09/09/2024
အိမ်ထောင်ရေး သက်တမ်း
ခိုင်မြဲအောင် ဒီအချက်တွေကိုရှောင်
********
၁။ လူရှေ့ သူရှေ့ မရှောင်
အိမ်ထောင်ဖက်ကို အပြစ်တင်ခြင်း။
********
လင်နဲ့ မယားဆိုတာ
လျှာနဲ့ သွားပါ။
အိမ်ထောင်သက် ရလာတာနဲ့အမျှ
အထစ်အငေါ့လေးတွေတော့
ရှိတတ်ကြပါတယ်။
လူရှေ့သူရှေ့ မရှောင် တဘက်သားကို
အပြစ်တင် ရန်ထောင်ရင်တော့
ရန်ပွဲပဲ ဖြစ်လာမှာပါ။
အဲဒီလို ရန်ဖြစ်တာဟာ
ပြဿနာကို ပြေလည်အောင်
မဖြေရှင်းနိုင်တဲ့အပြင် မီးလျှံထဲကို
ဓါတ်ဆီ လောင်းထည့်လိုက်သလို
ဖြစ်သွားတတ်ပါတယ်။
နောက်ဆုံးကျရင်
ဘယ်သူမှ အလျော့ပေးလို့ မရတဲ့
အနေအထား ရောက်သွားတတ်ပြီး
ခက်ခဲသွားပါတယ်။
ဒါကြောင့်မို့လို့
လင်မယား မှတ်ထားရမှာက
မည်သူရဲ့ ရှေ့မှာမဆို
အိမ်ထောက်ဖက်ကို အပြစ်တင်မိတာမျိုး
လုံးဝ ရှောင်ကြဉ်ပါ။
လက်ဝါးတစ်ဘက်ထဲ ဘယ်တော့မှ
လက်ခုတ်တီးလို့ မရပါဘူး။
၂။ သားသမီးရှေ့မှာ ရန်ဖြစ်ခြင်း။
********
မိဘဆိုတာ…
သားသမီးရဲ့ အားကိုးရာဖြစ်သလို
ခိုလှုံရာလည်း ဖြစ်ပါတယ်။
လင်မယားနှစ်ယောက်
ပြဿနာတစ်ခုခု ရှိခဲ့ရင်
သား သမီးကို ရှောင်ပါ။
လင်မယား ရန်ဖြစ်တယ်ဆိုတာ
လူကြီး နှစ်ဦးရဲ့ ကိစ္စပါ။
မိဘရန်ဖြစ်တာကို
ကလေးတွေ တွေ့သွားရင်
ကလေးတွေရဲ့ အတွင်းစိတ်ကို
ထိခိုက်သွားနိုင်သလို
သူတို့ရဲ့ အနာဂတ်
အိမ်ထောင်ရေးအပေါ် ထားရှိတဲ့
စိတ်ထားကိုပါ ထိခိုက်နိုင်ပါတယ်။
တကယ်လို့ သားသမီးများဟာ
အိမ်မှာ သာယာတဲ့ အရသာကို
မခံစားရဘူးဆိုရင် ...
နောင်မျိုးဆက် တစ်ခုလုံးကို
ထိခိုက်သွားစေနိုင်ပါတယ်။
၃။ အိမ်ထောင်ဖက်
နေမကောင်းတဲ့အခါ ရန်ဖြစ်ခြင်း။
*******
အိမ်ထောင်ဖက် တစ်ဦးဦးက
နာမကျန်းဖြစ်နေရင်
စိတ်ဓါတ်ကျပြီး
စိတ်ဆိုးလွယ်တတ်လေ့ ရှိပါတယ်။
အဲဒီအချိန်မှာ ရန်ဖြစ်မိရင်
အိမ်ထောင်ရေးကို
လုံးဝ ထိခိုက်သွားနိုင်ပါတယ်။
၄။ အနာဟောင်း ပြန်ဖော်ခြင်း။
*****
ရန်ဖြစ်တိုင်း
အနာဟောင်းကို ပြန်ဖော်တာမျိုး
လုံးဝ ရှောင်ကြဉ်သင့်ပါတယ်။
မမှားတဲ့ ရှေ့နေ မသေတဲ့ ဆေးသမား
မရှိ ဆိုသလို လူတိုင်းကိုယ်စီ
တစ်ခုခု မှားဖူးတတ်ကြစမြဲပါ။
အနာဟောင်းကို
လက်ကိုင်တုတ် အဖြစ်
ခဏခဏ ထုတ်သုံးရင်တော့
အဲဒီအိမ်ထောင်ရေး ပြန်အဆင်ပြေဖို့
ခက်ခဲသွားတတ်ပါတယ်။
၅။ အိမ်ထောင်ဖက်၏
မိဘနဲ့ အိမ်သားများကို
ထိခိုက်စေသော စကားများ။
