Dr. Aung Min Thu

Call Contact the business

Dr. Aung Min Thu Contact information, map and directions, contact form, opening hours, services, ratings, photos, videos and announcements from Dr. Aung Min Thu, Mandalay.

Doctor | Medical Educator | Lifelong learner

📌 Follow for: Medical insights | Clinical knowledge | Science & beyond | Thought-provoking discussions

#လိုင်းပေါ်ကနေ သွေးအဖြေ မဖတ်ပေးပါ။ လိုင်းပေါ်မှ ဆေးမကုပါ။

ရန်ကုန်မှာ ဝန်ထမ်းလုပ်နေတဲ့မိန်းကလေးတစ်ယောက်ရှိတယ်လစာလေးရရင် အိမ်လခဆောင်ရတယ်။ စားစရိတ်ချန်ရတယ်။ကျန်တဲ့ပိုက်ဆံလေးနဲ့အရက်သ...
14/10/2026

ရန်ကုန်မှာ ဝန်ထမ်းလုပ်နေတဲ့
မိန်းကလေးတစ်ယောက်ရှိတယ်
လစာလေးရရင် အိမ်လခဆောင်ရတယ်။ စားစရိတ်ချန်ရတယ်။
ကျန်တဲ့ပိုက်ဆံလေးနဲ့
အရက်သမားအဖေကို ပြုစုရတယ်။

ငယ်ငယ်တုန်းက
သူ့အဖေ အရက်မူးလာတိုင်း
အမေ့ရင်ခွင်ထဲ ဝင်ပုန်းခဲ့ရတယ်။
အခုတော့ သူ့အမေလည်း မရှိတော့ဘူး။

အဖေက အသက်ကြီးလာပြီ။
အရက်ကြောင့် ကျန်းမာရေးလည်း
မကောင်းတော့ဘူး။

တစ်နေ့ အလုပ်ကပြန်လာတော့
အဖေက အိမ်ရှေ့မှာ
မူးလဲနေတာ တွေ့လိုက်ရတယ်။

ပင်ပန်းလွန်းလို့
ငိုချင်နေတဲ့ သမီးက
အဖေ့ကို တွဲထူရင်း မျက်ရည်ကျတယ်။

“အဖေရာ… သမီးလည်း ပင်ပန်းတယ်။ သမီးလည်း တစ်ခါလောက်တော့ သူများသမီးတွေလို မိဘအရိပ်အောက်မှာ နားချင်တာပေါ့။”

ဒါပေမဲ့ အဖေ့ကို ဆေးခန်းပို့ဖို့
ပိုက်ဆံအိတ်ထဲက လစာလေးကို
ထုတ်လိုက်ပြန်တယ်။

သူ့အဖေက သူ့သမီးကို
ကောင်းကောင်းမထားပေးခဲ့ဘူး။
ဒါပေမဲ့ သမီးကတော့
အဖေ့ကို ပစ်မထားနိုင်ခဲ့ဘူး။

တချို့မေတ္တာတွေက
ပျော်ရွှင်လို့ ပေးဆပ်နေတာ မဟုတ်ဘူး။
ကိုယ့်ရင်ထဲမှာ နာကျင်မှုတွေ အပြည့်ရှိနေပေမဲ့
မိဘဆိုတဲ့ သံယောဇဉ်ကြောင့်
လုပ်ပေးနေရတာမျိုးပါ။

မိဘကို ပြုစုနေတဲ့ သားသမီးတချို့ဟာ
သူတို့ကိုယ်တိုင်လည်း
တစ်ခါတလေ ပြုစုခံချင်နေတဲ့ ကလေးတွေပါပဲ။
မိဘကို ချစ်ပါ။
ဒါပေမဲ့ ကိုယ့်ကိုယ်ကိုယ်လည်း မမေ့ပါနဲ့။

မလိမ္မာတဲ့ မိဘရဲ့ သားသမီးဖြစ်ရတာထက် ပိုနာကျင်တာက… မိဘကို ပြုစုနေရင်း ကိုယ့်နာကျင်မှုကို ပြောပြစရာလူတောင် မရှိတော့တာပါပဲ။

🟥 မိဘတွေကောင်းရင် တန်ဖိုးထားပါ

🟥 တချို့လူတွေ မိသားစုဝန်ကြောင့် ကိုယ့်နာကျင်မှုတွေကိုတောင် ဖော်ပြခွင့်မရှိတဲ့ဘဝတွေရှိတယ်။

ချစ်ခြင်းအားဖြင့်
ဒေါက်တာအောင်မင်းသူ
၁၄၊၁၀၊၂၀၂၆

သမီးရည်းစားအတွဲတွေကြား ဝင်မပါနဲ့။တစ်ခါတလေ ကိုယ်က စေတနာနဲ့ဝင်ကူညီပေးတာပဲသူတို့နှစ်ယောက် အဆင်ပြေစေချင်လို့၊ပြဿနာတွေ ပြေလည်...
14/10/2026

