Clinical Dietitian | Medical Nutrition Therapy
Diabetes | Hormones | PCOS | Thyroid | Allergies
📩 DM for consultation
0782289420
24/04/2026
البقع الداكنة في الإبط أو الرقبة قد تكون إشارة خطيرة من جسمك ⚠️
هل لاحظت يومًا لونًا داكنًا أو ملمسًا مخمليًا في الإبط، الرقبة، أو بين الفخذين؟
الكثير يعتقد أنها تصبغات أو قلة نظافة… لكن الحقيقة مختلفة تمامًا!
🧠 هذه الحالة تُسمى الشواك الأسود
وهي غالبًا علامة على وجود مقاومة للأنسولين في الجسم.
⚠️ يعني ببساطة:
جسمك يواجه صعوبة في التعامل مع السكر…
وهذا ممكن يكون بداية الطريق إلى داء السكري من النوع الثاني
❌ الفرك، التقشير، والوصفات ما رح تحل المشكلة
✅ الحل الحقيقي يبدأ من الداخل:
• تنظيم الأكل
• تقليل السكريات والنشويات البسيطة
• خسارة الوزن (لو في زيادة)
• نشاط بدني منتظم
💡 جسمك دائمًا يعطيك إشارات…
السؤال: هل رح تسمعها قبل ما تتطور المشكلة؟
#السكري
#التغذية
#جسمك
#جسم
#غذاء
15/03/2026
90٪ من الناس اللي عندهم هذه الأعراض… ما بيعرفوا إن السبب ممكن يكون جرثومة المعدة.
جرثومة المعدة Helicobacter pylori تعتبر من أكثر البكتيريا انتشارًا في العالم، وكثير من الناس يعيشون معها سنوات بدون ما يعرفوا بوجودها.
لكن المشكلة أن أعراضها غالبًا تكون خفيفة أو يعتقد الناس أنها شيء طبيعي مثل:
• انتفاخ بعد الأكل
• حرقة في المعدة
• غثيان
• رائحة فم غير مفسرة
• تعب وإرهاق مستمر
• نقص الحديد بدون سبب واضح
• نقص فيتامين B12
• الشعور بالشبع بسرعة
و كثير من الأشخاص يعالجونها بالأدوية، لكن تبقى لديهم مشاكل مثل:
• انتفاخ
• ضعف هضم
• تعب
• اضطراب في المعدة
لأن الجهاز الهضمي يحتاج إعادة توازن بعد العلاج.
لهذا السبب وفرنا برنامجين حسب احتياج كل حالة:
🌿 برنامج "حياة جديدة"
لدعم علاج جرثومة المعدة
تقليل الالتهابات في الجسم
والمساعدة في تحسين صحة الجهاز الهضمي.
✨ برنامج "إصلاح 30 يوم بعد رمضان"
برنامج مخصص لإعادة توازن الجسم والهضم والطاقة بعد رمضان.
مع خطة واضحة + متابعة يومية.
📩 إذا شعرت أن هذه الأعراض تنطبق عليك
ارسل كلة معدة أو جرثومه وسنرسل لك التفاصيل.
ولو حاب استشارة خاصة
اكتب: استشارة.
#جرثومة #المعدة #القولون #تغذية
12/02/2026
#السكري
#الحساسية
12/02/2026
هل الذكاء الاصطناعي ممكن ياخد مكان أخصائي التغذية؟ 🤖🥗
السؤال صار يتكرر كثير.
خصوصًا بعد ما شفنا تطبيقات بتحسب السعرات،
بتعمل أنظمة غذائية،
بتحلل فحوصات،
وبتعطيك توصيات خلال ثواني.
طيب… خلينا نحكي بواقعية 👇
شو بقدر يعمل الذكاء الاصطناعي؟
✔️ يحسب احتياجك من السعرات
✔️ يقترح نظام حسب وزنك وطولك
✔️ يشرح تحاليل مثل السكر التراكمي أو الدهون
✔️ يلخص أبحاث حديثة
✔️ يعطي بدائل صحية بسرعة
ببساطة… هو مساعد ذكي وسريع جدًا.
لكن هل هذا كافي ليحل مكان المختص؟
الجواب: لا.
ليش؟
1️⃣ الإنسان مش أرقام
المراجع اللي قدامك مش بس وزن وطول.
