https://www.facebook.com/861107303742783/

අම්මලාට ආදරෙන්- Nurse Mom's Diary, NHSL, colombo 10, Colombo (2026)

26/08/2026

මාසික වේදනාව කියන්නේ සාමාන්‍ය දෙයක්මද? — Endometriosis ගැන දැනගගෙන හිටියද?

මාසික ඔසප් දවස්වල ඉතා තද වේදනාව නිසා දෛනික වැඩ පවා කරගන්න බැරි වෙනවා නම්, ඒක සාමාන්‍ය period pain එකනේ කියලා නොසලකා හරින්න එපා.

Endometriosis කියන්නේ ගර්භාශයේ ඇතුළත ඇති lining එකට සමාන පටක, ගර්භාශයෙන් පිටත වර්ධනය වීම නිසා ඇතිවන දිගුකාලීන තත්ත්වයක්. මෙය inflammation සහ scar tissue ඇති කිරීමටත් පුළුවන්. මේවා ඩිම්බකෝෂ වලට ගිහින් ඒවා ඇතුලේ තැම්පත් වෙනවා දිගුකාලයක් යද්දි මේවා ලේ කැටි බවට පත්වෙනවා...මේවා කැපුවාම චොකලට් වගේ ශ්‍රාවයක් තමයි එන්නේ ඒ නිසා චොකලට් ගෙඩි කියලත් කියනවා ඒ ලේ කැටි වලට....

🔴 Endometriosis වලදී ඇතිවිය හැකි ලක්ෂණ

• ඔසප් දිනවල ඉතා තද වේදනාව

• පහළ උදරය/උකුල් ප්‍රදේශයේ දිගටම වේදනාව

• ඔසප් රුධිර වහනය වැඩි වීම

• ලිංගික සම්බන්ධතාවයේදී හෝ පසුව වේදනාව

• මළපහ කරන විට හෝ මුත්‍රා කරන විට වේදනාව, විශේෂයෙන් ඔසප් දිනවල

• උදරය පිම්බීම, ඔක්කාරය වැනි උදරය ආශ්‍රිත රෝග ලක්ෂණ

• අධික තෙහෙට්ටුව...

• ගැබ් ගැනීමට අපහසු වීම...

හැමෝටම period pain තියෙනවා තමයි හැබැයි ඉහත කියපු එක ලක්ෂණයක් එක්ක හරි අදික වේදනාව එනවනම් නොසලකා හරින්නේ නැතුව වෛද්‍ය උපදෙස් ලබාගන්න...

Endometriosis හඳුනාගැනීම සඳහා වෛද්‍යවරයා ඔබේ ඔසප්වීමේ රටාව සහ රෝග ලක්ෂණ සලකා බලලා ultrasound වැනි පරීක්ෂණ සිදු කළ හැකියි. සමහර අවස්ථාවල MRI හෝ laparoscopy වැනි පරීක්ෂණ අවශ්‍ය වෙන්න පුළුවන්...

රෝගී ලක්ෂණ වල තරම, වයස, රෝගයේ බරපතලකම සහ අනාගතයේ දරුවෙකු බලාපොරොත්තු වෙනවාද නැද්ද යන කරුණු අනුව ප්‍රතිකාරය තීරණය කරනවා... ඖෂධ, hormone treatment සහ අවශ්‍ය අවස්ථාවල surgery වැනි ප්‍රතිකාර භාවිතා කරනවා...

📌 මෙය දැනුවත් කිරීම සඳහා පමණි. Endometriosis ගැන සැකයක් තිබේ නම් සුදුසු VOG/වෛද්‍යවරයෙකු හමුවී උපදෙස් ලබාගන්න.

ඔයාටත් මේ ලක්ෂන තියනවද? පහලින් comment කරන්න... මේ වගේ වැදගත් post බලන්න pageඑක follow කරලා තියාගන්න....

නදී මිස්
හෙද නිලධාරිනී
ශ්‍රි ලංකා ජාතික රෝහල
කොළඹ...

25/08/2026

අම්මා කෙනෙක් වුණාට පස්සේ ඔයාට වැඩියෙන්ම අමාරු වුණේ මොකක්ද?

