New Wave Training Center

25/06/2026

ဝန်ထမ်းအမြန်အလိုရှိသည်

👩‍💻ဇေယံဆေးဆိုင် တွင် တာဝန်ထမ်းဆောင်ရန်အတွက် ရိုးသားကြိုးစားပြီး ရေရှည်လက်တွဲလုပ်ကိုင်နိုင်မည့် ဆေးရောင်းအကူ ဝန်ထမ်း (မ) (၁) ဦး အမြန်အလိုရှိပါသည်

👩‍💻ဆေးဆိုင်လုပ်ငန်းအတွေ့အကြုံ ရှိသူများကို ဦးစားပေးမည်

👩‍💻အများသူငါနှင့် ဆက်ဆံရေး ပြေပြစ်ပြီး ဝန်ဆောင်မှုပေးလိုစိတ် (Service Mind) ရှိရပါမည်။

👩‍💻ရိုးသားအေးဆေးပြီး အကျင့်စာရိတ္တကောင်းမွန်သူ၊ ဆိုင်စည်းကမ်း လိုက်နာနိုင်သူ ဖြစ်ရပါမည်။

🏡တည်နေရာ
ဇေယံဆေးဆိုင်
လမ်း ၆၀၊ ၁၀ လမ်းနှင့် ၁၁ လမ်းကြား၊
နန်းရှေ့ ၊မန္တလေးမြို့။
0943015409,09975903902

24/06/2026

ဒူးနာတာဟာ အသက်ကြီးမှ ဖြစ်တာတင်မဟုတ်ဘဲ အနေအထိုင်မမှန်တာ၊ ကိုယ်အလေးချိန်များတာနဲ့ အားကစားဒဏ်ရာတွေကြောင့် လူငယ်တွေမှာလည်း အဖြစ်များလာပါတယ်။ ဒါကြောင့် ဒူးနာဝေဒနာကို သက်သာစေဖို့နဲ့ ကြိုတင်ကာကွယ်နိုင်ဖို့ အချက်လေးတွေကို မျှဝေပေးလိုက်ပါတယ်။

🔍 သင့်ဒူး ဘာကြောင့် နာရတာလဲ?

၁။ အဆစ်အမြစ်ရောင်ရမ်းခြင်း (Arthritis): အသက်အရွယ်ကြောင့် ဖြစ်တတ်တဲ့ သဘာဝအဆစ်ပွန်းခြင်း။

၂။ ကိုယ်အလေးချိန်များခြင်း: ခန္ဓာကိုယ်အလေးချိန် များလွန်းတဲ့အခါ ဒူးဆစ်တွေပေါ်မှာ ဖိအားဒဏ် ပိုသက်ရောက်စေပါတယ်။

၃။ နေထိုင်မှုပုံစံ မမှန်ခြင်း: ဆောင့်ကြောင့်ထိုင်တာ၊ ဒူးခွေထိုင်တာ ကြာရင် ဒူးဆစ်ကို ဒဏ်ဖြစ်စေပါတယ်။

၄။ ဒဏ်ရာရရှိခြင်း: အားကစားလုပ်ရင်း သို့မဟုတ် ချော်လဲရာကနေ ဒူးအရွတ်ပြဲတာ၊ ဒူးဆစ်လွဲတာတွေ ဖြစ်နိုင်ပါတယ်။

💡 ဒူးနာဝေဒနာ ချက်ချင်းသက်သာစေမယ့် "R.I.C.E" နည်းလမ်း
ဒူး ရုတ်တရက် နာလာရင် ဒါမှမဟုတ် ယောင်လာရင် အိမ်မှာတင် ဒီနည်းလမ်းလေးနဲ့ အရေးပေါ် ကုသနိုင်ပါတယ်။

R - Rest (အနားယူပါ): ဒူးကို အသုံးမပြုဘဲ အနားပေးပါ။ လမ်းအများကြီးလျှောက်တာ၊ အလေးအပင်မတာ ရှောင်ပါ။

I - Ice (ရေခဲကပ်ပါ): တစ်ခါကပ်ရင် မိနစ် ၂၀ ခန့်၊ တစ်နေ့ ၃ ကြိမ်ကနေ ၄ ကြိမ်အထိ ရေခဲဝတ် ကပ်ပေးပါ။ (ရောင်ရမ်းမှု ကျစေပါတယ်)

