https://www.facebook.com/594343570434515/

Dr.Sari, Tripoli (2026)

18/04/2026

� مش كل حديد ينفعك…
فيه نوع يتعبك، وفيه نوع جسمك يمتصه بسهولة!

🔥 الفرق في الصيغة مش في الاسم
😉 كملي الفيديو للآخر ويتفهمي كل شي

#حديد #انيميا #مكملات #توعية

17/04/2026

🛑 لو ناوية اتديري عملية نحت للجسم 👀
في حاجة مهمة لازم تعرفيها… مش أي فيتامين ينفع قبل العملية!

في تفاصيل صغيرة تقدري تديريها قبل العملية… لكنها تفرق هلبا في
✨ سرعة التئام الجروح
✨ وشكل الندبة بعدين

خليني نقولك على أهمهم 👇

🔹 Vitamin C
يساعد الجسم يكوّن الكولاجين ويخلي الجروح تلتأم أسرع 💛
ولو بتاخديه من عصير زي البرتقال 🍊
حاولي تاخدي معاه حديد… لأنه يساعد على امتصاصه

🔹 Zinc
مهم جدًا لتجديد الخلايا 👌
ويعطي دفعة قوية لشفاء الجروح

🔹 Collagen
يحسن مرونة الجلد ويقلل من شكل الندبات
بس لازم معاه Vitamin C باش يعطي نتيجة أقوى

🔹 Protein
أساس أي تعافي 👀
جسمك يحتاجه باش يبني أنسجة جديدة
ركّزي في أكلك قبل العملية:
(دحي 🥚 – دجاج 🍗 – زبادي 🥛)

🔹 Iron (لو عندك أنيميا)
يساعد يوصل الأكسجين للجرح… وبالتالي التعافي يكون أسرع
ومن الخيارات المعروفة: Ferotal لانه بالصيغة الأسهل امتصاصاً Iron liposomal (اختاري النوع الأصلي)

✨ لو ناوية تديري عملية نحت… اهتمي بجسمك من توا، لأن النتيجة مش بس على العملية نفسها… تجهيزك قبلها هو اللي يحدد كيف حتكون النتيجة 🤍

قوليلي… حابة نكملك على شنو تديري بعد العملية؟ 👀

وكانت معاكم Dr.Sari 🤍
وكونوا طيبين ✨

💊

09/04/2026

طفيل "ياكل" في العين؟! 👁️☠️

أول ما العين تبدأ تحمر، وتدمع، ونحسوا بوجع غريب... التفكير طول يمشي لـ زوز حاجات:

1️⃣ "هادي أكيد عين صابتني وما صلت ع النبي" 🧿
2️⃣ "التهاب عادي تو يمشي بقطرة من الصيدلية" 💧

بس خلينا نشوفوا العلم شن يقول... لأن التفسير المنطقي والوحيد هو:
🤍 العلم

هادي مش مجرد حمرة عين، هادي حالة اسمها آكانثاميبا (Acanthamoeba).

هذا طفيلي "مجهري" يعيش في المية (الشيشمة، المسابح، وحتى مية البحر). الطفيلي هذا لو لقى ثغرة بسيطة في قرنية العين (زي اللي تسببها العدسات اللاصقة) يخش ويبدأ حرفياً "ياكل" في نسيج القرنية!

📌 أهم نقطة:

الرعب مش في وجوده بس، الرعب إنه يسبب ألم فظيع وصعب جداً تشخيصه في البداية لأنه يشبه أي التهاب بكتيري، ولو تأخر العلاج (لا قدر الله) ممكن يوصل للعمى.

علاش يصير هكي؟ ومن هما الأكثر عرضة؟

📍 اللي يسبحوا بالعدسات في المسبح أو البحر.

📍 اللي يغسلوا في عيونهم بمية الشيشمة وهم لابسين العدسات.

📍 اللي ينظفوا في حافظة العدسات بمية عادية بدل المحلول.

أنا مش نبي نخوفكم...

لكن نبي نحميكم. الوقاية بسيطة جداً: المية والعدسات ما يتلاقوش نهائياً! 🚫

مرات الرعب يجي من الصورة...

لكن الطمأنينة تجي من الفهم 👌🏻

كانت معاكم Dr.Sari 🤍
وكونوا طيبين وحذرين 🌿✨

05/04/2026

أسوأ حاجة تنباع في الصيدلية؟ 😳
اي… كريمات فرد الشعر 💔

الموضوع مش بسيط زي ما متخيلين…
هالكريمات تشتغل إنها ترخي روابط الشعرة باش تعطيك شكل ناعم مؤقت 👀
لكن في المقابل؟
تضعف الشعر + تزيد التقصف + ممكن تسبب تهيج لفروة الرأس 😔

والأخطر من هكي…
في ناس تستعملها حتى للأطفال! 🚫
مع إن أغلبها ممنوع للصغار وخطير عليهم 👶❌

الجمال مش إنك تغيري طبيعة شعرك بأي طريقة…
الجمال إنك تعالجيه وتحافظي عليه صح 💚

خلي اختيارك واعي… مش أي حاجة تنباع في الصيدلية معناها آمنة 100% 👌

لو تعرفي حد يستعملها لبنته… ابعتيله الفيديو 🙏

#توعية

#صيدلية

#نصائح
💚

27/03/2026

كالسيوم بروحه مش الحل… 👀
ممكن تاخديه سنين و ما توصليش للنتيجة اللي تبّيها!

