04/05/2026
ការលើសជាតិខ្លាញ់ក្នុងឈាម និងជំងឺសរសៃឈាមបេះដូង
ការកើនឡើងខ្ពស់នៃជាតិលីពីដ (ខ្លាញ់) ក្នុងឈាម រួមមាន
កូលេស្តេរ៉ុល និងទ្រីគ្លីសេរីត ត្រូវបានគេហៅថា "លើសជាតិខ្លាញ់ក្នុងឈាម" ផងដែរ។
ការធ្វើតេស្តឈាមតាមស្តង់ដាររួមមានការវាស់កំរិតនៃ៖
- កូលេស្តេរ៉ុលសរុប
- កូលេស្តេរ៉ុលលីប៉ូប្រូតេអ៊ីនដង់ស៊ីតេទាប (LDL)
ឬកូលេស្តេរ៉ុល "អាក្រក់"
- កូលេស្តេរ៉ុលលីប្រូតេអ៊ីនដង់ស៊ីតេខ្ពស់ (HDL)
ឬកូលេស្តេរ៉ុល "ល្អ"
- ទ្រីគ្លីសេរីត
ជំងឺលើសជាតិខ្លាញ់ក្នុងឈាមអាចបង្កើនហានិភ័យនៃជំងឺស្ទះសរសៃឈាមបេះដូង វិបត្តិសរសៃឈាមខួរក្បាល និងបញ្ហាធ្ងន់ធ្ងរផ្សេងទៀតដោយសារតែការរួមតូច ឬស្ទះនៃជញ្ជាំងសរសៃឈាម។
ការព្យាបាលបញ្ចុះកូឡេស្តេរ៉ុលភាគច្រើនមានគោលបំណងកាត់បន្ថយ លីប្រូតេអ៊ីនដង់ស៊ីតេទាប (LDL) ឬកូលេស្តេរ៉ុល "អាក្រក់" ។ កម្រិតខ្ពស់នៃ LDL កូលេស្តេរ៉ុលអាចបណ្តាលឱ្យមានជំងឺ ក្រិនសរសៃឈាម (ការបង្កើតស្រទាប់ខ្លាញ់នៅក្នុងសរសៃឈាម) ដែលជាមូលហេតុនៃជំងឺសរសៃឈាមបេះដូង (ស្ទះសរសៃឈាមបេះដូង, ជំងឺវិបត្តិសរសៃឈាមខួរក្បាលនិង សរសៃឈាមអវយវៈក្រោមឬជំងឺសរសៃឈាមនៅជាយៗ)។ដើម្បីកាត់បន្ថយហានិភ័យទាំងនេះ វេជ្ជបណ្ឌិតតែងតែណែនាំអ្នកដែលមានជាតិខ្លាញ់ក្នុងឈាមខ្ពស់ ព្យាយាមបន្ថយកម្រិតកូឡេស្តេរ៉ុលរបស់ពួកគេ តាមរយៈការផ្លាស់ប្តូររបបអាហារ ការធ្វើលំហាត់ប្រាណ និងថ្នាំ។
ការសម្រេចចិត្តចាប់ផ្តើមការព្យាបាលបញ្ចុះកូឡេស្តេរ៉ុលគឺធ្វើឡើងតាមករណីនីមួយៗ។ វេជ្ជបណ្ឌិតនឹងធ្វើការពិគ្រោះពិនិត្យវាយតំលៃអំពីកម្រិតជាតិខ្លាញ់បច្ចុប្បន្ន ហានិភ័យរបស់អ្នកក្នុងការវិវត្តទៅជាជំងឺបេះដូង វត្តមាន ឬអវត្តមាននៃជំងឺសរសៃឈាមបេះដូង (CVD) និងកត្តាហានិភ័យផ្សេងទៀត។
—————————————
Tel: 010 432 433
Location : E10,E11,St.516, SK. Beung Kok 1, Khan Toulkok, Phnom Penh
page: អេលីតហាត សេនធ័រ Elite Heart Centre
អត្ថបទដោយ: Phan Vichet, MD
