Physio Vinu

13/07/2026

🚩දණහිසේ වේදනාව (Patellofemoral Pain Syndrome - PFPS) යනු කුමක්ද?

Patellofemoral Pain Syndrome (PFPS) යනු දණහිසේ දණහිස් කටුවට (Patella) පිටුපසින් ඇතුළතින් හා අවට ඇතිවන වේදනාවකි.

පොදු ලක්ෂණ
- දණහිසේ දණහිස් කටුවට (Patella) පිටුපසින් ඇතුළතින් හා අවට ඇතිවන වේදනාව
- පඩි නැගීම හෝ බැසීමේදී වේදනාව
- Squatting ,lunging කිරීමේදී හෝ දණ නමාගෙන වැඩ කිරීමේදී වේදනාව
- දිගු වේලාවක් වාඩි වී සිටීමෙන් පසු දණහිසේ වේදනාව
- දිවීම, පැනීම හෝ ව්‍යායාම කිරීමේදී වේදනාව

ඇතිවිය හැකි හේතු
- උකුල හා කලව (Quadriceps), ආශ්‍රිත මාංශපේශී දුර්වල වීම හා ඒවායේ තද භාවය නිසා
- දණහිසට අධික පීඩනයක් ඇතිවන ක්‍රියාකාරකම්
- ව්‍යායාම ප්‍රමාණය හදිසියේ වැඩි කිරීම හා වැරදි ලෙස ව්‍යායාම කිරීම
- දණහිසේ අදික භාවිතය නිසා
- දණහිස් කටුවේ චලනයේ වෙනස්කම්
- පාදයේ biomechanical වෙනස්කම්( පැතලි පාද ඇති පුද්ගලයන්ට වැඩි වශයෙන් )

🔴භෞතචිකිත්සාව (Physiotherapy) මඟින් කළ හැක්කේ කුමක්ද?

භෞතචිකිත්සකවරයෙකු විසින් රෝගියාගේ තත්ත්වය තක්සේරු කිරීමෙන් පසු, පුද්ගලයාට ගැළපෙන ප්‍රතිකාර සැලැස්මක් සකස් කරයි.
එයට,
♦️වේදනාව අඩු කිරීම සඳහා ප්‍රතිකාර electrotherapy හා physiotherapy techniques මගින් සිදු කරයි

♦️Quadriceps, Hip සහ Core මාංශපේශී ශක්තිමත් කිරීම

♦️තද මාංශපේශී සඳහා ලිහිල් වීමට ප්‍රතිකාර
♦️ දණහිසට පීඩනය අඩු වන පරිදි දෛනික ක්‍රියාකාරකම් සහ ව්‍යායාම කළමනාකරණය (Load Management)

♦️ පුද්ගලයාගේ තත්ත්වයට ගැළපෙන ව්‍යායාම වැඩසටහනක් ලබාදීම


♦️ රෝගියාට නිවසේදී කළ යුතු ක්‍රියාකාරකම් සහ මෙම තත්ත්වය නැවත ඇතිවීම වැළැක්වීම සඳහා උපදෙස් ලබාදීම

PFPS ඇති බොහෝ දෙනෙකුට නිසි භෞතචිකිත්සක ප්‍රතිකාර සහ ව්‍යායාම මඟින් ශල්‍යකර්මයකින් තොරව සාර්ථකව සුවය ලබාගත හැකිය.

මතක තබා ගන්න

සෑම දණහිස් වේදනාවක්ම ආතරයිටිස් නොවේ. නිවැරදි ඇගයීම් සහ ප්‍රතිකාර ලබාගැනීමෙන් බොහෝ දෙනෙකුට නැවත සාමාන්‍ය දෛනික ක්‍රියාකාරකම් සහ ක්‍රීඩා වෙත ආරක්ෂිතව යා හැකිය.

D. Vinuji Omalhara
SLMC Registered
Physiotherapist
Bsc( Hons) Physiotherapy
0714137939

13/07/2026

07/07/2026

🦶 වළලුකර පෙරලීම (Ankle Sprain) ගැන ඔබ දැනුවත්ද?