*******
ရန်ဖြစ်တယ်ဆိုတာ…
တစ်ခုခုအပေါ် မကျေနပ်လို့
သဘောမတူနိုင်လို့ ဖြစ်ပါတယ်။
အဲဒီကိစ္စ အပေါ်သာ
အချေအတင် ငြင်းခုန်သင့်ပါတယ်။
အိမ်ထောင်ဖက်ရဲ့ မိဘနဲ့
မိသားစုကို စောင်းပြောတာမျိုး
ထိခိုက်စေတဲ့ စကားလုံးမျိုးကို
လုံးဝ ရှောင်ကြဉ်ရမှာပါ။
၆။ ပစ္စည်း လွင့်ပစ်တတ်တဲ့အကျင့်။
********
ရန်ဖြစ်ပြီဆိုမှတော့
နဂိုကတည်းက
အသံက ကျယ်လောင်ပြီးသား၊
ပစ္စည်းလွင့်ပစ်တဲ့ အသံ၊
ခုန်ထုတဲ့ အသံ၊
ပစ္စည်းကျကွဲသွားတဲ့ အသံတွေနဲ့
ရောသွားရင် ပွဲအများကြီး
ပိုကြမ်းသွားတတ်ပါတယ်။
ချစ်လို့ ယူထားကြတာပဲ၊
ပစ္စည်းလွင့်ပစ်လို့
ကျကွဲတယ်ဆိုတာ
နှလုံးသား ကျကွဲတာနဲ့
တူတတ်ပါတယ်။
၇။ စိတ်နာစေတဲ့
စကား အသုံးအနှုန်းများ။
*****
စိတ်ဆိုးအောင် လုပ်လို့ရတယ်။
စိတ်နာအောင် မလုပ်ကြပါနဲ့။
စိတ်နာစေတဲ့ စကားမျိုးကို
လုံးဝ ရှောင်ကြဉ်သင့်ပါတယ်။
ရှင့်ကို အားကိုးလို့ကတော့
သူတောင်းစားပဲ ဖြစ်သွားမှာ။
သူများယောက်ျားတွေကို
ကြည့်ပါဦး။ ပိုက်ဆံရှာတာ
ဘယ်လောက် တော်သလဲ-?
ရှင်နဲ့တစ်စက်ကလေးမှ မတူဘူး
စတဲ့ စကားမျိုးကို မပြောဆိုရပါ။
၈။ သေတာနဲ့ ချိန်းခြောက်ခြင်း။
*****
ငါ အသက်ရှင်နေတာ
ဘာထူးသေးလဲ-?
ငါ အသက်မရှင်ချင်တော့ဘူး။
ငါ မင်းကို သေပြမယ် စသည်ဖြင့်
သေတာနဲ့ ချိန်းခြောက်တာမျိုး
လုံးဝ ရှောင်ကြဉ်သင့်ပါတယ်။
၉။ လက်ပါခြင်း။
******
ဘယ်လောက်ပဲ စိတ်ဆိုး စိတ်ဆိုး
ကိုယ့်လက်ကို
လုံးဝ ထိန်းချုပ်ထားရပါမယ်။
တစ်ချက် ရိုက်မိသွားရင်
ချစ်ခဲ့သမျှ အတိုးရော အရင်းပါ
ဆုံးရှုံးသွားနိုင်ပါတယ်။
ပြင်ပက ဒဏ်ရာဟာ
ကုစားရ လွယ်သလောက်
စိတ်တွင်းက ဒဏ်ရာကို
ဖျောက်ပစ်ဖို့တော့ မလွယ်လှပါ။
၁၀။ ကွဲမယ်ဆိုတဲ့ စကား
အလွယ်တကူ သုံးခြင်း
*******
ဘယ်သူပဲ ဖြစ်ဖြစ်
စိတ်ဆိုးတဲ့ အခါ
ဖြစ်ချင်ရာဖြစ် ဆိုတဲ့စိတ်မျိုး
ဝင်တတ်ပါတယ်။
ကွဲမယ်ဆိုတဲ့ စကားဟာ…
အင်မတန်မှ ကြောက်စရာကောင်းတဲ့
နိမိတ် ဖြစ်တတ်ပါတယ်။
နောက်ဆုံး ပြောချင်တာကတော့
ရန်မဖြစ်တာ အကောင်းဆုံးပါ။
အချစ်ဆိုတာဟာ ...
အိမ်ထောင်သက် ကြာလာတာနဲ့အမျှ
ရင်ခုန်တာတွေ၊ ဓါတ်လိုက်တာတွေ
တဖြည်းဖြည်း ပျောက်ကွယ်သွားပေမဲ့
တစ်ဦးအပေါ် တစ်ဦး
ဆက်ပြီး တန်ဖိုးထားနေသေးခြင်းကို
ဆိုလိုပါကြောင်း တင်ပြလိုက်ရပါတယ်။
မေတ္တာဖြင့်…
အရှင်ပုည( ဝကုန်း )
Credit:
