Medical news for Cambodia

Medical news for Cambodia Medical Cambodia

ពណ៌ទឹកសំបោរបង្ហាញពីបញ្ហាសុខភាពអ្វីខ្លះ?ពេលមានសំបោរ ឬកំហាក យើងតែងតែញើស និងខាកចេញមកដោយមិនបានចាប់អារម្មណ៍អ្វីទាំងអស់ កាន់តែ...
29/05/2026

ពណ៌ទឹកសំបោរបង្ហាញពីបញ្ហាសុខភាពអ្វីខ្លះ?

ពេលមានសំបោរ ឬកំហាក យើងតែងតែញើស និងខាកចេញមកដោយមិនបានចាប់អារម្មណ៍អ្វីទាំងអស់ កាន់តែឆាប់កាន់តែល្អ។ តើអ្នកជឿទេថា ពណ៌របស់សំបោរវាបានប្រាប់ពីបញ្ហាសុខភាពអ្នកអ្វីខ្លះ?

យើងទាំងអស់គ្នាតែងតែជួបប្រទះ និងការហៀរសំបោរ ឬធ្លាក់ចូលបំពង់កដែលតម្រូវអោយយើងញើស រឺខាកចេញមកមានពេលខ្លះហឺតចូលទៅក្នុងច្រមុះ ឬលេបចូលបំពង់ក។

- ទឹកសំបោរមានប្រភពមកពីណា?
ផ្លូវដង្ហើម និងអាហាររបស់មនុស្សយើងមានភ្នាសកោសិកាដែលជាកន្លែងផលិតសំបោរ រំអិល និងស្លេះ មិនថានៅក្នុងច្រមុះ សីនុស មាត់ បំពង់ក បំពង់សម្លេង បំពង់ខ្យល់ វាមានតួនាទីការពារមេរោគ ការរលាកកកិតវាធ្វើអោយមានសំណើមគ្រប់ពេលវេលា ហេតុដូច្នេះហើយនៅពេលដែលភ្នាសកោសិកាស្ងួតវាងាយនឹងបង្ករោគ។

សំបោរ ឬរំអិលនៅផ្លូវដង្ហើមវាមានតួនាទីចាប់យកវត្ថុផ្សេងដែលចូលមកក្នុងរាង្គកាយយើង តាមរយៈការដកដង្ហើម រាង្គកាយយើងផលិតសំបោរ ឬទឹករំអិល២លីត្រក្នុង១ថ្ងៃ។

មនុស្សភាគច្រើនមិនបានចាប់អារម្មណ៍ពីការពិនិត្យពណ៌សំបោរ ឬកំហាកនោះទេ តើអ្នកដឹងទេថាពណ៌សំបោររបស់លោកអ្នកវាបានបញ្ជាក់ពីបញ្ហាអ្វីខ្លះពីសុខភាពច្រមុះរបស់លោកអ្នក?

១. ពណ៌សថ្លា បណ្តាលមកពីផ្តាសាយ រលាកផ្លូវដង្ហើមខាងលើ ឬអាលែកស្សីច្រមុះ ពពួកវីរុសបង្កអោយរលាកភ្នាសកោសិការដែលបញ្ចេញសារជាតិ Histamine ជំរុញអោយមានការផលិតទឹកសំបោរយ៉ាងច្រើន ការប្រើថ្នាំ Anti-Histamine និងការលាងច្រមុះជាមួយទឹកសេរ៉ូមប្រៃអាចជួយកាត់បន្ថយការហៀរសំបោរបាន។

២. ពណ៌ស ការដែលសំបោរមានលក្ខណៈក្រាស់ ស្អិត និងសល្អក់ អាចមកពីស្ទះនៅក្នុងច្រមុះរយៈពេលយូរ ដែលបណ្តាលមកពីភ្នាសច្រមុះហើមក្រៅពីនោះរួមផ្សំ និងការទទួលទានផលិតផលពីទឹកដោះគោច្រើនពេក។

៣. ពណ៌លឿង មកពីការឆ្លងរោគពពួកបាក់តេរីនៅច្រមុះ រឺសីនុសប្រព័ន្ធរាង្គកាយយើងបានប្រឆាំងធ្វើអោយមេរោគស្លាប់បូកផ្សំនឹងរំអិលលាយខ្ទុះរួមផ្សំគ្នា ធ្វើអោយសំបោរមានពណ៌លឿង។

