Amogha Ayurveda

19/10/2025

Tennis Elbow ලිපි අංක - 3️⃣

🟧🟧රෝග විනිශ්චය🟧🟧

වැලමිට සන්ධිය ආශ්‍රිතව වේදනාව එන තවත් රෝගාවස්ථා ලෙස,
◼️Arthritis
◼️වැලමිට සන්ධියේ අස්ථිබිඳීම් (fractures) හා වෙනස්වීම් (dislocations)
◼️Bursitis
◼️Gout
◼️Biceps muscles ඇදීමට ලක්වීම
◼️ස්නායු තදවීම
◼️බෙල්ලේ වේදනාව වැලමිට ප්‍රදේශයෙන් දැනීම වැනි අවස්ථාව දැක්විය හැකිය.

මේ නිසා සුදුසුකම් ලත් වෛද්‍යවරයකුගේ රෝග රෝගී පරීක්‍ෂාවන්ට ලක්වී රෝගය නිවැරදිව හඳුනා ගැනීම වැදගත්ය.

සමහර අවස්ථාවලදී රෝග විනිශ්චය තහවුරු කරගැනීම සඳහා x-ray, MRI, Ultrasound වැනි scan පරීක්ෂණ ද, nerve conduction test වැනි ස්නායු පරීක්‍ෂාවන්ද සිදු කරනු ලබයි.

🟧🟧රෝගය වළක්වා ගැනීම සඳහා🟧🟧

💪🏻 බරින් වැඩි භාණ්ඩයක් ඔසවාගැනීමේදී හෝ රැගෙන යාමේදී වැලමිට සන්ධියේ යම් ප්‍රමාණයක නැමීමක් සිදුකරමින් රැගෙන යාම.

💪🏻එවැනි දෑ අත්දෙකම යොදාගනිමින් එසවීම.

💪🏻නිවැරදි techniques යොදා ගනිමින් ක්‍රීඩාවන් සිදුකිරීම.
(උදා - Tennis ක්‍රීඩාවේදී, two-handed backhand technique භාවිතය)

💪🏻දැඩිව වැර යොදමින් වේගයෙන් ලිවීම ආදිය සිදුකිරීමෙන් වැළකීම. ✍️

💪🏻අතින් විවිධ ක්‍රියාකාරකම් කිරීමේදී යම් විවේකයක් ලබා ගැනීම.

💪🏻වේදනාව වැඩිවීමට හේතුවන ක්‍රියාකාරකම්වලින් වැළකීම.

💪🏻වැඩිපුර ජලය පානය කිරීම.

💪🏻අධික ධුම්පානය, මත්පැන් පානය, සීනි සහිත ආහාර, ක්ෂණික ආහාරවලින් මිදීම.

රෝගී තත්ත්වය ඇති වූ මුල් අවස්ථාවේදී ඒ මත Ice තැබීමෙන් වේදනාව පාලනය කල හැකි අතර ඉක්මනින්ම වෛද්‍ය ප්‍රතිකාර සඳහා යොමු වීම වැදගත් වේ.

✍🏻 මීළඟ ලිපිය සමඟ හමුවෙමු! ✍🏻

25/09/2025

Tennis Elbow ලිපි අංක - 2️⃣

🟩🟩රෝග ලක්ෂණ🟩🟩

💪🏻වැලමිට සන්ධියේ පිටත ප්‍රදේශයේ ඇතිවන අධික වේදනාව.
මෙම වේදනාව අතේ ඉහළ පහළ ගමන් කරනවා මෙන් දැනීම.

💪🏻වැලමිට සන්ධියේ පිටත ප්‍රදේශයේ ඇතිවන ඉදිමුම, රත් පැහැය , උෂ්ණත්වය ඉහළ යෑම.

💪🏻යමක් ඔසවන විට, විසි කරන විට, දොරක අගුලක් අරින විට වැනි අත කරකවන ක්‍රියාකාරකම්වලදී වේදනාව වැඩිවීම.