කියන් යමු බලන්න....

#අම්මලාට_ආදරෙන් ゚viralシ

24/08/2026

🤰 බඩ මැනලා බලද්දි බබා ලොකු මදි වගේ කියලා midwife මිස් කිව්වද?

අම්මා කෙනෙක්ට මේ වචන ටික ඇහුණම හිතට ලොකු බයක් එන්න පුළුවන්. මගේ බබාට මොකක් හරි ප්‍රශ්නයක්ද කියලා හිතෙන්නත් පුළුවන්. මං දැකලා තියනව ගෲප් වල මේ දේවල් ගැන අහලා දුක් වෙන අම්මලා ගොඩක් ඉන්නවා...

ඉතින් බඩේ ප්‍රමාණය මැනීමෙන් විතරක් බබාගේ වර්ධනය මදි කියලා තීරණය කරන්න බැහැ.

Midwife මිස් විසින් බඩේ උස මැනීම (fundal height measurement) කරන්නේ බබාගේ වර්ධනය නිරීක්ෂණය කරන්න භාවිතා කරන screening ක්‍රමයක් ලෙසයි.
ඒ මිනුමට බලපාන්න පුළුවන් දේවල් කිහිපයක් තියෙනවා.
• ගර්භණී සතිය

• අම්මාගේ ශරීර හැඩය සහ බර

• බබාගේ පිහිටීම

• ගර්භාෂයේ පිහිටීම

• මුත්‍රාශය පිරී තිබීම

• ගර්භාෂයේ වර්ධනය

• Amniotic fluid ප්‍රමාණය වැනි කරුණු නිසා මිනුම වෙනස් වෙන්න පුළුවන්.

ඒ නිසා බඩ මැනලා බබාගේ වර්ධනය මදී කිව්වට ඒකෙන් විතරක් බබාගේ වර්ධනය තීරණය කරන්න බෑ... ❤️

බඩේ මිනුම ගර්භණී සතියට වඩා අඩුයි කියලා පෙනුණොත්, වෛද්‍යවරයා අවශ්‍ය නම් ultrasound scan එකක් කරලා බබාගේ වර්ධනය වඩා නිවැරදිව තක්සේරු කරනවා.

ඒ නිසා midwife කෙනෙක් බබා ලොකු මදි වගේ කියලා කිව්වොත්,බබාට මොකක්හරි ප්‍රශ්ණයක් වෙන්න ඇති කියලා එකපාරට කලබල වෙන්න එපා.

සාමාන්‍ය පරිදි ඔයාගේ VOG doctor මුනගැහිලා scan පරීක්ෂාවක් කරගන්න..එතනදි ඔයාගේ ගර්භණී ඉතිහාසය, මිනුම්වල වෙනස්වීම බලලා ඔයාලට හරියටම කියයි බබාගේ වර්ධනය කොහොමද කියලා...

හැබැයි ඔයාලා මේකත් මතක තියාගන්න..Scan එකකදී බබාගේ බර හෝ ප්‍රමාණය ගර්භණී සතිවලට සාපේක්ෂව ටිකක් අඩුයි කියලා පෙනෙන්න පුළුවන්.

ඒකටත් හේතු කිහිපයක් තියෙනවා.

• සෑම බබෙක්ම එකම වේගයෙන් වර්ධනය වෙන්නේ නැහැ.

• අම්මාගේ සහ තාත්තාගේ ශරීර ප්‍රමාණය අනුව ස්වභාවිකව කුඩා බබෙක් විය හැකියි.

• Scan එකෙන් ගණනය කරන බබාගේ බර ඇස්තමේන්තුවක් පමණයි. ඒක 100% නිවැරදි බරක් නෙවෙයි. (scan එකේදී කියන මිනුම් ඉපදෙන අවස්ථාවේදී වෙනස් වෙන්නේ ඒකයි )

• සමහර වෙලාවට එක scan එකක ප්‍රතිඵලයට වඩා, කාලයත් සමඟ බබාගේ වර්ධනය කොහොමද කියන එක තමයි වැදගත් වෙන්නේ....