៤. ពណ៌ប្រផេះ អាចចង្អុលបង្ហាញថា ក្នុងច្រមុះរបស់អ្នកមានឬសដូងច្រមុះ ដែលកើតចេញពីការរលាករ៉ាំរ៉ៃនៃភ្នាសច្រមុះ ឬសីនុសមានសណ្ឋានដូចផ្លែទំពាំងបាយជូរ ដែលបណ្តាលមកពីអាលែកស្សីច្រមុះ រលាកសីនុសរាំរ៉ៃ ជំងឺហឺត។

៥. ពណ៌ខៀវ បង្ហាញថារាង្គកាយយើងកំពង់ប្រឆាំងនឹងបាក់តេរី ដូចក្នុងករណីទឹកសំបោរពណ៌លឿងដែរ។

៦. ពណ៌ក្រហម កើតឡើងដោយសារសសៃរឈាមច្រមុះដាច់លាយជាមួយទឹកសំបោរ សរសៃឈាមដាច់អាចបណ្តាលមកពីភ្នាសច្រមុះស្ងួត ឬរបួសច្រមុះ ការរលាកច្រមុះ រោគសរសៃឈាមផ្សេង។ ការមានឈាមច្រមុះមួយខាង ឬសងខាងត្រូវមកពិនិត្យជាមួយគ្រូពេទ្យ។

៧. ពណ៌ខ្មៅ ការដែលទឹកសំបោរមានពណ៌ខ្មៅច្រើនជួបចំពោះអ្នកជក់បារី អ្នកប្រើប្រាស់ថ្នាំញៀន អ្នកដែលរស់នៅក្នុងបរិស្ថាន ដែលមានការបំពុលបរិយាកាសខ្លាំង និងការបង្កររោគដោយពពួកផ្សិតនៅច្រមុះ ឬសីនុស។

អាស្រ័យដូចបានរៀបរាប់ខាងលើ សូមលោក លោកស្រីមេត្តាពិនិត្យមើលពណ៌ទឹកសំបោររបស់លោកអ្នក នៅពេលញើស ឬខាកស្តោះ តើមានពណ៌អ្វី ហើយបើសិនជាមានសភាពមិនប្រក្រតី សូមមេត្តាអញ្ជើញមកពិនិត្យ និងព្យាបាលជាមួយគ្រូពេទ្យជំនាញផ្នែកត្រចៀក ច្រមុះ បំពង់កនៅមន្ទីរពេទ្យ។
Medical news for Cambodia
Source:calmettehospital

ការបរិភោគផ្លែកំពីងរាជ្យទាំងគ្រាប់អាចបង្កឲ្យមានគ្រោះថ្នាក់ដល់អាយុជីវិត ផ្លែបំពេញរាជ្យ ឬភាសានិយាយហៅ ផ្លែកំពីងរាជ្យ (Scie...
26/05/2026

ការបរិភោគផ្លែកំពីងរាជ្យទាំងគ្រាប់អាចបង្កឲ្យមានគ្រោះថ្នាក់ដល់អាយុជីវិត

ផ្លែបំពេញរាជ្យ ឬភាសានិយាយហៅ ផ្លែកំពីងរាជ្យ (Scientific name: Sandoricum koetjape, English name: Santol, Wild mangosteen) គឺជាប្រភេទផ្លែឈើមួយដែលប្រជាពលរដ្ឋកម្ពុជាស្គាល់ និងនិយមទទួលទានសឹងគ្រប់ៗគ្នា។ ប៉ុន្តែបងប្អូនពិតជាមិនសូវចាប់អារម្មណ៍ថាការបរិភាគផ្លែឈើនេះទាំងគ្រាប់អាចបង្កឲ្យមានផលប៉ះពាល់ដល់សុខភាពធ្ងន់ធ្ងរ ឬអាចបង្កជាគ្រោះថ្នាក់រហូតដល់ចាំបាច់ត្រូវព្យាបាលដោយការវះកាត់ទៀតផង។

ក) តើប្រព័ន្ធរំលាយអាហាររបស់មនុស្សអាចរំលាយ ឬកិនបំបែកគ្រាប់ផ្លែកំពីងរាជ្យនេះបានដែរឬទេ?