🟩🟩බහුලව බලපාන හේතු🟩🟩

👥අතින් රැකියා කරන, අතේ මාංශ පේශී වලට බර වැටෙන අතෙන් එකම ඉරියව්ව නිරන්තරයෙන් කරන පුද්ගලයන් හට

👥ඇගලුම් ක්ෂේත්‍රයේ නිරතවන පුද්ගලයන්ට (උදා - ironer)
විවිධ tools, screw drivers 🔧 , 🔩 භාවිතා කර රැකියා කරන පුද්ගලයන්ට (උදා - vehicle mechanic 👨🏻‍🔧)

👥විවිධ ක්‍රීඩාවල නිරතවන පුද්ගලයන්ට
(උදා - table tennis 🏓 , badminton 🏸, netball, volley ball 🏀, කවපෙත්ත විසිකිරීම 🥏, හෙල්ල විසිකිරීම,
Karate 🥋, taekwondo, මල්ලව පොර 🤼‍♂️ ක්‍රීඩාවේදී අත ඇඹරීමට ලක්වීම සිදුවන නිසා)

👥ආමවාත ( rheumatoid arthritis), සන්ධිවාත (osteoarthritis), දියවැඩියාව යන රෝගවලින් පෙලෙන්නන්ට

✍️ ලිපි අංක 3 සමඟ හමුවෙමු... ✍🏻

25/09/2025

Tennis Elbow ලිපි අංක - 1️⃣

💪🏻ඔබටත් අතේ වැලමිටේ පිටත ප්‍රදේශයේ වේදනාවක් තිබෙනවාද?

💪🏻එම වේදනාව නිසා එදිනෙදා වැඩ කටයුතුවලට බාධා ඇති වී තිබෙනවාද?

මෙම ලිපියෙන් කියවෙන්නේ එම රෝගී තත්ත්වය පිළිබඳවයි. ✍️

🟥මිනිසාගේ වැලමිට සන්ධියේ පිටතින් පිහිටි මාංශ පේශී එනම් ප්‍රසර්ජක පේශී අස්ථිය සමඟ සම්බන්ධ වන කණ්ඩරා හෙවත් tendons ආශ්‍රිතව ඇතිවන රෝගී තත්ත්වයක් වශයෙන් Lateral Epicondylitis හැඳින්වීමට හැකිය.

🟥සාමාන්‍ය ව්‍යවහාරයේ මෙම රෝගී තත්ත්වය "Tennis Elbow" ලෙස හඳුන්වයි.

🟥එම මාංශ පේශීවල ප්‍රමාණය ඉක්මවූ ක්‍රියාකාරිත්වය, එකම ක්‍රියාකාරකම නැවත නැවත සිදු කිරීම හේතුවෙන් කණ්ඩරාවලට හානි (කණ්ඩරාවල කුඩා ඉදිමුම්, ඉරිතලා යෑම්, ඉරීයාම් ඇතිවීම) සිදුවීමෙන් මෙම රෝගී තත්ත්වය හටගනී.

🟦මෙහිදී සුලභ වශයෙන් Extensor carpi radialis brevis යන මාංශ පේශීය දායක වන අතර ඊට අමතරව Extensor carpi radialis longus, extensor digitorum, extensor digit minimi හා extensor carpi ulnaris යන මාංශ පේශී වල අධික ක්‍රියාකාරිත්වය නිසා කණ්ඩරාවලට හානි සිදුවීමෙන් මෙම තත්ත්වය හටගනී.

24/09/2025

18/09/2025

ලිපි අංක - 4️⃣

🔴ආයුර්වේදානුකූලව Capal Tunnel Syndrome සලකා බලමු... 🩺

ආයුර්වේදයේ මෙම Carpal tunnel syndrome සඳහා සමපාත කළ හැකි රෝගී නාමයක් නොමැත. මනිබන්ධ ශූලය යන නම භාවිතා කරත් එය රෝග ලක්ෂණයක් පමණි.
මෙම තත්ත්වය ආයුර්වේදානුකූලව මණිබන්ධ සන්ධිස්ථිත ස්නායුගත වාත තත්ත්වයකි. වාතකෝපයක් මෙහිදී සිදුවී ඇත. එම නිසා ප්‍රතිකාර ලෙස වාත ශමන ප්‍රතිකාර සිදුකර ස්නායු ශමනය කිරීම සෛද්ධාන්තිකව දැක්විය හැකිය.

🔵(මේ රෝගී තත්ත්වය පිළිබඳව ආයුර්වේදානුකූලව සම්පූර්ණ විග්‍රහයක් ඉදිරි ලිපි තුළින් බලාපොරොත්තු වන්න!)

