ترند

ترند احذايه بارخص اسعار واجود خامات
(2)

06/06/2026

📢 تعلن أكاديمية الماهر الليبية وتحث أبناءها طلاب كتاب الله على استثمار العطلة الصيفية وعدم إضاعتها فيما لا ينفع، وذلك بالالتحاق بحلقات:
📖 حفظ القرآن الكريم
🔄 مراجعة المحفوظ وإتقانه
🎙️ العناية بمخارج الحروف وصفاتها
📚 تعلم أحكام التجويد وتطبيقها عمليًا
فالعطلة فرصة عظيمة لزيادة الرصيد من كتاب الله حفظًا وفهمًا وإتقانًا.
✨ فبادروا بالتسجيل والانضمام إلى الأكاديمية المباركة، واجعلوا صيفكم عامرًا بكتاب الله تعالى.
نسأل الله أن يبارك في المعلمين والطلاب، وأن يجعل القرآن ربيع قلوبنا ونور صدورنا. 🌿🤍
التواصل عن طريق الأرقام التالية واتساب
0913350035
0922888146
#ترند

06/06/2026

علي رحمة والديكم بسرعه صاحبتي فيه حد يهدد فيها بصورها وواخد منها فلوس قبل هكي وتوا رجع كلمها تاني كيف نديرو كيف نتصرفو انصحوني شن ندير البنت منهاره خايفه ادير فروحها حاجه💔💔💔💔💔💔💔💔 البنت حتقرا تعليقات لو فيه حد يقدر يديرلها راي ياريت يعلم
#ترند

06/06/2026

السلام عليكم بالله عليكم نزلو قصتى... أني والله راعشة ويعلم الله ساعدونى أني رابع يوم العيد معزومة عند اهلى على الشواء أني وراجلى شوية جاني رقم على الواتس بعتلي مسج صحتين على الشواء وربي يحفظك ؟ استغربت مش معانا حد غريب اهلى بس وواضح أنه شخص غريب فوته وراجلى لما مقعمزين اتصل بيه وقاله لا طالع عند اهل المراء نتعشو وجو وشواء وحذفته وفات الموضوع اليوم راجلي بايت توكة عمل مع الواحد في الليل توا جتنى رسالة كلمينى واتس خشيت على الكاشف نزلته اطلع صاحب راجلى روح بالروح يابنات الحقير عارف راجلى عمل بايت 💔💔😔😔😔😔😔 كيف نتصرف وخايفة نقول لي راجلى لا والله رعشنى كيف التصرف الحكيم دلوونى نزل بسرعة والليلة
#ترند

06/06/2026

السلام عليكم
مرت خوي عايشه معانا بعد وفاه زوجها ف الطابق التاني
وهو البيت كله ب اسم ابي
عندما توفي قالت اريد حقي الشرعي من البيت وهو مات قبل ابي طال الله ف عمر ابي
هل يزوج لمرت الاخ ان ترث ف زوجها وهو البيت ب اسم ابي ؟؟
للعلم ان هيا عايشه معانا ف الشقه فوق معززه مكرمة وكأنها بنتها
لاكن خوتها قالو يبو التمن؟؟
#ترند

ليلة مأسـ..ـاوية وصعبة على مدينة المرج بوفـ…ـاة 3 من ابناءها في حـ..ـادث سير ألـ..ـيم قبل قليلاحدهم فرحه بعد ايام قليلة ...
06/06/2026

ليلة مأسـ..ـاوية وصعبة على مدينة المرج بوفـ…ـاة 3 من ابناءها في حـ..ـادث سير ألـ..ـيم قبل قليل

احدهم فرحه بعد ايام قليلة 💔

اسماءهم :

عبدالله خالد شقلوف
أحميدة مختار
وائل مسعود بوعمر
#ترند

من مازل واعي يلقي السلام #ترند
05/06/2026

من مازل واعي يلقي السلام
#ترند

05/06/2026

بنات عندي سلفي كاين داير علاقة معا وحد وبعدها رخا بيها وضحك عليها وخطب وحدة أخرى وهيا تقربلا اشوية في يوم تلاقو معاها في مناسبة وقعدن يعزقن للبنت في لكلام ولبنت اصلا جاها نصيبها و جوزت لو أن وحدة تبدا في لمجمع اتجيب سيرت العلاقات وضحك رجالة عل البنات وقت توا البنت قيسها حستها وعرفتها شورها لدواس تمشي ترد عليهن بكلمة قالت تقصدني انا انتن اصلا انا مانجوزش واحد اعور وجها مشوه لما نبي نوافق نوافق على واحد مسقم مش واحد كان خذيتا يضحكو عليا ناس تقصد على خوهن وهنا سكتن وحدة منهن نين دمعن عيونها من الي غلطان وبصراحة الواحد مفروض يرد بالا من كسر الخواطر لأن مش ساهل عند الله .
#ترند