වළලුකර පෙරලීම යනු වළලුකරයේ ඇති බන්ධනී (Ligaments) ඇදීමක් හෝ ඉරීමක් සිදුවන ඉතා සුලභ අනතුරකි. බොහෝ විට මෙය පාදය ඇතුළට පෙරළීම (Inversion Injury) නිසා ඇතිවන අතර, ක්‍රීඩා කරන පුද්ගලයින්ට පමණක් නොව සාමාන්‍යයෙන් ඇවිදින විට, පඩිපෙළ බැසීමේදී හෝ අසමාන මතුපිටක ඇවිදීමේදී ද ඇතිවිය හැකිය.

❗ රෝග ලක්ෂණ

✔️ වළලුකරයේ වේදනාව
✔️ ඉදිමීම
✔️ නිල් පැහැ ගැන්වීම (Bruising)
✔️ ඇවිදීමට හෝ බර තැබීමට අපහසු වීම
✔️ වළලුකර අස්ථාවර ලෙස දැනීම

⚠️ වළලුකර උලුක්කුවක් වූ විට කළ යුත්තේ කුමක්ද?

👩🏻‍⚕️ භෞත චිකිත්සාවෙන් ලැබෙන ප්‍රතිලාභ

මුල් අවධියේදී වළලුකරයට විවේකය ලබාදීම, ඉදිමීම පාලනය කිරීම සහ අවශ්‍ය විට ආධාරක බැන්ඩේජ් හෝ බ්‍රේස් භාවිතා කිරීම වැදගත් වේ. එහෙත් විවේකය පමණක් ප්‍රමාණවත් නොවේ.

නිසි භෞත චිකිත්සාව මඟින්,

✅ වේදනාව සහ ඉදිමීම පාලනය කරයි.
✅ වළලුකරයේ චලනය (Range of Motion) නැවත යථා තත්ත්වයට පත් කරයි.
✅ වළලුකර අවට මාංශපේශි ශක්තිමත් කරයි.
✅ සමතුලිතතාව (Balance) සහ Proprioception වැඩිදියුණු කරයි.
✅ නැවත නැවත වළලුකර උලුක්කු වීමේ අවදානම අඩු කරයි.
✅ දෛනික කටයුතු, රැකියාව සහ ක්‍රීඩා සඳහා ආරක්ෂිතව නැවත යොමු වීමට උපකාරී වේ.

මතක තබා ගන්න!
මුල් අවදියේදීම නිසි ප්‍රතිකාර නොකලහොත් අනාගතයේදී දිගුකාලීන වේදනාව, වළලුකර අස්ථාවර බව සහ නැවත නැවත පෙරලීම විය හැකිය. එබැවින් මුල් අවධියේ සිටම නිසි භෞත චිකිත්සක ප්‍රතිකාර ලබා ගැනීම ඔබගේ ඉක්මන් සහ සම්පූර්ණ සුවය සඳහා ඉතා වැදගත් වේ.

D. Vinuji Omalhara
SLMC Registered
Physiotherapist (Reg. No. 1784)
BSc (Hons) Physiotherapy
📞 071 413 7939

#වළලුකරඋලුක්කුව

04/07/2026

🚩රුමටොයිඩ් ආතරයිටිස් (Rheumatoid Arthritis) ගැන දැන ගමු

රුමටොයිඩ් ආතරයිටිස් (Rheumatoid Arthritis - RA) යනු ශරීරයේ ප්‍රතිශක්ති පද්ධතිය වැරදීමකින් තමන්ගේම සන්ධිවලට පහර දෙන ස්වයං ප්‍රතිශක්ති (Autoimmune) රෝගයකි. මෙම තත්ත්වය නිසා සන්ධිවල දැවිල්ල (Inflammation) වේදනාව, ඉදිමීම සහ තද ගතිය ඇති විය හැකිය.

