Dr Win Min Oo - ကျီးပေါင်းခါးနာ အကြောအဆစ်ရောဂါ သိဖွယ်မျှဝေရာ

  • Home
  • Myanmar
  • Mandalay
  • Dr Win Min Oo - ကျီးပေါင်းခါးနာ အကြောအဆစ်ရောဂါ သိဖွယ်မျှဝေရာ

Dr Win Min Oo - ကျီးပေါင်းခါးနာ အကြောအဆစ်ရောဂါ သိဖွယ်မျှဝေရာ ဒူး လက်ဆစ် ဂုတ် ကျီးပေါင်းများ၊ ခါးနာ ဖနှောင့်နာ ပခုံးနာ အကြောအဆစ်ရောဂါများအကြောင်း

Page Admin Dr Win Min Oo https://www.facebook.com/Dr.WinMinOo.PhD သည် လက်ရှိတွင် World Health Organization(WHO) တွင် ကျီးပေါင်းဆိုင်ရာအထူးကျွမ်းကျင်သူအဖြစ် တာဝန်ထမ်းဆောင်လျက်ရှိပြီး ကျီးပေါင်းရောဂါအမျိုးမျိုး၏ ကုသမှုအဆင့်ဆင့်ကို အဆိုပြုလမ်းညွှန်မှုပြုရန်အတွက် Package for Rehabilitation Intervention guidelineကို နိုင်ငံတကာမှ ကျီးပေါင်းအထူးကျွမ်းကျင်သူ တခြား၁၃ ယောက်နှင့်အတူ လုပ်ဆောင်ရေးသားလျက်ရှိပါသ

ည်။

၂၀၁၆ခု ဖေဖော်ဝါရီလတွင် Australia နိုင်ငံ Sydney University တွင် အကြောအဆစ်ဆိုင်ရာ ဆေးပညာပါရဂူဘွဲ့ PhD in Medicine (Rheumatology) အတွက် ၄နှစ်ကြာ သွားရောက်သင်ယူခဲ့...

ကျီးပေါင်းရောဂါဆိုင်ရာကျွမ်းကျငမှုတွင် ကမ္ဘာ့အဆင့် (၁) အဖြစ် ကမ္ဘာတဝန်းမှ သတ်မှတ်ခံရသော Prof David Hunter (Rheumatology)၊ အကြောအဆစ်ဆိုင်ရာ အထူးကျွမ်းကျင်သူ ဓါတ်မှန်ဆရာဝန်ကြီး Dr. James Linklater (musculoskeletal radiologist) တို့၏ ကြီးကြပ်မှုအောက်တွင် သုတေသနစာတမ်း publicationပေါင်း အစောင် ၂၀ ကျော်ပြုစု၍ USA, Europeနဲ့ Australia ရှိ ထိပ်တန်းအကြောအဆစ်အထူးကုပါရဂူများဖြစ်တဲ့ Prof Bryun (Rheumatology)၊ Prof Naredo (Rheumatology) နှင့် Prof Bruno (Musculoskeletal radiology) တို့၏ အသေးစိတ် စိစစ်အကဲဖြတ်မှုကို အောင်မြင်စွာ ကျော်ဖြတ်၍ ကမ္ဘာ့အဆင့်မီ ပါရဂူကျမ်းကို ပြုစုပြီး ပါရဂူဘွဲ့ PhD ကို ရယူခဲ့...

ထိုကာလအတွင် နိုင်ငံတကာထိပ်တန်းဆေးပညာဂျာနယ်များတွင် စာတမ်းပေါင်းများစွာကိုလည်း Oxford Textbook of Osteoarthritis and Crystal Arthropathy Editor Prof David Hunter (Australia)၊ Oxford Textbook of Rheumatology စာအုပ် Editor Prof Philip Conaghan (UK)၊ Review in Musculoskeletal Ultrasound in Rheumatology Author Prof Jonathan Samuels (USA)တို့ အပါအဝင် ကမ္ဘာ့ဆေးပညာကျွမ်းကျင်သူများနှင့် တွဲဖက် ထုတ်ဝေခဲ့...

၂၀၁၈ တွင် American College of Rheumatology မှာ အကြောအဆစ်ဆိုင်ရာ တီဗွီဓါတ်မှန်ကျွမ်းကျင်မှုဘွဲ့ RhMSUS ကို၄င်း....

Royal College of Physician (UK) မှာ Speciality Certificate in Rheumatologyကို ၄င်း .....

Royal Australian College of Physician ၏ထောက်ခံမှုဖြင့် Clinical and Research Fellowship in Rheumatology ကို Royal North Shore Hospital (Sydney) တွင်၄င်း...

Mini-fellowship in Musculoskeletal Imaging/ Interventions ကို Castlereagh Imaging & Sports Center (Sydney) တွင် Director Dr. James Linklater (musculoskeletal radiologist) ၏ ကြီးကြပ်မှုအောင်တွင် ၄င်း....

၂၀၁၉ခုနှစ်တွင် Fellowship in Paediatric and Neurological Rehabilitation ကို Monarch Children Hospital (Melbourne) တွင် Prof Barry (rehabilitation physician) ၏ ကြီးကြပ်မှုဖြင့်၄င်း....

Sydney University မှ Clinical Teaching Fellowship ကို Prof Inam Haq (Author of Oxford Handbook of Rheumatology) ၏ ကြီးကြပ်မှုဖြင့်၄င်း ....
အသီးသီး ရရှိခဲ့ပါသည်။

ဤအကြောင်းအရာများကို ဒီ Facebook link မှာ အသေးစိတ် ဖတ်နိုင်ပါတယ်။
https://www.facebook.com/100005595340513/posts/1354777558052076/?d=n

ထို့နောက် ကမ္ဘပေါ်တွင် ကိုဗစ်များ ထကြွနေချိန် ၂၀၂၀ မတ်လတွင် မြန်မာပြည်သို့ ပြန်လည်ရောက်ရှိပြီး မန္တလေး-ဆေးတက္ကသိုလ်တွင် ကထိက/အတိုင်ပင်ခံဆရာဝန် အနေဖြင့် တာဝန်ထမ်းဆောင်လျက်ရှိပါတယ်..

ငယ်စဉ်ပညာသင်ကြားမှုများအနေဖြင့်
၂၀၀၅တွင် ဆေးတက္ကသိုလ်-မန္တလေးမှ MBBS ဘွဲ့ကို ရရှိခဲ့ပြီး ...၂၀၀၇ တွင် လားရှိုးပြည်သူ့ဆေးရုံကြီးမှာ လက်ထောက်ဆရာဝန်အဖြစ် စတင်ဝင်ရောက်ခဲ့....

၂၀၁၃ တွင် ဆေးတက္ကသိုလ်- မန္တလေးမှ ဆေးပညာမဟာသိပ္ပံဘွဲ့ (အကြောအဆစ်နှင့်ပြန်လည်သန်စွမ်းရေး)ကို ရယူခဲ့...

၄င်းမဟာကျမ်း၏ ကျောရိုးအာရုံကြောမကြီး ထိခိုက်ခြင်း (traumatic spinal cord injury) ကြောင့် အကြောတောင့်တင်းခြင်းအကြောင်းကို ၄င်းနယ်ပယ်တွင် ထိပ်ဆုံးဆေးပညာဂျာနယ်ဖြစ်သော American Congress of Rehabilitation Medicine ၏ တရားဝင်ဆေးဂျာနယ်တွင် ၂၀၁၄မှာ တင်သွင်းရာ... Editor’s choice အကောင်းဆုံးသောစာတမ်းအဖြစ် ၄င်းဆေးဂျာနယ်မျက်နှာဖုံးတွင် ထည့်သွင်းရွေးချယ် ဖော်ပြခံရခဲ့...