C - Compression (စည်းနှောင်ပါ): ဒူးစွပ် စွပ်ထားတာ ဒါမှမဟုတ် ပတ်တီးစကြိုးနဲ့ သင့်တော်သလို စည်းထားပေးပါ။ (အရမ်းတင်းကျပ်စွာ မစည်းရပါ)

E - Elevate (မြှင့်ထားပါ): အိပ်တဲ့၊ နားတဲ့အခါ ဒူးအောက်မှာ ခေါင်းအုံးလေးခံပြီး နှလုံးထက်မြင့်တဲ့ အနေအထားမှာ ထားပေးပါ။

🏋️‍♂️ ဒူးကျန်းမာရေးအတွက် ရေရှည်ကာကွယ်နည်းများ

ကိုယ်အလေးချိန် ထိန်းညှိပါ: ဝိတ်နည်းနည်းကျသွားတာနဲ့တင် ဒူးပေါ်ကျတဲ့ ဖိအားက တော်တော်လေး လျော့သွားပါတယ်။

လေ့ကျင့်ခန်းလုပ်ပါ: ပေါင်ကြွက်သားနဲ့ ခြေသလုံးကြွက်သား သန်မာစေမယ့် လေ့ကျင့်ခန်းတွေ လုပ်ပေးရင် ဒူးဆစ်ကို ထောက်ပံ့ပေးနိုင်ပါတယ်။ (လမ်းလျှောက်ခြင်း၊ စက်ဘီးစီးခြင်းက ဒူးအတွက် ကောင်းမွန်ပါတယ်)

ထိုင်ခုံနဲ့ ထိုင်ပါ: ကြမ်းပြင်မှာ ဒူးခွေထိုင်တာ၊ ဆောင့်ကြောင့်ထိုင်တာတွေကို တတ်နိုင်သမျှ ရှောင်ပြီး ထိုင်ခုံနဲ့ ထိုင်တဲ့ အလေ့အထ လုပ်ပေးပါ။

⚠️ ဘယ်အချိန်မှာ ဆရာဝန်နဲ့ ပြသမလဲ?
ဒူးက အရမ်းရောင်ပြီး နီရဲပူနွေးနေရင်၊ ခြေထောက်ကို မြေကြီးပေါ် အားပြုပြီး လုံးဝမချနိုင်ရင်၊ ဒါမှမဟုတ် ဖျားတာနဲ့ တွဲဖြစ်လာရင်တော့ အိမ်တွင်းကုထုံးတွေနဲ့ မစောင့်ဘဲ ဆရာဝန်နဲ့ ချက်ချင်းပြသဖို့ လိုအပ်ပါတယ်။

ကျန်းမာသန်စွမ်းတဲ့ ဒူးတစ်စုံနဲ့ ဘဝကို စိတ်ကြိုက် လျှောက်လှမ်းနိုင်ကြပါစေ။ ❤️

✨ သင့်ရဲ့သူငယ်ချင်းတွေ၊ မိဘဘိုးဘွားတွေထဲမှာ ဒူးနာလို့ ညည်းနေတဲ့သူတွေရှိရင် သူတို့လေးတွေ သိသွားအောင် ဒီ Post လေးကို Share ပေးလိုက်ဦးနော်။

23/06/2026

📌 "ချောင်းဆိုးခြင်း" ဆိုတာ ခန္ဓာကိုယ်ရဲ့ ကာကွယ်ရေးစနစ်တစ်ခုလား။

ချောင်းဆိုးတာကို အားလုံးက စိတ်အနှောင့်အယှက်ဖြစ်စရာ ရောဂါတစ်ခုလို့ပဲ မြင်တတ်ကြပါတယ်။ ဒါပေမဲ့ တကယ်တော့ ချောင်းဆိုးခြင်းဟာ အသက်ရှူလမ်းကြောင်းထဲကို ဝင်လာတဲ့ ဖုန်မှုန့်၊ အကျိအချွဲနဲ့ ပိုးမွှားတွေကို အပြင်ထွက်သွားအောင် ခန္ဓာကိုယ်က အလိုအလျောက် ခုခံမောင်းထုတ်နေတဲ့ သဘာဝကာကွယ်ရေးစနစ်တစ်ခု ဖြစ်ပါတယ်။