သမီးရည်းစားအတွဲတွေကြား ဝင်မပါနဲ့။

တစ်ခါတလေ ကိုယ်က စေတနာနဲ့
ဝင်ကူညီပေးတာပဲ
သူတို့နှစ်ယောက် အဆင်ပြေစေချင်လို့၊
ပြဿနာတွေ ပြေလည်သွားစေချင်လို့
ကိုယ်မဆိုင်တဲ့ကြားထဲ ဝင်ပါမိတတ်တယ်။

ဒါပေမဲ့ သတိထားပါ။
ခဏခဏပြန်ကြားရပါတယ်
သူတို့နှစ်ယောက် ပြန်ချစ်သွားတဲ့အခါ
ကိုယ်က လူဆိုးဖြစ်သွားနိုင်တယ်။

ဒီနေ့ ရန်ဖြစ်နေတဲ့သူနှစ်ယောက်က
မနက်ဖြန် ပြန်လည်သင့်မြတ်သွားနိုင်တယ်။
အဲဒီအခါ ကိုယ်ပြောခဲ့တဲ့စကားတွေ၊
သူတို့ကြားမှာ ပြဿနာအသစ် ဖြစ်သွားနိုင်တယ်။

တစ်ယောက်ရဲ့စကားကို နားထောင်ပြီး
တစ်ဖက်လူကို အပြစ်တင်မိတာမျိုးလည်း
ရှိတတ်တယ်။
ကိုယ်မသိတဲ့ နောက်ကွယ်က
အကြောင်းအရာတွေ ရှိနေနိုင်တာကို မမေ့ပါနဲ့။

အထူးသဖြင့် ကိုယ်က တစ်ဖက်တည်းရဲ့
စကားကိုပဲ ကြားထားရင် ပိုသတိထားသင့်တယ်။

ကိုယ်တကယ်ကူညီချင်ရင်
နှစ်ယောက်စလုံးကို အေးအေးဆေးဆေး
ဆွေးနွေးဖို့ အကြံပေးပါ။
အနိုင်အရှုံး ဆုံးဖြတ်ပေးသူ၊
ဘယ်သူမှန်တယ် ဘယ်သူမှားတယ်
တရားသူကြီးလုပ်သူ မဖြစ်ပါစေနဲ့။

တကယ်လို့ အကြမ်းဖက်မှု၊ ခြိမ်းခြောက်မှု၊
အန္တရာယ်ပေးမှုတွေ ရှိနေတယ်ဆိုရင်တော့
ဘေးကင်းရေးကို ဦးစားပေးပြီး
ယုံကြည်ရသူတွေဆီက
အကူအညီ ရယူဖို့ တိုက်တွန်းပေးပါ။

🟥 လူတိုင်းရဲ့ပြဿနာကို ကိုယ်က ဖြေရှင်းပေးဖို့ မလိုပါဘူး။ တစ်ခါတလေ အကောင်းဆုံးကူညီမှုဆိုတာ ဘယ်သူ့ဘက်မှ မလိုက်ဘဲ နားထောင်ပေးခြင်းနဲ့ ကိုယ်မပိုင်တဲ့ ဆုံးဖြတ်ချက်တွေကို သူတို့ကိုယ်တိုင် ချမှတ်ခွင့်ပေးခြင်းပါပဲ။

#ဘဝသင်ခန်းစာ #ကိုယ့်ဘဝကိုယ်တန်ဖိုးထားပါ

မေတ္တာဖြင့်
ဒေါက်တာအောင်မင်းသူ
၁၄၊၁၀၊၂၀၂၆

🚨🚨 ဒီလိုလူတွေကို စေတနာမပိုမိစေနဲ့…ကိုယ်က စေတနာနဲ့ ကူညီပေးလိုက်တာကို သူတို့က ကိုယ့်တာဝန်လို သတ်မှတ်လာတဲ့အခါ…ကိုယ်က နားလည...
14/10/2026

🚨🚨 ဒီလိုလူတွေကို စေတနာမပိုမိစေနဲ့…

ကိုယ်က စေတနာနဲ့ ကူညီပေးလိုက်တာကို
သူတို့က ကိုယ့်တာဝန်လို သတ်မှတ်လာတဲ့အခါ…

ကိုယ်က နားလည်ပေးလိုက်တာကို
သူတို့က ကိုယ်မှားနေတာလို့ ယူဆလာတဲ့အခါ…

ကိုယ်က သည်းခံပေးလိုက်တာကို
သူတို့က ကိုယ့်ကို အနိုင်ယူလို့ရပါတယ်လေလို့
ထင်လာတဲ့အခါ…