တိုင်းပြည်အကျိုးပြုထမ်းရွက်မှုများအနေဖြင့် .....

၂၀၀၈ နာဂစ်မုန်တိုင်းတိုက်ခတ်အပြီးတွင် ကျန်းမာရေးဌာန၏ လိုအပ်ချက်အရ ကျန်းမာရေးအရေးပေါ်စောင့်ရှောက်မှုလိုအပ်ချက် ပထမအဆင့် (ရှေ့တန်း) အဖြစ် သတ်မှတ်ထားသော ပင်လယ်ကမ်းစပ်ရှိ ဘုတလင်မြို့နယ်၊ ဧရာကျေးရွာ sub-center လေးသို့ လာရှိုးမြို့မှ သွားရောက်၍ ၁လကြာ တာဝန်ထမ်းဆောင်ခဲ့....

၂၀၀၉ ကိုးကန့်စစ်ပွဲကာလအတွင်း လောက်ကိုင်ခရိုင် ချင်းရွှေဟော် မြို့နယ်ခွဲဆေးရုံတွင် ၁နှစ်ခွဲနီးပါး တာဝန်ထမ်းဆောင်ပြီး....ဝေလံခေါင်သီ တောင်တန်းများပေါ်ရှိ ကိုးကန့်တိုင်းရင်းသားကျေးရွာလေးများသို့တိုင် အခမဲ့ဆေးကုသခြင်းများနှင့်ကာကွယ်ဆေးထိုးလုပ်ငန်းများကို လှည့်လည်ထမ်းဆောင်ခဲ့ပါတယ်....။

#ဆေးမန်း (UMM)မှာ လုပ်တဲ့ Post-graduate Research Methodology Workshop နှစ်ခုမှာ Literature Review အကြောင်း သုတေသန အတွေ့...
28/05/2026

#ဆေးမန်း (UMM)မှာ လုပ်တဲ့ Post-graduate Research Methodology Workshop နှစ်ခုမှာ Literature Review အကြောင်း သုတေသန အတွေ့အကြုံများ ဟောပြောမျှဝေခဲ့တဲ့အတွက်…
🔹Certificate of Appreciation ကို ဘောင်လှလှနဲ့ သေ”ချာ”လုပ်ပေးတဲ့ ပါချုပ်ကြီးရော…
🔹ပါဝင်ဟောပြောပေးဖို့ ဖိတ်ကြားပေးတဲ့ ကာကွယ်လူမှုဆေးပညာဌာနမှူး ပါမောက္ခကြီးကိုရော..
🔸ကျေးဇူးပါခင်ဗျာ.. 🙏🙏

🔺နောင်နှစ်တွေမှာလည်း ဒီထက်ကောင်း”လေး ဟောပြောကူညီနိုင်အောင် ကြိုးစားပါ့မယ်.. 💪💪

အစဉ်ကြိုးစားနေလျက်..

တွဲဖက်ပါမောက္ခ #ဒေါက်တာဝင်းမင်းဦး
နိုင်ငံတကာ #ကျီးပေါင်းခါးနာ ကျွမ်းကျင်သူ
MBBS; MMedSc (Rehab); RhMSUS (USA); SCE (Rheu); PhD (Sydney Uni); FRCP (Edin); FRCP (London)
Clinical fellowship in Rheu/ MSK Imaging (Australia)
Osteoarthritis expert (WHO)
Awardee of 2025 Excellence in Ultrasound (ASUM)

2️⃣0️⃣2️⃣6️⃣ Scientists အဆင့်သတ်မှတ်ချက်ထဲက Top 1️⃣5️⃣ Scientists စာရင်းကို ထုတ်နှုတ်ဖော်ပြပါရစေ.. 👉ဒီ AD Scientific R...
22/05/2026

2️⃣0️⃣2️⃣6️⃣ Scientists အဆင့်သတ်မှတ်ချက်ထဲက Top 1️⃣5️⃣ Scientists စာရင်းကို ထုတ်နှုတ်ဖော်ပြပါရစေ..

👉ဒီ AD Scientific Ranking က Google Scholar ရဲ့ H Index ခေါ်တဲ့ research performance (သုတေသနစွမ်းဆောင်ရည်) အပေါ် အခြေပြုတွက်ချက်ထားတာပါ.. ပုံက နောက်ဆုံးကော်လံမှာပါတာက ပါ..

👉ဒီစနစ်မှာ သက်ဆိုင်ရာ Academic scholar ရဲ့ ကိုးကားခံရတဲ့ သုတေသနစာတမ်း (highly cited papers) များလေလေ၊ အဆင့်သတ်မှတ်ချက် မြင့်လေလေပါပဲ.

👉သုတေသနပညာရှင်ရဲ့ Google scholar profile ကို တိုက်ရိုက်ဝင်ကြည့်နိုင်တာမို့ transparency အပြည့်အဝရှိပါတယ်..

🔹မိတ်ဆွေ Academic staff တွေရဲ့ သုတေသနညွှန်းကိန်းအဆင့်ကို စိတ်ဝင်စားလို့ သိချင်ရင်ဖြင့် ဒီ link မှာ ရှာဖွေကြည့်နိုင်ပါတယ်..

https://adscientificindex.com/h-index-ranking/?ft_country=109

ခင်မင်လျက်..

တွဲဘက်ပါမောက္ခ #ဒေါက်တာဝင်းမင်းဦး
နိုင်ငံတကာ #ကျီးပေါင်းခါးနာ ကျွမ်းကျင်သူ
MBBS; MMedSc (Rehab); RhMSUS (USA); SCE (Rheu); PhD (Sydney Uni); FRCP (Edin); FRCP (London)
Clinical fellowship in Rheu/ MSK Imaging (Australia)
Osteoarthritis Expert (WHO)

✅UMM Year-3 က stream-end test လေးတွေ စာမေးပွဲစစ်ပေးခဲ့… Rehabilitation Medicine module မှာ examination ကို အင်မတန်စနစ်...
16/05/2026

✅UMM Year-3 က stream-end test လေးတွေ စာမေးပွဲစစ်ပေးခဲ့… Rehabilitation Medicine module မှာ examination ကို အင်မတန်စနစ်ကျစွာ ဖြေဆိုကြတာမို့ အမှတ်ပြည့်နီးပါး ပေးလိုက်ရသူတွေရှိတာလည်းကျေနပ်စရာ…

🔹တချိန်တည်းမှာ တချို့တချို့တွေလည်း အမှားလေးတွေ လုပ်နေကြဆဲ.. ရှိနေကြဆဲ…နောင် ဆင်ခြင်နိုင်အောင်..ပိုမိုကောင်းမွန်အောင်.. feedback လေးများ ပေးရရင်ဖြင့်..

