23/09/2022
🤦🏻♂️ ប្រពន្ធឥឡូវមិនដូចមុន ឆាប់មួរម៉ៅ ខឹង មិនស្វាហាប់ អវិជ្ជមាន មិនដូចកាលបងទើបស្គាល់ ។
🙍🏻♀️ ចា៎ត្រូវហើយ ព្រោះកាលមុនប្រពន្ធបងជាអ្នកម្នាង ឥឡូវប្រពន្ធបងជាអ្នកបំរើ ។
🤦🏻♂️ បងថាគ្មាននរណាដែលមិនចេះស្ត្រេសទេ
🙍🏻♀️ ចា៎ត្រូវហើយ ព្រោះយើងសុទ្ធតែមានជីវិត តែពេលបងស្រ្តេស បងមានពេលទៅក្រៅបន្ធូរអារម្មណ៏ តែប្រពន្ធបងគ្រាន់តែរកពេលចូលបន្ទប់ទឹក ក៏វេចកូនទៅដែរ ។
🤦🏻♂️ បងថាប្រពន្ធមិនចេះថែខ្លួន ធាត់ណាស់ មិនអាចបណ្តោយខ្លួនតាមអារម្មណ៏អញ្ចឹងទេ ។
🙍🏻♀️ វាកាន់តែត្រូវ តែបងមានពេលចេញទៅហាត់ប្រាណ ថែខ្លួន តែប្រពន្ធបងត្រូវចេញក្រៅទិញម្ហូបអោយប្តីផង កូនៗផង និងគ្រួសារទាំងមូលទៀត ។
🙎🏻♂️ បងថាបើអូនអផ្សុក អូនអាចទាញសៀវភៅមកអាន កុំអោយគំនិតអវិជ្ជមានជ្រៀបចូលបាន ។
🙍🏻♀️ អូនចង់ប្រាប់ថាអូនមិនមែនអផ្សុកទេ តែអូនអត់មានពេលសំរាប់អផ្សុក ហើយកាន់តែអានសៀវភៅមិនចូល បើកូនមិនទាន់គេង អូនក៏មិនអាចគេង ហើយបើកូនគេងអូនក៏អស់កំលាំងល្មម ។
មិនមែនជាលេសសំរាប់បកស្រាយប្រាប់ប្តីទេ តែចង់ប្រាប់ថា ប្រពន្ធស្អាត ផ្ទះរៀបរយ កូនល្អ សល់លុយសល់កាក់ ម្ហូបឆ្ងាញ់ គឺវាបានពីការឆ្លៀតឱកាសរបស់ប្រពន្ធ ទើបប្រពន្ធមិនមានឱកាសសំរាប់ធ្វើជាស្រីស្អាត ឆ្មើម ដូចកាលនៅជាសង្សាររបស់បង ។ ហើយសុំតែមួយពីបង សូមមេត្តាកុំនិយាយថាប្រពន្ធបងប្លែក មិនដូចពីមុន បើបងចង់បានប្រពន្ធកាលនៅជាសង្សារ មេត្តាបងជាប្តីជួយសំរួលការងារ និងចែករំលែកទុក្ខធុរ: លុយកាក់ផ្គត់ផ្គង់អោយបានសមរម្យ ចូលរួមផ្តល់សុភមង្គលអោយប្រពន្ធផង មិនបាច់ធ្វើដូចអូនរាល់ថ្ងៃ ១០០ជំពូកទេ បងចែករំលែក៥០% ដើម្បីប្រពន្ធបងចេញរកលុយដូចបង ៥០% ហើយយើងមានពេលកាត់បន្ថយស្រ្តេសរាងខ្លួនផង ។ ហើយបើបងជាប្តីមើលងាយប្រពន្ធ ចង់ទៅរកស្រីស្អាតៗជាងប្រពន្ធ បងមិនត្រូវរៀបការជាមួយអូន និង កាន់តែមិនត្រូវយកកូនៗឡើយ ។ ព្រោះពាក្យជាប្រពន្ធ និងម្តាយ គឺមិនអាចដូចពាក្យជាសង្សារ និង ស្រីស្នេហ៏បងបានទេ ព្រោះប្រពន្ធ គឺបានលះបង់ភាពល្អស្អាតខាងក្រៅសឹងតែទាំងអស់ហើយប្តីសំលាញ់ ។
អារម្មណ៏ប្រពន្ធនៅផ្ទះថែកូន គឺអញ្ចឹង !!
ប្រភពអត្ថបទ : FB
កែសម្រួលខ្លះៗដោយ : KID and BABY
រូបភាព : IG