22/06/2026
ළමා උපදේශනයෙන් ඔබට _ ලිපි අංක 02
ඔන්න පසුගිය සිකුරාදා සාමාන්ය පෙළ ප්රතිඵල ආවා. සමහර අය පාස් වෙලා A/L කරන්න ලෑස්ති වෙනවා ඇති. හැබැයි තවත් පිරිසක් ඉන්නවා ප්රතිඵල මදි වෙලා, "දැන් ඉතින් මං මොකද කරන්නේ?" කියලා හිතාගන්න බැරුව අසරණ වෙලා. හිතට ලොකු දුකක්, ලැජ්ජාවක් දැනෙනවා ඇති.
හැබැයි එකක් මතක තියාගන්න, ඔය හැම හැඟීමක්ම සාමාන්යයි. විභාගයක් ෆේල් වුණා කියන්නේ ජීවිතේ පැරදුණා කියන එක නෙවෙයි. දැන් අපිට තියෙන්නේ ඉස්සරහට කරන්න පුළුවන් හොඳම දේ තෝරාගන්න එකයි.
අපි බලමු ඔයාට යන්න පුළුවන් ප්රධාන මාවත් දෙක මොකක්ද කියලා.
1. "මං ආයෙත් O/L ලියලා වැඩේ ගොඩදාගන්නවා!" කියන අයට
ඔයා විභාගයට ලීවේ උපරිම මහන්සි වෙලා නෙවෙයි නම්, අන්න ඒ පසුතැවීමම ඔයාගේ ජයග්රහණයේ පදනම කරගන්න. තව අවුරුද්දක් යනවා කියලා ලතවෙන්න එපා. O/L නැතුව ජීවිතේ අතරමං වුණ අය ඕනෑතරම් ඉන්නවා. ඒ නිසා මේක හොඳ අවස්ථාවක් කරගන්න.
විෂයන් ඔක්කොම ලියන්න: "මං ගිය පාර 2ක් 3ක් පාස්නේ, ඒ හින්දා මේ පාර ඉතුරු ටික විතරක් කරන්නම්" කියලා හිතන්න එපා. විෂයන් 9ම අරන් එක පාර ලියන්න. ඒක ඔයාගේ අනාගතයට ගොඩක් වටිනවා.
අඩුපාඩු හදාගන්න: නෝට්ස්, පොත්පත් අඩුයි නම් යාළුවෙක්ගෙන් හරි ඉල්ලගෙන මුලින්ම ඒ ටික සම්පූර්ණ කරගන්න.
ප්රශ්න පත්තරවලට හුරුවෙන්න (විශේෂයෙන් ගණිතය වගේ විෂයන්ට):
පසුගිය අවුරුදු 10ක විභාග ප්රශ්න පත්තර පොත් (උත්තරත් එක්ක තියෙන ඒවා) ගන්න.
හැම අවුරුද්දකම ප්රශ්න ඇවිත් තියෙන්නේ මොන පාඩම්වලින්ද කියලා වෙනම ලකුණු කරගන්න.
මුලින්ම ඔයාට ලේසි පාඩම් ටික හොඳට බලාගෙන, ඊටපස්සේ අමාරු පාඩම්වලට වෙලාව වෙන් කරන්න.
එක පාඩමක් ඉවර කරපු ගමන්, ඒකට අදාළ පරණ ප්රශ්නවලට තනියම උත්තර ලියලා, පොතේ උත්තර එක්ක සසඳලා බලන්න. බැරිම හරියක් තිබුණොත් ඉස්කෝලේ ගුරුතුමෙක්ගෙන් හරි අහගන්න ලැජ්ජා වෙන්න එපා.
ඉංග්රීසි අමාරුයි නම්: ඉංග්රීසි පෙළපොත නිතර නිතර කියවන්න. ප්රශ්න පත්තර පොතක් අරන්, එකම පේපර් එක වුණත් 10 පාරක් හරි කමක් නෑ ලියලා පුරුදු වෙන්න.
2. "මං ආයෙ O/L කරන්නේ නෑ, වෙනත් මඟක් තෝරගන්නවා" කියන අයට
ඔයාට O/L ආයෙ කරන්න උනන්දුවක් නැත්නම්, ඔයා කැමති මොන වගේ පැත්තකටද කියලා මුලින්ම හිතන්න. කාර්මික පැත්තද? බිස්නස් එකක්ද? නැත්නම් රට යන එකද?
