Fitaleavam-Paritry NY Fahasalamam-Bahoaka Androy

28/08/2026

📊 FANATSARANA NY KALITAOAN’NY ANGON-DRAKITRA ARA-PAHASALAMANA ETO ANDROY
🤝 Ao anatin’ny fiaraha-miasa eo amin’ny Minisitera misahana ny Fahasalamam-Bahoaka, amin’ny alalan’ny DRSP Androy, sy ny ONG Palladium, amin’ny alalan’ny tetikasa DATAFI, dia mitohy ny fanamafisana ny rafitra fanamarinana sy fanatsarana ny kalitaon’ny angon-drakitra ara-pahasalamana eny anivon’ireo SDSP eto amin’ny Faritra Androy.
📍 Taorian’ny fidinana ifotony natao tany amin’ny SDSP Bekily sy SDSP Tsihombe, dia nitohy tany amin’ny SDSP Beloha ny hetsika, indrindra amin’ny fanamafisana sy famelomana indray ny asan’ny Komity Mpanamarina ny Angon-drakitra (Comité de Validation des Données).
🔄 Hitohy amin’ireo SDSP rehetra manerana ny Faritra Androy izany hetsika izany.
🎯 Tanjona:
• Hanatsara ny kalitao sy ny fahamarinan’ny angon-drakitra ara-pahasalamana;
• Hanamafy ny rafitra fanamarinana sy fanaraha-maso ny angon-drakitra;
• Hampiroborobo ny fampiasana angon-drakitra azo itokisana ho fototry ny fandraisana fanapahan-kevitra.
💪 Angon-drakitra marina sy azo itokisana, fototra iray lehibe amin’ny fanatsarana hatrany ny kalitaon’ny tolotra ara-pahasalamana eto Androy.

17/08/2026

FAMINDRAM-PITANTANANA PRMP DRSP ANDROY

Ambovombe 17/08/2026

Tontosa ampilaminana sy am-pirahalahiana ny famindram-pitantanana teo amin’ny PRMP teo aloha, Andriamatoa MANAMONJA RETSIBIBY Felix, sy ny PRMP vaovao, Andriamatoa ANDRIANAMBININA Heriniaina Gilbertin, eto anivon’ny Fitaleavam-Paritry ny Fahasalamam-Bahoaka (DRSP) Androy.

Nanatrika izany ny Chef de Service Administratif et Financier (SAF) eto amin’ny DRSP Androy, niaraka tamin’ireo mpiara-miasa rehetra.

Nandritra ny fandraisam-pitenenana, dia naneho fankasitrahana sy fankasitrahana manokana ny ezaka sy ny zava-bita notanterahin’ny PRMP teo aloha ny Chef SAF. Nirary fahombiazana ihany koa izy ho an’ny PRMP vaovao, ary nanentana azy hanohy sy hampiroborobo hatrany ny asa ho fampandrosoana ny Fitaleavam-Paritry ny Fahasalamam-Bahoaka eto Androy.

Mirary fahombiazana amin’ny andraikitra vaovao ho an’ny PRMP vaovao, ary misaotra ny PRMP teo aloha tamin’ny ezaka sy ny asa vita.

17/08/2026

FAHASALAMANA MANAKAIKY VAHOAKA

Noho ny rotsak’orana be naharitra telo andro teto amin’ny Distrikan’Ambovombe, Faritra Androy, dia nisy ireo tokantrano sy olona voatery nafindra toerana vonjimaika.
Ho setrin’izany, nanao fidinana ifotony teny amin’ireo toerana fandraisana ireo olona voakasika ny ekipan’ny EMAR, EMAD, OMS ary UNICEF, mba hanomezana fanampiana sy hiantohana ny fahasalaman’izy ireo.
Nisy nandritra izany ny:
🔹 Fanentanana sy fanomezana torohevitra ara-pahasalamana;
🔹 Fizahana ara-pahasalamana;
🔹 Fanomanana sy fanatanterahana ny soins de proximité eny an-toerana.

📊 Tomban’isa voaray hatreto:
• 43 tokantrano;
• 240 olona, ka 142 ankizy sy 98 olon-dehibe;
• 1 renim-pianakaviana vao avy niteraka, iray andro;
• 3 olona voan’ny kohaka;
• 1 olona voan’ny aretin-koditra (gale);
• 1 lehilahy 70 taona;
• 7 vehivavy bevohoka.

🤝 Efa miasa tanteraka eny an-toerana ireo ekipa, amin’ny fanomezana soins de proximité sy fanaraha-maso akaiky ny fahasalaman’ireo olona voakasika.

