Dr. Laith Maali

Dr. Laith Maali استشاري الجلطات الدماغية و امراض الدماغ و الاعصاب.
البورد الامريكي - مستشفى العبدلي، طابق ١٩
Neurologist and Vascular neurologist. Associate professor.

Educator and researcher.

04/09/2026

Geographical Preference ?? Shall I ? Where ?

01/09/2026

ابرة ال TNK (المذوبة للجلطة الدماغية) من اهم العلاجات المستخدمة عند حدوث الجلطة. طبعا ال TNK حاليا الاكثر استخدماً و انتشارا في امريكا لفاعليته الاعلى من ال tPA/Actilyse. مهم المريض ما ينتظر لانه هذا العلاج بنعطى بوقت محدد فقط. #صحة #عمان #الاردن

28/08/2026

هل ممكن النمنمة او الخدار يكونوا خطيرين ؟؟ بعتمد على نوع و طريقة النمنمة، لازم نتعرف على متى بتكون النمنمة عرض من اعراض الجلطة الدماغية و متى بتكون بسبب امراض اخرى اقل خطورة. المعرفة قوة 🧠💪🏼 #عمان #صحة

21/08/2026

خلال الجلطة الدماغية، بخسر الشخص ٢ مليون خلية عصبية تقريباً كل دقيقة للاسف … مهم جداً لما اي شخص يشك انه عنده او عند شخص بشوفه جلطة دماغية، يوخذه على الطواري باسرع وقت ممكن… الانتظار اسوأ شيء ممكن تعمله. #عمان

‏ترجع للمكان اللي بلشت منه … اله شعور مختلف ♥️‏سعدت اليوم بزيارة جامعتي العزيزة، جامعة العلوم والتكنولوجيا والمشاركة بمح...
19/08/2026

‏ترجع للمكان اللي بلشت منه … اله شعور مختلف ♥️

‏سعدت اليوم بزيارة جامعتي العزيزة، جامعة العلوم والتكنولوجيا والمشاركة بمحاضرة ضمن فعاليات المؤتمر العالمي العاشر لكلية الطب.

‏يمكن من أكثر علامات حبك لجامعتك إنك مهما مر الوقت بتظل تفرح بكل مرة تزورها وتشعر بشيء من الفخر والحنين وانت بتمشي في الأماكن اللي كانت في يوم من الأيام جزء من تفاصيل حياتك اليومية.

‏طبعا كل الشكر والتقدير والامتنان لكل أستاذ وطبيب ومعلم كان له الفضل الكبير في تعليمنا وتكويننا خلال تلك المرحلة. كل زيارة بتذكر إنه الأيام اللي كانت صعبة وفيها ضغط علينا كطلاب، مرت … واليوم صار جزء كبير منها ذكريات جميلة.

‏لكل طالب بعيش ضغط الدراسة اليوم: استمتع بالرحلة قدر ما تستطيع … الأيام الصعبة راح تمر، واللي راح يبقى منها فقط الذكريات الجميلة ان شاء الله.

‏شكر من القلب لكليتي العزيزة، كلية الطب، على الدعوة الكريمة، سعدت بوجودي مرة أخرى في اروقة الجامعة. Jordan University of Science and Technology JUST

14/08/2026

هل محتاج فيتامينات للذاكرة ؟؟ نتحدث عن مبدأ اخذ الفيتامينات بشكل غير محسوب او مدروس. تعويض النقص ممتاز ولكن استخدام الفيتامينات بدون سبب قد يسبب مشاكل صحية انت بغنى عنها… افحص قبل ما تأخذ اي فيتامينات 💊 #عمان #فيتامين

💊 بتاخد فيتامينات كل يوم؟ يمكن أنت مش بحاجة إلها أصلاً!للاسف صار كتير دارج إننا نروح على الصيدلية ونشتري فيتامين D، B12،...
14/08/2026

💊 بتاخد فيتامينات كل يوم؟ يمكن أنت مش بحاجة إلها أصلاً!

