30/09/2026
බබා රෑට හොඳට නිදාගන්න පටන් ගත්තා… ඒ නිසා රෑ මව්කිරි දීම අඩු කළා. මේක ගැටලුවක් නැතිද? දැන් මගේ මව්කිරි අඩු වෙයිද?” 🌼🌸🌸🌸
මේක බොහෝ අම්මලාට ඇතිවන ප්‍රශ්නයක්.
සමහර අවස්ථාවලදී රෑ මව්කිරි දීම හදිසියේ අඩු කිරීම හේතුවෙන් එය කිරි නිපදවීමට බලපෑ හැකිය. මව්කිරි නිෂ්පාදනය හොදින් සිදු වීමට නම් බබා පියයුරෙන් හොදින් උරාබීමට දිය යුතුය එසේ කිරි ඉවත් කරන ප්‍රමාණය සහ වාර ගණන මත මව්කිරි නිපදවීම බලපානු ලැබේ. එමෙන්ම රාත්‍රියේදී මව්කිරි නිපදවීමට බලපාන හෝර්මෝන හොදින් ක්‍රියාත්මක වේ එනිසා බබා කිරි බීමේන් කිරි නිපදවීම තවත් වැඩි වේ.
විශේෂයෙන් කුඩා බබෙක් නම්, රාත්‍රියේ කිරි බීම දිගු වේලාවකට අඩු වීමෙන් දවසේ මුළු කිරි දීමේ වාර ගනන අඩු විය හැකියි. එවිට කාලයත් සමග කිරි නිපදවීම අඩු වන අතර බබාගේ බර වර්දනයටද එය බලපානු ලැබේ. 🌸🌸🌼🌼🌼🌼
බබාගේ වයස, බර වැඩිවීම, සෞඛ්‍ය තත්ත්වය සහ දවසේ ලැබෙන කිරි ප්‍රමාණය අනුව රාත්‍රියේදී කිරි අවශ්‍යතාව වෙනස් වෙනවා.එනිසා බබා බලෙන් රාත්‍රියේදී අවදි නොකර එයාගේ අවශ්‍යතාව අනුව කිරි ලබා දීම
සුදුසුය.
විශේෂයෙන් අලුත උපන් හෝ බර වැඩිවීම සම්බන්ධ ගැටලු ඇති බබෙක් නම්, රාත්‍රී කිරි දීම අඩු කිරීමට පෙර වෛද්‍යවරයෙකු හෝ මව්කිරි උපදේශකයකු මගින් උපදෙස් ලබා ගැනීම වැදගත් වේ.🌸🌸🌼🌼🌼🌼
ඔබ වෛද්‍යමය හේතුවක්මත හෝ රාත්‍රී කිරි දීම අඩු කරන විට, අකන්ඩව කිරි නිපදවීම පවත්වා ගැනීමට අවශ්‍ය නම් එම වේලාවට කිරි දෙවීම මගින් කිරි නිපදවීම දිගටම පවත්වාගත හැකිය.
අම්මේ බබාගේ නින්දත් වැදගත්… ඒ වගේම අම්මාගේ මව්කිරි ප්‍රමාණයත් වැදගත්. එමනිසා මේ දෙකම සමබර කරගැනීම තමයි වැදගත්ම දේ. එනිසා හැකි සෑම
විටම හොදින් දරුවාට මව්කිරි ලබා දීමෙන් ඔබේ කිරි නිපදවීම හොදින් වැඩිකල හැකිය.
#මව්කිරි
#මව්කිරිදීම
#අම්මාසහබබා
#බබාගේසෞඛ්‍යය
#මව්වරුන්ටදැනුම
#අම්මාගේආදරය
#පුංචිබබා