ඉහතින් සඳහන් කළ බොහෝ තත්ත්වයන් මෙම රෝගය ඇතිවීමට මූලිකවම හේතුවන නිසා, අදාල හේතූන් පැහැදිලිව හඳුනාගෙන
👥පුද්ගලානුබන්ධ,
🫴රෝගානුබන්ධ ප්‍රතිකාර එක් එක් රෝගියා අනුව මෙහිදී අප සිදු කරනු ලබයි.

තාවකාලිකව සහනයක් ලබා දෙන විවිධ ක්‍රම (උදාහරණ ලෙස
🫳🏻මද උණුසුම් ලුණු වතුරේ අත දමාගෙන සිටීම,
✋තෙල්, බාම් ආදිය ආලේප කිරීම)
සිදු කරත් ඉතා ඉක්මනින් වෛද්‍ය ප්‍රතිකාර වලට යොමු වීම මෙහිදී වැදගත් වේ.

පළපුරුදු, දක්ෂ වෛද්‍යවරුන්ගේ නිවැරදි රෝග රෝගී පරීක්‍ෂාවන් මඟින්,
🔹අභ්‍යන්තර ඖෂධීය ප්‍රතිකාර හා
🔹තෛල අභ්‍යංග,
🔹නාඩි ස්වේද,
🔹ස්ථානික පත්තු ප්‍රතිකාර,
🔹අග්නි කර්ම
වැනි බාහිර ප්‍රතිකාර පද්ධතීන් ද හරහා රෝගය සම්පූර්ණයෙන්ම සාර්ථකව සුව කරගැනීමට
⬇️
⬇️
⬇️
ඔබත් අමෝඝා ආයුර්වේද මධ්‍යස්ථානයට පැමිණෙන්න....✨️✨️

අමෝඝා ආයුර්වේද වෛද්‍ය මධ්‍යස්ථානය
බියගම පාර, වැලිවේරිය

📞 070 489 22 93
📞 070 432 81 46

16/09/2025

5.0 ⭐ · Medical center in Weliweriya, Sri Lanka

16/09/2025

ලිපි අංක - 3️⃣

🔴Carpal Tunnel Syndrome සඳහා බටහිර වෛද්‍ය ප්‍රතිකාර ක්‍රම

බටහිර වෛද්‍ය ක්‍රමයේදී ශල්‍යකර්ම ආශ්‍රිත හා ශල්‍යකර්ම නොවන ප්‍රතිකාර ලෙස ආකාර දෙකකි.

ශල්‍යකර්ම නොවන ප්‍රතිකාර ක්‍රම ලෙසට,
🟫රාත්‍රී කාලයේදී splint/brace මැණික් කටුව හරහා දිවෙන ලෙස පැළඳීම මඟින් එක් ඉරියව්වක අත තබා ගනිමින් රෝග ලක්ෂණ පාලනය කිරීම.

🟫වේදනානාශක (painkillers), steroid injection, platelet rich plasma injection ලබා දීම යනාදිය දැක්විය හැක.

මේ ආකාරයේ ක්‍රම මගින් සුව නොවන විට හා ඉතා තදින් හෝ මධ්‍යම ප්‍රමාණයෙන් ස්නායුව තෙරපීමට ලක්වී ඇති විට ශල්‍යකර්ම ක්‍රම භාවිතා කරයි.

ශල්‍යකර්ම ප්‍රතිකාර ක්‍රම ආකාර දෙකකි.
⬛Open surgeries මඟින් සම හා tranvers carpel ligament විච්ඡේදනය කර අදාළ ශල්‍යකර්ම සිදුකිරීම.

⬛Endoscopic surgery මඟින් විච්ඡේදනය නොකර කැමරාවක් යොදා අදාළ ශල්‍යකර්ම සිදුකිරීම.

🔴රෝගය වළක්වා ගැනීම

🟪රෝග ලක්ෂණ හඳුනාගත් වහාම වෛද්‍ය ප්‍රතිකාර වලට යොමුවීම

🟪රෝගය සෑදීමට අවදානමක් තියෙන ඉහතින් සඳහන් කළ පුද්ගලයන් අදාළ කාර්යයන් වල නිරත වන විට පැයකට වතාවක්වත් තම වැඩ නවත්වා විවේක ගැනීම.