အဲဒီအချိန်မှာ ကိုယ်ပြင်ဆင်ရမှာက
ကိုယ့်စေတနာ မဟုတ်ဘူး။
ကိုယ်ပေးနေတဲ့ အကန့်အသတ်မဲ့
နေရာလွတ်တွေပါ။

လူတိုင်းကို ကောင်းပေးဖို့ မလိုပါဘူး။
လူတိုင်းကို နားလည်ပေးဖို့လည်း မလိုပါဘူး။

ကိုယ့်စေတနာကို တန်ဖိုးထားတဲ့သူကိုသာ
ကိုယ့်အချိန်၊ ကိုယ့်အားအင်နဲ့
ကိုယ့်နှလုံးသားကို ပိုပေးပါ။

သူတစ်ပါးကို ကောင်းပေးပါ။
ဒါပေမဲ့ ကိုယ့်ကိုယ်ကို မေ့လျော့တဲ့အထိတော့
မကောင်းပေးပါနဲ့

မေတ္တာဖြင့်
ဒေါက်တာအောင်မင်းသူ
၁၄၊၁၀၊၂၀၂၆

CKD အကြောင်း recording လုပ်လက်စပါ ကျနော် video ၄ ပုဒ် ခွဲပြောပါတယ်Nephrology အတန်းကဆရာတွေအတွက်ပါ Recording က ညပဲလုပ်လို့...
14/10/2026

CKD အကြောင်း recording လုပ်လက်စပါ
ကျနော် video ၄ ပုဒ် ခွဲပြောပါတယ်
Nephrology အတန်းကဆရာတွေအတွက်ပါ
Recording က ညပဲလုပ်လို့ရတာ
DJ night နဲ့လာတိုးနေလို့ ည ၁၂ မှ အသံငြိမ်တယ်
ကိုယ့်အခန်းကလည်း Bar နဲ့ကပ်နေတာ မတတ်နိုင်
Slide တချပ်စာ sharing ပါခင်ဗျာ

🟨🟨🟨🟨🟨🟨🟨🟨🟨🟨

AKI အတွက်ကို KDIGO ဖတ်ထားပါပြီ
CKD မှာလိုမျိုး albuminuria တွေမသုံးဘူး
AKD မှာကျတော့ ထည့်ရေးလာပါတယ်
CKD staging က G3bA3 ဒီလိုရေးရတာပါ
GFR + Albuminuria ၂ခုပေါင်းမှ
စွယ်တော်ရွက်လေးလို Staging ၁ခုဖြစ်ပါတယ်
ဘာကြောင့်လဲဆိုရင်
G1A3 ကလေ G3bA2 ထက် CVD risk ပိုများတယ်
Kumar interpretation မှာ ထည့်ပြောထားပါတယ်
ဒါကြောင့် eGFR တခုတည်းနဲ့ staging မဖြတ်ပါဘူး
ဒါခရီးသွားဟန်လွှဲရေးတာပါ

✅ ဆိုလိုရင်းက အခုမှစမှာပါခင်ဗျ -

၁။ RASi တွေက proteinuria သက်သာပါတယ်
ပုံလေးနဲ့ တခါပြခဲ့ဖူးပါတယ်။

၂။ DM လူနာဆိုရင် lowest threshold မှာတင်ကိုပဲ
RASi တွေပေးရပါပြီ UACR>3 ဆိုရင်စတော့။ Microalbuminuria ဆိုရင်ကို DM ကျတော့ ကြောက်ရတယ်ဗျ ဒါကြောင့်အစောကြီးပေးရတာ။

၃။ Hypertension ကျတော့ Medium threshold တဲ့
uACR > 30 ဆိုရင် RASi ပေးရင် အကျိုးရှိပြီ။ 30 မှလို့ဆိုလိုတာပါ။

၄။ Any CKD မှာတော့ uACR >70 လို့ရေးထားတယ်။ အမှန်တော့ uACR >30 ကိုက A3 ထဲရောက်နေပြီ၊ ဒါကြောင့် RASi အကျိုးရှိပါတယ်။

ဒါကတော့ OHCM မှာရေးထားတဲ့
RASi criteria လေးကို
အလွယ်ကူဆုံး interpret လုပ်ပြတာပါ
ကိန်းဂဏန်းအတိကျမမှတ်ရင်တောင်မှလေ
ဪ ငါတို့ CKD မှာ ACEi ပေးမယ်ဆိုရင်
Proteinuria cut-off point လေးရှိပါလားပေါ့
တော်ပြီ လောဘမကြီးနဲ့ဗျ အဲ့လောက်ဆိုရပြီရယ်

