03/08/2026
🎈យល់ដឹងពី រោគសញ្ញា Cushing Syndrome 🎈
Cushing Syndrome គឺជាជំងឺដែលកើតឡើងនៅពេលរាងកាយមានអរម៉ូន Cortisol ច្រើនពេកក្នុងរយៈពេលយូរ បណ្តាលមកពីការលេបថ្នាំរឺក៏មានដុំសាច់នៅក្រពេញ (Pituitary or Adrenal gland)។
👨⚕️ Cortisol គឺជាអរម៉ូនដែលជួយគ្រប់គ្រងសម្ពាធឈាម កម្រិតជាតិស្ករក្នុងឈាម ការឆ្លើយតបនឹងភាពតានតឹង និងការប្រើប្រាស់ថាមពលរបស់រាងកាយ។ នៅពេលវាឡើងខ្ពស់ពេក វាអាចប៉ះពាល់ដល់សរីរាង្គជាច្រើន។
🎯មូលហេតុ
* ប្រើថ្នាំ Corticosteroid (ដូចជា Prednisolone ឬ Dexamethasone) ក្នុងកម្រិតខ្ពស់ ឬរយៈពេលយូរ។
* ដុំសាច់នៅក្រពេញភីទុយតារី (Pituitary gland) ដែលបង្កើនការផលិត ACTH។
* ដុំសាច់នៅក្រពេញអាដ្រេណាល់ (Adrenal gland) ឬដុំសាច់នៅសរីរាង្គផ្សេងៗដែលធ្វើឱ្យផលិត Cortisol ច្រើនពេក។
🎯រោគសញ្ញា
* ឡើងទម្ងន់ ជាពិសេសត្រង់ពោះ។
* មុខមូលក្រហម (Moon face)។
* ខ្លាញ់កកនៅខ្នងផ្នែកលើ ឬចន្លោះស្មា (Buffalo hump)។
* ស្បែកស្តើង ងាយជាំ និងរបួសជាសះស្បើយយឺត។
* ស្នាមសង្វារពណ៌ក្រហម ឬស្វាយនៅពោះ ភ្លៅ ឬដើមទ្រូង។
* ខ្សោយសាច់ដុំ អស់កម្លាំង ឡើងសម្ពាធឈាមនិងជាតិស្ករក្នុងឈាម។
* ស្ត្រីអាចមានរដូវមិនទៀងទាត់ និងរោមដុះច្រើនជាងធម្មតា។
🎯កត្តាហានិភ័យ
* ប្រើថ្នាំ Steroid យូរអង្វែង។
* ធាត់។
* ជំងឺទឹកនោមផ្អែមប្រភេទទី២។
* សម្ពាធឈាមខ្ពស់។
* ស្ត្រីមានឱកាសកើតច្រើនជាងបុរស។
🎯ការព្យាបាល
ការព្យាបាលអាស្រ័យលើមូលហេតុ ដូចជា កាត់បន្ថយ ឬបញ្ឈប់ថ្នាំ Steroid ក្រោមការណែនាំរបស់វេជ្ជបណ្ឌិត ប្រើថ្នាំបន្ថយការផលិត Cortisol ឬវះកាត់ដុំសាច់ប្រសិនបើជាមូលហេតុ។
🎯សូមចងចាំ៖ កុំបញ្ឈប់ថ្នាំ Corticosteroid ដោយខ្លួនឯង ព្រោះអាចបង្កគ្រោះថ្នាក់។ ប្រសិនបើមានរោគសញ្ញាសង្ស័យ គួរទៅពិគ្រោះជាមួយវេជ្ជបណ្ឌិតដើម្បីធ្វើតេស្ត និងទទួលការព្យាបាលឱ្យបានត្រឹមត្រូវ។