الموضوع مش “كم تاخدي”…
الموضوع “كيف جسمك يستخدمه” 🤯

فيتامينات + معادن + توازن = عظم قوي فعلاً 💪✨

قوليلي في الكومنت 👇
شن تعرفي من معادن العظام غير الكالسيوم؟

#كالسيوم #مكملات #توعية

17/03/2026

وفي ليلة 27 من رمضان المبارك… 🌙

أحمدُ الله وأشكره على نِعَمٍ ليست مُقدَّرة للجميع.
أحمده على نعمة الصبر على أذى الغير،
وأحمده على صفاء النية وطيبة القلب.

أحمده على كل قوةٍ واجهتُ بها غدر من كنتُ يومًا أسمّيهم غاليين،
وأحمده على قوة قلبي حين واجهتُ الظلم عن نفسي وعن غيري.

أحمد الله أني لم أكن يومًا غليظة القلب،
وأحمده على اللين والتعاطف،
وعلى ضميرٍ ما زال صاحيًا رغم كل الأسى.

فاللهم أدم على قلبي وروحي هذه النعم،
وأبعد عني من:
﴿ فِي قُلُوبِهِم مَّرَضٌ فَزَادَهُمُ ٱللَّهُ مَرَضًا ﴾

وأبعد عني من قلتَ فيهم:
﴿ أَلَآ إِنَّهُمْ هُمُ ٱلسُّفَهَآءُ وَلَٰكِن لَّا يَعْلَمُونَ ﴾

وعافني يا رب مما ابتُلي به ضعاف النفوس والأرواح من :
﴿ يَمُدُّهُمْ فِي طُغْيَٰنِهِمْ يَعْمَهُونَ ﴾
فلا يمسوني أنا و من حولي بأذى …
لا من قريب ولا من بعيد يا رب.

رمضانكم مبارك 🌙
Dr.Sari
كونوا طيبين. 🤍

15/03/2026

بسبب خطأ طبي أو تداخل دوائي ممكن يصير معاكم زي هادي الحالة… لذلك انتبهوا. ⚠️

اللي تشوفوا فيه في الصورة مش مجرد حساسية عادية،
هذه حالة خطيرة تُعرف باسم Stevens-Johnson Syndrome.

وهي رد فعل مناعي شديد جداً من الجسم تجاه بعض الأدوية، وممكن تتطور بسرعة وتسبب تقرحات شديدة في الجلد والأغشية المخاطية، وفي بعض الحالات قد تؤدي حتى إلى الوفاة لو ما تمش التعامل معها بسرعة.

المشكلة إن مرات السبب يكون تداخل دوائي يرفع تركيز الدواء في الدم بشكل خطير، مثل:

• الجمع بين دواء النقرس Allopurinol مع بعض مدرات البول (Thiazides)، وهذا يقلل قدرة الكلى على التخلص من الدواء.

• الجمع بين أدوية الأعصاب مثل Lamotrigine مع Valproate، حيث يمنع الثاني تكسير الأول في الجسم ويرتفع تركيزه فجأة.

• استخدام بعض المضادات الحيوية أو أدوية السلفا مع مسكنات قوية مثل Ibuprofen قد يحفّز رد فعل جلدي خطير عند بعض الأشخاص.

• كذلك استخدام Metronidazole مع Mebendazole بدون استشارة قد يزيد الضغط على الكبد ويزيد احتمالية ظهور أعراض جانبية قوية.

الأعراض غالباً تبدأ بـ:
• حرارة وتعب يشبه الإنفلونزا
• طفح جلدي مؤلم ينتشر بسرعة
• تقرحات وفقاعات في الفم أو العينين أو الأنف

📌 نصيحة صيدلانية:
ديما قبل ما تاخذ أي دواء جديد، خليه الطبيب أو الصيدلي يعرف كل الأدوية اللي تستخدم فيها، لأن بعض التداخلات الدوائية ممكن تكون أخطر من المرض نفسه.

حفظكم الله من كل سوء.

و كانت معاكم Dr.Sari
و كونوا طيبين 🤍

14/03/2026

تعرفوا على أعراض مقاومة الأنسولين الأكثر شيوعاً.. هل واجهتكم وحدة منهم أو تعرفوا أعراض ما ذكرتهاش ف الصورة ؟ 🩺✨

14/03/2026

مرات نشوفوا شي زي هدا ونقولوا:
“أكيد عين 👁️ … مستحيل يصير طبيعي!” 😳

لكن الحقيقة العلمية مختلفة تمامًا.