🔍 သင့်ရဲ့ ချောင်းဆိုးခြင်းက ဘယ်အမျိုးအစားလဲ။

ချောင်းဆိုးတာချင်း တူပေမဲ့ ဖြစ်ရတဲ့အကြောင်းအရင်း မတူတဲ့အတွက် အမျိုးအစားကို အရင်ခွဲခြားကြည့်ဖို့ လိုပါတယ်။

ချောင်းခြောက်ဆိုးခြင်း (Dry Cough): သလိပ်မထွက်ဘဲ လည်ပင်းတကျစ်ကျစ်နဲ့ ယားပြီး ဆိုးတာမျိုးပါ။ များသောအားဖြင့် လေထုညစ်ညမ်းတာ၊ ဓာတ်မတည့်တာ (Allergy) ဒါမှမဟုတ် တုပ်ကွေးအစပျိုးချိန်တွေမှာ ဖြစ်တတ်ပါတယ်။

သလိပ်ကပ် ချောင်းဆိုးခြင်း (Wet/Productive Cough): ရင်ဘတ်ထဲကနေ သလိပ်တွေနဲ့အတူ ထွက်လာတဲ့ ချောင်းဆိုးခြင်းမျိုးပါ။ အအေးမိခြင်း၊ အဆုတ်ရောင်ခြင်း သို့မဟုတ် လေပြွန်ရောင်ခြင်းတို့ကြောင့် ဖြစ်လေ့ရှိပါတယ်။

💡 နေအိမ်မှာတင် သက်သာအောင် လုပ်နိုင်မယ့် နည်းလမ်းကောင်းများ

ချောင်းဆိုးတာ သိပ်မပြင်းထန်သေးရင် ဆေးခန်းမပြေးခင် အိမ်မှာတင် ဒီလိုလေးတွေ ဂရုစိုက်ပေးလို့ ရပါတယ်။

1. ရေနွေးနွေးလေး များများသောက်ပါ: ရေနွေး သို့မဟုတ် ချင်းပြုတ်ရည် သောက်ပေးခြင်းက လည်ပင်းယားယံတာကို လျော့ကျစေပြီး သလိပ်တွေကို ပျော်ဆင်းစေပါတယ်။

2. ဆားရည်နဲ့ အာလုပ်ကျင်းပါ: ရေနွေးနွေးတစ်ဖန်ခွက်ထဲ ဆားအနည်းငယ်ထည့်ပြီး တစ်နေ့ ၃-၄ ကြိမ် အာလုပ်ကျင်းပေးရင် လည်ပင်းရောင်တာနဲ့ ပိုးမွှားတွေကို သေစေပါတယ်။

3. ပျားရည် တစ်ဇွန်း သောက်ပေးပါ: ပျားရည်ဟာ လည်ပင်းကို အစိုဓာတ်ထိန်းပေးပြီး ချောင်းဆိုးခြင်းကို သဘာဝအတိုင်း သက်သာစေပါတယ်။ (သတိပြုရန် - အသက် ၁ နှစ်အောက် ကလေးငယ်များကို ပျားရည်မတိုက်ရပါ။)

4. ရေနွေးငွေ့ ရှူပေးပါ: ရေနွေးအိုးထဲက ထွက်လာတဲ့ အခိုးအငွေ့ကို ရှူပေးခြင်းက နှာခေါင်းနဲ့ လည်ပင်းတစ်လျှောက် အသက်ရှူလမ်းကြောင်းကို ပွင့်စေပါတယ်။

⚠️ ဘယ်လိုအချိန်မှာ ဆရာဝန်နဲ့ အမြန်ဆုံး ပြသရမလဲ။
ချောင်းဆိုးတာဟာ ရိုးရိုးပဲဆိုရင် ၁ ပတ်၊ ၂ ပတ်အတွင်း သက်သာသွားတတ်ပေမဲ့ အောက်ပါလက္ခဏာတွေ ရှိလာရင်တော့ ဆရာဝန်နဲ့ ပြသဖို့ လိုအပ်ပါတယ်။