ជាធម្មតាគ្រាប់ផ្លែកំពីងរាជ្យមិនអាចរំលាយឬកិនបំបែក ដោយសារទឹកអាស៊ីតក្រពះនិងសរីរាង្គផ្សេងៗនៃប្រព័ន្ធរំលាយអាហាររបស់មនុស្សបានឡើយ។ គ្រាប់ផ្លែនេះនឹងត្រូវបន្តបញ្ជូនទៅតាមពោះវៀនតូច ហើយមកស្តុកទុកចុងបញ្ចប់ក្នុងផ្នែកខាងចុងនៃពោះវៀនធំ (Re**um និង Sigmoïde) មុនបន្ទោរបង់ចេញមកជាមួយលាមក។

ខ) ផលវិបាកដែលបង្កឡើងដោយគ្រាប់ផ្លែកំពីងរាជ្យក្នុងប្រព័ន្ធរំលាយអាហារមនុស្ស ៖

- រំខានដល់ការរំលាយអាហារនិងចលនាបញ្ជូនចំណីក្នុងក្រពះពោះវៀនដែលធ្វើឲ្យមានអាការៈ ឆាប់ឆ្អែត ចុកឆ្អល់ ឈឺពោះមួល ចង្អោរ ឬក្អួតជាដើម។
- បង្កឲ្យរលាកតាមផ្លូវរំលាយអាហារដែលមានអាការៈ ចុកពោះ រាគមួល និង គ្រុនក្ដៅ។
- បង្កឲ្យលាមករឹងក្ដៀន ពិបាកបន្ទោរបង់។

គ) ផលវិបាកធ្ងន់ធ្ងរ ៖

១. គ្រាប់កំពីងរាជ្យកកស្ទះយូរក្នុងពោះវៀនធំ ដែលនៅលាយឡំនឹងលាមកក្ដៀនបង្កឲ្យពោះវៀនបាត់បង់សមត្ថភាពរុញកាកសំណល់ចេញមកក្រៅ ធ្វើឲ្យអ្នកជំងឺមិនអាចជុះលាមកច្រើនថ្ងៃ រហូតដល់តឹងពោះខ្លាំង ហូបមិនបាន និងមានការក្អួតខ្លាំងក្រោយហូបអាហារ។

២. គ្រាប់កំពីងរាជ្យដែលកកស្ទះយូរក្នុងពោះវៀន បានកកិតនឹងភ្នាសពោះវៀនដែលកំពុងរលាក គឺអាចបង្កឲ្យមានការចាក់មុតធ្លុះដាច់ធ្លាយពោះវៀនសាយភាយលាមកនិងមេរោគ បណ្ដាលឲ្យរលាកស្រោមពោះធ្ងន់ធ្ងរ(Péritonite) ដែលពេលខ្លះការមកដល់មន្ទីរពេទ្យយឺតយាវរបស់អ្នកជំងឺ ធ្វើឲ្យមានការលំបាកក្នុងការសង្រ្គោះអាយុជីវិត ទោះបីបានព្យាបាលដោយការវះកាត់ក៏ដោយ។

ឃ) ជាទូទៅផលវិបាកធ្ងន់ធ្ងរទាំងនេះងាយកើតលើបុគ្គល ៖
- មនុស្សវ័យចំណាស់ ដែលមានប្រព័ន្ធរំលាយអាហារខ្សោយស្រាប់។
- មនុស្សមានជំងឺផ្លូវរំលាយអាហារស្រាប់ អ្នកឧស្សាហ៍ក្ដៀនលាមកដែលជារឿយៗពិបាកបន្ទោរបង់។
- មនុស្សមានជំងឺប្រចាំកាយ និងប្រព័ន្ធភាពស៊ាំចុះខ្សោយដែលងាយឆ្លងរោគ ហើយងាយរលាកផ្លូវអាហារ ដូចជាអ្នកកើតជំងឺទឹកនោមផ្អែម និងអ្នកកើតជំងឺឱកាសនិយមផ្សេងៗជាដើម។
- មនុស្សប្រើថ្នាំជំងឺប្រចាំកាយស្រាប់មួយចំនួន ដែលថ្នាំខ្លះមានសកម្មភាពឲ្យចលនាពោះវៀនថយចុះ (ថ្នាំមួយចំនួនក្នុងជំងឺប្រព័ន្ធប្រសាទ និងជំងឺផ្លូវចិត្ត)។

ង) វិធីព្យាបាលផលវិបាកនៃការលេបគ្រាប់ផ្លែកំពីងរាជ្យ៖

- ក្នុងករណីហូបគ្រាប់ផ្លែកំពីងរាជ្យចំនួនតិច អាចបង្កផលវិបាកកម្រិតស្រាល ដែលទាមទារការព្យាបាលដោយប្រើថ្នាំបន្ទន់លាមក ក្នុងគោលបំណងឲ្យបានបន្ទោរបង់គ្រាប់កំពីងរាជ្យទាំងនោះចេញមកវិញ។