🔴ප්‍රධාන ලක්ෂණ
• උදෑසන අවදි වූ විට සන්ධි තද ගතිය (විනාඩි 30කට වැඩි කාලයක් පැවතිය හැක)
• ඇඟිලි, මැණික් කටුව, පාද සහ අනෙකුත් සන්ධිවල වේදනාව
• සන්ධි ඉදිමීම සහ වේදනාව
• ශරීරයේ දෙපැත්තේම එකම සන්ධිවල ලක්ෂණ ඇතිවීම
• අධික වෙහෙස සහ ශක්තිය අඩුවීම

‼️අවදානම් සාධක
• කාන්තාවන්ට වැඩි වශයෙන් දක්නට ලැබේ.
• පවුල් ඉතිහාසයක් තිබීම.
• දුම්පානය.
• වයස අවුරුදු 30–60 අතර වැඩි වශයෙන් ආරම්භ විය හැකි නමුත් ඕනෑම වයසකදී ඇති විය හැක.

🏥ප්‍රතිකාර
රුමටොයිඩ් ආතරයිටිස් සම්පූර්ණයෙන් සුව කළ නොහැකි වුවද, කල්තියා හඳුනාගෙන නිසි ප්‍රතිකාර ලබාගැනීමෙන් රෝගය හොඳින් පාලනය කළ හැකිය. ප්‍රතිකාර සඳහා වෛද්‍යවරයා නිර්දේශ කරන ඖෂධ, භෞත චිකිත්සාව (Physiotherapy), නිසි ව්‍යායාම සහ සෞඛ්‍ය සම්පන්න ජීවන රටාව වැදගත් වේ.

♦️♦️භෞත චිකිත්සාවේ වැදගත්කම

✔️ සන්ධි චලනය පවත්වා ගැනීමට
✔️ මාංශ පේශි ශක්තිමත් කිරීමට
✔️ වේදනාව සහ තද ගතිය අඩු කිරීමට
✔️ දෛනික ක්‍රියාකාරකම් පහසු කර ගැනීමට
✔️ ජීවන තත්ත්වය වැඩිදියුණු කිරීමට

D.Vinuji Omalhara
SLMC Registered physiotherapist
Bsc(Hons) Physiotherapy
0714137939

03/07/2026

🦵 ඔයාගෙත් කකුල් හිරිවැටෙනවද?

මෙය විවිධ හේතු නිසා ඇති වෙන්න පුළුවන්.

1. ස්නායුවක් තාවකාලිකව තෙරපීම (Temporary nerve compression)
දිගු වේලාවක් කකුලක් උඩ කකුලක් දමා වාඩි වීම, එකම ඉරියව්වෙන් සිටීම හෝ කකුලක් යට කරගෙන ඉද ගෙන සිටීම නිසා ස්නායුවකට තාවකාලික තෙරපුමක් ඇතිවිය හැක. ඉරියව්ව වෙනස් කළ පසු මෙය සාමාන්‍යයෙන් සුළු වේලාවකින් යතා තත්ත්වයට පත් වේ.මෙය සාමාන්‍ය තත්ත්වයකි.

2. කොඳු ඇට පෙළේ ගැටලු (spinal disorders)
කොන්දේ අන්තර් කශේරුක මඩල ඉදිමීම හෝ එලියට නෙරා ඒම (disc herniation), කොඳු ඇට පෙලෙහි කශේරුකා අතර ඇති හිඩස පටු වීම (spinal stenosis) හෝ වෙනත් වෙනස්කම් නිසා ස්නායු තද විය හැක. එවිට කොන්දේ වේදනාව සමඟ නිතඹ, කලවා, පාදය දක්වා හිරිවැටීම හෝ විදුලියක් යනවා වැනි වේදනාවක් දැනිය හැක.

3. Sciatic nerve irritation
ශරීරයේ දිගම ස්නායුව වන sciatic nerve එක තෙරපීමට පත්වීම හෝ පීඩනයට ලක්වීම නිසා නිතඹේ සිට කකුල පහළට හිරිවැටීම, දැවෙන වේදනාව හෝ කටු ඇනෙනවා වැනි දැනීමක් ඇති විය හැක.

4. දියවැඩියාව (Diabetic peripheral neuropathy)
දිගු කාලයක් රුධිරයේ සීනි මට්ටම ඉහළ පැවතීම නිසා ස්නායු හානි විය හැක. මෙය බොහෝවිට දෙපා දෙකේම ඇඟිලිවලින් ආරම්භ වී ක්‍රමයෙන් ඉහළට පැතිරේ.