👨‍⚕️ချောင်းဆိုးတာ ၃ ပတ်ထက်ကျော်လွန်ပြီး မသက်သာရင်

👨‍⚕️ချောင်းဆိုးတဲ့အခါ သွေးစ ပါလာရင်

👨‍⚕️အသက်ရှူရ ခက်ခဲလာရင် သို့မဟုတ် ရင်ဘတ်အောင့်လာရင်

👨‍⚕️ဖျားတာ၊ ချမ်းတုန်တာတွေပါ တွဲဖြစ်လာရင်

ချောင်းဆိုးပျောက်ဆေးတွေကို မိမိသဘောနဲ့မိမိ ဝယ်သောက်တာထက်၊ သလိပ်ထွက်/မထွက်ပေါ်မူတည်ပြီး ဆရာဝန် သို့မဟုတ် ကျွမ်းကျင်ဆေးဝါးပညာရှင်နဲ့ တိုင်ပင်ပြီးမှ သောက်သုံးတာ အကောင်းဆုံး ဖြစ်ပါတယ်။

ကျန်းမာရေး သတိရှိပြီး ချောင်းဆိုးခြင်းကင်းဝေးကာ ပျော်ရွှင်စရာနေ့ရက်များကို ပိုင်ဆိုင်နိုင်ကြပါစေ။

22/06/2026

ဝက်ခြံတွေ ခဏခဏပြန်ပေါက်နေလို့ စိတ်ညစ်နေပြီလား???

"မျက်နှာသစ်ရုံနဲ့ ဝက်ခြံပျောက်တယ်" ဆိုတာ တကယ်တော့ မဟုတ်ပါဘူး။ ဝက်ခြံဆိုတာ အရေပြားပေါ်က မွေးညင်းပေါက်လေးတွေထဲမှာ အဆီ (Sebum)၊ ဆဲလ်သေတွေနဲ့ ဘက်တီးရီးယားပိုးမွှားတွေ ပိတ်ဆို့ရာကနေ စတင်ဖြစ်လာတဲ့ အရေပြားပြဿနာတစ်ခုပါ။

ဝက်ခြံအမျိုးအစားအလိုက် ကုသပုံချင်း မတူတာမို့ အရင်ဆုံး ကိုယ့်မှာဖြစ်နေတာ ဘာဝက်ခြံလဲဆိုတာ ခွဲခြားကြည့်ရအောင်။

🔲 ဝက်ခြံအမျိုးအစားများ (ကိုယ့်မှာ ဖြစ်နေတာ ဘယ်နှစ်မျိုးရှိလဲ)

👩‍🦰ဆန်ခါဝက်ခြံ / ဆီဖု (Comedones): အဆီခဲလေးတွေ ပိတ်နေတာပါ။ ထိပ်ပိတ်နေရင် အဖြူရောင် (Whiteheads) ဖြစ်ပြီး၊ ထိပ်ပွင့်ပြီး လေနဲ့ထိရင် အမည်းရောင် (Blackheads) ဖြစ်သွားတတ်ပါတယ်။

👩‍🦰ဝက်ခြံဖုအနီ (Papules): ပိတ်ဆို့နေတဲ့နေရာမှာ ရောင်ရမ်းမှု စဖြစ်လာပြီး နီရဲပြီး နာနေတဲ့ အဖုလေးတွေပါ။

👩‍🦰ပြည်တည်ဝက်ခြံ (Pustules): အနီဖုလေးတွေရဲ့ ထိပ်မှာ ပြည်ဖြူဖြူလေးတွေ ဝိုင်းလာတဲ့ အမျိုးအစားပါ။

👩‍🦰ဝက်ခြံအမောက် / အကျိတ် (Nodules/Cysts): အရေပြား အောက်ခြေအထိ နက်နက်ရှိုင်းရှိုင်း ရောင်ရမ်းပြီး ပြည်တောက်၊ သွေးတောက်ဖြစ်တာပါ။ ဒါက အမာရွတ် အဖြစ်ဆုံးမို့ သေချာကုဖို့ လိုပါတယ်။