- តែផ្ទុយទៅវិញ ក្នុងករណីអ្នកជំងឺមានផលវិបាកធ្ងន់ធ្ងរទាំងពីរដូចបានរៀបរាប់ខាងលើ គឺចាំបាច់ព្យាបាលដោយការវះកាត់ក្នុងគោលបំណងយកគ្រាប់ផ្លែបំពេញរាជ្យ និងលាមកដែលកកស្ទះក្នុងពោះវៀនចេញ ហើយលាងសម្អាតស្រោមពោះ ព្រមទាំងវះកាត់ពោះវៀនធ្លាយទៅតាមក្បួនវេជ្ជសាស្រ្ត។

ដូចនេះសូមបងប្អូនមេត្តាកុំបរិភោគគ្រាប់ផ្លែឈើធំៗ ដែលមិនអាចរំលាយក្នុងប្រព័ន្ធរំលាយអាហារមនុស្សយើងបាន ដូចជាគ្រាប់ផ្លែកំពីងរាជ្យនេះជាដើម ដើម្បីចៀសវាងផលប៉ះពាល់ដល់សុខភាព និងគ្រោះថ្នាក់ដល់អាយុជីវិត។
Medical news for Cambodia
Source:CalmetteHospital

សេចក្តីជូនដំណឹង៖ មជ្ឈមណ្ឌលជាតិកំចាត់រោគរបេង និងហង់សិន ជ្រើសរើសមន្រ្តីជាប់កិច្ចសន្យា។
21/05/2026

សេចក្តីជូនដំណឹង៖
មជ្ឈមណ្ឌលជាតិកំចាត់រោគរបេង និងហង់សិន ជ្រើសរើសមន្រ្តីជាប់កិច្ចសន្យា។

រោគសញ្ញាដុំពកនៅរន្ធទ្វារបាត Les boules anales ! ១ តើដុំពកនៅបរិវេណទ្វារបាត (គូថ) សុទ្ធតែជា​ជំងឺឬសដូងបាតមែនដែរឬទេ? ដុំពក...
20/05/2026

រោគសញ្ញាដុំពកនៅរន្ធទ្វារបាត Les boules anales !

១ តើដុំពកនៅបរិវេណទ្វារបាត (គូថ) សុទ្ធតែជា​ជំងឺឬសដូងបាតមែនដែរឬទេ?
ដុំពកនៅបរិវេណទ្វារបាត​មិនមែនសុទ្ធតែជា​ជំងឺឬសដូងបាតនោះទេ ដូច្នេះហើយអ្នកជំងឺគួរតែមកពិគ្រោះនិងពិនិត្យរន្ធបាត Examen proctologique ដើម្បីធ្វើរោគវិនិច្ឆ័យអោយបានច្បាស់លាស់ និងធ្វើការព្យាបាលអោយបានទាន់ពេលវេលា។

២ ជំងឺផ្សេងៗដែលធ្វើអោយមានដុំពកនៅតំបន់រន្ធបាត មានដូចជា ការលានចេញនៃឫសដូងបាតខាងក្នុង ឬសដូងបាតខាងក្រៅដែលហើមខ្លាំង បូស​នៅបរិវេណរន្ធ​បាតនិងបូសអន្ទង់ សាច់ដុះនៅបរិវេណរន្ធ​បាត និងក្នុងរន្ធបាត ជំងឺកាមរោគ (រួមមានជំងឺសិរមាន់ ដំបៅនៃជំងឺស្វាយ ជំងឺពងបែក) គីសក្រពេញខ្លាញ់និងក្រពេញគល់រោម មហារីករន្ធបាត ការលានធ្លាក់ក្រសាលគូថ។

៣ រោគសញ្ញាសំខាន់ៗបន្ថែម ដែលតំរូវអោយអ្នកជំងឺប្រញាប់មកពិគ្រោះជាមួយក្រុមគ្រូពេទ្យឯកទេស ៖
-ដុំពកដែលមានលក្ខណៈរំខាន​ និងមានសភាពឈឺចាប់
-ដុំពកដែលមានលក្ខណៈងាយហូរឈាម ឬមានកំនកឈាមចេញមកក្រៅ
-ភាពសើមនៅបរិវេណរន្ធបាត ឬកន្ទួលដែលមានសភាពឈឺចាប់​ ឬធ្លាយហូរទឹករងៃ អាចមានក្លិនចំលែកចេញមកក្រៅ