🟪එම විවේක කාලය අතරතුරදී මැණික් කටු සන්ධියට ව්‍යායාම සිදුකිරීම.
(මෙම ව්‍යායාම මැණික් කටුව නැමීම - wrist flexion, මැණික් කටුව දිග හැරීම-wrist extension, Median nerve ලිස්සා යාමට සැලැස්වීම, Tendons ලිස්සා යෑමට සැලැස්වීම යන ලෙස ප්‍රධාන ආකාර 4 කි.)

🟪Keyboard typing සිදු කරන අයෙකු නම් වාඩිවීමේදී මැණික්කටු සන්ධියට බර නොවැටෙන ලෙස මේසය, පුටුව සහ keyboard සකසා ගැනීම.

🟪Type කිරීමේදී මැණික් කටුව ළඟින් අත නොනැවෙන ලෙස keyboard adjust කර ගැනීම.

🟪ඉහතින් සඳහන් කරන ලද අවදානම් සාධක වන රෝග තත්ත්වයන් පාලනය කර ගැනීම.

✍️ ලිපි අංක 4න් හමුවෙමු....✍️✍️

16/09/2025

ලිපි අංක -2️⃣

🔴Carpal Tunnel Syndrome හි රෝග ලක්ෂණ

🔶අතේ මහපටඟිල්ල පැත්තෙ ඇඟිලි තුනක ප්‍රදේශය සහ අත්ලේ හිරි ගතිය මෙන්ම, ඉදිකටු අනින්නාක් බඳු වේදනාවක් ඇතිවීම.
🔶ගෙල ඔස්සේ පහළට සම්ප්‍රේෂණය වන වේදනාව මෙන්ම උරහිස් සන්ධිය ඔස්සේ ඉහළට සම්ප්‍රේෂණය වන වේදනාවක්ද දැකගත හැකිවීම.
🔶බොහෝ පුද්ගලයන්ට මෙම වේදනාව උදෑසන සහ රාත්‍රී කාලයේදී වැඩිවීම.
🔶එම අතින් යම් යම් දේවල් අල්ලාගැනීමට ඇති හැකියාව දුර්වල වීම.
(එනම්, බසයක ගමන් කරන විට නොදැනීම අත්වාරුව අත්හැරීම, බයික් එකේ ගමන් කරන විට බ්‍රේක් තද කිරීමට අපහසුවීම, පොල් මිරිකීමට නොහැකිවීම, තෙත රෙදි මිරිකීමට නොහැකිවීම යනාදී එදිනෙදා ජීවිතයේ වැඩ කටයුතුවලට බාධා ඇතිවීම)
🔶බර ඇති දෙයක් අතින් ඔසවාගෙන යන විට නොදැනීම එය අතහැරීම යනාදිය දැකගත හැක.

🔶මුල් කාලයේදී මෙම ලක්ෂණ වරින් වර පැමිණෙන නමුත් කාලයත් සමඟ ස්ථාවර රෝග ලක්ෂණ ලෙස දැක ගැනීමට හැකියාව ලැබෙයි.

🔶තවදුරටත් ප්‍රතිකාර නොකළහොත් අතෙහි පේශී ක්ෂය වී යාම ද සිදුවෙයි.

🔴රෝග විනිශ්චය

🟩වෛද්‍යවරයා රෝගියා සමඟ සිදු කරන ප්‍රශ්න පරීක්ෂාව මඟින්.

🟩නවීන විද්‍යානුකූලව nerve conduction velocity නම් ස්නායු ආශ්‍රිත පර්යේෂණයක් සිදුකර median nerve හරහා ස්නායු ආවේග ගමන් කිරීම ප්‍රමාද වේදැයි බැලීම මඟින්.

🟩නිවැරදි විනිශ්චයකට ඒමට අපහසු වූ විට USS හා MRI වැනි ස්කෑන් සිදුකිරීම මඟින්.

🟨Phalen's Test වැනි කුඩා පරීක්ෂා මඟින් ද මෙය තහවුරු කරගත හැක.

✍️ ලිපි අංක 3න් හමුවෙමු.... ✍️

16/09/2025

ලිපි අංක - 1️⃣

ඔබත් අතේ සහ ඇඟිලිවල වේදනාව හා හිරි ගතියෙන් පීඩා විඳිනවාද?