💡 කාර්මික හෝ තාක්ෂණික පැත්තෙන් ඉස්සරහට යන්න:
ඔයා අතේ වැඩවලට, ටෙක්නිකල් පැත්තට ආසයි නම් කාර්මික/තාක්ෂණ විද්යාලයකට (Technical College) යන්න. Google එකේ search කරලා එයාලගේ ෆෝන් නම්බර් එකක් අරන්, අලුත් බැච් එකක් ගන්නේ කවද්ද, අයදුම් කරන්නේ කොහොමද කියලා විස්තර අහගන්න. පත්තරවලත් මේවට අයදුම්පත් කැඳවන දැන්වීම් දානවා.
✈️ රට යන්න බලාපොරොත්තු වෙනවා නම්:
මුලින්ම යන්න ඕන රට තීරණය කරන්න. ඊටපස්සේ ඔයාගේ ප්රදේශයේ තියෙන විදේශ සේවා නියුක්ති කාර්යාංශයේ ඔෆිස් එකට ගිහින් කෙළින්ම විස්තර අහන්න.
සමහර රටවලට යන්න භාෂාව ඕන වෙනවා. ඒ භාෂා පාඨමාලා විදේශ සේවා එකෙන්ම කරන අවස්ථා තියෙනවා. පිටින් කරලා අහුවෙනවාට වඩා ඒක විශ්වාසවන්තයි.
NVQ මට්ටමේ සහතිකයක් (NVQ Level) හදාගත්තොත් රට රැකියාවලට යන්න තියෙන අවස්ථා ගොඩක් වැඩියි.
💼 ස්වයං රැකියාවක් හෝ වගාවක් කරන්න:
බිස්නස් එකක් හෝ වගාවක් පටන් ගන්න හිතුණත් ඒකට දැනුම ඕනේ. ඒ නිසා මුලින්ම ඔයාගේ පැත්තේ ප්රාදේශීය ලේකම් කාර්යාලයට (DS Office) යන්න.
එතන ඉන්න නිලධාරීන්ගෙන් ස්වයං රැකියා පුහුණු පාඨමාලා, අඩු පොලී ණය හෝ මූල්ය ආධාර සහ සහන මිලට මැෂින් ලබාගන්නා හැටි (පළාත් සභා කර්මාන්ත අමාත්යාංශ හෝ කර්මාන්ත සංවර්ධන අධිකාරිය හරහා) විස්තර දැනගන්න පුළුවන්.
වගා කරන්න ආස නම් ප්රාදේශීය ලේකම් කාර්යාලයෙන් වගේම ගොවිජන සේවා, කෘෂිකර්ම දෙපාර්තමේන්තුව, පොල්/තේ/රබර් සංවර්ධන මණ්ඩල හරහා නොමිලේ දැනුම, පැල, බීජ සහ පොහොර සහනාධාර ලබාගන්න පුළුවන්.
🎓 නොමිලේ හෝ අඩු මුදලකට වෘත්තීය පාඨමාලා හැදෑරිය හැකි ආයතන
සාමාන්ය පෙළ නැති වුණා කියලා වෘත්තීය අධ්යාපනයෙන් ඉහළටම යන්න තියෙන පාරවල් වැහෙන්නේ නැහැ. ලංකාවේ මෙන්න මේ වගේ වටිනා රජයේ ආයතන තියෙනවා ඔයාට උදව් කරන්න:
ජර්මන් ටෙක්: මෙතන තියෙන පූර්ණ කාලීන පාඨමාලා සම්පූර්ණයෙන්ම නොමිලේ (විභාග ගාස්තු විතරයි අය කරන්නේ). හැබැයි සවස හෝ අර්ධ කාලීන ඒවට නම් පොඩි ගාස්තුවක් අය කෙරෙනවා.
කොරියන් ටෙක්: මෙහෙත් පූර්ණ කාලීන පාඨමාලා ඔක්කොම නොමිලේ තමයි කරන්නේ. සතිඅන්ත සහ අර්ධ කාලීන ඒවට විතරක් ගාස්තු අය කරනවා.
නයිටා (NAITA): මේක ගොඩක් වටින්නේ ප්රායෝගික වැඩවලට ආස අයට. කෙළින්ම කර්මාන්තශාලා සහ වැඩබිම්වලම තමයි පුහුණුව ලැබෙන්නේ. සම්පූර්ණයෙන්ම නොමිලේ වගේම, පුහුණු වෙන කාල සීමාව ඇතුළත ඔයාට පොඩි දීමනාවකුත් ගෙවනවා.
