12/02/2026
Маңғыстау облысының аудан, ауылдарына есірткіге қарсы билбордтар ілінді
Маңғыстау облысының аудан, ауылдарында өңірлік жастар саясаты мәселелері жөніндегі басқармасының тапсырмасымен «Есірткісіз Маңғыстау» жобасы аясында билбордтар ілінді.
Билбордтарда «Сенің таңдауың - сенің тағдырың», «Тәуелділік - еркіндіктің соңы», «1 қадам, 1 қате, 1 өмір, 1 өкініш», «Бір рет - өмір бойы өкініш» сынды жастарды ойлануға шақыратын мазмұндағы үндеулер жазылған. Басты мақсат - жасөспірімдер мен жастар арасында есірткінің зиянын түсіндіру, салауатты өмір салтын насихаттау.
Ақпараттық тақталар адам көп шоғырланатын орталық көшелерге және қоғамдық орындарға орнатылды. Бастама өңірде есірткі құқықбұзушылықтарының алдын алу және жастардың дұрыс таңдау жасауына ықпал етуге бағытталған.
Айта кетейік, жоба аясында бұған дейін де аудан, ауыл, қалаларда есірткіге қарсы түсіндіру жұмыстары, кездесулер мен профилактикалық іс-шаралар ұйымдастырылған болатын.