5. විටමින් B12 හිඟය
Vitamin B12 ස්නායුවල සාමාන්‍ය ක්‍රියාකාරීත්වයට අවශ්‍ය විටමින් එකකි. එහි හිඟය නිසා හිරිවැටීම, සංවේදනය අඩුවීම, සමබරතාවයේ ගැටලු සහ දුර්වලතාවය ඇති විය හැක.

6. රුධිර සංසරණයේ ගැටලු
කකුල් වෙත ප්‍රමාණවත් රුධිර සැපයුමක් නොලැබුණොත්, විශේෂයෙන් ඇවිදින විට වේදනාව, සීතල බව සහ හිරිවැටීම ඇති විය හැක.

7. වෙනත් ස්නායු රෝග
සමහර ස්නායු පද්ධතියේ රෝගද කකුල් හිරිවැටීමට හේතු විය හැක.

භෞත චිකිත්සාවේදී අපි කරන්නේ මොනවාද?

හිරිවැටීමට හේතුව හඳුනාගැනීම සහ ඊට අදාළ ඉතිහාසය ලබාගෙන, සංවේදනය, මාංශපේශි ශක්තිය, reflexes, ස්නායු පරීක්ෂා කිරීම, සිදු කරයි.

ඉන්පසු හේතුව හදුනාගෙන ඊට අදාල ප්‍රතිකාර කිරීම , neural mobilization, stretching, strengthening, posture correction සහ දෛනික ජීවිතයට අදාළ උපදෙස් ලබාදේ.

⚠️ හිරිවැටීම සමඟ හදිසි දුර්වලතාවය, කතා කිරීමේ අපහසුතාවය, මුත්‍රා හෝ මළපහ පාලනය නැතිවීම, හෝ හදිසියේම එක් කකුලක් හෝ ශරීරයේ එක් පැත්තක් හිරිවැටීමක් ඇතිවුවහොත් වහාම ලගම ඇති රෝහලකට ගොස් ප්‍රතිකාර සඳහා යොමු වන්න.

D.Vinuji Omalhara
SLMC Registered Physiotherapist
Bsc(Hons) Physiotherapy
0714137939

28/06/2026

🚩දණහිස් වේදනාව ආතරයිටිස් (Knee Osteoarthritis)

දණහිස් ඔස්ටියෝආතරයිටිස් (OA) යනු දණහිසේ සන්ධියේ ඇති කාටිලේජය (Cartilage) ක්‍රමයෙන් ගෙවී යාම නිසා කාලයත් සමඟ ඇතිවන (Degenerative) සන්ධි රෝගයකි. කාටිලේජය ගෙවීම සමඟ අස්ථි එකිනෙකට ගැටීම නිසා වේදනාව, තද බව සහ චලන
අපහසුතා ඇතිවේ.

⚠️ ප්‍රධාන ලක්ෂණ

🔹 දණහිස් වේදනාව (ඇවිදීම, පඩි නැගීම, වාඩි වී සිට නැගීමේදී වැඩි විය හැක)
🔹 උදෑසන අවදි වූ පසු හා දිගු වේලාවක් වාඩි වී සිටි පසු තද බව (Stiffness)
🔹 දණහිස ඉදිමීම
🔹 චිරිචිරි හෝ ගැටෙන ශබ්ද (Crepitus)
🔹 සමබරතාව අඩු වීම
🔹 දණහිස හිරවීම (Locking)

📊 රෝගයේ අදියර

🟢 Stage 1 – සුළු (Minor)

• කාටිලේජයේ සුළු වශයෙන් ගෙවීම.
• බොහෝවිට රෝග ලක්ෂණ නොපෙනේ.

🟡 Stage 2 – මෘදු (Mild)

• වේදනාව හා තද බව ආරම්භ විය හැක.
• තවමත් කාටිලේජය ප්‍රමාණවත් බැවින් අස්ථි එකිනෙකට නොගැටේ.