လိုတိုရှင်းပါခင်ဗျာ
အကျိုးရှိရင် YES လို့ မန့်ပေးပါ 💟

🚨 October promotion များပေးထားပါတယ်
***(သင်တန်းအားလုံးတက်ရောက်ပါက)-
OHCM Emergency - 100% Free
OHCM Respiratory - 25000 cashback
OHCM GI - 25000 cashback

သင်တန်းစုံစမ်းလိုပါက -
See the first comment

စိတ်ပညာမှာ Negativity Bias ဆိုတာရှိတယ်။ အပြုသဘောဆောင်တဲ့ အတွေ့အကြုံတွေထက် အဆိုးမြင်တဲ့ အတွေ့အကြုံတွေကို ပိုအာရုံစိုက်မိပ...
14/10/2026

စိတ်ပညာမှာ Negativity Bias ဆိုတာရှိတယ်။ အပြုသဘောဆောင်တဲ့ အတွေ့အကြုံတွေထက် အဆိုးမြင်တဲ့ အတွေ့အကြုံတွေကို ပိုအာရုံစိုက်မိပြီး ပိုကြာကြာ မှတ်မိနေတတ်ကြတာပါ။

ချီးမွမ်းစကား ၁၀ ခွန်းက ကိုယ့်ကို ပျော်ရွှင်စေပေမဲ့ ကဲ့ရဲ့စကားတစ်ခွန်းကတော့ ကိုယ့်ကိုယ်ကိုယ် သံသယဝင်သွားစေနိုင်တယ်။

ဒါပေမဲ့ သတိထားရမယ့်အချက် ၃ ချက်ရှိတယ်။ ဒါကိုသိသွားရင် Social Media မှာ အေးဆေးပဲ ကိုယ့်အကြည်ဓာတ် ကိုယ့်အထာနဲ့ကိုယ် နေနိုင်သွားပါလိမ့်မယ်။

၁။ လူတိုင်းရဲ့အမြင်ကို ကိုယ့်တန်ဖိုးနဲ့ မတိုင်းတာပါနဲ့။

တစ်ယောက်ယောက်က ကိုယ့်ကို မကြိုက်တာဟာ ကိုယ်မကောင်းတဲ့သူဖြစ်ကြောင်း သက်သေမဟုတ်ပါဘူး။

၂။ ဝေဖန်ချက်တိုင်းကို မပယ်ချပါနဲ့၊ ဝေဖန်ချက်တိုင်းကိုလည်း မယုံပါနဲ့။

ကိုယ့်အမှားကို ထောက်ပြတာဆိုရင် ပြင်ဆင်ပါ။ မနာလိုမှု၊ အထင်အမြင်လွဲမှားမှု ဒါမှမဟုတ် အကြောင်းမဲ့တိုက်ခိုက်မှုဆိုရင်တော့ ကိုယ့်စိတ်ငြိမ်းချမ်းမှုကို ဦးစားပေးပါ။

၃။ ကိုယ့်ကို အားပေးတဲ့သူတွေကို မမေ့ပါနဲ့။

ကဲ့ရဲ့သူတစ်ယောက်ရဲ့အသံကြောင့် ကိုယ့်ကို ယုံကြည်ပေးတဲ့သူ ၁၀ ယောက်ရဲ့ မေတ္တာကို မေ့မပစ်ပါနဲ့။

နောက်တစ်ခါ Negative Comment တစ်ခုကြောင့် စိတ်ညစ်လာရင် ကိုယ့်ကိုယ်ကိုယ် မေးကြည့်ပါ။

“ဒီစကားထဲမှာ ငါသင်ယူစရာ ဘာရှိလဲ။ သင်ယူစရာမရှိဘူးဆိုရင် ငါ့ရဲ့တန်ဖိုးရှိတဲ့အချိန်နဲ့ စိတ်အင်အားတွေကို ဘာလို့ ပေးဆပ်နေရမှာလဲ။”

🟥 လူတိုင်းရဲ့ပါးစပ်ကို ပိတ်လို့မရပေမဲ့ ဘယ်စကားကို ကိုယ့်ရင်ထဲမှာ နေရာပေးမလဲဆိုတာတော့ ကိုယ်ရွေးချယ်လို့ရပါတယ်။

🟥 လူတစ်ယောက်ရဲ့ ကဲ့ရဲ့သံကြောင့် ကိုယ့်ကိုယ်ကိုယ် မဆုံးရှုံးပါစေနဲ့။ လူတစ်ယောက်ရဲ့ ချီးမွမ်းသံကြောင့်လည်း ကိုယ့်ကိုယ်ကိုယ် မမေ့ပါစေနဲ့။

နောက်ဆုံးမှာ အရေးကြီးဆုံးက လူတွေ ကိုယ့်အကြောင်း ဘာပြောသလဲဆိုတာထက် ကိုယ်ဟာ ဘယ်လိုလူတစ်ယောက်ဖြစ်လာအောင် ကြိုးစားနေသလဲဆိုတာပါပဲ။