එසේනම් 𝐂𝐚𝐫𝐩𝐚𝐥 𝐓𝐮𝐧𝐧𝐞𝐥 𝐒𝐲𝐧𝐝𝐫𝐨𝐦𝐞 (𝐂𝐓𝐒) යන මේ රෝගය වැළඳී තිබීමේ අවධානමක් ඔබටත් තිබේ.

🟥𝐂𝐚𝐫𝐩𝐚𝐥 𝐓𝐮𝐧𝐧𝐞𝐥 𝐒𝐲𝐧𝐝𝐫𝐨𝐦𝐞 (𝐂𝐓𝐒) යනු කුමක්ද?

අතේ මහපටඟිල්ල හා ඊළඟ ඇඟිලි දෙක හමාර සඳහා සංවේදනය හා ක්‍රියාකාරීත්වයට හේතුවන ස්නායු සපයන Median Nerve මැණික් කටු සන්ධියේදී (wrist joint) තෙරපීමකට ලක්වීම මෙහිදී සිදුවෙයි.

මෙම ස්නායුව මැණික් කටු සන්ධිය හරහා ගමන් කරන්නේ පිටුපසින් සහ දෙපසින් අස්ථි වලින් ආවරණය වූ කුඩා හිදැසකිනි. මේ හිදස මතුපිට ආවරණය වී ඇත්තේ transverse carpal ligament යන පටකයෙනි. මේ හරහා ස්නායු හා පේෂී ගමන් කරන විට එය තෙරපීමට ලක්වීම මේ රෝගයට ප්‍රධාන හේතුවයි.

🟥රෝගය වැළඳීමේ අවධානම වැඩි කරන හේතු සාධක

🔷ප්‍රවේණිය අනුව carpal tunnel නම් හිඩැස කුඩාවට පිහිටීම.
🔷කම්පනය වන යාන්ත්‍රික උපකරණ (උදා:- ග්‍රිල් මැෂින්, බිම තලන උපකරණ) භාවිතා කිරීමට සිදුවන හා ඉලෙක්ට්‍රික්, වඩු, ජලනල කාර්මික රැකියා සිදුකරන පුද්ගලයන්ට
🔷නැවත නැවත එකම ආකාරයට අත සහ මැණික් කටුව චලනය කිරීමට සිදුවන රැකියාවල් වල යෙදෙන අය හා ගෘහණියන්ට (පුරුෂ පක්‍ෂයට සමගාමීව ස්ත්‍රීන්ට මෙම රෝගය වැළඳීමේ අවදානම තුන් ගුණයකින් වැඩිය)
🔷ගර්භනී අවස්ථාවේදී ශරීරයේ ජල සංයුතිය යම් වැඩිවීමකට ලක්වන නිසා ගර්භනීන්ට
🔷මීට අමතරව දියවැඩියාව, ආතරයිටීස්, තයිරොක්සින් ඌණතාව වැනි රෝග තිබෙන අයට
🔷තරබාරු පුද්ගලයන්ට මෙන්ම මැණික් කටුව ආශ්‍රිත අස්ථි බිඳීම් සිදුවූ පුද්ගලයන්ට
🔷මත්ද්‍රව්‍ය, දුම්වැටි භාවිතය, වැලමිට සන්ධිය ආශ්‍රිත cyst, tumors වැනි තත්ත්ව තිබීම.
🔷එමෙන්ම හුරු අතට, වැඩිපුර වෙහෙසෙන අතට ප්‍රධානවම මෙම රෝගය ඇති වේ.

16/09/2025

ඔබටත් අතේ සහ ඇඟිලිවල වේදනාවක් හිරි ගතියක් තිබේද? 🫳

🔴 එසේනම් Carpel Tunnel Syndrome යන මේ රෝගය වැළඳී තිබීමේ අවධානමක් ඔබටත් තිබේ.

නිවැරදි හා සාර්ථක ප්‍රතිකාර මඟින් රෝග තත්ත්වය සම්පූර්ණයෙන්ම සුව කරගන්න! 🩺

අමෝඝා ආයුර්වේද වෛද්‍ය මධ්‍යස්ථානය
බියගම පාර, වැලිවේරිය
070 489 22 93
070 432 81 47