🔺တွေ့တာနဲ့ ပြေးစမ်းတာ (palpation တန်းလုပ်တာ) လေးတွေ တွေ့နေရဆဲ… well prepared မဖြစ်တာကို ညွှန်းဆို…

🔺Hand gel လေး ပွတ်ပြဖို့ (safety)၊ မိတ်ဆက်တာ (introduce).. ခွင့်တောင်းတာ (consent) တွေလုပ်ဖို့ မမေ့သင့်…ဘယ် medical knowledge and skills ကိုမှ ကျက်မှတ်လေ့ကျင့်စရာမလိုပဲ professionalism, ethical & legal aspects အတွက် ပေးထားတဲ့အမှတ်တွေမို့ အမှတ်ပြည့်ယူထားရမှာ..

👉👉Don’t be rushed! Be calm, professional and well-organized/structured!!

🔺Exposure လုပ်ဖို့ မမေ့ပါနဲ့.. တချို့တွေ့ မေ့နေကြဆဲ… shoulder examination အတွက် exposure လုပ်တဲ့အခါ အမျိုးသားဆို အကျီချွတ်ခိုင်း…ထဘီဝတ်ထားတဲ့ အမျိုးသမီးဆို ထဘီရင်ရှားခိုင်းပါက balanced exposure (neither underexposed nor overexposed) လို့ ယူဆရပါတယ်..

ဒီနေရာမှာ တခုပြောလိုတာက surrogate က မိန်းကလေးငယ်လေးဖြစ်နေရင်… “exposure လုပ်လို့ရမလား ဆရာ” လို့ examiner ကို “consent တောင်းသလို” မေးကြခြင်းပါ.. တကယ်တော့ ဘာကြောင့် ဘယ်နေရာတွေအထိ exposure လိုကြောင်း explain လုပ်ပြီး consent တောင်းရမှာက စမ်းသပ်ရမယ့် လူနာကိုပါ.. examiner က လူနာကိုယ်စား consent ပေးခွင့်မရှိပါဘူး..

👉Consent is the patient’s autonomy; not examiner’s!!
👉Surrogate လူနာက အဆင်မပြေပါက ငြင်းပိုင်ခွင့်ရှိပါတယ်.. ငြင်းရင်လည်း ပြာယာမခတ်ပါနဲ့.. Be prepared for this scenario.. (to examine the patient with Limited Minimal exposure)..

🔺Inspection မှာ dynamic movements တွေကို အကဲဖြတ်ဖို့မေ့နေတာ..
👉👉ဒီတော့ scapular winging, scapulohumeral rhythm စတာတွေကို မသိနိုင်တော့..

🔺ပခုံးက နှစ်ဘက်ရှိတာမို့ တခြားတစ်ဘက်နဲ့ နှိုင်းယှဉ်ကြည့်ဖို့ ဘယ်တော့မှ မမေ့ပါနဲ့..
👉👉Always compare with the opposite side.

🔺Palpation မှာ ကိုယ်တကယ်စမ်းနေတဲ့ structures တွေရဲ့ surface anatomy တွေက လွဲနေတာ..
👉anterior shoulder joint line ဆိုပြီး AC joint ကြီးကို စမ်းပြ..
👉Bicipital groove ဆိုပြီး လက်မောင်းအပြင်ဘေးဘက် (deltoid)မှာ စမ်းပြတာမျိုး..

🔺နာကျင်မှုရှိမရှိ လူနာမျက်နှာကို လှမ်းမကြည့်ပဲ ခေါင်းကြီး ငုံပြီး ဇွတ်စမ်းနေတာ.. လူနာက မျက်နှာရှုံ့မဲ့နေလည်း မမြင်တော့..
တချို့လည်း လူနာမျက်နှာကိုပဲ အကြည့်လွန်ပြီး.. ပါးစပ်က ရွတ်ပြတာနဲ့ လက်က စမ်းနေတဲ့ structures တွေက တလွဲဖြစ်နေတာ..

🔺move အပိုင်းမှာ movement အားလုံး မစမ်းတာ..
Abduction မှာ Middle painful arc နဲ့ terminal painful arc ကို သေချာ ခွဲမသိတာ..

🔺Special tests
Empty can test, lift off test တွေမှာ လက်အထားအသိုနဲ့ resistance ပေးပုံပေးနည်း မမှန်သေးတာ.. Positive ဆိုရင် ဘယ်structure ကို ထိတာလဲ.. ဘာကြောင့် pain/weakness ရတာလဲ စတာတွေ ဝေဝါးနေသေးတာ..

Empty can test ကိုလုပ်တဲ့အခါ scapular plane မှာမထားပဲ pure sagittal or pure coronal plane မှာ ထားတာ..

🔺Goniometer တိုင်းတဲဲ့အခါ fulcrum ထားရမယ့်နေရာတွေ လွဲနေတာ..

🔺 Causes of shoulder pain မှာ အတွေ့ရနည်းတဲ့ Congenital ရောဂါ ( E.g. Sprengel deformity)… သေချာလိုက်မေးရင် မဖြေတတ်တဲ့ ရောဂါတွေ (Osteosarcoma) နဲ့ စဖြေတာ..

🔺 Investigation မေးတဲ့အခါ …
👉WBC differential တွေ အကြောင်း..
👉ESR & CRP ရဲ့ different clinical values အကြောင်း.. 👉X-rays, ultrasound & MRI တို့ရဲ့ relevant uses လေးလောက်တော့ ၂-၃ ချက်လောက်တော့ year-3 level မှာ သိစေချင်ပါတယ်..

ကျွန်တော် လောဘကြီးလွန်းသွားသလားဗျာ.. 😅

🔺ကဲ.. အဆုံးသတ်မှာ examiner တွေကို ကျေးဇူးတင်စကားပြောတာ မပြောတာ ခဏထား…

👉 လူနာကိုကျေးဇူးတင်စကားပြောတာ.. (Don’t forget the patient)
👉မိမိလက်တွေကို hand gel ဆွတ်တာ.. စတာလေးတွေကိုလည်း မမေ့ပါနဲ့ လို့…

✅Year-3 level မှာ ဒါလေးတွေ သေချာပြင်လိုက်ရင် တစ်ချိန်မှာ နိုင်ငံခြားက စာမေးပွဲတွေ ဖြေကြမယ်ဆိုရင်တောင် အောင်မြင်ပါလိမ့်မယ်လို့ …

🍀🍀 #မျှဝေ_share နိုင်ပါတယ်..

ခင်မင်လျက်..

တွဲဘက်ပါမောက္ခ #ဒေါက်တာဝင်းမင်းဦး
နိုင်ငံတကာ #ကျီးပေါင်းခါးနာ ကျွမ်းကျင်သူ
MBBS; MMedSc (Rehab); RhMSUS (USA); SCE (Rheu); PhD (Sydney Uni); FRCP (Edin); FRCP (London)
Clinical fellowship in Rheu/ MSK Imaging (Australia)
Osteoarthritis expert (WHO)

🎂 🎉…ဆုမွန်ကောင်းတောင်းပေးကြတဲ့ မိဘဆွေမျိုး ဆရာသမား မိတ်ဆွေများအားလုံးကို ကျေးဇူးပါခင်ဗျာ..အမှတ်တရရှိစွာနဲ့ တကူးတက လက်ဆ...
07/05/2026

🎂 🎉…ဆုမွန်ကောင်းတောင်းပေးကြတဲ့ မိဘဆွေမျိုး ဆရာသမား မိတ်ဆွေများအားလုံးကို ကျေးဇူးပါခင်ဗျာ..အမှတ်တရရှိစွာနဲ့ တကူးတက လက်ဆောင်တွေပို့ပေးကြတဲ့ အထူးကုဆေးရုံ ဆေးခန်းများကိုလည်း ကျေးဇူးပါနော်..