05/06/2026

السلام عليكم ورحمة الله وبركاته
أنا بنت عمري 27 سنة ونحب شاب حب مش عادي وهو حتى هو ديما يقولي إنه يحبني
الولد يخدم سواق تاكسي وحني مع بعضنا لينا 8 سنين
كل ما نقوله تعال اخطبني يقولي مش توا لأن هو المسؤول على الحوش بعد ما توفى بوه وأول ما تتحسن ظروفي حنجي نخطبك وحتى أمي كانت عارفة بالوضوع وموافقة عليه
لما نجحت في الشهادة الثانوية قعدت نقنع فيه لين بالسيف وافق باش نكمل الجامعة وبعد ما تخرجت ولقيت خدمة حلف وقالي يا أنا يا الخدمة وبعد دوة ونقاش طويل وافق لكن بشرط نعطيه كل شهر 500 دينار عشان يرضى ويخليني مستمرة معاه مع إني طول فترة الجامعة كنت نساعد فيه وما نخليش فيه يحتاج لفلوس أو يتسلف من حد
توا ليه سنة كاملة ياخد مني في 500 دينار كل شهر والفترة الأخيرة كل ما نشوفه نلقاه متكنطي ومضايق المرة هادي قالي خليهم 750 في الشهر ولما استغربت قالي أنا صابر عليك ومخليك تخدمي وتطلعي وتخشي زي ما تبي يا إما 750 يا بلاش منها الخدمة وكل حد يمشي في حاله
ولما قلتله المبلغ هلبا قالي الي تحب بجديات تعطي أكتر
أنا خايفة يخليني وماعاش عرفت شن ندير شن رايكم قداش المفروض نعطيه كل شهر؟
#ترند

05/06/2026

السلام عليكم ورحمة الله وبركاته
أنا أرملة وعندي بنت وولد والزوز متجوزين
بوهم ما كانش مخليلنا حاجة غير الذهب الي كان يجيب فيه ليا يعني كان الفلوس الي تزيد منه يشري بيهم ذهب نلبسه وفي نفس الوقت يحفظ قيمته المهم لما راجلي توفى ولادي ما طلبوا مني شيء وعادي لأنه بالنهاية ما فيش حاجة تتقسم
المهم بنتي جتني وقالتلي إن راجلها يبي يدير مشروع عشان يحسن وضعهم عطيتها من الذهب وقلتلها ما تقوليش لخوك عشان ما يجيش يطلب مني حتى هوا بنتي طارت من الفرحة وراجلها اتصل بيا وشكرني والدنيا كانت تمام بعدها بشهر زادت ستحقت فلوس عطيتها ذهب مرة تانيه
وراجلها الحمد لله فتح محل وأموره مشت تمام المهم كنا ملتمين في العيد أنا وولدي ومرته وصغاره وبنتي وراجلها وصغارها
وكان ولدي يهدرز مع راجل أخته على العمل وإنه متبهدل وحالته حالة ناضت بنت بنتي الله يسامحها تقرأ صف خامس وقالت لخالها خوذ من حنتي ذهب زي بابا وافتح محل
ولدي وقتها ما بش يتكلم قدامهم لكن بعد ماروحوا رجعلي وقعد يقولي شن قصة الذهب الي عطيتيهم لراجل أختي وكيف تتصرفي في حاجة من راسك وأنا عندي حق زيها قلتله هادي بنتي ونبيها تعيش مرتاحة
قالي وأنا مش ولدك قلتله أنت مرتك أهلها يعطوها زي ما أنا عطيت بنتي قالي هذا حقي ورثي قلتله لما نموت تعال خوذ ورثك لأن هذا ذهبي وأنا حرة فيه المهم مشى ومن هذاك اليوم قاطعني ومعاش يكلم فيا بكل
أنا عارفة روحي مش غالطة لأن بنتي بالنسبة ليا أولى من الغريبة الكنة أنا مش رح نعطي لمرته أهلها يعطوها ويريحوها
نبي نعرف لو قاطعته نهائيا عليا ذنب ولا
#ترند

05/06/2026

السلام عليكم
موليد2003 مزال صغيرة
تعرفت ع شخص بعد فترة تعلق بيه سألته طلع متزوج
نا منبيش دير حرام ونضلم بنات ناس يلي معاه نا تعلقت بيه
نفس وقت مانقدرش كمل معا
نبي حل ضروري بدون تعليق سلبي💔
#ترند

Address

بريد اكتروني
Benghazi

Telephone

+218942768704

Website

,

Alerts

Be the first to know and let us send you an email when ترند posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ترند:

Shortcuts

Share