မေတ္တာဖြင့်
ဒေါက်တာအောင်မင်းသူ
၁၄၊၁၀၊၂၀၂၆

14/10/2026

ကိုယ့်ဆရာတွေက သိပြီးသားပါ။ Sodium နည်းရင် “ဆားမစားတာ” လို့ မစဉ်းစားပါနဲ့

Water balance စတွက်ရတယ်🚨🚨

14/10/2026

ဆေးပညာရှင်သီးသန့်ပါ

🟥🟥🟥🟥🟥🟥🟥

Finerenone Trial အကြောင်းပါ
T2DM & CKD သမားအတွက်
ဒီဆေးသိတာ လုံလောက်ပါတယ်
Trial သိရင် ပိုကောင်းပါတယ်
၁။ FIDELIO-DKD
၂။ FIGARO-DKD
၂ခုလုံး NEJM published လုပ်ထားပါတယ်

Guideline လည်းဖတ်ပါ
Trial လည်းဖတ်ပါ
Textbook လည်း ဖတ်ပါ
Notes လည်း ဖတ်ပါ
ကိုယ်တိုင်လည်း မှတ်စုရေးပါ
ဆရာဝန်တယောက်က
ဆေးပညာနဲ့ပတ်သက်တာ ဘာလုပ်လုပ်
မကောင်းဘူးဆိုတာမရှိပါဘူး
တတ်နိုင်တာအကုန်ပေးပါမယ်
ဒါကျနော့် break time ကို ဖဲ့ပေးတာပါ
ကိုယ်နဲ့အပေါင်းအပါတွေ
စာဖတ်ဖြစ်ဖို့ တွန်းအားတခုပါ

🟥 အကျိုးရှိရင် “YES” လို့ မန့်ပေးပါ

🚨 October promotion များပေးထားပါတယ်
***(သင်တန်းအားလုံးတက်ရောက်ပါက)-
OHCM Emergency - 100% Free
OHCM Respiratory - 25000 cashback
OHCM GI - 25000 cashback

သင်တန်းစုံစမ်းလိုပါက -
See the first comment

See the first comment

အယ်နီညို (El Niño) ဖြစ်လာရင် ဆီးချိုသမားတွေ ဘာကြောင့် ပိုသတိထားသင့်သလဲ?🟥 အပူချိန်တက်လာတာဟာ ရာသီဥတုပြဿနာတစ်ခုတည်း မဟုတ်ပါ...
14/10/2026

အယ်နီညို (El Niño) ဖြစ်လာရင် ဆီးချိုသမားတွေ ဘာကြောင့် ပိုသတိထားသင့်သလဲ?

🟥 အပူချိန်တက်လာတာဟာ ရာသီဥတုပြဿနာတစ်ခုတည်း မဟုတ်ပါဘူး။ ဆီးချိုလူနာတွေအတွက် ကျန်းမာရေးအန္တရာယ်တစ်ခုလည်း ဖြစ်လာနိုင်ပါတယ်။

🟥 အယ်နီညိုဖြစ်တိုင်း နေရာတိုင်း ပိုပူမယ်လို့တော့ မဆိုနိုင်ပါဘူး။ ဒါပေမဲ့ အပူလှိုင်း (Heatwave) နဲ့ ကြုံလာရင် ဆီးချိုလူနာတွေ အထူးဂရုစိုက်ဖို့ လိုပါတယ်။

✅ ဘာတွေ သတိထားရမလဲ?

၁။ ရေဓာတ်ခန်းခြောက်ခြင်း (Dehydration)

အပူကြောင့် ချွေးထွက်များလာနိုင်ပါတယ်။ သွေးတွင်းသကြားဓာတ် မြင့်နေတဲ့အခါ ဆီးခဏခဏသွားပြီး ရေဓာတ်ပိုဆုံးရှုံးနိုင်ပါတယ်။

ရေဓာတ်ခန်းခြောက်လာရင် သွေးတွင်းသကြားဓာတ် ပိုမိုမြင့်တက်လာနိုင်ပြီး အခြေအနေဆိုးရွားလာနိုင်ပါတယ်။

ရေကို ပုံမှန်သောက်ပါ။ နှလုံးရောဂါ၊ ကျောက်ကပ်ရောဂါကြောင့် ရေသောက်ပမာဏ ကန့်သတ်ထားရသူတွေကတော့ ဆရာဝန်ညွှန်ကြားချက်ကို လိုက်နာပါ။