៤ ការព្យាបាល៖
វិធីព្យាបាលគឺប្រែប្រួលទៅតាមមូលហេតុនៃជំងឺនីមួយៗ
- ករណីជំងឺឫសដូងបាតដែលហើមឈឺ អ្នកជំងឺអាចត្រូវបានព្យាបាលដោយប្រើថ្នាំគ្រាប់បំបាត់ហើម​ បំបាត់ការឈឺចាប់ និងថ្នាំបន្ទន់លាមក ក្នុងពេលជាមួយគ្នានោះអ្នកជំងឺអាចប្រើក្រែម សំរាប់លាបទៅលើដុំនោះ។ ករណីខ្លះគ្រូពេទ្យអាចធ្វើការចោះយកកំណកឈាមដែលធ្វើឲ្យអ្នកជំងឺ បានធូរស្បើយពីការឈឺចាប់ភ្លាមៗ។
- ករណីបូសដែលមានការរំខាន​ ឬឈឺចាប់ស្រួចស្រាល គេអាចធ្វើការវះបង្ហូរខ្ទុះបន្ថយការឈឺចាប់បណ្តោះអាសន្ន ដោយប្រើថ្នាំស្ពឹក និងចំហរមុខរបូសដែលត្រូវអោយមានការតាមដានមួយរយះ។ ចំនែកឯបូសអន្ទង់ដែលមានផ្លូវពីខាងក្នុងរន្ធបាតចាក់ចេញមកខាងក្រៅ តម្រូវអោយមានការវះកាត់ផ្ដាច់ផ្លូវរូង និងប្រភពដើមនៃបូសដែលស្ថិតនៅខាងក្នុងរន្ធបាត។ ការវះកាត់នេះអាចនឹងត្រូវធ្វើឡើង២ឬ៣ដង ប្រសិនបើបូសនោះស៊ីរូងប៉ះពាល់សាច់ដុំខ្ចិបបាតធ្ងន់ធ្ងរ។
- ករណីជំងឺសិរមាន់នៅរន្ធគូថ យើងត្រូវធ្វើតេស្តបន្ថែមដូចជា Sérologies VHB, VHC, VIH, syphilis ព្រមទាំងរកជំងឺប្រមេះទឹកបាយ និងប្រមេះទឹកថ្លា ក្នុងល័ក្ខខ័ណ្ឌដែលមានវិជ្ជមានទៅលើមេរោគណាមួយ យើងត្រូវព្យាបាលវាអោយបានឆាប់រហ័ស។ រីឯការព្យាលជំងឺសិរមាន់ គឺត្រូវធ្វើឡើងដោយការកាត់ចេញ ឬដុតកំទេចដោយកម្តៅនៅក្នុងបន្ទប់វះកាត់។
- ករណីសាច់ដុះនៅបរិវេណរន្ធ​បាត និងក្នុងរន្ធបាតដែលមិនមានរោគសញ្ញា ឬករណីខ្លះរំខានដល់ជីវភាពប្រចាំថ្ងៃ គួរតែមានការមកជួបពិគ្រោះជាមួយនឹងក្រុមគ្រូពេទ្យឯកទេសជាមុនសិន ដើម្បីពិនិត្យនិងធ្វើរោគវិនិច្ឆ័យអោយបានច្បាស់លាស់ មុននឹងឈានទៅដល់ការព្យាបាល។

ប្រសិនបើលោកអ្នកមានមានបញ្ហា ឬរោគសញ្ញាដូចដែលបានរៀបរាប់ខាងលើ សូមអញ្ជើញរួសរាន់មកជួបពិគ្រោះជាមួយក្រុមគ្រូពេទ្យឯកទេស ដើម្បីទទួលបានការធ្វើរោគវិនិច្ឆ័យ និងវិធីសាស្ត្រព្យាបាល ប្រកបដោយប្រសិទ្ធភាពខ្ពស់។
Source: calmettehospital
Medical news for Cambodia

សេចក្តីជូនដំណឹង​ស្តីពីការជ្រេីសរេីសបុគ្គលិកជាប់កិច្ចសន្យា
20/05/2026

សេចក្តីជូនដំណឹង​ស្តីពីការជ្រេីសរេីសបុគ្គលិកជាប់កិច្ចសន្យា

ជំងឺមហារីកច្រមុះ!(Nasopharyngeal Cancer)Nasopharyngeal Cancer ជាជំងឺមហារីកដែលកើតឡើងនៅផ្នែកខាងក្រោយច្រមុះ និងខាងលើបំពងក ដ...
09/05/2026

ជំងឺមហារីកច្រមុះ!
(Nasopharyngeal Cancer)

Nasopharyngeal Cancer ជាជំងឺមហារីកដែលកើតឡើងនៅផ្នែកខាងក្រោយច្រមុះ និងខាងលើបំពងក ដែលពាក្យបច្ចេកទេសឲ្យតំបន់នេះថា “Nasopharynx”។

