18/08/2026
🌿 4 ЧЕКОРИ КОН СЕБЕ 🌿
Еднодневен ретрит – повлекување во Охрид
29 август 2026 | 16:00 – 22:00 часот
📍 Хотел Тино СПА, Св. Стефан – Охрид
Понекогаш не ни треба да заминеме далеку за да се вратиме кон себе. Ни треба само да застанеме.
Да го оставиме надворешниот свет на неколку часа и да си дозволиме простор во кој не мора ништо да правиме, ништо да докажуваме и никому ништо да даваме.
Само да бидеме.
Од таа потреба се роди „4 ЧЕКОРИ КОН СЕБЕ“ – еднодневно повлекување во Охрид, создадено како простор за забавување, присутност, внатрешно слушање и повторно поврзување со себе.
Охрид, водата, природата и просторот на Хотел Тино СПА ќе бидат нашата позадина за едно попладне и вечер посветени на тебе.
Што значи повлекување?
Не значи бегство од животот.
Туку свесно повлекување од секојдневието за повторно да го чуеш она што се случува во тебе.
Неколку часа во кои можеш да го спуштиш товарот што го носиш.
Да се отвориш.Да почувствуваш.Да освестиш.Да отпуштиш.
И да направиш простор за нешто ново.
Можеби за нов увид.
Можеби за одговор.
Можеби само за тишина.
А можеби за нешто што воопшто не си го очекувала.
Средба со себе. ❤️
________________________________________
🌿 ШТО ЌЕ ПРАВИМЕ?
Ова нема да биде само време во кое ќе разговараме и ќе слушаме.
Ќе поминеме низ четири внимателно поврзани чекори, создадени како едно целосно патување – од телото, преку здивот и енергијата, кон подлабоко внатрешно искуство и на крај кон интеграција и релаксација.
Секој пријавен учесник ќе добие целосна агенда на програмата, со распоред и содржина на сите процеси.
① Соматски TRE вежби
Ќе започнеме од телото.
Преку TRE – Tension & Trauma Releasing Exercises, едноставни соматски вежби кои му овозможуваат на телото постепено да ја ослободува насобраната напнатост.
Без форсирање и без потреба нешто да постигнеме.
Преку движењето и свесното присуство му даваме простор на телото да го активира својот природен механизам на отпуштање.
② Воден процес – здив, енергија и подготовка за InnerDance
По работата со телото ќе продолжиме со воден процес во кој преку здив, внимание и енергетска работа постепено ќе се движиме од надворешното кон внатрешното.
Ќе создадеме простор за забавување, освестување и продлабочување на контактот со телото.
Овој процес е замислен како мост кон InnerDance – постепено отпуштање на контролата, смирување на умот и отворање кон она што телото и внатрешниот свет сакаат да ни го покажат.
Не мора ништо да форсираш.
Само следи го здивот.
Следи го чувството.
И дозволи му на телото полека да те одведе таму каде што зборовите повеќе не се потребни.
③ InnerDance - Од таа состојба продолжуваме во InnerDance – длабоко патување навнатре преку музика, звук, движење и телесно чувство.
Не треба да знаеш да танцуваш. Не постои правилен начин.
Само дозволи му на телото да го пронајде својот ритам.
Кога умот ќе престане да контролира, телото понекогаш почнува да зборува на својот јазик.
Може да се појават чувства, сеќавања, увиди или едноставно едно длабоко чувство на присутност.
InnerDance е простор во кој не мораш да знаеш каде одиш – само да му дозволиш на телото да те одведе.
④ Звучна купка
По сите процеси ќе се препуштиме на звучна купка.
Звукот, вибрацијата и звучните инструменти ќе создадат простор за длабока релаксација и интеграција на сето она низ што сме поминале.
Нема што да правиш.
Нема што да постигнеш.
Само легни, затвори ги очите и дозволи звукот да те носи.
Од движење – кон тишина.
Од активност – кон отпуштање.
Од надворешниот свет – назад кон себе.
________________________________________
⑤ ТВОЈАТА ОДЛУКА - А петтиот чекор?
Тој е само твој. Твојата одлука да застанеш.
Да си дозволиш еден ден без брзање, без обврски и без потреба постојано да бидеш тука за сите други. Да си дозволиш време за себе.
Да кажеш: „Сега сум јас на ред.“
Затоа што понекогаш најголемиот чекор кон себе не е уште едно знаење, уште еден процес или уште еден одговор.
Туку едноставно — да си дозволиш да бидеш со себе. 🌹
Петтиот чекор не го водам јас.
Го правиш ти.
________________________________________
🌬️ СПЕЦИЈАЛЕН ГОСТИН – ВИКТОР ПЕТРОВСКИ
Како специјален гостин на ретритот ќе ни се придружи Виктор Петровски, долгогодишен практичар на Преродно дишење (Rebirthing Breathwork), кој ќе води посветена сесија со здивот како дополнување и продлабочување на целокупниот процес.
________________________________________
🌸 ЕДНО ЦЕЛОСНО ИСКУСТВО
Она што го прави ова повлекување посебно е начинот на кој различните методи се надоврзуваат еден на друг.
Не се работи за неколку одделни техники, туку за едно целосно искуство кое јас го креирав и го водам низ моите знаења, искуства и долгогодишна работа со телото, енергијата, свеста и звукот.
Телото се буди и отпушта.
Здивот и енергијата го продлабочуваат контактот со себе.
InnerDance ја отвора внатрешната слобода.
Звукот нè враќа во тишина и интеграција.
Ќе се движиме.Ќе дишеме.Ќе чувствуваме.Ќе освестуваме.Ќе отпуштаме.И потоа ќе застанеме.Ќе легнеме.Ќе ги затвориме очите. И ќе му дозволиме на звукот да го заокружи она низ што сме поминале.
________________________________________
🌹 КОЈ ГО ВОДИ РЕТРИТOТ?
Ретритот го води Маја Марија Милан – холистички советник, енерготерапевт и фасилитатор на трансформација, со долгогодишно искуство во работа со телото, енергијата, свеста и различни методи на личен развој.
Во својата работа ги поврзува знаењата и искуствата од TRE, InnerDance, енерготерапевтски практики, звучни процеси и телесно ориентирани пристапи, создавајќи простор во кој секој човек може да го следи сопствениот процес без притисок и без потреба да биде нешто поинакво од она што е.
Ова повлекување е креирано како една целина, во која секој процес природно се надоврзува на следниот.
________________________________________
🌊 ЗОШТО ЕДНОДНЕВНО ПОВЛЕКУВАЊЕ?
Затоа што знам дека не секој може да си дозволи да замине на неколку денови.
Но можеби секој од нас може да си дозволи еден ден.
Еден ден без брзање.
Еден ден без улогите што секојдневно ги носиме.
Еден ден во кој нема да бидеш ничиј/а мајка/татко партнер/ка, вработен/а, организатор/ка, поддршка за сите други...
Туку само ти.
Да застанеш.
Да забавиш.
Да дишеш.
Да почувствуваш.
Да слушнеш што ти треба.
И можеби да се сетиш на нешто што во брзината на секојдневието си го заборавила.
Како е да бидеш со себе.
________________________________________
🌿 ОХРИД – ЕДНО ОД МОИТЕ МЕСТА НА ВРАЌАЊЕ
Охрид за мене има посебно значење.
Тоа е градот од кој го носам своето потекло и едно од местата на кои секогаш се враќам.
Другото е Ртањ, а во негова близина е Грофивија во Планинице – местото каде што во 2022 година го реализирав мојот прв ретрит и каде што оваа година повторно ќе се вратам во септември.
Вода и планина. Охрид и Планинице.
Два различни простори, а истиот повик – да се вратиме кон себе. 🌹
________________________________________
🌸 ПРИЈАВУВАЊЕ И РАЗМЕНА НА ЕНЕРГИЈА
Своето место можеш да го резервираш со пополнување на формуларот преку линкот https://forms.gle/b5Xnd8VJtJvftBzg9
По пополнувањето на формуларот ќе ги добиеш сите потребни информации за начинот на уплата.
РАНА ПРИЈАВА – до 23 август
Размена на енергија: 4.444 денари
ПРИЈАВИ ПО 23 АВГУСТ
Размена на енергија: 5.555 денари
✨ Бројот на места е ограничен.
Местата се пополнуваат по принципот:
„Кој прв ќе се пријави – прв ќе го обезбеди своето место.“
Затоа, ако почувствуваш дека ова е твојот момент, резервирај го своето место навреме.
Не мора да знаеш однапред што ќе се случи во тебе.
Не мора да доаѓаш со конкретно прашање.
Не мора да знаеш што бараш.
Доволно е да почувствуваш дека ти треба време за себе.
Еден ден.
Четири чекори.
Едно повлекување.
И можеби едно мало, но важно враќање кон себе. 🌹
29 АВГУСТ 2026
16:00 – 22:00 часот
Хотел Тино СПА, Св. Стефан – Охрид
4 ЧЕКОРИ КОН СЕБЕ
Еден ден за тебе.
Еден простор за тебе.
Едно патување кон себе. ❤️
Со љубов,
Маја Марија 🌹