• ඒ නිසා වෛද්‍යවරයා නැවත scan එකක් කරලා බබාගේ growth pattern එක සහ අනෙකුත් කරුණු බලන්න පුළුවන්.

ඒ නිසා බඩ මැන්නට පස්සේ ඒකෙන්ම විතරක් බබා ලොකු මදි කියලා තීරණය වෙන්නේ නැහැ. අනවශ්‍ය විදිහට stress නොගෙන සතුටින් ඉන්න...VOG doctor දෙන උපදෙස් පිළිපදින්න... ඔයා සතුටින් ඉන්නවනම් බබාත් හොදට වර්ධනය වෙනවා...

මේ වගේ වැදගත් ලිපි බලන්න page එක follow කරන්න...තවත් අම්ම කෙනෙක්ගේ දැනුවත් වීම උදෙසා පුළුවන්නම් post එක share කරන්න...

ස්තූතියි.

නදී මිස්

හෙද නිලධාරිණී
ශ්‍රී ලංකා ජාතික රෝහල
කොළඹ

#අම්මලාට_ආදරෙන්

22/08/2026

කුඩා දරුවෙක් සිටින ඔබ අනිවාර්යයෙන් ඕනිම දේකට පෙර සූදානමෙන් සිටිය යුතුයි... එහෙම උනොත් දරුවාට වෙන්න තියන හානිය සෑහෙන දුරට අඩු කරගන්න පුළුවන්...

කුඩා දරුවෙක් සිටින සෑම මවක්ම දැනගතයුතු වැදගත් කරුනු කිහිපයක් අද කතා කරමු....

🚑 1. හදිසි අවස්ථාවකට පෙර සූදානම

🔴ළමයාට අසනීප උනොත් රෝහලට යාමට අතේ හදිසි මුදල් තබාගන්න

🔴ළමා වෛද්‍යවරයාගේ දුරකථන අංකය save කර තබාගන්න

🔴ළමා clinic card / vaccination card එක නිතර එක තැනක තබාගන්න

🔴ළමයාට allergy තියෙනවා නම් ඒක ලිඛිතව සටහන් කර තබාගන්න

🔴Ambulance / emergency numbers (1990 Suwaseriya වැනි) අංක දැනගෙන ඉන්න...

🩹 2. ගෙදර First Aid Box එකක් තබා ගන්න...
First aid box එකේ තියෙන්න ඕනි:
🌸Digital thermometer එකක්
🌸Baby paracetamol (වයසට ගැළපෙන dose දැනගෙන සිටීම වැදගත්)
🌸Piriton ( allergy ආවොත් දෙන්න.. )
🌸Saline drops (නාසය පිරිසිදු කිරීම සඳහා)
🌸ORS packets
🌸Plasters, sterile gauze
🌸Antiseptic solution
🌸Nasal aspirator (කුඩා බබාලට)

Expiry dates නිතර බලන්න අමතක කරන්න එපා...

🧴 3. දිනපතා සනීපාරක්ෂාව ගැන සැලකිලිමත් වෙන්න...
💧ළමයාගේ අත් නිතර පිරිසිදු කරවන්න
💧බෝතල්, pacifier, toy නිතර sanitize කරන්න හෝ සෝදන්න
💧නිය දිග වැඩි නොවීමට කපන්න...
💧Diaper rash වැළැක්වීමට diaper නිතර මාරු කරන්න

🍲 4. ආහාර හා පෝෂණය ගැන දැනුවත් වීමත් ඉතා වැදගත්...
🌼මාස 6 දක්වා මව්කිරි විතරක්ම දෙන්න...
🌼කෑම දීම ආරම්භ කල පසු යකඩ සහ ප්‍රෝටීන බහුල එළවල්ලු balance කර ලබා දෙන්න
🌼ජලය උණු කර සිසිල් කර ලබාදෙන්න...
🌼කෑම ආරම්භ කළ දිනයේ සිට වතුර දෙන්න පුළුවන්...

📅 5. Vaccination & Growth Monitoring ගැන දැනුවත් වෙන්න...
🏵️Vaccination schedule එක මග නොහැර පවත්වාගන්න... බබා ලැබෙනකොට දෙන නිල්/රෝස පොතේ තියනවා vaccine දියයුතු මාස පිළිබද විස්තරයක්...ඒක බලලා හරිම මාසෙට බෙහෙත් විදගන්න මතක ඇතුව...