⚠️ ဝက်ခြံကို ပိုဆိုးစေတဲ့ အိမ်တွင်းအမှား ၄ ချက်

၁။ ဝက်ခြံညှစ်ခြင်း: ဒါက အဆိုးဆုံးပါပဲ။ ညှစ်လိုက်တဲ့အခါ ပိုးတွေက အရေပြားအောက်ထဲ ပိုပြန့်သွားပြီး ပိုရောင်လာတတ်သလို ညိုမည်းတဲ့ အမာရွတ်တွေ ကျန်ခဲ့စေပါတယ်။

၂။ မျက်နှာ ခဏခဏ ပွတ်တိုက်ခြင်း: Scrub တွေနဲ့ အပြင်းအထန် တိုက်ချွတ်တာ၊ မျက်နှာခဏခဏ ဆေးတာက အရေပြားကို ပိုယားယံစေပြီး အဆီပိုထွက်စေပါတယ်။

၃။ ခေါင်းအုံးစွပ် ပုံမှန်မလဲခြင်း: ခေါင်းအုံးစွပ်မှာ ရှိတဲ့ ဆီနဲ့ ဖုန်မှုန့်တွေက ညဘက်အိပ်ရင် မျက်နှာကို ဝက်ခြံပိုပေါက်စေပါတယ်။

၄။ အချိုနှင့် နို့ထွက်ပစ္စည်း အစားများခြင်း: Bubble Tea၊ မုန့်ချိုတွေနဲ့ နို့ထွက်ပစ္စည်း (ဒိန်ချဉ်၊ နို့ခဲ) အစားများရင် ခန္ဓာကိုယ်ထဲမှာ ရောင်ရမ်းမှုကို ပိုဖြစ်စေပြီး ဝက်ခြံထွက်နှုန်း မြင့်တက်စေပါတယ်။

💡 ဝက်ခြံသက်သာစေမယ့် Skin Care Routine (အခြေခံ ၃ ဆင့်)

ဝက်ခြံပျောက်ဖို့ အဆင့်တွေအများကြီး လုပ်စရာမလိုပါဘူး။ ဒီအခြေခံ ၃ ဆင့်ကို ပုံမှန်လုပ်ပေးရင် ရလဒ်ထွက်ပါတယ်။

👩‍🦰အဆင့် (၁) သန့်စင်ခြင်း (Cleanse): မိမိအသားအရေနဲ့ ကိုက်ညီပြီး နူးညံ့တဲ့ Cleanser (Salicylic Acid သို့မဟုတ် Benzoyl Peroxide ပါဝင်တာမျိုး) နဲ့ တစ်နေ့ ၂ ကြိမ် မျက်နှာသစ်ပါ။

👩‍🦰အဆင့် (၂) ကုသခြင်း (Treat): ဝက်ခြံရှိတဲ့ နေရာတွေကို ဝက်ခြံပျောက်ဆေး ခရင်မ် (Acne Spot Treatment) တို့ပေးပါ။

👩‍🦰အဆင့် (၃) ကာကွယ်ခြင်း (Protect): ဝက်ခြံသမားတွေလည်း မဖြစ်မနေ Moisturizer လိမ်းပေးရပါမယ် (Oil-free ဖြစ်တာ ရွေးပါ)။ နေ့ဘက်ဆိုရင်တော့ သွေးကြောမပိတ်စေတဲ့ (Non-comedogenic) ဆန်းခရင်မ် (Sunscreen) ကို မဖြစ်မနေ လိမ်းပေးပါ။

ဝက်ခြံဆိုတာ တစ်ညတည်းနဲ့ ပျောက်ကွယ်သွားတဲ့အရာ မဟုတ်ပါဘူး။ ပုံမှန်ဂရုစိုက်မှုနဲ့ အချိန် (အနည်းဆုံး ၄ ပတ်မှ ၈ ပတ်) ပေးဖို့ လိုအပ်ပါတယ်။ သင့်ရဲ့ အသားအရေက အမြဲတမ်း လှပနေဖို့ အချိန်ပေးပြီး အလေးထားစောင့်ရှောက်ပေးပါ။

ကျန်းမာရေးနဲ့ အလှအပဆိုင်ရာ ဗဟုသုတလေးတွေကို အမြဲမျှဝေပေးနေမှာမို့ New Wave Training Center account လေးကို follow လုပ်ထားဖို့လည်းမမေ့နဲ့နော်