🟠 Stage 3 – මධ්‍යස්ථ (Moderate)

• කාටිලේජය සැලකිය යුතු ලෙස අඩුවී ඇත.
• ඇවිදීම, දුවීම, වකුටු වීම, දණ ගැසීමේදී වේදනාව වැඩිවේ.
• සන්ධිය චලනය කිරීමට අපහසු විය හැක.

🔴 Stage 4 – දරුණු (Severe)

• කාටිලේජය බොහෝ දුරට නැතිවී ඇත.
• අස්ථි එකිනෙකට ගැටීම නිසා දැඩි වේදනාව, තද බව හා චලනය සීමා වේ.
• සමහර රෝගීන්ට දණහිස් ප්‍රතිස්ථාපන ශල්‍යකර්මයක් (Knee Replacement) අවශ්‍ය විය හැක.

❓ ඇතිවීමට හේතු

✔️ වයසත් සමඟ කාටිලේජය ගෙවී යාම
✔️ පෙර දණහිස් ආශ්‍රිත අනතුරු වලට ලක්ව තිබීම
✔️ අධික ශරීර බර
✔️ දණහිසට නිතර වැඩි පීඩනයක් ලැබෙන රැකියා හෝ ක්‍රීඩා
✔️ පවුලේ ඉතිහාසය (Genetics)
✔️ දණහිසේ පිහිටීමේ වෙනස්කම්

🚨 අවදානම් ලක්ෂණ

• BMI 30 හෝ ඊට වැඩි වීම
• පෙර දණහිස් ආශ්‍රිත අනතුරු වලට ලක්ව තිබීම
• දණහිසට නිතර අදික පීඩනයක් ඇතිවීම
• පවුලේ ඔස්ටියෝආතරයිටිස් ඉතිහාසය

⚠️ ඇතිවිය හැකි සංකූලතා

🔸 සන්ධිය අස්ථාවර වීම
🔸 Bone Spurs කුඩා අස්ථි ගැටිති ඇති වීම
🔸 චලනය පරාසය අඩුවීම
🔸 දිගුකාලීන වේදනාව නිසා මානසික අවපීඩනය

💙 භෞත චිකිත්සාවේ (Physiotherapy) වැදගත්කම

✅ වේදනාව අඩු කිරීම
✅ දණහිසේ චලන පරාසය නියමිත පරිදි වැඩි කිරීම
✅ මාංශ පේශි ශක්තිමත් කිරීම
✅ සමබරතාවය හා දෛනික ක්‍රියාකාරකම් වැඩිදියුණු කිරීම
✅ රෝගයේ ප්‍රගතිය මන්දගාමී කිරීමට උපකාර වීම

නිසි ව්‍යායාම, බර පාලනය සහ භෞත චිකිත්සාව මඟින් දණහිස් ඔස්ටියෝආතරයිටිස් ඇති බොහෝ දෙනෙකුට වේදනාව අඩු කර ක්‍රියාශීලී ජීවිතයක් ගත කළ හැක.💙

Physiotherapist
D. Vinuji Omalhara
SLMC Reg No 1784

27/06/2026

🚩Diabetic Neuropathy
දියවැඩියාව නිසා සිදුවන ස්නායු හානිය

Diabetic Neuropathy කියන්නේ, දියවැඩියාව නිසා දිගු කාලයක් රුධිරයේ සීනි මට්ටම වැඩිව පැවතීමෙන් ස්නායුවලට හානි වීමයි.

මෙය බොහෝවිට පාදවලින් ආරම්භ වන අතර, කාලයත් සමඟ අත්වලටද බලපෑ හැකිය.

රෝග ලක්ෂණ
🔹 කකුල් හිරිවැටීම
🔹 කටු අනිනවා වැනි දැනීම (Pins and Needles)
🔹 දැවිල්ලක් දැනීම
🔹 තියුණු හෝ විදුලි සැරයක් වැනි වේදනාව
🔹 පාදවල සංවේදනය අඩුවීම
🔹 මාංශ පේශි දුර්වල වීම
🔹 ඇවිදීමට අපහසු වීම හෝ සමබරතාවය අඩුවීම

⁉️ ඇයි මෙය ඇතිවෙන්නේ?