عنده توتر، أكل عاطفي، مشاكل نوم، ضغط شغل، إحباط، مقارنة بالآخرين…
أحيانًا المشكلة مش بالأكل، المشكلة بعلاقته مع الأكل.
وهذا ما بينقاس بمعادلة.
2️⃣ الحالات المعقدة بدها فهم إنساني
شخص عنده:
* سمنة
* قصور غدة
* مقاومة إنسولين
* ضغط
* تاريخ نفسي
بدك بس تحسب له سعرات؟
ولا بدك تفهم مخاوفه، التزامه، ونمط حياته؟
الخطة الناجحة مش ورقة نظام…
الخطة الناجحة هي فهم الشخص نفسه.
3️⃣ المسؤولية الطبية
لو صار خطأ…
مين بيتحمل القرار؟
الذكاء الاصطناعي أداة.
لكن القرار العلاجي مسؤولية إنسان.
4️⃣ التفاصيل الصغيرة
أحيانًا كمختص بتلاحظ:
* مريض كل ما وزنه ينزل يتوتر
* مريضة تنتكس بسبب ضغط بيت
* شخص مشكلته نوم مش أكل
هاي أشياء بتحتاج تفاعل، إحساس، تعديل مستمر.
الخلاصة 👇
الذكاء الاصطناعي مش بديل عن الأخصائي.
هو أداة قوية تساعده.
الفرق مش بين “إنسان وآلة”…
الفرق بين اللي يحسب،
واللي يفهم ويحتوي ويوجه.
وأنت شو رأيك؟
بتشوف التطبيقات كافية؟ ولا المتابعة مع مختص إلها فرق؟
#سكري #مقاومة #انسولين #الغدة #الدرقية #اليوم
12/02/2026
مقاومة الإنسولين… الترند القديم اللي رجع بقوة 👇
بالفترة الأخيرة صرنا نسمع كثير عن “مقاومة الإنسولين”
وكأنها اكتشاف جديد…
الحقيقة؟
الموضوع معروف من سنين، لكن صار منتشر أكثر بسبب نمط حياتنا.
شو اللي بصير بالجسم؟
الإنسولين هو هرمون بيفرزه البنكرياس،
وظيفته يدخل السكر من الدم إلى داخل الخلايا عشان نستخدمه طاقة.
لكن لما خلايا الجسم تبطل تستجيب له بشكل جيد،
الجسم يضطر يفرز إنسولين أكثر.
هون بنسمي الحالة: مقاومة إنسولين
يعني الإنسولين موجود…
بس مش شغال بالكفاءة المطلوبة.
ليش الموضوع مهم؟
لأنه ممكن يؤدي إلى:
* زيادة وزن خصوصًا بمنطقة البطن
* صعوبة نزول الوزن
* اضطراب بالسكر
* ارتفاع دهون الدم
* زيادة خطر السكري النوع الثاني
* وممكن يرتبط بتكيس المبايض عند السيدات
طيب كيف أعرف إنه عندي مقاومة إنسولين؟
ممكن تلاحظ:
* تعب وخمول بعد الأكل
* جوع سريع خصوصًا للحلويات
* دهون متراكمة بالبطن
* صعوبة في النزول رغم المحاولة
* اسمرار في الرقبة أو تحت الإبط
* تقلب بالمزاج أو ضعف تركيز
(طبعًا التشخيص النهائي بيكون بفحوصات، مش بالتخمين)
السبب مش سحر 👇
عادةً بيكون مرتبط بـ:
* كثرة السكريات والنشويات البيضاء
* قلة حركة
* توتر مزمن
* نوم سيء
* زيادة وزن
الحل؟
مقاومة الإنسولين مش مرض بحد ذاته…
هي نتيجة نمط حياة.
والأجمل؟ إنها قابلة للتحسن.
العلاج بيبدأ بـ:
✔️ تنظيم الأكل
✔️ تقليل السكريات البسيطة
✔️ زيادة البروتين والألياف
✔️ حركة يومية
✔️ نوم كافي
✔️ متابعة طبية إذا لزم الأمر
ومع الوقت، الجسم بيرجع يستجيب للإنسولين بشكل أفضل.
إذا حاب تعرف إذا نظامك الحالي ممكن يسبب مقاومة إنسولين،
اكتب “مهتم” بالتعليقات 👇
Be the first to know and let us send you an email when Dr. Saed Bashtawi posts news and promotions. Your email address will not be used for any other purpose, and you can unsubscribe at any time.