21/06/2026

📌 အသံတိတ်လူသတ်သမား “သွေးတိုးရောဂါ” အကြောင်း သင် ဘယ်လောက်အထိ သိထားလဲ❓

“နေလို့ကောင်းနေတာပဲ၊ သွေးတိုးလည်း ဘာမှမဖြစ်ပါဘူး” ဆိုပြီး ပေါ့ဆနေတတ်ကြလွန်းလို့ သွေးတိုးရောဂါကို “Silent Killer (အသံတိတ်လူသတ်သမား)” လို့ ခေါ်ကြတာ ဖြစ်ပါတယ်။

မြန်မာနိုင်ငံမှာ လူကြီးအတော်များများ ခံစားနေရပြီး အသက်အန္တရာယ်အထိ စိုးရိမ်ရတဲ့ သွေးတိုးရောဂါအကြောင်းကို New Wave မှ အလွယ်ကူဆုံးနဲ့ အရိုးရှင်းဆုံး ပြန်လည်မျှဝေပေးလိုက်ပါတယ်။ 👇

🛑 သွေးတိုးတာကို ဘယ်လိုသိနိုင်မလဲ။
အဓိကပြဿနာက သွေးတိုးရောဂါရှိသူ အတော်များများဟာ ဘာလက္ခဏာမှ မပြတတ်ကြတာပါပဲ။ ဒါပေမဲ့ ပြင်းထန်လာရင်တော့ အောက်ပါလက္ခဏာတွေ ပြတတ်ပါတယ်။

🤕ခေါင်းနောက်ခြင်း၊ ဇက်ကြောတက်ခြင်း (အထူးသဖြင့် မနက်ခင်းပိုင်း)

🤕မူးဝေခြင်း၊ ရင်တုန်ခြင်း

🤕အမြင်အာရုံ ဝေဝါးလာခြင်း

🤕မောပန်းလွယ်ခြင်း

⚠️ မကုသဘဲ ပေါ့ဆရင် ဘာတွေဖြစ်လာနိုင်လဲ။

သွေးတိုးကို စနစ်တကျ မထိန်းချုပ်ရင် ရေရှည်မှာ ခန္ဓာကိုယ်ရဲ့ အင်္ဂါအစိတ်အပိုင်းတွေကို ပျက်စီးစေပြီး အောက်ပါနောက်ဆက်တွဲဆိုးကျိုးတွေ ခံစားရနိုင်ပါတယ်။

1. လေဖြတ်ခြင်း (Stroke): ဦးနှောက်သွေးကြောပြတ်တာ/ပိတ်တာတွေ ဖြစ်နိုင်ပါတယ်။

2. နှလုံးရောဂါ (Heart Attack): နှလုံးလုပ်ဆောင်ချက် ပျက်စီးပြီး ရုတ်တရက် အသက်န္တရာယ် စိုးရိမ်ရနိုင်ပါတယ်။

3. ကျောက်ကပ်ပျက်စီးခြင်း (Kidney Failure): ရေရှည်သွေးတိုးတာက ကျောက်ကပ်ကို အလုပ်မလုပ်နိုင်အောင် ဖျက်ဆီးပစ်ပါတယ်။

💡 သွေးတိုးရောဂါကို ဘယ်လိုကာကွယ်/ထိန်းချုပ်မလဲ။

သွေးတိုးရောဂါ ရှိနေပြီဆိုရင်တောင် နေထိုင်မှုပုံစံ ပြောင်းလဲခြင်းနဲ့ စနစ်တကျ ထိန်းချုပ်လို့ ရပါတယ်။

အငန် (ဆိုဒီယမ်) လျှော့စားပါ: ဟင်းချက်ရာမှာ ဆား၊ ငံပြာရည်၊ ဟင်းခတ်မှုန့်နဲ့ တာရှည်ခံမုန့်တွေကို လျှော့ချပါ။

ကိုယ်အလေးချိန် ထိန်းပါ: ကိုယ်အလေးချိန် ပုံမှန်ထက် များနေရင် သွေးတိုးဖို့ ရာခိုင်နှုန်း ပိုများပါတယ်။