الحالة اللي يولي فيها الشعر متجمع ومتشابك لدرجة يصير زي كتلة وحدة قاسية أو “لبدة” اسمها في الطب Plica Polonica.

شن يصير بالضبط؟ 🔬
الشعر يتشابك بشدة مع القشور وإفرازات فروة الرأس، ومع الوقت يتلاصق أكثر وأكثر لدرجة يستحيل يتفك.

الأسباب ممكن تكون:
• إهمال العناية بالشعر لفترة طويلة
• استعمال منتجات أو مواد قاسية وغلط
• مشاكل في فروة الرأس
• أحيانًا حالات نفسية تخلي الشخص يهمل شعره

للأسف في أغلب الحالات ما ينفعش يتفك… والحل يكون قص الكتلة بالكامل.

💡 الرسالة هنا مهمة:
العناية بالشعر مش رفاهية ولا دلع…
هي وقاية من مشاكل ممكن توصل لمرحلة صعبة زي هذه.

خليك ديما:
✔️ تنظفي فروة الرأس بانتظام
✔️ ترطبي الشعر
✔️ تفكي التشابك أول بأول

وشني رأيك؟
قبل اليوم… كنتِ تعرفي إن الحالة هذه طبية ومش عين ؟

وكانت معاكم Dr.Sari 🤍
وكونوا طيبين.

11/03/2026

مش بس قلة المية… أحيانًا يكون نقص أملاح يخلي الجسم ما يحتفظش بالسوائل كويس.
فلو تحس المية تطلع بسرعة من جسمك، ممكن يكون هذا السبب.

التفاصيل والطريقة الصح حكيت عليهم في الفيديو 👆🏻

كانت معاكم Dr.Sari
وكونوا طيبين ✨

#رمضان

#صحة

10/03/2026

لكل الناس اللي ديما تسألني:
“وين متواجدة دكتورة؟” 👩🏻‍⚕️

نحب نقولكم إني متواجدة في صيدلية طرابلس الأولى
وأيام وجودي هي:
السبت – الثلاثاء – الخميس.

نستقبلكم ونقدر نساعدكم في:
✨ اختيار روتين مناسب للبشرة أو للشعر
✨ شرح الطريقة الصحيحة لاستخدام المنتجات
✨ والمتابعة معاكم لو عندكم مشكلة جلدية أو استفسار صيدلاني.

وبرضو حابة نوضح حاجة 🤍
السحب والجوائز اللي أعلن عليهم هنا هم لمتابعين صفحتي أنا شخصيًا،
وهم غير الجوائز والعروض الخاصة بالصيدلية.

يعني متابعيني دايمًا لهم مفاجآت خاصة 🎁

نورتونا ديما في صيدلية طرابلس الأولى.

و كانت معاكم
Dr.Sari
وكونوا طيبين 🤍

06/03/2026

سوري لبشاعة المنظر 😅
بس خلوني نقولكم على سبب من أسباب رائحة الفم الكريهة اللي مرات تكون محرجة جدًا…

واللي للأسف
مش ممكن تمشي لا بمعجون أسنان
ولا بغسول فم
ولا حتى بالسواك.

السبب أحيانًا يكون حاجة اسمها حصوات اللوزتين.

حصوات اللوزتين هي تجمعات صغيرة تتكوّن داخل شقوق اللوزتين من:
بقايا أكل + خلايا ميتة + بكتيريا.

ومع الوقت تتصلّب وتتحول لقطع صغيرة لونها أبيض أو أصفر،
وهي اللي تطلع منها رائحة قوية جدًا.

اللي يخلي بعض الناس يحسوا بـ:
• رائحة فم مستمرة
• طعم غريب في الفم
• إحساس بشي عالق في الحلق
• وأحيانًا ألم خفيف أو صعوبة في البلع.

والغريب إن الشخص ممكن يفرّش أسنانه كويس جدًا…
لكن الرائحة تقعد موجودة لأن المشكلة مش من الأسنان أصلاً.

في بعض الحالات تختفي بروحها،
وفي حالات ثانية ممكن تحتاج تنظيف عند طبيب الأنف والأذن والحنجرة.

ولو تبوّا نكتبلكم طرق بسيطة تساعد تقلل تكوّنها
قولولي في التعليقات ونكتبها لكم 👇🏻

كانت معاكم Dr.Sari
وكونوا طيبين 🤍

Dr.Sari

18/04/2026

17/04/2026

09/04/2026

05/04/2026

27/03/2026

17/03/2026

15/03/2026

14/03/2026

14/03/2026

11/03/2026

10/03/2026

06/03/2026

Address

Website

Alerts

Shortcuts

Share

Category