ក) រោគសញ្ញា៖
នៅដំណាក់កាលដំបូង ជំងឺមហារីកច្រមុះ ពុំស្ដែងនូវសញ្ញាអ្វីដែលគួរឲ្យកត់សំគាល់ទេ។ រោគសញ្ញាមួយចំនួនដែលតម្រូវឲ្យអ្នកជំងឺមកពិគ្រោះជាមួយគ្រូពេទ្យជំនាញ មានដូចខាងក្រោម៖
- មានឡើងកូនកណ្តុលនៅក
- ឈាមច្រមុះ
- តឹងច្រមុះភាគច្រើនមួយចំហៀង
- សណ្តាប់មានការធ្លាក់ចុះនៅត្រចៀកម្ខាង
- ហឹងត្រចៀក
- ឈឺក្បាល

ខ) មូលហេតុបង្ក៖
មូលហេតុបង្កឲ្យកើតជំងឺមហារីកច្រមុះ នៅមិនទាន់ដឹងពិតប្រាកដ ប៉ុន្តែមានកត្តាមួយចំនួនដែលជំរុញឲ្យកើតមានជំងឺនេះ ៖
- ទីតាំងភូមិសាស្រ្ត ដូចជាប្រទេសចិនភាគខាងត្បូង ឬអាស៊ីខាងកើត
- ការបរិភោគអាហារដែលសម្បូរជាតិ Nitrosamine : អាហារដែលមានកម្រិតអំបិលខ្ពស់ ប្រលាក់ហាលឲ្យស្ងួតរួចអាំង (សាច់ ឬត្រី)
- អ្នកប្រកបរបរដែលទាក់ទងជាមួយឈើ-ជាងឈើ
- Epstein-Barr Virus
- ប្រវត្តិក្រុមគ្រួសារដែលកើតជំងឺនេះ(Nasopharyngeal Cancer)

គ) ការធ្វើរោគវិនិច្ឆ័យ៖
- ការឆ្លុះដោយម៉ាស៊ីនអង់ដូស្គប់ ប្រើកាំមេរ៉ាឆ្លុះចូលក្នុងច្រមុះរហូតដល់ផ្នែកខាងក្រោយ Nasopharynx
- ការច្រិបសាច់ : ត្រូវច្រិបសាច់នៅផ្នែកខាងក្រោយច្រមុះ ដើម្បីធ្វើការពិសោធន៍កោសិកាមហារីក Pathology and Immmuno-histo-chemistry
- ធ្វើ CT-Scan ឬ MRI
- Panendoscopy

ឃ) ការព្យាបាល៖
- ការព្យាបាលដោយកាំរស្មី តាមវិធីសាស្ត្រទំនើប (Modern Radiotherapy)
- ការចាក់ថ្នាំគីមី (Chemotherapy)
- ការវះកាត់ក្នុងករណីខ្លះ

មិនមានវិធានការសម្រាប់ការពារមិនឲ្យកើតជំងឺមហារីកច្រមុះទេ ប៉ុន្តែយើងអាចកាត់បន្ថយដោយកត្តាមួយចំនួន ដែលជំរុញឲ្យកើតជំងឺនេះ ដូចដែលបានរៀបរាប់ខាងលើ។ ដូចនេះក្នុងនាមជាគ្រួពេទ្យជំនាញ អំពាវនាវដល់បងប្អូនទាំងអស់ ដែលមានប្រវត្តិឈាមច្រមុះ ឬតឹងច្រមុះជាប្រចាំ សូមអញ្ជើញមកទទួលការពិគ្រោះ ពិនិត្យ និងព្យាបាលឲ្យទាន់ពេលវេលា ជាមួយក្រុមវេជ្ជបណ្ឌិតជំនាញត្រចៀក ច្រមុះ បំពង់ក និងជំងឺមហារីកនៅមន្ទីរពេទ្យ។

Source:calmettehospital
Medical news for Cambodia

សេចក្តីជូនដំណឹង ស្តីពីការជ្រើសរើសបុគ្គលិកកិច្ចសន្យា ដែលមានជំនាញវេជ្ជបណ្ឌិត ចំនួន ៣រូប
08/05/2026

សេចក្តីជូនដំណឹង ស្តីពី
ការជ្រើសរើសបុគ្គលិកកិច្ចសន្យា ដែលមានជំនាញវេជ្ជបណ្ឌិត ចំនួន ៣រូប

សារៈប្រយោជន៍នៃដំណេក!ដំណេកដ៏ស្កប់ស្កល់មួយគឺមានសារៈប្រយោជន៍ខ្លាំងណាស់សំរាប់មនុស្សម្នាក់ ដូចជាជួយពង្រឹងការចងចាំ ជួយសម្រួលអា...
05/05/2026

សារៈប្រយោជន៍នៃដំណេក!