ပုံမှန်လေ့ကျင့်ခန်းလုပ်ပါ: တစ်နေ့ကို မိနစ် ၃၀ ခန့် လမ်းသွက်သွက်လျှောက်တာမျိုး တစ်ပတ်ကို ၅ ရက်ခန့် ပြုလုပ်ပေးပါ။

စိတ်ဖိစီးမှု လျှော့ချပါ: တရားထိုင်တာ၊ အသက်ရှူလေ့ကျင့်ခန်းလုပ်တာတွေက သွေးဖိအားကို ကျဆင်းစေပါတယ်။

ဆေးကုသမှု စနစ်တကျခံယူပါ: အရေးကြီးဆုံးက ဆရာဝန်ညွှန်ကြားတဲ့ သွေးကျဆေးကို မိမိသဘောနဲ့မိမိ ရပ်လိုက်တာ၊ တိုးသောက်တာမျိုး လုံးဝမလုပ်ဘဲ ပုံမှန်သောက်သုံးဖို့ လိုအပ်ပါတယ်။

🩺 “Health is Wealth - ကျန်းမာခြင်းသည် ရတနာတစ်ပါး” ဖြစ်တာကြောင့် မိမိရဲ့ သွေးဖိအားကို ပုံမှန်တိုင်းတာ စစ်ဆေးဖို့ မမေ့ကြပါနဲ့ဦးနော်။

ဒီအချက်အလက်လေးတွေက အကျိုးရှိစေခဲ့ရင် ကျန်းမာရေးသတိရှိစေဖို့ မိမိချစ်ရသူတွေကိုပါ Mention ခေါ်ပြီး မျှဝေပေးသွားပါဦး။ 💙

16/06/2026

💚Pharmacy Assistant July 2026တန်းခွဲသစ်💚

🌊Starting Date: 25.7.2026🌊

🌊သင်တန်းတွေများပြားလှတဲ့ ခေတ်ကြီးထဲမှာ သင်တန်းရွေးမှန်ဖို့ဆိုရင်တော့ New Wave ရဲ့
Pharmacy Assistant Online Class လေးကိုရွေးချယ်လိုက်ပါ🌊

🌊Online Class ဆိုပေမယ့် လူဦးရေကန့်သတ်ထားပြီး သင်တန်းသားတစ်ဦးချင်းကို သေချာ focus လုပ်ပြီးသင်ကြားပေးတာမို့ အပြင်သင်တန်းနဲ့မခြား အကျိုးရှ်ိစေမှာပါ🌊

💚Online Class ဖြစ်ပေမယ့် အပြင်သင်တန်းတက်ရသလို ထိရောက်မှု အပြည့်အဝ အာမခံတဲ့ New Wave ရဲ့ Pharmacy Assistant (Online Class)တန်းခွဲအသစ်လေး မကြာခင်စတော့မှာမို့ သတင်းကောင်းပါရစေ💚

🌊 Pharmacy Assistant သင်တန်းဆိုတာ ဘာလဲ🌊

💚လက်တွေ့အသုံးချဆေးဝါးများအကြောင်းနှင့် ဆေးဝါးများကိုအသုံးပြုပြီး ကျန်းမာရေးစောင့်ရှောက်မှုပေးနည်းတွေကို သင်ကြားပေးတဲ့ သင်တန်းတစ်ခုဖြစ်ပါတယ်💚

❌ဆေးအလုံးရေ ၅၀၀ ဆေးအလုံးရေ ၁၀၀၀ စသည်ဖြင့် ဆေးအမျိုးအမည်များကို အလွတ်ကျက်ရသည့် သင်တန်း လုံးဝ မဟုတ်ပါဘူး❌