දිගු කාලයක් රුධිරයේ සීනි මට්ටම වැඩිව පැවතීම නිසා ස්නායු සහ ඒවාට රුධිරය සපයන කුඩා රුධිර නාලිකා හානි වේ. එහි ප්‍රතිඵලයක් ලෙස ස්නායු නිසි ලෙස ක්‍රියා නොකරන නිසා මෙම ලක්ෂණ ඇතිවේ.

➡️ කළ යුතු දේ

✅ වෛද්‍ය උපදෙස් අනුව රුධිරයේ සීනි මට්ටම හොඳින් පාලනය කිරීම.

✅ දිනපතා ඔබේ පාද පරීක්ෂා කිරීම

✅ සුදුසු පාවහන් පැලදීම

✅ නිතිපතා ව්‍යායාම කිරීම.

⚠️ මෙම ලක්ෂණ නොසලකා හරින්න එපා. ඉක්මනින් ප්‍රතිකාර ලබාගැනීමෙන් සංකූලතා ඇතිවීමේ අවදානම අවම කරගත හැකිය.

🩺 ඔබට දැනටමත් මෙම රෝග ලක්ෂණ තිබේ නම්, වෛද්‍ය උපදෙස් අනුව කටයුතු කරන්න.
භෞත චිකිත්සක ප්‍රතිකාර වෙත යොමු වීම මගින් මෙම තත්වය පාලනය කල හැක.

Physiotherapist
D. Vinuji Omalhara
SLMC Reg. No. 1784

#

14/06/2026

👣Achilles tendinitis
🚩
වළලුකර පිටුපස විලුඹ ආසන්නයේ වේදනාවක් එනවද?

මෙය Achilles tendinitis රෝගී තත්වය නිසා ඇති වේ

‼️රෝග ලක්ෂණ

වේදනාව
සමහර අවස්ථා වල ඉදිමීම රතු වීම්
උදේට වේදනාව අදික වීම්

භෞත චිකිත්සක ප්‍රතිකාර මගින් මේ තත්ත්වය සම්පූර්ණ සුව කර ගත හැක

භෞත චිකිත්සක ප්‍රතිකාර සඳහා අමතන්න
0714137939 ☎️

👣 Pain at the back of your heel?

It could be Achilles Tendinitis - a common condition that can cause pain, stiffness, and difficulty with walking or running.

Early assessment and proper treatment can help prevent the condition from worsening.

💙 Follow us for more physiotherapy tips and health advice.
For appointments 0714137949 ☎️

04/06/2026

🩺 නිවැරදිව බරක් ඔසවන ආකාරය | How to Lift Properly 💪

එදිනෙදා ජීවිතයේ යම් බරක් ඔසවන විට නිවැරදි ක්‍රමවේද භාවිතා කිරීම මගින් කොන්ද ආශ්‍රිත අනතුරු වීමේ අවදානම අවම කරගත හැක.

Using proper lifting techniques during daily activities can help reduce the risk of back injuries and protect your spine from unnecessary strain.

🎥 Watch the video to learn safe lifting techniques.

📞 For physiotherapy treatments and rehabilitation services, contact us:
071 413 7939

25/05/2026

Plantar Fasciitis 🦶

📍Pure Relief Physio – Panadura
📞 071 413 7939

උදෑසන අවදි වී පළමු පියවර කිහිපය තබන විට හෝ විවේකීව සිට ඇවිදීම ආරම්භ කරන විට විලුඹේ වේදනාවක් ඇති වෙනවා ද?

එසේ නම් ඔබට Plantar Fasciitis නම් තත්ත්වය තිබිය හැක.

සාමාන්‍ය ලක්ෂණ:
✔ විලුඹේ වේදනාව
✔ උදෑසන පලමු අඩි කිහිපය තැබීමේදී අදික වේදනාවක් දැනීම
✔ දිගු වේලාවක් ඉදගෙන සිට ඇවිදීමේදී ඇති වන අදික වේදනාව
✔ ඇවිදීමේදී හෝ දිවීමේදී වේදනාව වැඩි වීම

නිවැරදි physiotherapy ප්‍රතිකාර මඟින් මෙම තත්ත්වය සුව කර ගත හැක 💪