🏵️Growth chart එක බලන්න ( කොළ පැහැ තීරුවේ ගමන් කරනවාද කියලා බලන්න )

🏵️Developmental milestones (ඉඳගැනීම, අතෙන් දේ අල්ලන එක වැනි) නිරීක්ෂණය කරන්න මේ සියලු දේ බබාගේ vaccination පොතේ ඇති කියවලා බලන්න...

🧠 6. මවගේ සූදානම ඉතාමත් වැදගත්
🌸රෑට නිදාගැනීම අඩු වෙන්න පුළුවන්...
🌸ඔබට support system එකක් හදා ගන්න... සහෝදරියන් , අම්මා, ස්වාමිපුරුෂයා වගේ අයගෙන් උදව් ලබාගන්න...
🌸Postpartum depression ලක්ෂණ මොනවද කියලා දැනගෙන ඉන්න... ( ඒ පිළිබද ලිපි දාලා ඇති බලන්න )

👜 7. Small Emergency Bag එකක් සූදානම් කර තබාගන්න මේක අත්‍යාවශ්‍යයි...
🌺බබාගේ අමතර ඇදුම් කිහිපයක්...
Diapers , Wipes , Small towel , Clinic book , Water bottle මීට අමතරව අම්මගේ ඇදුම්, සෙරෙප්පු පිගානක්,කොප්පයක් වැනිදේ වෙනම බෑග් එකක දමා තබා ගැනීම වැදගත් ....

🌺 බෑග් එකක දාලා තියාගන්න අමාරු මවක්නම් ලිස්ට් එකක් කොලේක ලියලා තියා ගන්න...අවශ්‍ය විට ඒක බලාගෙන බෑග් එක හදා ගන්න පහසු විදිහට...pohone charger, powerbank list එකට add කර ගන්න මතක ඇතුව...මොකද emergency වෙලාවට අපිට හුගක් දේවල් අමතක වෙනවා...ලියලා තියා ගත්තොත් බඩු ලෑස්ති කරගන්න ලේසියි...

🏥 8. පහත ලක්ෂණ තිබුණොත් ප්‍රමාද නොකර රෝහලට යන්න:
🔴උණ 100.4°F (38°C) ට වැඩි (විශේෂයෙන් මාස 3ට අඩු බබාලට)
🔴බබා කිරි බොන්නේ නැත්නම්...කිරිබීම ප්‍රතික්ෂේප කරනවානම්
🔴නතර නොවී අඩනවනම් / අසාමාන්‍ය ලෙස නිදාගන්නවානම්
🔴හුස්ම ගන්න අපහසු වීමක් ඇත්නම්...
🔴Fits හෝ එක දිගට වමනය කරනවානම් බලන් ඉන්න එපා රෝහලට රැගෙන එන්න...

මෙවැනි වටිනා ලිපි බලන්න page එක follow කරන්න...තවත් අම්මලාගේ දැනුවත්වීම සදහා share කරන්න...

❤️ලිපිය වටිනවා කියලා හිතෙනවනම් සහ මේකට තව එකතුවිය යුතු දේවල් තියනම් comment එකකුත් දාන්න...

නදී මිස්...
ශ්‍රී ලංකා ජාතික රෝහල,
කොළඹ

#අම්මලාට_ආදරෙන්

21/08/2026

🍓 අනේ ඔයාගේ බබාගේ මේ මොකක්ද රතුපාට ලපයක් තියෙන්නෙ...? තුවාල වෙලාද? ලේ ගුලියක් වගේනේ ? මේ වගේ දේවල් නිතර අහන්න ලැබෙනවා මේ strawberry පැංචෝ ඉන්න අම්මලාට...

බබාලගේ සමේ දකින්න ලැබෙන රතු පාට, සමෙන් ටිකක් ඉහළට එන ලපයක් දැක්කාම බොහෝ අම්මලා බය වෙනවා. මේවා අතරින් බහුලව දකින්න ලැබෙන එකක් තමයි Strawberry Mark / Infantile Hemangioma කියන්නේ.