၂။ သွေးတွင်းသကြားဓာတ်ကို ပုံမှန်စစ်ဆေးပါ

အပူဒဏ်၊ အစာစားချိန်ပြောင်းလဲခြင်း၊ ကိုယ်လက်လှုပ်ရှားမှုနဲ့ ရေဓာတ်ခန်းခြောက်ခြင်းတို့ကြောင့် သွေးတွင်းသကြားဓာတ် အတက်အကျ ဖြစ်နိုင်ပါတယ်။

၃။ ဆီးချိုဆေးနဲ့ အင်ဆူလင်ကို သတိထားပါ

အင်ဆူလင်နဲ့ အချို့ဆေးဝါးတွေဟာ အပူဒဏ်ကြောင့် ထိရောက်မှု ပြောင်းလဲနိုင်ပါတယ်။ အထူးသဖြင့် အင်ဆူလင်ကို အပူပြင်းတဲ့နေရာမှာ ထားမိရင် ဆေးအာနိသင် ထိခိုက်နိုင်ပါတယ်။ အင်ဆူလင်နဲ့ ဆေးဝါးတွေကို ထုတ်လုပ်သူရဲ့ သိုလှောင်မှုညွှန်ကြားချက်အတိုင်း ထားပါ။ အပူလွန်ကဲတဲ့ ကားထဲမှာ မထားပါနဲ့။

၄။ ခြေထောက်ကို နေ့စဉ်စစ်ဆေးပါ

ဆီးချိုကြောင့် ခြေထောက်အာရုံခံစားမှု လျော့နည်းနေသူတွေဟာ ပူလွန်းတဲ့ မြေပြင်၊ လမ်းခင်းကျောက်၊ သဲပေါ်မှာ လမ်းလျှောက်တဲ့အခါ ဒဏ်ရာရတာကို မသိလိုက်နိုင်ပါဘူး။

၅။ အပူဆုံးအချိန်မှာ အပြင်ထွက်တာ လျှော့ပါ

နေ့လယ်ပိုင်း အပူပြင်းချိန်မှာ အလုပ်ကြမ်းလုပ်တာ၊ နေပူထဲမှာ လေ့ကျင့်ခန်းလုပ်တာတွေကို ရှောင်ပါ။အရိပ်ရှိတဲ့နေရာမှာ နားပါ။ လေဝင်လေထွက်ကောင်းတဲ့ အဝတ်အစားဝတ်ပါ။ အပြင်ထွက်ရမယ်ဆိုရင် ရေ၊ ဆီးချိုတိုင်းကိရိယာနဲ့ လိုအပ်တဲ့ ဆေးဝါးတွေကို ယူသွားပါ။

၆။ အရေးပေါ်လက္ခဏာတွေကို သိထားပါ

- အလွန်ရေငတ်ခြင်း၊ ဆီးခဏခဏသွားခြင်း

- မူးဝေခြင်း၊ အားအင်ကုန်ခန်းခြင်း၊ မတ်တပ်ရပ်ရင် မူးခြင်း

- သွေးတွင်းသကြားဓာတ် အလွန်မြင့်တက်ခြင်း

- အန်ခြင်း၊ ဗိုက်နာခြင်း၊ အသက်ရှူမြန်ခြင်း၊

---

🟥 ဆီးချိုရှိတယ်ဆိုတာ အပူဒဏ်ကို မခံနိုင်တော့ဘူးလို့ မဆိုလိုပါဘူး။ ဒါပေမဲ့ ကိုယ့်ခန္ဓာကိုယ်ရဲ့ သတိပေးလက္ခဏာတွေကို လျစ်လျူမရှုဖို့တော့ လိုပါတယ်။

🟥 ဒီ Post ကို ဆီးချိုရှိတဲ့ မိဘ၊ မိသားစုဝင်၊ မိတ်ဆွေတွေဆီ မျှဝေပေးပါ။ ကိုယ်သိထားတဲ့ ကျန်းမာရေးအသိတစ်ခုက တစ်စုံတစ်ယောက်ရဲ့ အသက်ကို ကာကွယ်ပေးနိုင်ပါတယ်။

🟥 အကျိုးရှိရင် “ဆီးချို” လို့ မန့်ပေးပါ

#ဆီးချို #ကျန်းမာရေးဗဟုသုတ

မေတ္တာဖြင့်
ဒေါက်တာအောင်မင်းသူ
၁၄၊၁၀၊၂၀၂၅

🚨🚨🚨 မစသင့်တဲ့ အခြေအနေ ၁၀ ချက်တချို့အရာတွေက အစမှာတော့ စနောက်တာပါပဲ။ ဒါပေမဲ့ အချိန်ကြာလာတဲ့အခါ အကျင့်ဖြစ်သွားတတ်တယ်။ နောက်...
14/10/2026