Birthday မှာတောင် တနေကုန် စာသင်..ဆေးခန်းထိုင်ပြီး ဘယ်မှာ ထွက်မလည်နိုင်ကြတာဟာ ဆရာဝန်တွေရဲ့ lifestyle ပဲမလား..

ပြန်ရောက်မှပဲ post တင်ရတာမို့.. 🎂 🎁 🎉

#ဆေးမန်း ရဲ့ 2026 Post-graduate Research Methodology Course မှာ“ ဘယ်လိုလုပ်လေ့ရှိလဲ” ဆိုတာကို ကြိုးစားပြီး မျှဝေခဲ့ပါ...
02/05/2026

#ဆေးမန်း ရဲ့ 2026 Post-graduate Research Methodology Course မှာ“ ဘယ်လိုလုပ်လေ့ရှိလဲ” ဆိုတာကို ကြိုးစားပြီး မျှဝေခဲ့ပါတယ်..

🔺Master၊ Doctorate စတဲ့ ဘွဲ့လွန်ကျောင်းသားတွေဟာ #သုတေသနအဆိုပြုလွှာ (Protocol)များကို သတ်မှတ်ချက်အရ တင်သွင်းကြရပါတယ်.. ကို ဘယ်လိုသုတေသနမျိုးတွေ လုပ်ချင်လဲဆိုတာ လမ်းစပေါ်ဖို့အတွက် literature review ဟာ မဖြစ်မနေ လုပ်ကြရတဲ့ ကြီးလေးတဲ့တာဝန်တစ်ခုပါ..

🔹ဆေးပညာရပ်စာစောင်တွေကို သိမ်းဆည်းထားတဲ့ PubMed မှာ နှစ်စဉ် သုတေသနစာတမ်း အသစ် တသန်းခွဲခန့် (တနည်းအားဖြင့် တနေ့လျင် စာတမ်းအသစ် ၃၀၀၀ ခန့် ) ထုတ်ဝေနေတာမို့…
စာတမ်းပေါင်းများစွာထဲကနေ ရှာဖွေပြီး၊ literature review လုပ်ရခြင်းဟာ အင်မတန်ကြီးလေးတယ် လို့ ဆိုရခြင်းပါ..

🔹အင်မတန်လည်း ကျယ်ပြန်လှတာမို့ အနောက်နိုင်ငံတွေမှာတော့ တက်ရောက်လာတဲ့ Audience ပေါ်မူတည်ပြီး…. literature review ဆိုတဲ့ ခေါင်းစဉ်အတွက်ကိုပဲ တရက်ကနေ ၃ ရက်အထိ ဟောပြောပို့ချလေ့ ရှိပါတယ်..
ရှုပ်ထွေးတဲ့ meta analysis တွေ အကြောင်းပါရင် ပိုကြာတတ်ပါတယ်..

🔺သတ်မှတ်ချိန် ၄၅ မိနစ်အတွင်း.. ကျွန်တော် မျှဝေဖြစ်ခဲ့တဲ့ အကြောင်းအရာတွေကတော့..

👉Literature review ဘာကြောင့် လုပ်ကြရတာလဲ..
👉Medical literature ၃ မျိုးအကြောင်း..
👉Literature Search ဆိုတာဘာလဲ.. ဘယ်လိုမျိုး ရှာဖွေကြရတာလဲ..
👉Research Questions နဲ့ PICO အကြောင်း အနည်းငယ်..
👉Methodology of literature search အကြောင်း..
👉PubMed Databases မှာ MeSH search, phrase search, field search, filter, wildcard search, Boolean operators တွေအသုံးပြုပုံ…
👉Literature review types တွေအကြောင်း..
👉Narrative review vs systematic reviews ကွာခြားပုံ
👉AI-assisted literature reviews အကြောင်း…

👉ကျွန်တော့်ရဲ့ personal experience တွေ..
(Nature၊ JAMA စတဲ့ နိုင်ငံတကာ ဆေးပညာဂျာနယ်တွေမှာ narrative review ပေါင်း ၂၀ ကျော်နဲ့ systematic review and meta analysis ပေါင်း ၃ ခု ပါဝင်ရေးသားခဲ့ဖူး)

👉Systematic review တွေကို publish လုပ်မယ်ဆိုရင် PROSPERO မှာ registration လုပ်ဖို့ မမေ့သင့်ကြောင်း…

စသည်ဖြင့် ကြိုးစားမျှဝေခဲ့ပါတယ်..

🔹မြန်မာပြည်မှာတော့ literature review လုပ်တဲ့အခါ.. ဒီက library တွေက database တွေကို ချိတ်ဆက်ဝယ်ယူ subscription လုပ်ထားတာ မရှိတာမို့….
👉တချို့ ကိုလိုချင်တဲ့ စာတမ်းတွေအတွက် buy full text ဆိုတာမျိုး ကြုံရတတ်ပါတယ်..
👉full text တွေ အခမဲ့မျှဝေပေးတဲ့ SCI Hub website ကလည်း ခုနောက်ပိုင်း အလုပ်သိပ်မဖြစ်တာ တွေ့ရပါတယ်..

🔺 တကယ်လို့ student တွေအနေနဲ့ အရေးကြီးစာတမ်းတွေကို download ရယူဖို့ အခက်အခဲရှိနေရင်..
👉Sydney university ရဲ့ staff affiliate တယောက်အနေနဲ့..
👉Sydney University library ကနေ ရယူမျှဝေပေးနိုင်တဲ့အကြောင်းလည်း ပြောပြခဲ့ပါတယ်..

🔹ဒီ topic အတွက် ၅ ရက်ခန့် အချိန်ယူပြင်ဆင်ရေးသားခဲ့တာမို့.. တစုံတရာ အကျိုးရှိမယ် လို့ မျှော်လင့်ပါတယ်..

ခင်မင်လျက်.. 🩷

#ဒေါက်တာဝင်းမင်းဦး
တွဲဘက်ပါမောက္ခ၊ အကြောအဆစ်အထူးကုဌာန၊UMM
နိုင်ငံတကာ #ကျီးပေါင်းခါးနာ ကျွမ်းကျင်သူ
MBBS; MMedSc (Rehab); RhMSUS (USA); SCE (Rheu); PhD (Sydney Uni); FRCP (Edin); FRCP (London)
Clinical fellowship in Rheu/ MSK Imaging (Australia)
Osteoarthritis expert (WHO)
Awardee of 2025 Excellence in Ultrasound (ASUM)

“ဒူးကျီးပေါင်းရှိရင် #လမ်းများများလျှောက်ရမယ် ပြောကြလို့ ကျုံးတပတ်ပြေးလိုက်တာ ပိုနာသွားတယ် ဆရာ..”“ဒူးကျီးပေါင်း အရမ်းဆိ...
22/04/2026

“ဒူးကျီးပေါင်းရှိရင် #လမ်းများများလျှောက်ရမယ် ပြောကြလို့ ကျုံးတပတ်ပြေးလိုက်တာ ပိုနာသွားတယ် ဆရာ..”

“ဒူးကျီးပေါင်း အရမ်းဆိုးနေပြီ.. လေ့ကျင့်ခန်းလုပ်ပါဆိုလို့ #အပြတ်မောင်းလိုက်တာ ပိုနာသွားလို့ ဆရာဆီ ပြေးလာတာ”

ဆိုတာတွေဟာ ကျွန်တော့်ရဲ့ ဒူးကျီးပေါင်းလူနာတွေထဲမှာ မကြာမကြာ ကြားရတဲ့ စကားတွေပါ..

🔺ဒါလေးနဲ့ပတ်သတ်လို့ ယခု April လ ထုတ်.. မှာ Myanmar နိုင်ငံက ကျွန်တော်ဒေါက်တာဝင်းမင်းဦးအပါအဝင် Aussie နဲ့ China က ကျီးပေါင်းကျွမ်းကျင်သူ Orthosurgeon/ Rehabilitation Physician/ Rheumatologist တွေပါဝင် ရေးသားခဲ့တဲ့ သုတေသနစာတမ်းလေးကို မိတ်ဆက်ဆွေးနွေးချင်ပါတယ်..

🔺စာတမ်းအမည်က

“ဒူးကျီးပေါင်းမှာ ကိုယ်လက်လှုပ်ရှား လေ့ကျင့်ခန်းပမာဏ အနည်းအများက နောင် ၄ နှစ်အကြာမှာ ကျီးပေါင်းရောဂါဆိုးရွားမှုကို သက်ရောက်မှု ရှိစေသလား”

🔺သုတေသနရဲ့ ထူးခြားချက်က

👉Osteoarthritis Initiative က လူနာပေါင်း ၁၈၀၆ ယောက်ပါဝင်ထားတာမို့ sample size အတော်များပါတယ်..
👉ဒီလူနာတွေရဲ့ နေ့စဉ်ကိုယ်လက်လှုပ်ရှားမှုကို နည်း၊ သင့်၊ များ ဆိုပြီး အုပ်စု ၃စု ခွဲပြီး စမ်းသပ်ခဲ့တာပါ..

👉ပြီးတော့ ဒူးကျီးပေါင်း လူနာတွေကို ဓာတ်မှန်ရိုက်ပြီး ရောဂါမဆိုးသေးတဲ့ အဆင့် Kellgren Lawrence grade 2 နဲ့ ရောဂါပြင်းထန်နေတဲ့အဆင့် Kellgren Lawrence grade 3 ဆိုပြီး ရောဂါအခြေအနေကို အုပ်စု ၂ စု ထပ်ခွဲပါတယ်..

👉ကိုယ်လက် လှုပ်ရှားမှု အနည်းအများဟာ မတူညီတဲ့ ဒူးကျီးပေါင်းရောဂါအခြေအနေမှာ ဘယ်လိုသက်ရောက်မှုရှိလဲဆိုတာကို Joint space narrowing ခေါ်တဲ့ Structural end point ကို သုံးပြီး ှစ်ကြာ လေ့လာအကဲဖြတ်ခဲ့ပါတယ်.. အတော်ကြာတဲ့ follow-up ပါ..

🔺တွေ့ရှိရတာကတော့..

🔹KL grade 2 ပဲ ရှိသေးတဲ့ ဒူးကျီးပေါင်း ဖြစ်ကာစ လူနာတွေမှာ #သင့်တင့်တဲ့ ကိုယ်လက်လှုပ်ရှားမှု လေ့ကျင့်ခန်း (ဥပမာ…လျင်မြန်စွာ လမ်းလျှောက်တာ၊ စက်ဘီးစီးတာ၊ တစ်နေ့မှာ ခြေလှမ်း 6,000 မှ 9,000 ခန့် လျောက်တာ) တွေက ကျီးပေါင်းကို ဆိုးမသွားစေရုံသာမက #ပိုကောင်းလာစေတယ် လို့ တွေ့ရပါတယ်..

အဲ…
🔸 kL grade 3 လို့ ခေါ်တဲ့ ကျီးပေါင်းဆိုးရွားနေသူတွေမှာတော့ ကိုယ်လက်လှုပ်ရှား လေ့ကျင့်ခန်း #အလွန်အကျွံလုပ်တာတွေ (ဥပမာ ပြေးတာ ခုန်တာ၊ အမြန်စက်ဘီးစီးတာ၊ အလုပ်ကြမ်းလုပ်တာ၊ တစ်နေ့မှာ ခြေလှမ်း 10,000 အထက် လျှောက်တာ) တွေဟာ ဒူးကျီးပေါင်းကို #ပိုဆိုးလာနိုင်ခြေရှိတယ်လို့ တွေ့ရခြင်းပါ..

🔺မြန်မာစကားမှာတော့ “တန်ဆေး လွန်ဘေး” လို့ ဆိုပါတယ်.. “Exercise is medicine” ဆိုသော်ငြားလည်း medicine ခေါ်တဲ့ ဆေးကို ပေးတဲ့အခါ အသက်၊ အရွယ်အစား၊ တခြားရောဂါ comorbidity ရှိမရှိ၊ drug interactions အနေအထား စတာတွေ စဉ်းစားသုံးသပ်ပေးရသလို…

🔺ဒူးကျီးပေါင်းလူနာတွေကို ကိုယ်လက်လှုပ်ရှား လေ့ကျင့်ခန်းတွေ recommend ပေးတဲ့အခါ “fit size for all” ခေါ်တဲ့ တသမတ်တည်း တပြေးညီ အကြံပြုပေးဖို့ မသင့်ပါကြောင်း….

🔺precision medicine” ပဲဆိုဆို “individualized medicine” ပဲ ပြောပြော၊ ဒူးကျီးပေါင်း လူနာတစ်ယောက်ချင်းစီးရဲ့ ရောဂါအခြေအနေ၊ working environment၊ occupation၊ biomechanics စတဲ့အချက်တွေပေါ်မူတည်ပြီး value-based care ကို စဉ်းစားအကြံပြု recommend သင့်တာ ဖြစ်ပါကြောင်း..

တင်ပြဆွေးနွေးရင်း…

👉👉ကျွန်တော်တို့ရဲ့ ဒီစာတမ်းဖတ်လိုသူများအတွက် comment မှာ link ချပေးထားပါတယ်.. Free open access မို့ #အခမဲ့ကြည့်လို့ရမှာပါ..

🩷 ကျီးပေါင်းလူနာများ သင့်တော်မှန်ကန်ကောင်းမွန်တဲ့ excellency of care ကို ရရှိနိုင်ကြပါစေခင်ဗျာ.. 🙏🙏🙏

ခင်မင်လျက်..

#ဒေါက်တာဝင်းမင်းဦး
တွဲဘက်ပါမောက္ခ၊ အကြောအဆစ်အထူးကုဌာန၊ UMM
နိုင်ငံတကာ #ကျီးပေါင်းခါးနာကျွမ်းကျင်သူ
MBBS; MMedSc (Rehab); RhMSUS (USA); SCE (Rheu); PhD (Sydney Uni); FRCP (Edin); FRCP (London)
Clinical fellowship in Rheu/ MSK Imaging (Australia)
Osteoarthritis expert (WHO)
Awardee of 2025 Excellence in Ultrasound (ASUM)

15/04/2026

ကျီးပေါင်းခါးနာ မိတ်ဆွေများလည်း ပျော်ရွှင်ကျန်းမာတဲ့ #သင်္ကြန် ရက်လေးများ ပိုင်ဆိုင်ကြပါစေခင်ဗျာ.. #နှစ်သစ်မှာ ကိုယ်ကျန်းမာ စိတ်ချမ်းသာပြီး လိုအင်ဆန္ဒများ ပြည့်စုံကြပါစေလို့ ဆုတောင်းရင်း…

ခင်မင်လျက်..

#ဒေါက်တာဝင်းမင်းဦး…
နိုင်ငံတကာ #ကျီးပေါင်းခါးနာ ကျွမ်းကျင်သူ
PhD (Sydney University); FRCP (Edin); FRCP (London)

🔺 #ဆေးတွေကို_လက်ခုပ်နဲ့အပြည့် သင်သောက်နေရပြီလား.. ဒါဆို ဒီစာလေးကို #ဖတ်ဖြစ်အောင်_ဖတ်ပါ.. ဘာကြောင့် ဒီစာစုကို ရေးဖြစ်တာလ...
29/03/2026

🔺 #ဆေးတွေကို_လက်ခုပ်နဲ့အပြည့် သင်သောက်နေရပြီလား.. ဒါဆို ဒီစာလေးကို #ဖတ်ဖြစ်အောင်_ဖတ်ပါ.. ဘာကြောင့် ဒီစာစုကို ရေးဖြစ်တာလဲဆိုရင်…အသက် ၃၂ နှစ်ပဲရှိသေးတဲ့ ဂုတ်ကျီးပေါင်းလူနာကို ဆေးပေါင်း ၁၇ မျိုးတောင် ညွှန်းထားတဲ့ ရန်ကုန်က ပါမောက္ခတစ်ဦးရဲ့ ဆေးမှတ်တမ်းကို တွေ့ပြီး #ရေးသင့်ပြီယူဆလို့ ရေးတာပါ…

🧠 Hyper-Polypharmacy (ဆေးအလွန်အကျွံအသုံးပြုခြင်း) ဆိုတာဘာလဲ?

👉 လူနာတစ်ဦးမှာ #ဆေး_၅ မျိုး သို့မဟုတ် ၅ မျိုးထက်ပိုပြီး တပြိုင်နက် သောက်နေရခြင်း ကို polypharmacy လို့ ခေါ်ပါတယ်။

👉 #ဆေး_၁၀ မျိုးအထက် သောက်နေရရင်တော့ Excessive or hyper-polypharmacy လို့ခေါ်ပါတယ်..

#လက်တစ်ခုပ်နဲ့ အပြည့်သောက်တယ်ပေါ့.. ဒါကို #ဆေးဝါးဝန်ပိနေခြင်း medication overload တဲ့..
မှန်လိုက်တဲ့ နာမည်လေး..

🔺🔺Medication overload ကြောင့် အမေရိကန်နိုင်ငံတခုတည်းမှာတင် နောင် ၁၀ နှစ်အတွင်း…

👉လူပေါင်းတသိန်းခွဲခန့် အရွယ်မတိုင်ခင် သေဆုံး (premature death) နိုင်..
👉၄.၆ သန်းခန့် ဆေးရုံတက်ရောက်မှုကို ဖြစ်စေ..
👉စုစုပေါင်းကုန်ကျစရိတ် ဒေါ်လာ 62 billion ရှိနိုင်တယ်လို့ သုတေသနတွေက ခန့်မှန်းထားပါတယ်..

📊 ဖြစ်ပွားမှု (Incidence)

👉ကမ္ဘာပေါ်မှာ အသက် ၆၅ ကျော်တဲ့ လူကြီးတွေမှာ ၄၀–၆၀% အထိဟာ ဆေး ၅ မျိုးထက် ပိုသောက်နေရတယ်လို့ စစ်တမ်းတွေက ဆိုပါတယ်…

👉တခြားစစ်တမ်းတွေအရ သက်ကြီးရွယ်အိုတွေရဲ့ တစ်ဝက်ခန့် (၅၀%) ဟာ ကောင်းကျိုးထက် ဆိုးကျိုးဖြစ်စေတဲ့ (တနည်း) မသင့်လျော်…မလိုအပ်တဲ့ အနည်းဆုံး ဆေးတစ်မျိုးတော့ သောက်သုံးနေကြတာ တွေ့ရတယ်လို့ ဆိုပါတယ်..

👉ဒါကို potentially inappropriate prescription လို့ ခေါ်ပါတယ်..

👉Prof Ian Scott က “မသင့်တော်တဲ့ဆေးတွေပါနေလား…ဆေးတွေရဲ့ ဘေးထွက်ဆိုးကျိုး ရနိုင်လား” ဆိုတာကို အကောင်းဆုံးခန့်မှန်းပေးနိုင်တဲ့ တခုတည်းသောအချက်ကတော့ “ဆေးဘယ်လောက်များများ သောက်နေလဲ” ဆိုတာပါပဲ တဲ့ (The single most important predictor of inappropriate prescription and risk of adverse drug events in older patients is the number of prescribed drugs).

👉ဒါမျိုးကို inappropriate polypharmacy လို့လည်း ခေါ်ပါတယ်..

⚠️ Medication overload ဘာကြောင့် အရေးကြီးသလဲ?

1️⃣ Increased adverse effects (ဆေးဘေးထွက်ဆိုးကျိုးများစေခြင်း)

👉တန်ဆေး လွန်ဘေး လို့ မြန်မာစကားပုံက ဆိုပါတယ်.. တကယ်မလိုအပ်တဲ့ ဆေးတွေ သောက်သုံးရတဲ့အခါ အထူးသဖြင့် သက်ကြီးရွယ်အိုတွေမှာ လဲကျခြင်း၊ မူးဝေခြင်း စတဲ့ မလိုအပ်တဲ့ ဘေးထွက်ဆိုးကျိုးတွေ ရလာနိုင်ပါတယ်..

👉နေ့စဉ်တိုင်းမှာ သက်ကြီးရွယ်အို ၇၅၀ ခန့်ဟာ ဆေးဝါးတွေရဲ့ ဘေးထွက်ဆိုးကျိုးတခုခုကြောင့် ဆေးရုံတက်နေကြရတယ်လို့ အမေရိကန်စာတမ်းတခုက ဆိုပါတယ်..

2️⃣ Increases cost (ကုန်ကျစရိတ်များခြင်း)

👉ဆေးအများအပြားကို လက်ခုပ်နဲ့အပြည့် ညွှန်းခံရတဲ့အခါ လူနာတွေအနေနဲ့ ငွေကုန်ကြေးကြများပါတယ်.. ဆေးများကြီး သောက်ရသူတွေဟာ မသောက်ရသူတွေထက် နှစ်စဉ်ကုန်ကျစရိတ် ၃ဆ ကနေ ၁၀ ဆ အထိ ပိုမိုကုန်ကျနိုင်ပါတယ်..

3️⃣ nonadherence (ဆေးစွဲမသောက်တော့ခြင်း)

👉ဒီတော့ လူနာတွေဟာ ဆေးအများကြီး သောက်ရတာရော..ငွေကုန်ကြေးကျများတာရောကြောင့် စိတ်ညစ်ကာ ဘာဆေးမှ ဆက်မသောက်ဖြစ်ကြတော့ပါဘူး.. ဒါကို medical non-adherence လို့ ခေါ်ပါတယ်..

👉 အဲအခါမှာ ဘယ်ဟာက essential medications (လိုအပ်လို့သောက်ရတာ).. ဘယ်ဟာကတော့ inappropriate medications (အာနိသင်မသေချာတဲ့ဆေးတွေ) ဆိုတာ သေချာမသိကြတာမို့ မှန်မှန်ကန်ကန် မသောက်မိတာ ဒါမှမဟုတ် အကုန်လုံး ရပ်ပစ်တတ်ကြပါတယ်.. ဒီအခါ လူနာတွေမှာ ရောဂါကုသမှုမှာပါ အတားအဆီးဖြစ်လာတော့မှာပါ..