මගේ බබාගෙත් ඔලුවේ මෙයින් එකක් තියන නිසා මේ ගැන ඔයාලා එක්ක කතාකරන්නෝනි කියලා හිතුවා...

🍓 1. මේක මොකක්ද?

Infantile hemangioma කියන්නේ සමේ කුඩා රුධිර නාලිකා වැඩිපුර වර්ධනය වීම නිසා ඇතිවන නිරෝගී රුධිර නාලිකා ගෙඩියක්. එය පිළිකාවක් නොවේ.

🍓 2. උපදින විටම තියෙන්න පුළුවන්ද?

සමහර බබාලට උපදින විටම පෙනෙන්න පුළුවන්. තවත් බොහෝ බබාලට උපතින් පසු මුල් සති කිහිපයේදී රතු ලපයක් ලෙස පෙනී, පසුව ක්‍රමයෙන් විශාල වෙන්න පුළුවන්. ( අපේ බබාගේ සති දෙකෙන් පස්සේ මතු උනේ )

🍓 3. ඇයි “Strawberry” Mark කියන්නේ? 🍓

ඉතා රතු පැහැයෙන්, සමෙන් ඉහළට මතු වී පෙනෙන විට ස්ට්‍රෝබෙරි ගෙඩියක් වගේ පෙනෙන නිසා මෙම නම භාවිතා කරනවා.

🍓 4. එය දිගටම විශාල වෙනවද?

සාමාන්‍යයෙන් මුල් මාස කිහිපයේදී වේගයෙන් වර්ධනය විය හැකියි. ඉන්පසු වර්ධනය මන්දගාමී වී, කාලයත් සමඟ ස්වභාවිකව කුඩා වීමට පටන් ගන්නවා. ( අවුරුද්දක් යද්දි මගේ බබාගේ ලපය නොපෙනීම ගියා )

🍓 5. අවසානයේ මැකී යනවද?

බොහෝ infantile hemangiomas කාලයත් සමඟ ස්වභාවිකව අඩු වෙනවා. නමුත් සම්පූර්ණයෙන් මැකී යාමට වසර කිහිපයක් ගත විය හැකියි. සමහර විට සමේ පැහැය වෙනස් වීම හෝ අතිරික්ත සමක් ඉතිරි විය හැකියි. (වසර දෙකක් යනවිට බොහෝ ඒවා නැතිවී යනවා )

🍓 6. හැම Strawberry Mark එකකටම ප්‍රතිකාර අවශ්‍යද?

❌ නැහැ. කුඩා, අඩු අවදානම් ලප බොහෝවිට වෛද්‍ය නිරීක්ෂණය පමණක් ප්‍රමාණවත්.

නමුත් ලපය තිබෙන ස්ථානය, ප්‍රමාණය, වර්ධනය වන වේගය සහ බබාගේ අනෙකුත් ලක්ෂණ අනුව ප්‍රතිකාර අවශ්‍යද කියලා ළමා වෛද්‍යවරයා තීරණය කරනවා.

🔴 ඉතා වේගයෙන් විශාල වෙනවා නම්

🔴 ලේ ගලනවා හෝ තුවාල වෙනවා නම්

🔴 ඇසට ආසන්නව තිබෙනවා නම්

🔴 නාසය, මුඛය හෝ හුස්ම ගැනීමේ මාර්ගයට ආසන්නව තිබෙනවා නම්

🔴 කෑම ගැනීම හෝ හුස්ම ගැනීම බලපානවා නම්

🔴 විශාල හෝ ගැඹුරු ලප කිහිපයක් තිබෙනවා නම්

🔴 බබාට වේදනාවක්/අසහනයක් ඇතිවන බව පෙනෙනවා නම්
මේ අවස්ථාවලදී ඉබේම මැකෙයි කියලා බලාගෙන ඉන්නේ නැතුව වෛද්‍ය පරීක්ෂාවක් ලබාගැනීම වැදගත්.