ដំណេកដ៏ស្កប់ស្កល់មួយគឺមានសារៈប្រយោជន៍ខ្លាំងណាស់សំរាប់មនុស្សម្នាក់ ដូចជាជួយពង្រឹងការចងចាំ ជួយសម្រួលអារម្មណ៍ បង្កើតគំនិតច្នៃប្រឌិត ជួយអោយកោសិកាជួសជុលខ្លួនឡើងវិញ ជម្រុញប្រព័ន្ធការពារខ្លួន សម្រួលប្រព័ន្ធមេតាបូលិក និងអាចកាត់បន្ថយជំងឺវង្វេងចាស់ ( Alzheimer’s disease)។ ប្រសិទ្ធភាពដំណេកគឺទាក់ទងយ៉ាងជិតស្និទ្ធជាមួយសកម្មភាពរបស់កោសិកាខួរក្បាល ដែលយើងអាចមើលឃើញតាមការវាស់រលកចរន្តអគ្គិសនីកោសិកា។

អគ្គបញ្ជាការដ្ធាននៃដំណេកគឺនៅក្នុងអ៊ីប៉ូតាលាម៉ុស(Hypothalamus)។ ចលនការនៃដំណេកគឺស្មុគស្មាញ និងមានការចូលរួមពីតំបន់ផ្សេងៗទៀតរបស់ខួរក្បាល និង ពពួកណឺរ៉ូត្រង់ម៉ែ្សទ័រ និង អរម៉ូនមួយចំនួន។ ដំណេកត្រូវបានកំណត់ដោយកត្តាធំៗពីរគឺ វដ្តទិនទិវា (circadian rhythm)ដែលចាត់ជានាឡិកានៃដំណេក និងលំនឹងដំណេកនិងពេលភ្ញាក់ (sleep-wake homeostasis )។ ប្រព័ន្ធទាំងនេះគឺទាក់ទងនឹងពន្លឺថ្ងៃដែលចូលតាមស្រទាប់រ៉េទីនរបស់ភ្នែកដើម្បីបញ្ឈប់ប្ញជំរូញការបញ្ចេញជាតិមេឡាតូនីន ការប្រែប្រួលសីតុណ្ហភាពរាងកាយ និងកំរិតអរម៉ូន គ័រទីសុលក្នុងឈាម។

ការប៉ះពាល់ចំនុចណាមួយនៅក្នុងប្រព័ន្ធនេះ គឺអាចរំខានដំណេកដ៏ស្កប់ស្កល់របស់យើងបាន។ តាមការសិក្សាមួយចំនួនគឺបានបង្ហាញថាមានមនុស្សពេញវ័យប្រហែល 20 ទៅ 28 % ដែលមានបញ្ហាពិបាកសំរាន្តនៅពេលណាមួយ។

សូមកុំរំពឹងលើថ្នាំសំរាន្តដែលការប្រើប្រាស់យូរអាចរំខានដល់លំនឹងប្រព័ន្ធធម្មជាតិរបស់យើងប្ញអាចទៅជាញៀន។ គួរជ្រើសរើសការព្យាបាលដោយវិធីផ្លាស់ប្តូរ ទម្លាប់ និងកត្តាដែលរំខានការសំរាន្តវិញ (Cognitive Behavioral Therapy)៖

ក ) កំណត់កត្តារំញោច៖
- ចូលទៅលើគ្រែ តែពេលងងុយ កុំទម្រេតខ្លួនលេងលើគ្រែយូរ
- កុំមើលទូរទស្សន៍ ឬ ប្រើគ្រឿងអេឡិចត្រូនិចលើគ្រែ
- បើក្រោយ ២០ ទៅ ៣០នាទី ហើយនៅតែមិនអាចគេងលក់ អ្នកអាចងើបទៅបន្ទប់ផ្សេង ធ្វើអ្វីមួយដោយស្ងប់ស្ងាត់ រហូតដល់ងងុយទើបត្រលប់ទៅចូលគ្រែសំរាន្តវិញ
- ភ្ញាក់ពីដំណេកនៅម៉ោងដដែលជារៀងរាល់ថ្ងៃ ទោះថេរវេលានៃការសំរាន្តលក់ប៉ុណ្ណាក៍ដោយ
- មានការរៀបចំបរិយាកាសមុនសំរាន្ត ដើម្បីអោយអារម្មណ៍ធូរស្រាល ដូចជាអានសៀវភៅ ឬ ងូតទឹកក្តៅឧណ្ហ៍ៗ

