Garðskaga
*(fylgir frítt með öllum inni jógatímum)

-------------------

FIMMTUDAGA
- kl 17:00
Yoga Nidra djúpslökun

- kl 18:15
Sjakradans
Dansgleði & jafnvægi sjö orkustöðva.

---------------------

VERÐ 4.VIKNA NÁMSKEIÐ
Kr 15.500 mæta einu sinni í viku
Kr 19.500 ótakmörkuð mæting

Bowen og Slökunarjóga
4.vikna námskeið kr 19.500

Göngujóga útiþjálfun fylgir frítt með öllum inni jógatímum. 4.vikna námskeið annars kr 7.500

Njótum þess að koma okkur í frábært form bæði andlega og líkamlega! Meiri vellíðan, kraftur og gleði! 😃💪🧘‍♀️💃

Kær kveðja frá mér til þín,
💖 Marta Bjarta.🌟

Við æfum í Íþróttamiðstöðinni Garði og innifalið í verði er aðgangur að sundlaug, heitum pottum og gufubaði.

29/08/2026

Spil dagsins ✨🙏🥰

Hvíldu þig, Leyfðu þér að taka á móti.

Þegar þú ert þreytt/ur eða orkulítil/lítill, getur verið auðvelt að leita út fyrir þig –
í stað þess að snúa inn á við.
En það sem þú þarft býr innra með þér. Það er tími til að næra sálina.

Það elskulegasta sem þú getur gert fyrir aðra… er að næra sjálfa(n) þig fyrst.
Þú getur ekki gefið úr tómu. Þú mátt hvíla þig, tengjast líkamanum og anda djúpt.

Hvað gefur þér líf? ✨ Hvað nærir þig í raun og veru?
– Göngutúr við sjóinn
– Góður kaffibolli
– Hlátur, náttúra, hvíld
– Að vera bara þú – í friði

Þú þarft ekki að vinna þér inn hvíldina.
Þú mátt bara vera. Og mæta þér með mýkt og kærleika.

Ég leyfi mér að hvíla og taka á móti með opnu hjarta.“ ✨🙏

Ljós og kærleikur til þín 💛

13/08/2026

✨️