Srun Lilay - ស្រ៊ុន លីឡាយ

15/06/2026

ជំងឺដុំសាច់ក្នុងពោះវៀនធំ

ជំងឺដុំសាច់ក្នុងពោះវៀនធំ គឺជាសភាពមួយដែលអ្នកជំងឺមានដុះដុំសាច់នៅលើជញ្ជាំងខាងក្នុងនៃពោះវៀនធំ ហើយដុំសាច់ទាំងនោះអាចជាដុំសាច់ស្លូត ឬអាចជាដុំសាច់មហារីក។

តើរោគសញ្ញាអ្វីខ្លះដែលអ្នកជំងឺត្រូវទទួលការឆ្លុះពោះវៀនធំ?
• ឈឺចុកពោះ / រាក / ទល់លាមករ៉ាំរ៉ៃ ដែលមិនអាចមកស្រាយបាន
• បន្ទោបង់មានឈាម ស្រកទម្ងន់ ឬបាត់បង់គ្រាប់ឈាមដោយមិនសមហេតុផល។

តើការឆ្លុះពោះវៀនធំអាចបណ្តាលឱ្យមានគ្រោះថ្នាក់ដែរឬទេ?
• ការឆ្លុះពោះវៀនធំ មិនបណ្តាលឱ្យមានគ្រោះថ្នាក់ដល់អ្នកជំងឺឡើយ
• អ្នកជំងឺអាចទទួលបានការធ្វើរោគវិនិច្ឆ័យទាន់ពេល និងការព្យាបាលដ៏មានប្រសិទ្ធភាព។

តើវិធីអ្វីខ្លះដែលអាចជួយកាត់បន្ថយការដុះដុំសាច់ក្នុងពោះវៀនធំ?
• ថែរាង/រក្សាទម្ងន់ខ្លួន ឬសម្រកទម្ងន់សន្សឹមៗចំពោះអ្នកធាត់
• ហាត់ប្រាណទៀងទាត់ជាប្រចាំរៀងរាល់ថ្ងៃ
• បរិភោគបន្លែ ផ្លែឈើឱ្យបានច្រើន
• កាត់បន្ថយការបរិភោគសាច់ អាហារផ្អាប់ ប្រៃ ផ្អែម និង/ឬប្រេងខ្លាញ់ច្រើន
• ទទួលការឆ្លុះពោះវៀនតាមវ័យកំណត់ និងពេលមានរោគសញ្ញាដូចបានជំរាបខាងលើ។

ដើម្បីទទួលបាននូវគុណភាព និងសុវត្ថិភាពនៃការព្យាបាល សូមពិគ្រោះ ពិនិត្យ និងព្យាបាលជាមួយវេជ្ជបណ្ឌិតឯកទេស!

13/06/2026

09/06/2026

ការហូរឈាមច្រមុះ (EPISTAXIS)

តើអ្វីទៅជាការហូរឈាមច្រមុះ?
• ការហូរឈាមច្រមុះ គឺជាការហូរឈាមដែលចេញពីផ្នែកខាងក្នុងនៃច្រមុះ។
មូលហេតុនៃការហូរឈាមច្រមុះ៖
• មូលហេតុទូទៅដែលជួបញឹកញាប់
​ - ការរុក ឬត្បាល់ច្រមុះ និងការប៉ះទង្គិចផ្សេងៗ
- អាកាសធាតុក្តៅ ឬស្ងួតខ្លាំង
- ការឆ្លងមេរោគផ្លូវដង្ហើមផ្នែកខាងលើ (ផ្តាសាយ, គ្រុនផ្តាសាយធំ)
- រលាកច្រមុះដោយសារប្រតិកម្មអាឡែហ្ស៊ី
- ការញើសសំបោរខ្លាំងៗ។
• មូលហេតុផ្សេងៗទៀតដែលមិនសូវជួបញឹកញាប់
- លើសសម្ពាធឈាម
- ការប្រើប្រាស់ថ្នាំពង្រាវឈាម (ដូចជា Aspirin, Warfarin)
- មានជំងឺឈាមរាវ
- មានដុះដុំសាច់ក្នុងច្រមុះ
- រលាកប្រអប់ឆ្អឹងច្រមុះ (Sinusitis) រ៉ាំរ៉ៃ

វិធីបង្ការការហូរឈាមច្រមុះ៖
• រក្សាសំណើមក្នុងច្រមុះដោយប្រើទឹកសេរ៉ូមប្រៃ បន្តក់ក្នុងច្រមុះ
• ហាមរុក ឬត្បាល់ ឬជៀសវាងការប្រើម្រាមដៃរុកច្រមុះ
• គួរកាត់ក្រចកដៃឱ្យខ្លីជានិច្ច សម្រាប់កុមារ
• ពិនិត្យ និងតាមដានសម្ពាធឈាមឱ្យបាន ទៀងទាត់
• ពិគ្រោះជាមួយគ្រូពេទ្យដើម្បីព្យាបាលអាឡែហ្ស៊ី

អ្វីដែលអ្នកត្រូវធ្វើ ពេលឈាមច្រមុះ៖
១. អង្គុយឱ្យត្រង់ខ្លួន ហើយឱនមកមុខបន្តិច រួចច្របាច់ស្លាបច្រមុះឱ្យជាប់រយៈពេល ១០ ទៅ១៥នាទី ដោយដកដង្ហើមតាមមាត់ជំនួសវិញ
២. ខ្ជាក់ឈាមចេញ (ជៀសវាងលេបឈាមចូលទៅក្នុងពោះ)
៣. មិនត្រូវងើយក្បាលទៅក្រោយ
ប្រសិនបើឈាមនៅតែបន្តហូរមិនឈប់ក្រោយការសង្គ្រោះបឋម ២០នាទី សូមប្រញាប់ទៅមន្ទីរពេទ្យឯកទេសត្រចៀក ច្រមុះ បំពង់កជាបន្ទាន់។