01/08/2026
🌸 ST JOSEPH HEALTH CENTRE 🌸
Re le lakaletsa Keteko e Monate ea Khoeli ea Mosali oa Moafrika
Ka khoeli ena e khethehileng, re hlompha, re ananela le ho keteka basali bohle ba Moafrika ka matla a bona, lerato, mamello le boitelo boo ba bo bontšang malapeng, sechabeng le lefatsheng ka bophara.
Mosali ke motheo oa lelapa, ke mohlokomeli oa bophelo, ke moetsi oa bokamoso, ’me o phetha karolo ea bohlokoa ho holiseng bana, ho matlafatseng malapa le ho nts’etsapele sechaba.
Re khothaletsa basali bohle ho hlokomela bophelo ba bona, ho etela litsi tsa bophelo khafetsa bakeng sa tlhahlobo ea bophelo, tlhokomelo ea bokhachane, tlhokomelo kamora pelehi, tlhahlobo ea mafu le litšebeletso tsa Family Planning.
A re tsoeleng pele ho tšehetsa, ho sireletsa le ho phahamisa seriti sa mosali oa Moafrika.
Re le lakaletsa Khoeli ea Basali e tletseng bophelo bo botle, thabo, katleho le khotso.
St Joseph Health Centre
“Bophelo bo Botle ke Letlotlo.”