🚨🚨🚨 မစသင့်တဲ့ အခြေအနေ ၁၀ ချက်

တချို့အရာတွေက အစမှာတော့ စနောက်တာပါပဲ။ ဒါပေမဲ့ အချိန်ကြာလာတဲ့အခါ အကျင့်ဖြစ်သွားတတ်တယ်။ နောက်ဆုံးမှာတော့ ဟာသမဟုတ်တော့ဘဲ ပြဿနာတစ်ခု ဖြစ်လာတတ်ပါတယ်။

၁။ တစ်ဖက်လူ မကြိုက်မှန်း သိနေတဲ့အခါ

ကိုယ်က ရယ်စရာလို့ ထင်ပေမဲ့ သူ့အတွက် စိတ်အနှောင့်အယှက် ဖြစ်နေနိုင်တယ်။

၂။ လူတစ်ယောက်ရဲ့ အားနည်းချက်ကို သိနေတဲ့အခါ

သူ့ရဲ့ မိသားစုအခြေအနေ၊ ပညာရေး၊ ငွေကြေးအခက်အခဲတွေကို ဟာသလုပ်ပြီး မစပါနဲ့။

၃။ ရုပ်ရည်နဲ့ ခန္ဓာကိုယ်အကြောင်း စနောက်တဲ့အခါ

ကိုယ်အလေးချိန်၊ အသားအရောင်၊ အရပ်အမောင်း စတာတွေကို စနောက်တာက ကိုယ်မသိနိုင်တဲ့ စိတ်ထိခိုက်မှုတွေ ဖြစ်စေနိုင်တယ်။

၄။ လူအများရှေ့မှာ အရှက်ခွဲသလို ဖြစ်သွားနိုင်တဲ့အခါ

နှစ်ယောက်တည်းဆို ရယ်စရာဖြစ်နိုင်ပေမဲ့ လူအများရှေ့မှာတော့ အရှက်ရစရာ ဖြစ်သွားနိုင်တယ်။

၅။ အာဏာနဲ့ ရာထူး မညီမျှတဲ့အခါ

ဆရာက တပည့်ကို၊ အထက်လူကြီးက လက်အောက်ငယ်သားကို စနောက်တဲ့အခါ တစ်ဖက်လူက မကြိုက်ပေမဲ့ မငြင်းရဲတာမျိုး ရှိနိုင်တယ်။

၆။ ချစ်ရေး၊ အချစ်ဟောင်းနဲ့ ကိုယ်ရေးကိုယ်တာကိစ္စတွေ ဖြစ်တဲ့အခါ

သူတစ်ပါးရဲ့ ကိုယ်ရေးကိုယ်တာကို ခွင့်ပြုချက်မရှိဘဲ စနောက်တာက ယုံကြည်မှုကို ပျက်စီးစေနိုင်တယ်။

၇။ လိင်ပိုင်းဆိုင်ရာ အဓိပ္ပာယ်ပါဝင်တဲ့ စကားတွေ ပြောတဲ့အခါ

ကိုယ်က ဟာသလို့ ပြောပေမဲ့ တစ်ဖက်လူအတွက် မသက်မသာဖြစ်စေပြီး နယ်နိမိတ်ကျော်လွန်ရာ ရောက်နိုင်တယ်။

၈။ ဒေါသထွက်နေချိန်၊ စိတ်ဖိစီးနေချိန်

သူတစ်ပါးရဲ့ စိတ်အခြေအနေကို မသိဘဲ စနောက်တာက အသေးအဖွဲကိစ္စကို ပြဿနာကြီးတစ်ခု ဖြစ်သွားစေနိုင်တယ်။

၉။ တစ်ဖက်လူရဲ့ ယုံကြည်မှုနဲ့ လျှို့ဝှက်ချက်တွေကို အသုံးချတဲ့အခါ

ယုံကြည်လို့ ပြောပြထားတဲ့အရာတွေကို ဟာသလုပ်တာဟာ ရယ်စရာထက် သစ္စာဖောက်သလို ပိုခံစားရစေနိုင်တယ်။

၁၀။ စနောက်တာကနေ အကျင့်ဆိုးတစ်ခု ဖြစ်လာနိုင်တဲ့အခါ

အစမှာ အပျော်သဘောနဲ့ စခဲ့ပေမဲ့ နောက်ပိုင်းမှာ အနိုင်ကျင့်တာ၊ နယ်ကျော်တာ၊ မလေးစားတာတွေ ဖြစ်လာနိုင်တယ်။

🟥 လူတစ်ယောက်နဲ့ ရင်းနှီးတယ်ဆိုတာ သူ့ကို ကြိုက်သလို စနောက်ခွင့်ရတာ မဟုတ်ပါဘူး။ ရင်းနှီးမှုရှိလေလေ တစ်ဖက်လူရဲ့ စည်းမျဉ်းနဲ့ ခံစားချက်ကို ပိုလေးစားတတ်ဖို့ လိုပါတယ်။ မစသင့်တဲ့အရာကို အစကတည်းက မစပါနဲ့။ မလုပ်သင့်တဲ့အရာကို အကျင့်မဖြစ်ပါစေနဲ့။