වෘත්තීය පුහුණු අධිකාරිය (VTA): පූර්ණ කාලීන පාඨමාලා බහුතරයක් නොමිලේ කෙරෙන්නේ (ලියාපදිංචි ගාස්තු විතරයි තියෙන්නේ). ඒ වගේම ඉගෙනගන්න සිසුන්ට මාසික දීමනාවකුත් ලැබෙනවා.
තාක්ෂණික විද්යාල: ලංකාවේ හැම තැනම වගේ තියෙන මේ ආයතනවල පූර්ණ කාලීන දහවල් පාඨමාලා සම්පූර්ණයෙන්ම නොමිලේ. අඩු ආදායම්ලාභී පවුල්වල දරුවන්ට මාසිකව දීමනාවකුත් ලබා දෙනවා.
ජාතික තරුණ සේවා සභාව (Youth): තරුණ තරුණියන් වෙනුවෙන්ම වෙන් වුණු මෙතනත් පූර්ණ කාලීන පාඨමාලා වැඩි හරියක් නොමිලේ යන්නේ. සමහර ඒවට විතරක් පොඩි වාර්ෂික පහසුකම් ගාස්තුවක් අය වෙන්න පුළුවන්.
සාගර විශ්වවිද්යාලය: මෝටර් බෝට්ටු එන්ජින් අලුත්වැඩියාව, කිමිදුම්, මත්ස්ය වගාව වැනි වෙරළබඩ කලාපවලට ගැළපෙන සුපිරි පාඨමාලා මෙතන තියෙනවා. සාමාන්ය පෙළ විභාගයට පෙනී සිටීම පමණක් ප්රමාණවත්, පාඨමාලා ගාස්තු නැහැ.
ලංකා කාර්මික සංවර්ධන මණ්ඩලය (IDB): සබන් නිෂ්පාදනය, කේක් සහ ආහාර තාක්ෂණය, සපත්තු නිෂ්පාදනය වැනි කෙටි කාලීන, ඉක්මනින් අතට කීයක් හරි හොයාගන්න පුළුවන් පාඨමාලා තියෙනවා. හැබැයි මේවට පොඩි ගාස්තුවක් අය වෙනවා.
ජාතික සැලසුම් මධ්යස්ථානය: ආභරණ නිර්මාණය, රෙදිපිළි නිර්මාණය වැනි හස්ත කර්මාන්ත හා කලාව පැත්තට බර අයට කියාපු තැන. පූර්ණ කාලීන ඒවා නොමිලේ (ලියාපදිංචි/විභාග ගාස්තු පමණි).
💡 විශේෂම දේ:
ඔයා මේ ඕනෑම ආයතනයකින් NVQ 3 හෝ 4 මට්ටමේ පාඨමාලාවක් ඉවර කරගත්තොත්, උසස් පෙළ (A/L) නැතුවම වෘත්තීය තාක්ෂණ විශ්වවිද්යාලයට (UNIVOTEC) ඇතුළත් වෙලා සම්පූර්ණයෙන්ම නොමිලේ රජයේ උපාධියක් (Degree) වුණත් ලබාගන්න පුළුවන්!
ඉතින් දුවේ, පුතේ... මේ වැටීම ඔයාගේ ජීවිතේ අවසානය නෙවෙයි, අලුත් ගමනක ආරම්භය කරගන්න. දැන්ම කල්පනා කරලා ඔයාට ගැළපෙන හොඳම පාර තෝරගන්න. ඔයාලා හැමෝටම වාසනාවන්ත, ජයග්රාහී අනාගතයක් මම හදවතින්ම ප්රාර්ථනා කරනවා!
ආදරයෙන්,
සචින්තනී අමුගොඩ
කථන ව්යාධිවේදිනී | ළමා හා යොවුන් මනෝ උපදේශිකා
ළමා අභිවර්ධන සහ යහසාධන සායනික අධ්යක්ෂ – SANDEEPA Energizing Group
🇱🇰 සායනික විශිෂ්ටත්වය සඳහා ශ්රී ලංකාවේ ප්රමුඛතම සායනික සන්නාමය
© www.rehabilitation.lk | Est. 2012