👉 တကယ်လို့ ကြိုးစားပြီး စွဲသောက်ကြတဲ့လူနာတွေမှာလည်း သောက်ရတဲ့ဆေးတွေ လက်ခုပ်နဲ့အပြည့် သောက်ရတဲ့အခါ အမှတ်မှားပြီး တချို့ဆေးတွေကို ပိုသောက်တာ (overdose)၊ လျော့သောက်မိတာ (underdose)၊ ဆေးမှားသောက်မိတာ (medication errors) စတာတွေလည်း ပိုဖြစ်နိုင်ပါတယ်..

👉ဒါကြောင့် အနောက်နိုင်ငံတွေမှာ ၂၀၂၀ နောက်ပိုင်းမှာ Depresciption ခေါ်တဲ့ ဆေးလျော့ခြင်း ဆိုတာ ခေတ်စားလာပါတယ်.. တကယ်တော့ ဒီ deprescription ဆိုတဲ့စာလုံးကို ၂၀၁၃ မှာ စတင်အသုံးပြုခဲ့ကြတာပါ..

🔄 Deprescribing (ဆေးလျှော့ခြင်း) ဆိုတာ ဘာလဲ?

👉 အာနိသင်မသေချာတဲ့ ဒါမှမဟုတ် အန္တရာယ်ရှိတဲ့ ဆေးများကို စနစ်တကျ ရပ်လိုက်တာ ဒါမှမဟုတ် လျှော့ချဖြတ်ပစ်လိုက်တာကို ခေါ်တာပါ..

🎯 ဘာကြောင့် Deprescribing လုပ်သင့်တာလဲ..

✅ဆေးဘေးထွက်ဆိုးကျိုး လျော့နည်းစေ..

✅ဆေးအနည်းငယ်ပဲ သောက်ရတော့တာမို့ compliance ခေါ်တဲ့ ဆေးကို စွဲမြဲသောက်သုံးမှုကို တိုးတက်စေတယ်

✅တကယ်လိုအပ်တဲ့ ဆေးအနည်းငယ်ပဲ ဝယ်သောက်ရတာမို့ ကုန်ကျစရိတ် လျော့နည်းသက်သာစေတယ်..

✅ဘေးထွက်ဆိုးကျိုးနည်းလို့ လူနာဘဝအရည်အသွေး ကောင်းလာစေတယ်

🔺စာလည်း ရှည်သွားပြီမို့ #ကျီးပေါင်း ရောဂါကို နမူနာထားပြီး deprescription ကို ဘယ်လို လုပ်ရလဲဆိုတာ သီသန့် post ထပ်ရေးပါ့ဦးမယ်ခင်ဗျာ..

🔺🔺 #ဗဟုသုတတိုးပွါးစေရင်ဖြင့် ျှဝေနိုင်ပါတယ်..

ခင်မင်လျက်..

#ဒေါက်တာဝင်းမင်းဦး
တွဲဘက်ပါမောက္ခ၊ အကြောအဆစ်အထူးကုဌာန
နိုင်ငံတကာ ကျီးပေါင်းခါးနာကျွမ်းကျင်သူ
MBBS; MMedSc (Rehab); RhMSUS (USA); SCE (Rheu); PhD (Sydney Uni); FRCP (Edin); FRCP (London);
Clinical fellowship in Rheu/ MSK Imaging (Australia)
Osteoarthritis expert (WHO)

🔺🔺အကျယ်တဝင့် ဖတ်လိုသူများအတွက်..



https://jamanetwork.com/journals/jama/fullarticle/2585977

https://agsjournals.onlinelibrary.wiley.com/doi/10.1111/jgs.19035

https://jamanetwork.com/journals/jama/fullarticle/2808052?resultClick=24

https://www.sciencedirect.com/science/article/pii/S1568163724000552

https://www.dovepress.com/current-status-and-research-trends-in-deprescribing-a-bibliometric-rev-peer-reviewed-fulltext-article-DHPS

https://link.springer.com/article/10.1186/s12877-025-06545-w

https://www.ajconline.org/article/S0002-9149(22)00030-3/abstract

https://jamanetwork.com/journals/jamainternalmedicine/article-abstract/2204035

https://www.annualreviews.org/content/journals/10.1146/annurev-med-070822-101947?TRACK=RSS

🩷🩷🩷

ရွှေပြည်ကြီးက ဆရာဝန်တွေ မကြာခဏ ပေးနေကြတဲ့ “Diacerein ဆေးဟာ ဒူကျီးပေါင်းမှာ #အာနိသင်_မတွေ့ရဘူး”လို့ ဒီလထုတ် နာမည်ကျော်JA...
21/03/2026

ရွှေပြည်ကြီးက ဆရာဝန်တွေ မကြာခဏ ပေးနေကြတဲ့ “Diacerein ဆေးဟာ ဒူကျီးပေါင်းမှာ #အာနိသင်_မတွေ့ရဘူး”လို့ ဒီလထုတ် နာမည်ကျော်JAMA Internal Medicine ဆေးပညာဂျာနယ်မှာ ဖော်ပြထားပါတယ်.. ကျီးပေါင်းမိတ်ဆွေများ ကျန်းမာရေးဗဟုသုတအတွက် ဒီသုတသနအကြောင်းကို #အနည်းငယ်ရှင်းလင်းမျှဝေပါရစေ..

🔺 Study design

အော်စီက Melbourne, Adelaide, Perth နဲ့ Hobart စတဲ့ မြို့တွေက ဆေးရုံ ၄ ခုမှာ လူနာပေါင်း ၂၆၂ ယောက် ပါဝင်ထားတာမို့

multicenter, randomized, placebo-controlled, parallel-group, double-blind clinical trial ဖြစ်ပါတယ်..

👉 #အင်မတန်ခိုင်လုံတဲ့ သုတေတသန (high quality design) ပါ

🔺 OA Subtype

Effusion ခေါ်တဲ့ မန်းရည်ရှိတဲ့ ဒူးကျီးပေါင်းလူနာတွေချည်းသီးသန့် ပါတဲ့အုပ်စုမှာ စမ်းသပ်တာပါ.. တနည်း inflammatory Endotypes ကို ဦးတည်တာပါ..

ဘာလို့လဲ ဆိုတော့ အဆိုပါ Diacerein ဆေးဟာ interleukin-1β (IL-1β)လို့ခေါ်တဲ့ #ရောင်ရမ်းစေတဲ့ ဓာတ်ပစ္စည်းကို တာဆီးနိုင်စွမ်းရှိတဲ့အတွက် ဒီအုပ်စုကို သီးသန့်ရွေးချယ်စမ်းသပ်တာပါ..

ဒူးရောင်ရမ်းမှု ရှိ မရှိကို MRI ခေါ် သံလိုက်ဓာတ်မှန်ရိုက်ပြီး အတည်ပြုချက်ယူထားပါတယ်.. ဒါအပြင် sensitivity analysis တွေနဲ့ ပိုမိုခိုင်မာအောင် အားထုတ်ထားပါတယ်..

👉 Strong rationale and appropriate selection ပါ..

🔺 တွေ့ရှိချက်

နာကျင်မှုကို သက်သာစေရာမှာရော..သွားလာလှုပ်ရှားမှုတွေမှာပါ Diacerein ဟာ #အကျိုးမရှိပါဘူး..