ខ) បន្ថយចំនួនម៉ោងសំរាន្ត ដើម្បីបង្កើនគុណភាពនៃការសំរាន្ត (Sleep restriction therapy)៖
- បន្ថយចំនួនម៉ោងចំនាយលើគ្រែ ដើម្បីផ្សារភ្ជាប់ នឹងចំនួនម៉ោង/សំរាន្តលក់ វិធីនេះគឺបង្កើនទម្លាប់សំរាន្ត និង ជួយ
ពង្រឹងការសំរាន្តលក់
- បង្កើនថេរវេលាលើគ្រែ តាមប្រសិទ្ធភាពនៃដំណេក (ប្រសិទ្ធភាពដំណេក = ម៉ោងសំរាន្ត/ ម៉ោងស្ថិតនៅលើគ្រែ)
- រៀបចំរចនាសម្ព័ន្ធនៃការគិត
• រកមើលគំនិត អវិជ្ជមាន អំពីការសំរាន្ត ឧទាហរណ៍: “ខ្ញុំ នឹង មិនអាចសំរាន្តលក់យប់នេះ” ឬ “ខ្ញុំត្រូវការ យ៉ាងហោចណាស់៨ម៉ោងនៃដំណេកដើម្បីធ្វើការបាន”
• ជំនួសដោយការគិត និងជំនឿជាក់ស្តែង “ទោះបីខ្ញុំមិនអាចសំរាន្តលក់យប់នេះ ខ្ញុំនៅតែអាចធ្វើការបាននៅថ្ងៃស្អែក”

- របៀបសមាធិ
• ដកដង្ហើមចូលជ្រៅៗ ហាត់ដកដង្ហើមចូលជ្រៅៗ ដើម្បីបន្ថយសំពាធសាច់ដុំ
• ប្រឹង រួចពន្លាសាច់ដុំរាងកាយ ដើម្បីបន្ថយសំពាធដងខ្លួន
• សមាធិ ផ្ចង់អារម្មណ៍លើដង្ហើម ឬ រូបភាពស្រទន់ណាមួយ ដើម្បីឲ្យអារម្មណ៍ស្ងប់ស្ងាត់
- គោលបំណងផ្ទុយ ពីការបង្ខំខ្លួនយើងឲ្យសំរាន្ត ព្យាយាមនៅភ្ញាក់ វិធីនេះជួយបន្ថយការថប់អារម្មណ៍ អំពីការសំរាន្តលក់ និងជួយអោយមានការសំរាន្តលក់បែបធម្មជាតិវិញ
- កំណត់ហេតុនៃការសំរាន្ត
• កត់ត្រាម៉ោងពេលសំរាន្ត ពេលភ្ញាក់ ចំនួនភ្ញាក់ពេលយប់ និង គុណភាពនៃការសំរាន្តលក់
• អាចជួយឲ្យគ្រូពេទ្យមើលពីទំនោរនៃការសំរាន្តរបស់យើងនិងណែនាំបន្ត

គ) កត្តាដែលនាំឲ្យជោគជ័យ៖
- ត្រូវព្យាយាម អាចត្រូវការពេលវេលា ច្រើនអាទិត្យដែរដើម្បីមើលឃើញពីការធូរស្រាល
- និយាយពិភាក្សាជាមួយគ្រូពេទ្យពីការលំបាកផ្សេងៗដែលរំខានដំណេក
*** ការព្យាបាលដោយផ្លាស់ប្តូរទម្លាប់ គំនិតនេះ គឺជាការព្យាបាលដែលបានបង្ហាញពីប្រសិទ្ធភាពយូរអង្វែង ដើម្បីកែប្រែការពិបាកសំរាន្តដោយជៀសវាងការប្រើប្រាស់ថ្នាំ។

សូមលោកអ្នកអញ្ជើញមកពិគ្រោះជាមួយវេជ្ជបណ្ឌិតឯកទេស នៃមន្ទីរពេទ្យ ដើម្បីទទួលបាននូវការធ្វើរោគវិនិច្ឆ័យច្បាស់លាស់ ការការពារ និងព្យាបាលដ៏មានប្រសិទ្ធភាព។

Source:calmettehospital
Medical news for Cambodia

សេចក្ដីជូនដំណឹងជ្រើសរើសបុគ្គលិកសុខាភិបាល!
27/04/2026

សេចក្ដីជូនដំណឹងជ្រើសរើសបុគ្គលិកសុខាភិបាល!

Address

Phnom Penh

Telephone

+32460768088

Website

Alerts

Be the first to know and let us send you an email when Medical news for Cambodia posts news and promotions. Your email address will not be used for any other purpose, and you can unsubscribe at any time.

Shortcuts

Share

Category