🙏ဆေးဝါးပညာဆိုတာ ခက်ခဲနက်နဲတဲ့ ပညာရပ်တစ်ခုပါ🙏

🌊 ဒါဆို New Wave ရဲ့ Pharmacy Assistant Course မှာ ဘာတွေသင်ပေးမှာလဲ🌊

💊အခြေခံကျသောဆေးဝါးများ၏ အမျိုးအစားများ

💊ဆေးဝါးများ၏ အလုပ်လုပ်ပုံများ

💊ဆေးဝါးများ၏အသုံးပြုနည်းနဲ့ ဘေးထွက်ဆိုးကျိုးများ

💊ဆေးဝါးများအသုံးပြုရာတွင် အဓိကသတိထားရမည့်အချက်များ

💊ဆေးဝါးများကို စံနှုန်းနဲ့အညီ ထိန်းသိမ်းနည်းများ

💊ဆေးဆိုင်ဖွင့်မည့်သူများအတွက် ဆေးဆိုင်လိုင်စင်ပြုလုပ်နည်းများ

💊ဆေးဆိုင်ကြီးများနှင့်ဆေးကုမ္မဏီများမှ ဆေးများမှာယူနည်းများ

💊ဆေးဆိုင်ဖွင့်ရာတွင် ဆေးများကို ခင်းကျင်းထားသိုနည်းများ

💊ဆေးဆိုင်တွင်ရောင်းချရမည့် အသုံးများသော ဆေးဝါးများ

💊အစားအသောက်နှင့်ဆေးဝါးကွပ်ကဲရေးဌာန၏ နည်းဥပဒေများအကြောင်းကို

နည်းစနစ်မှန်ကန်စွာ သင်ကြားပေးမှာဖြစ်ပါတယ်

👩‍💻 Online ကသင်တာဆိုတော့ အဆင်ပြေပါ့မလား👩‍💻

💚 Zoom app နဲ့ face to face သင်ကြားပေးမှာဖြစ်တဲ့အတွက် နားလည်သည်အထိသေချာသင်ကြားပေးတဲ့အပြင် သင်ခန်းစာအတွက် Zoom video recording ကိုလည်းပို့ပေးတာကြောင့် အချိန်မရွေး စာပြန်လေ့လာလို့ရပါတယ်💚

🌊 Certificate ကရောပေးမှာလား🌊

💚Assessment ဖြေဆိုအောင်မြင်ပြီးတဲ့သူတိုင်းအတွက် Certificate ကိုအိမ်တိုင်ရာရောက်ပို့ပေးသွားမှာပါ💚

🌊ဘယ်သူ သင်ကြားပေးမှာလဲ🌊

👩‍🔬ဆေးဝါးပညာရှင်ကိုယ်တိုင် သင်ကြားပေးမှာပါ👩‍🔬

🌊သင်တန်းကြေးနဲ့သင်တန်းကာလကရော🌊

💚သင်တန်းကြေး ၁၅၀၀၀၀ ကျပ်

သင်တန်းကာလ ၁ လ💚

🌊သင်တန်းအချိန် 🌊

💚2:00-3:00PM(Sat, Sun)💚

🌊 သင်တန်းပြီးရင် အလုပ်အကိုင်ချိတ်ဆက်ပေးလား🌊

💚ဆေးရုံဆေးခန်းများရှိ ဆေးကောင်တာများနှင့်ဆေးကုမ္ပဏီများတွင် ဝင်ရောက်လုပ်ကိုင်နိုင်ရန် လမ်းညွှန်ပေးပါတယ်

ဆေးဆိုင်ဖွင့်မည့်သူများအတွက်လည်း အစအဆုံးလမ်းညွှန်ပေးပါတယ် 💚

🌊 သင်တန်းကြေး Discount ပေးတာမျိုးရောရှိလား🌊

💚သင်တန်းသား ၃နှင့် ၃ဦးအထက် အတူတကွစာရင်းပေးသွင်းအပ်နှံမယ်ဆိုရင် 5% Discount ပေးသွားမှာပါ💚

New Wave Center
10 D * 58 I ( မဟာနဒီလမ်း)ထောင့်
မန္တလေး
0943015409
09975903902

28/05/2026

19/05/2026

New Wave သင်တန်းဆင်းများအတွက်
ဆေးဆိုင်အရောင်းဝန်ထမ်း
ဆေးကုမ္ပဏီဝန်ထမ်းများ Vacancy များရှိပါတယ်
လျှောက်ထားလိုသော New Wave သင်တန်းဆင်းများအနေဖြင့် New Wave Page Messenger သို့မဟုတ် ဆရာမရဲ့ viber မှာ CV Form များလာရောက်ပေးပို့နိုင်ပါတယ်