မေတ္တာဖြင့်
ဒေါက်တာအောင်မင်းသူ
၁၄၊၁၀၊၂၀၂၆

ဘန်ကောက်မှာတုန်းက မနှစ်ကပါသင်္ကြန်တွင်း ၅ ရက်မှာကျနော် ဖားအောက်နည်းနဲ့ သမာဓိထူတယ်ဆရာတော်ကြီးရဲ့ pdf file လည်းရှိတယ်တရားဟ...
13/10/2026

ဘန်ကောက်မှာတုန်းက မနှစ်ကပါ
သင်္ကြန်တွင်း ၅ ရက်မှာ
ကျနော် ဖားအောက်နည်းနဲ့ သမာဓိထူတယ်
ဆရာတော်ကြီးရဲ့ pdf file လည်းရှိတယ်
တရားဟောထားတာလည်းရှိပါတယ်
လွန်ခဲ့တဲ့ ၁နှစ်ကျော်က တနေရာမှာရေးဖူးတယ်
ဝင်လေထွက်လေကို count လုပ်ခိုင်းတာ
သမာဓိဆိုတော့ လျှောက်မစဉ်းစားရဘူး
ဖြစ်ပျက်တွေ အများကြီးကြိုမတွေးရဘူး
စိတ်ကို နှာသီးဝမှာ ချည်ထားတာ လုံးဝမခွါနဲ့
ချုပ်ထားတာ ပြေးလို့မရဘူး
အရာဝတ္ထုတွေကို ကော်နဲ့ကပ်လို့ရသလိုမျိုးပဲ
စိတ်ကိုလည်း သမာဓိနဲ့ ချုပ်ထားလို့ရတယ်

ဒီနေ့က ဗုဒ္ဓေါဂုဏ်တော် ပွါးများရမယ့်နေ့ပါ
သစ္စာ၄ပါးကို သိတဲ့ဉာဏ်ကို ပွါးရမှာ
အဲ့ဒါကို စိတ်ပုတီးမပါဘဲ
စိတ်ထဲက ၁၀၈ ကြိမ် count လုပ်တယ်
ဗုဒ္ဓေါကတော့ သိပ်မခက်လောက်ဘူး
အနုတ္တရောပုရိသဒမ္မသာရထိ ဂုဏ်တော်ဆိုရင်
စိတ်နဲ့ လိုက် ရေတွက်ဖို့ ခက်လိမ့်မယ်

ဂုဏ်တော်ပွါးရင်းနဲ့ စိတ်မှာကိလေသာအဝင်မခံနဲ့
စိတ်ပုတီးကိုချထားပြီး ပုတီးလွတ် ပူဇော်ပါ
ပုတီးကိုင်ထားရင် စိတ်လွတ်သွားတတ်တယ်
စိတ်ကို fully concentrate လုပ်ချင်ရင်
စိတ်ပုတီးမပါဘဲ ၉ခေါက် ပွါးကြည့်ပါ
၁၀၈ ကြိမ်ပြည့်ရင် “၁” ခေါက်ပေါ့
စုစုပေါင်း ၉၇၂ ကြိမ် မှတ်ပြီးသားဖြစ်သွားပါမယ်
အတိုင်းအတာတခုထိ အကျိုးပြုပါလိမ့်မယ်
ကျနော်ကိုယ်တိုင်လုပ်လို့ မျှဝေခြင်းဖြစ်ပါတယ်
ဒါဆိုရင် ကိုယ့်သမာဓိကိုယ် သိပါလိမ့်မယ်
ဂုဏ်တော်လည်းပွါး သမာဓိလည်းတက်
Objectively သမာဓိကို အကဲခတ်လို့ရတယ်
မဟုတ်ရင် ပုတီးစိတ်ရင်း စိတ်လွင့်လားမသိဘူး
စိတ်ပုတီးမပါရင် အားကိုးစရာက သမာဓိပဲရှိတယ်
သေချာပေါက် သမာဓိအရမ်းတက်ပါတယ်
စလုပ်မယ့်သူက ပုတီး၁ပတ်ပဲ အလွတ်ပွါးပါ
ကနေ့ စလုပ်ကြည့်ပါ။
ပြီးတာနဲ့ ဝိပဿနာတန်းရှုပါ။

မေတ္တာဖြင့်
ဒေါက်တာအောင်မင်းသူ
၁၃၊၁၀၊၂၀၂၆

Address

Mandalay

Telephone

+959759831665

Website

Alerts

Be the first to know and let us send you an email when Dr. Aung Min Thu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dr. Aung Min Thu:

Shortcuts

Share