ප්‍රතිකාර අවශ්‍ය වූ අවස්ථාවල වෛද්‍යවරයා තෝරාගන්නා ප්‍රතිකාර අතර propranolol වැනි ඖෂධ ඇතුළත් විය හැකියි. ( මගේ බබාගෙත් ගෑවා මං ) ඒවා වෛද්‍ය උපදෙස් නොමැතිව කිසිසේත්ම ලබාදෙන්න එපා.

❌ Strawberry Mark එකට ගෙදරදී තෙල්, creams හෝ වෙනත් බෙහෙත් දාලා අඩු කරන්න උත්සාහ කරන්න එපා.

බබාගේ සමේ අලුත් ලපයක් දැක්කාම බය වෙන්න කලින් එය හඳුනාගැනීම වැදගත්. හැබැයි සෑම රතු ලපයක්ම Strawberry Mark එකක් නොවන නිසා නිවැරදි diagnosis එක සඳහා වෛද්‍යවරයෙකුට පෙන්වන්න.

📌 මේ post එක Save කරගන්න. තවත් අම්මලාට බලන්න Share කරන්න. 👶🍓

🍓 ස්ට්‍රෝබෙරි mark එකක් තියන බබෙක් ඔයාටත් ඉන්නවනම් පහළින් comment කරන්න... කොතනද තියෙන්නෙ කියලත් කියාගෙන යමු බලන්න... අපේ බබාගෙනම් ඔලුවේ තිබුනේ....

මේ වගේ post බලන්න page එක follow කරලා තියාගන්න...

නදී මිස්
ශ්‍රී ලංකා ජාතික රෝහල
කොළඹ

#අම්මලාට_ආදරෙන්

20/08/2026

හුගාක් අම්මලා දන්නේ නැති baby blues ගැන අද කතා අරමු... අම්මලා උන අය වගේම අම්මලා වෙන්න ඉන්න අයටත් මේ ලිපිය හුගාක් වැදගත් වෙයි....

Baby Blues කියන්නේ මොකද්ද කියලා මුලින්ම බලමු..

Baby Blues කියන්නේ දරුවාගේ උපතෙන් පසු බොහෝ අම්මලාට (සාමාන්‍යයෙන් 70–80%) තාවකාලිකව ඇතිවන මනෝභාව වෙනස්වීමක්.

🔴මෙක රෝගයක් නෙමෙයි, Depression එකක් නෙමෙයි සාමාන්‍ය ශරීරික-මානසික ප්‍රතිචාරයක්.

• දරුවාගේ උපතෙන් දින 2–3 පසු මේක වැළදෙන අතර
• දින 10–14 තුළ ස්වයංක්‍රීයව හොඳ වෙයි ප්‍රතිකාර බොහෝ විට අවශ්‍ය නැහැ.

😢 Baby Blues වල ලක්ෂණ මොනවද බලමු...

• හේතුවක් නැතිව කඳුළු එන එක
• හිත ඉක්මනින් රිදීම
• කේන්තිය
• කලබලය
• බිය
• නින්දේ ගැටලු
• මට මේක කරන්න බෑ කියන හැඟීම්

නමුත් මේකෙදි
❌ දරුවාට හානි කරන්න සිතුවිලි එන්නේ නෑ
❌ තමන්ට හානි කරන්න සිතුවිලි එන්නේ නෑ

🔬 Baby Blues ඇතිවෙන්නේ ඇයි? (විද්‍යාත්මකව කතා කලොත්)

🧬 Hormonal changes
• Deliveryඑකෙන් පසු Estrogen & Progesterone ඉතා ඉක්මනින් පහළට වැටෙනවා මෙම sudden drop එක නිසා;

🔴මනෝභාවය එකපාරට වෙනස් වීම(mood swings )

🔴නින්ද නොයාම (Sleep deprivation )

🔴 නින්ද අඩුවීම

🔴කෝපය + හැඬීම ( irritability + crying )

🔴 පාලනයකින් තොරව චිත්තවේග පැමිනීම (Emotional overload)

🔴නව වගකීම් නිසා බිය හට ගැනීම

🔴තෙහෙට්ටුව ( fatigue )

මේ සියල්ල එකට ඇතිවීම අප Baby Blues ලෙස හදුන්වනවා...

📊 Baby Blues vs Postpartum Depression

Baby Blues Postpartum Depression

සාමාන්‍ය • රෝග තත්ත්වයක්
දින 2–14 • සති / මාස
මෘදු ලක්ෂණ • දැඩි ලක්ෂණ
ස්වයංක්‍රීයව හොඳ වෙයි • ප්‍රතිකාර අවශ්‍යයි
ආරක්ෂිතයි • අවදානම් විය හැක

💧 Baby Blues වලදී කළ යුතු දේ

✔️ අම්මාට විවේකය ලබාදීම
✔️ නින්දට අවස්ථාව සලසා දීම
✔️ සැමියාගේ සහ පවුලේ සහාය ලබාදීම
✔️ අනෙක් අය සමග මේ ගැන කතා කරන්න
✔️ මෙය සාමාන්‍යයි කියලා දැනගැනීම වැදගත්

🚨 වෛද්‍ය උපදෙස් ලබාගත යුතු අවස්ථා..;

🔴ලක්ෂණ දින 14ට පසුත් පවතිනවා නම්
🔴 ලක්ෂණ වැඩි වෙමින් යනවා නම්
🔴 depression / fear වැඩි නම්
🔴 Postpartum Depression වෙන්න පුළුවන් වහාම වෛද්‍ය උපදෙස් ගන්න

Baby Blues = සාමාන්‍යයි, තාවකාලිකයි, හොඳ වෙන්න පුළුවන් තත්ත්වයක්..

මීට කලින් මේ ගැන දැනගෙන ඉදියද? ඔයාටත් baby blues ඇවිත් තියද? පහළින් comment කරන් යමු....

මේ ගැන ගෙවල් වල අය වගේම තවත් අම්මලාගේ දැනුවත් වීම පිණිස post එක share කරන්න...තවත් මෙවැනි වටිනා ලිපි බලන්න අපිව follow කරන්න...

නදී මිස්
ශ්‍රී ලංකා ජාතික රෝහල
කොළඹ

#අම්මලාට_ආදරෙන්

20/08/2026

බබා නිදාගත්තට පස්සේ ඔයා මුලින්ම කරන්නේ මොකක්ද?

A – මාත් නිදාගන්නවා 😴
B – phone එක බලනවා 📱
C – ගෙදර වැඩ ටික කරනවා 🧹

Comment කරන් යමු බලන්න...

#අම්මලාට_ආදරෙන් ゚viralシ

19/08/2026

Save කරලා තියාගන්න අලුත් අම්මලාට වැදගත් වෙයි...

දළ අදහසක් ගන්න විතරයි මෙහෙම දාන්නේ එක් වරකදී මීට වඩා බබා බොනවනම් දුන්නට ගැටලුවක් නෑ...අඩුම මේ ප්‍රමාණයවත් පොවාගන්න පුළුවන්නම් වටිනවා...

මේ වගේ post බලන්න අපිව follow කරලා තියාගන්න...තව අම්මලටත් බලන්න share කරන්න...🥰

නදී මිස්

#අම්මලාට_ආදරෙන්

18/08/2026

බබාලගේ කිරි මැලියම් ඉවත් කළ යුතුද ?

අද කතා කරන්නේ ඒ ගැන...කොච්චර මේ ගැන දැනුවත් කිරීම් කලත් අම්මලා නැවත නැවතත් අසන ගැටලුවක් තමයි බබාගේ දිව පිරිසිදු කරන්නේ කොහොමද කියන එක...

ඇත්තටම මේවා පිරිසිදු කළ යුතු නෑ...

මොනවද මේ කිරි මැලියම් කියන්නේ...
බබාලගේ දිවේ සෛල නිතරම අලුත් වෙනවා එතකොට මැරුණ සෛල දිවේ උඩ කොටසෙන් ඉවත් වෙලා යනවා...හුගක් වෙලාවට මේ සෛල වල කිරි තැවරුනාම දිවට ඇලිලා තියනවා...ඒක තමයි අපි කිරි මැලියම් කියන්නේ....

අපි මේවා නිතර නිතර ඉවත් කරන්න ගිහාම බබාගේ දිව සීරීමකට ලක් වෙන්න පුළුවන්...එහෙම උනාම බබා කිරි බීම ප්‍රතික්ෂේප කරන්න පුලුවන්... ආසාදන ඇතිවීමටත් ලොකු ඉඩක් තියනවා...

හැබැයි ගෙදර අයගේ බලපෑම් මත පිරිසිදු කළ යුතුමයි කියලා කාට හරි හිතෙනවනම් අපිට පුළුවන් බබාගේ පිරිසිදු නැපියක් අරගෙන ඒක උණු වතුරෙන් පොගවලා අරන් ඇගිල්ලෙන් දවටලා එක පාරක් දිව පිරිසිදු කරන්න...මේක හුගක් තදට කරන්න එපා...එහෙම උනොත් බබාගේ දිව තුවාල වෙන්න පුළුවන්...( අපිට ඒක නොපෙනුනාට බබාට මුළු දවසම ලොකු අපහසුවක් දැනෙන්න පුළුවන් )

වෛද්‍ය ප්‍රතිකාර ගතයුතු උල්ලෝගම් හෙවත් oral thrush කියන්නේ මොකක්ද කියලා දැන් අපි බලමු...

🦠 Oral Thrush කියන්නේ මුඛය ඇතුළේ Candida කියන දිලීරයක් අධිකව වැඩි වීමෙන් ඇතිවන ආසාදනයක්.
බබාලා, කුඩා දරුවන්, ගැබිනි මව්වරුන්, දුර්වල ප්‍රතිශක්තිය තියෙන අයට වැඩි වශයෙන් මෙක වැළදෙනවා...

👶 බබාලාට පේන ලක්ෂණ
🔺කිරි මැලියම් වගේ පෙනුනත් මැකූවිට පහසුවෙන් යන්නේ නැහැ (මේකයි වැදගත් වෙනස)
🔺 පැහැය තරමක් අවපැහැ වීම..සුදු පැහැයට උඩට මතුවී ( මුදවපු කිරි මෙන් ) තිබීම. තැනින් තැන රතු වී තිබීම..
🔺දිව, කම්මුල් ඇතුළ, තොල් ඇතුළ සුදු පාට පැල්ලම් ඇතිවීම
🔺ඒවා මැකූ විට එම ස්ථානය රතු පැහැයක් ගැනීම හෝ ලේ ගැලීමක් ඇතිවිය විය හැක.
🔺 දරුවා කිරි බොන්න අකමැති වීම
🔺කට ඇතුළේ වේදනාව / කට කසන වගේ හැඟීම

ඉහත ලක්ෂණ දින 3කට වඩා තිබේනම් වහාම වෛද්‍ය ප්‍රතිකාර ලබාගත යුතුයි...

වෛද්‍ය ප්‍රතිකාර ලෙස බබාගේ දිවේ ගෑමට ජෙල්/ක්‍රීම් ලබා දෙනු ලබනවා.. ඒ සමගම මවටද ප්‍රතිකාර කරනු ලබනවා...( මවගේ තන පුඩුවෙන් නැවත දරුවාට දිලීර ආසදනය විය හැකි බැවින් ) එම නිසා උල්ලෝගම් වැනි තත්වයක් ඇතැයි සැක ඇත්නම් වහාම වෛද්‍ය උපදෙස් ලබා ගන්න...

🔅 මෙම oral thrush වලින් දරුවා ආරක්ෂා කර ගැනීමට දරුවාගේ කිරි බෝතල් සූප්පු ,සෙල්ලම් බඩු දිනපතා හොදින් පිරිසිදු කරන්න

Post එක වැදගත්නම් like,comment කරන්න..තවත් මවකට දැනුවත් වීම සදහා share කරන්න...🥰

නදී මිස්
ශ්‍රී ලංකා ජාතික රෝහල,
කොළඹ.

#අම්මලාට_ආදරෙන්

゚

අම්මලාට ආදරෙන්- Nurse Mom's Diary

26/08/2026

25/08/2026

24/08/2026

22/08/2026

21/08/2026

20/08/2026

20/08/2026

19/08/2026

18/08/2026

Address

Website

Alerts

Shortcuts

Share

Listing takedown request