ဒါအပြင် ဘေးထွက်ဆိုးကျိုးအနေနဲ့ ဝမ်းလျောတတ်တာ..ဆီးအရောင်ပြောင်းတာရှိပြီး တယောက်ကတော့ colonic pseudo-obstruction ရသွားပါတယ်..

👉 #ဘေးထွက်ဆိုးကျိုးတချို့ရှိတာ သတိပြုစရာပါ..

🔺ဒီသုတသနရဲ့ အရေးပါမှု

2020 နောက်ပိုင်းထွက်တဲ့ ကျီးပေါင်းကုသမှုလမ်းညွှန်ချက် Osteoarthritis Guideline တွေမှာ ဒီဆေးဟာ #အာနိသင်မရှိနိုင်ဘူးလို့ ပြောထားခဲ့ကြပါတယ်..

ဘာလို့လဲဆိုရင် ယခင်သုတေသနတွေဟာ အရည်အသွေးနိမ့်ပြီး ဘက်လိုက်မှု များနိုင်တာ (low quality, with poor reporting of outcome data, attrition bias, and lack of blinding)ကြောင့်ပါ..

👉👉 ဒါကြောင့်လည်း ကျွန်တော့လူနာတွေမှာ #ဒီဆေးအပါအဝင် #ဖြည့်စွက်အစာတွေ (glucosamine/Chondroitin/ collagen type II) စတာတွေကို လုံးဝ မပေးပါဘူး..

✅ ခုတော့ ဒီသုတေသနက ဒီဆေးရဲ့ ကျီးပေါင်းမှာ အာနိသင်မရှိမှုကို ပိုမိုသေချာစေခဲ့ပါတယ်..

🩷 ကျီးပေါင်းမိတ်ဆွေများ ကျန်းမာရေးအသိတိုးစေမယ်ဆိုရင် ျှဝေပေးနိုင်ပါတယ်..

#ဒေါက်တာဝင်းမင်းဦး
တွဲဘက်ပါမောက္ခ၊ အကြောအဆစ်အထူးကုဌာန
နိုင်ငံတကာ ကျီးပေါင်းခါးနာကျွမ်းကျင်သူ
MBBS; MMedSc (Rehab); RhMSUS (USA); SCE (Rheu); PhD (Sydney Uni); FRCP (Edin); FRCP (London);
Clinical fellowship in Rheu/ MSK Imaging (Australia)
Osteoarthritis expert (WHO)

မှတ်ချက်..

ဒီဆေးစာတမ်းရဲ့ သုတေသနပညာရှင်တွေထဲမှာ ကျွန်တော်ရဲ့ အော်စီက စာရေးဖက်မိတ်ဆွေအချို့ဖြစ်တဲ့ Dr Helen Keen/ Dr Xia Wang တို့လည်း ပါဝင်တာမို့ ဒီသုတေသနအတွက် ဂုဏ်ယူရပါတယ်.. 👏👏👏

Comment မှာ စာတမ်းရဲ့ link ကို ချပေးထားပါတယ်..

🩷

🧑🏻‍⚕️ UMM Year-3 တွေရဲ့ #အကြောအဆစ်အထူးကုနဲ့ ပြန်လည်သန်စွမ်းရေး Module အတွက် Ward ထွက်စာမေးပွဲ စစ်ဆေးစဉ်.. ✅ ကျောင်းသားအ...
12/03/2026

🧑🏻‍⚕️ UMM Year-3 တွေရဲ့ #အကြောအဆစ်အထူးကုနဲ့ ပြန်လည်သန်စွမ်းရေး Module အတွက် Ward ထွက်စာမေးပွဲ စစ်ဆေးစဉ်..

✅ ကျောင်းသားအများစု ကြိုးစားဖြေဆိုကြတာတွေ့ရတော့ ဝမ်းမြောက်ရပါတယ်.. တချို့လည်း အမှားလေးတွေလုပ်ကြတာ တွေ့ရပါတယ်..

✅ Feedback အနေနဲ့ ဥပမာ ပေးရရင်..

🔺knee examination မှာ gait ကို ကြည့်ဖို့ ကျန်တာ..
🔺ကြည့်ပြန်တော့လည်း ဖိနပ်မချွတ်ခိုင်းပဲ ကြည့်တာ.. 🔺examination မလုပ်ခင် hand gel သုံးဖို့ မေ့နေတာ..
🔺exposure သေချာမလုပ်ပဲ ဘောင်းဘီပေါ်ကနေ temperature စမ်းတာ..
🔺Temperature ကို back of the hands နဲ့ မစမ်းပဲ palmar aspect of hand နဲ့ စမ်းတာ
🔺joint line tenderness ကို စမ်းသပ်ရာမှာ underlying structures တွေ သေချာ မသိတာ
🔺patellar tap နဲ့ Swipe test (Sweep test) လုပ်ရာမှာ လက်အထားအသို စနစ်မကျသေးတာ
🔺မလိုအပ်ပဲ quadriceps muscle circumference ကို တိုင်းပြီး အချိန်ကုန်သွားတာ (muscle wasting မရှိရင် စမ်းဖို့ မလိုပါ.. အာ့က အချိန်လည်း အရမ်းကုန်)
🔺ရှိသမျှ meniscus tests တွေ အများကြီး လုပ်ရင်း အချိန်ကုန်တာ
🔺drawer tests တွေ လုပ်တဲ့အခါ လူနာရဲ့ ခြေဖမိုးပေါ် တက်မဖိခင် ခြေဖမိုးမှာ နာတာ ရှိ မရှိ မမေးတာ
🔺Goniometer အထားအသိုမှာ လွဲမှားနေသေးတာ
🔺Physical Examination အပြီးမှာ hand gel သုံးဖို့ မေ့နေတာ
🔺common causes of knee pain ကို မေးရာမှာ အတွေ့ရနည်းတဲ့ ရောဂါတွေကို ရှေ့ဆုံးက ထားဖြေတာ..
🔺မိမိ အင်မတန် စိတ်မပျော်ဆုံးကတော့ #ကျီးပေါင်းပါရဂူကြီးရှေ့မှာ အတွေ့ရအများဆုံး ကျီးပေါင်းရောဂါကို ထည့်ပြောဖို့ မေ့တာ 😅

စတဲ့ လေးတွေကို #တချို့ကျောင်းသားလေးတွေမှာ ကွက်ကျား တွေ့ရပါတယ်..

✅ဒါလေးတွေ #ပြင်လိုက်ရင်တော့ အတိုင်းထက်အလွန်ပါ..

ခင်မင်လျက်..

#တွဲဘက်ပါမောက္ခ ဒေါက်တာဝင်းမင်းဦး
နိုင်ငံတကာ #ကျီးပေါင်းခါးနာ ကျွမ်းကျင်သူ
MBBS; MMedSc (Rehab); RhMSUS (USA); SCE (Rheu); PhD (Sydney Uni); FRCP (Edin); FRCP (London)
Clinical fellowship in Rheu/ MSK Imaging (Australia)
Osteoarthritis expert (WHO)

Address

Mandalay

Telephone

+959967203056

Website

Alerts

Be the first to know and let us send you an email when Dr Win Min Oo - ကျီးပေါင်းခါးနာ အကြောအဆစ်ရောဂါ သိဖွယ်မျှဝေရာ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category