Ny fahasalamana sy ny fiarovana ny vahoaka no laharam-pahamehana. ❤️

15/08/2026

FANAMAFISAN’NY FIRAISAN-KINA ETO ANDROY
AMBOVOMBE ANDROY 15/08/2026
Tanteraka eto Ambovombe Androy, androany sabotsy 15 Aogositra 2026 ny 𝐟𝐚𝐦𝐩𝐢𝐡𝐚𝐯𝐚𝐧𝐚𝐧𝐚 𝐧𝐲 𝐅𝐢𝐥𝐨𝐡𝐚𝐧’𝐧𝐲 𝐅𝐚𝐧𝐚𝐯𝐚𝐨𝐳𝐚𝐧𝐚, 𝐧𝐲 𝐊𝐨̂𝐥𝐨̂𝐧e𝐥𝐲 𝐑𝐀𝐍𝐃𝐑𝐈𝐀𝐍𝐈𝐑𝐈𝐍𝐀 𝐌𝐢𝐜𝐡𝐚𝐞̈𝐥, 𝐬𝐲 𝐧𝐲 𝐒𝐨𝐥𝐨𝐦𝐛𝐚𝐯𝐚𝐦𝐛𝐚𝐡𝐨𝐚𝐤𝐚 𝐯o𝐚𝐟𝐢𝐝𝐲 𝐞𝐭𝐨 𝐚𝐧-𝐭𝐨𝐞𝐫𝐚𝐧𝐚, 𝐀𝐧𝐝𝐫𝐢𝐚𝐦𝐚𝐭𝐨𝐚 𝐌𝐈𝐋𝐀𝐕𝐎𝐍𝐉𝐘 𝐀𝐧𝐝𝐫𝐢𝐚𝐬𝐲 𝐏𝐡𝐢𝐥𝐨𝐛𝐞𝐫𝐭, 𝐚𝐫𝐲 𝐧𝐲 𝐒𝐨𝐥𝐨𝐦𝐛𝐚𝐯𝐚𝐦𝐛𝐚𝐡𝐨𝐚𝐤𝐚 𝐭𝐞𝐨 𝐚𝐥𝐨𝐡𝐚, 𝐀𝐧𝐝𝐫𝐢𝐚𝐦𝐚𝐭𝐨𝐚 𝐇𝐞𝐧𝐫𝐢 𝐉𝐞𝐚𝐧 𝐌𝐢𝐜𝐡𝐞𝐥 𝐢𝐳𝐚𝐲 𝐯𝐚𝐨 𝐯𝐢𝐭𝐚 𝐭𝐚𝐨 𝐚𝐦𝐢𝐧'𝐧𝐲 𝐤𝐚𝐭𝐞𝐝𝐫𝐚𝐥𝐲 𝐅𝐋𝐌.
Isan’ireo delegasionina ara-panjakana miara-dia amin’ny Filoha sy ny Praiminisitra Lehiben’ny Governemanta, sy Olom-boafidy maro, Ramatoa Minisitry ny Fahasalamam-Bahoaka, Dr Monira MANAGNA, izay manotrona ny Filohan’ny Fanavaozana ny Repoblikan’i Madagasikara, Kôlônely Michael Mivady.
Nandritra ny dian-dRamatoa Minisitry ny Fahasalamam-bahoaka, Dr. Monira MANAGNA, teto Ambovombe, Faritra Androy, dia nitsidika sy namangy ireo mpiara miasa ao amin'ny Centre Hospitalier de Référence Régional (CHRR) Ambovombe ihany koa ny tenany. Nijery akaiky ny zava-misy sy ny toe-draharaha misy ao amin’ity toeram-pitsaboana lehibe misahana ny fahasalamam-bahoaka eto Androy, ary nihaona tamin’ireo mpisehatra sy mpiasan’ny fahasalamana rehetra tao.
SOA TY FILONGOA !!!

14/08/2026

13/08/2026

💉HETSIKA FANAOVANA VAKSINY FANEFITRY NY POLIO

🙏Isaorana ny ezaka sy ny fahavononanareo amin’ny fiarovana ny fahasalaman’ny ankizy.

👶Arovy ny zanatsika amin’ny Polio!
💧Ndao hatao vaksiny ny zanatsika.
🚫Aza avela hisy zaza tsy vita vaksiny!

13/08/2026

💉 HETSIKA FANAOVANA VAKSINY FANEFITRY NY POLIO

👏 Mankahery sy mankasitraka manokana ireo Agent Communautaire (AC) rehetra, izay miasa amim-pahavitrihana sy fahavononana amin’ny fanentanana sy fanaovana vaksiny isam-pianakaviana eny an-tokantrano.

🙏 Isaorana ny ezaka sy ny fahavononanareo amin’ny fiarovana ny fahasalaman’ny ankizy.

👶 Arovy ny zanatsika amin’ny Polio!
💧 Ndao hatao vaksiny ny zanatsika.
🚫 Aza avela hisy zaza tsy vita vaksiny!