للاسف صار كتير دارج إننا نروح على الصيدلية ونشتري فيتامين D، B12، B-complex، مغنيسيوم وغيرها… بس لانه سمعنا إنها “مفيدة”.

بس مش كل إشي مفيد الزيادة منه بتكون مفيدة أكثر!
وأحياناً زيادة الفيتامين عن حاجة الجسم ممكن تعمل مشاكل بدل ما تحلها.

مثلاً:
🔸 زيادة فيتامين D ممكن ترفع الكالسيوم بالدم وتسبب مشاكل صحية، ومنها حصى الكلى والتكلسات في حالات السمية الشديدة.
🔸 وبعض مكونات B-complex، وخصوصاً فيتامين B6 عند استخدام جرعات عالية لفترات طويلة، ممكن تسبب اعتلال بالأعصاب وتنميل وضعف بالإحساس.

طيب شو الصح؟

إذا في أعراض أو شك بوجود نقص، الأفضل نحدد شو الفيتامين المحتمل نقصه ونعمل الفحص المناسب أولاً، وبعدها نقرر إذا في حاجة للتعويض وكم الجرعة المناسبة.

في ناس احتمال نقص بعض الفيتامينات عندهم أعلى، مثل:
👴 كبار السن
⚖️ الأشخاص بعد عمليات تكميم أو تحويل مسار المعدة
💊 اللي بياخدوا بعض أدوية الحموضة لفترات طويلة
🏥 واللي سبق وعملوا عمليات بالأمعاء أو عندهم مشاكل بالامتصاص

هدول خصوصاً ممكن يحتاجوا متابعة وفحوصات دورية حسب حالتهم.

الخلاصة:
الفيتامين مش حبة “ما بتضر”.

✅ افحص عند وجود داع
✅ عالج النقص الحقيقي بالجرعة المناسبة
❌ ولا تاخد دواء أو فيتامين أو مكمل غذائي بدون سبب واضح.

زيادة الشيء عن حدّه… ممكن تقلب ضدّه.

د. ليث معالي
استشاري و أستاذ مشارك
البورد الأمريكي في طب الدماغ والأعصاب والجلطات الدماغية
مستشفى العبدلي

اكثر من مئة محاضرة القيتها خلال أكثر من عشر سنوات … كانت هاي المحاضرة الأقرب إلى قلبي.هاي كانت أول محاضرة ألقيها كاملة ب...
07/08/2026

اكثر من مئة محاضرة القيتها خلال أكثر من عشر سنوات … كانت هاي المحاضرة الأقرب إلى قلبي.

هاي كانت أول محاضرة ألقيها كاملة بالعربي.

و هاي اول محاضرة توعية الي في الأردن للناس، مش للاطباء او المقيمين او الطلاب او اي من الكادر الطبي.

أما السبب الأهم… فهو وجود أهلي بين الحضور. وعلى ما اذكر، هاي أول محاضرة بحضرها الاهل من بداية رحلتي في الطب.

كان شعور يصعب وصفه، الله يحفظلكم اهلكم.

04/08/2026

ممكن حماية الذاكرة ؟ محاضرة بالتعاون مع جمعية العون للعناية بمرض الزهايمر. تحدثنا عن انواع الخرف و كيفية الحماية من الخرف الوعائي. #عمان #الزهايمر #اعصاب

01/08/2026

هل يمكن الحماية من فقدان الذاكرة 🧠؟؟ الدعوة عامة. مستشفى العبدلي طابق ٣٢. المقاعد محدودة. احجز مقعدك بالحضور المبكر 💺 #عمان #صحة #الزهايمر #توعية

Address

مستشفى العبدلي/طابق ١٩
Amman

Website

Alerts

Be the first to know and let us send you an email when Dr. Laith Maali posts news and promotions. Your email address will not be used for any other purpose, and you can unsubscribe at any time.

Shortcuts

Share

Category