09/05/2026
#ဒီရက်ပိုင်း လူပြောများနေတဲ့၊ ကုသဆေးမရှိသေးတဲ့ "ဟန်တာဗိုင်းရပ်စ်" အကြောင်း 🚨🦠
အခုရက်ပိုင်း ကမ္ဘာ့ကျန်းမာရေးလောကမှာ အထူးသတိထားနေရတဲ့ သတင်းတစ်ခုကတော့ "ဟန်တာဗိုင်းရပ်စ် (Hantavirus)" သတင်းပဲ ဖြစ်ပါတယ်။ အထူးသဖြင့် ကျွန်မတို့နဲ့ နီးစပ်တဲ့ စင်ကာပူနိုင်ငံမှာ ဒီဗိုင်းရပ်စ် ကူးစက်ခံရနိုင်ခြေရှိတဲ့ သံသယလူနာ ၂ ဦးကို အမျိုးသားကူးစက်ရောဂါဗေဒဌာန (NCID) မှာ သီးသန့်ခွဲခြားပြီး စောင့်ကြည့်နေရပြီလို့ သိရပါတယ်။
အခုနောက်ဆုံးရရှိထားတဲ့ သတင်းတွေအရ အာဂျင်တီးနားက ထွက်ခွာလာတဲ့ MV Hondius အပျော်စီးသင်္ဘောပေါ်မှာ လူ ၃ ဦး သေဆုံးခဲ့ပြီး၊ အဲ့ဒီသင်္ဘောပေါ်မှာ ပါလာတဲ့ စင်ကာပူနိုင်ငံသား ၂ ဦးကိုလည်း လက်ရှိမှာ သီးသန့်ခွဲခြားပြီး စောင့်ကြည့်နေရပြီလို့ သိရပါတယ်။
ဒီအခြေအနေဟာ မြန်မာနိုင်ငံအပါအဝင် အာဆီယံနိုင်ငံတွေဆီကို ဟန်တာဗိုင်းရပ်စ်က ခြေဦးလှည့်ပြီး ခြိမ်းခြောက်လာနိုင်မလားဆိုတာ စောင့်ကြည့်ရမယ့်အခြေအနေဖြစ်ပါတယ်။
🔍 **ဘယ်လိုကနေ စတင်ခဲ့တာလဲ?**
အာဂျင်တီးနားနိုင်ငံကနေ ထွက်ခွာလာတဲ့ MV Hondius ဆိုတဲ့ အပျော်စီးသင်္ဘောပေါ်မှာ "Andes hantavirus" ကူးစက်မှု စတင်ဖြစ်ပွားခဲ့တာပါ။ လက်ရှိအချိန်အထိ ဒတ်ခ်ျဇနီးမောင်နှံ ၂ ဦးနဲ့ ဂျာမန်ခရီးသည် ၁ ဦး၊ စုစုပေါင်း ၃ ဦး သေဆုံးခဲ့ပြီးဖြစ်ပါတယ်။ အဲဒီသင်္ဘောပေါ်မှာ လိုက်ပါခဲ့တဲ့ ခရီးသည် ၄၀ ခန့်ဟာ ကျန်းမာရေးစစ်ဆေးမှု မလုပ်ရသေးခင်မှာပဲ သူတို့ရဲ့ နေရပ်နိုင်ငံ ၁၂ နိုင်ငံဆီကို ပြန်သွားခဲ့ကြတာမို့ ကမ္ဘာအနှံ့မှာ အရေးပေါ် ပြင်ဆင်မှုတွေ လုပ်နေကြရပါတယ်။
⚠️ **လူအချင်းချင်း ကူးစက်နိုင်လား?**
ပုံမှန်အားဖြင့် ဟန်တာဗိုင်းရပ်စ်ဟာ ကြွက်တွေရဲ့ ဆီး၊ မစင်နဲ့ တံတွေးတွေကနေတဆင့် အသက်ရှူလမ်းကြောင်းကနေ ကူးစက်နိုင်ပါတယ်။လူကို ကူးစက်တာပါ။ ဒါပေမဲ့ အခုဖြစ်ပွားနေတဲ့ **Andes strain** မျိုးစိတ်ဟာ "လူအချင်းချင်း ကူးစက်နိုင်စွမ်းရှိတယ်" လို့ ကမ္ဘာ့ကျန်းမာရေးအဖွဲ့ (WHO) က အတည်ပြုထားပါတယ်။ ဒါက တကယ့်ကို သတိထားရမယ့် အချက်ပါပဲ။
🤒 **ရောဂါလက္ခဏာများ**
* ဖျားခြင်း၊ ကိုယ်လက်ကိုက်ခဲခြင်း
* အစာအိမ်နှင့် အူလမ်းကြောင်းပြဿနာများ ဖြစ်ခြင်း
* အသက်ရှူရ ခက်ခဲခြင်း (ပြင်းထန်ပါက အသက်အန္တရာယ်ရှိနိုင်ပါတယ်)
🚫 **ကုသဆေးနဲ့ ကာကွယ်ဆေး**
အခုအချိန်အထိ ဟန်တာဗိုင်းရပ်စ်အတွက် တိကျတဲ့ ကုသဆေးရော၊ ကာကွယ်ဆေးပါ မရှိသေးပါဘူး။ ဝေဒနာ သက်သာအောင်ပဲ ပြုစုကုသပေးနိုင်တာဖြစ်လို့ ကြိုတင်ကာကွယ်ဖို့က အဓိကဖြစ်ပါတယ်။
💡 **အကြံပြုချက်**
၁။ ဒီဗိုင်းရပ်စ်ရဲ့ ရောဂါပျိုးသက်တမ်းက ၆ ပတ် (၄၅ ရက်) အထိ ကြာမြင့်နိုင်တာမို့ လက္ခဏာ ချက်ချင်းမပြတတ်တာကို သတိပြုပါ။
၂။ ကြွက်နဲ့ပတ်သက်တဲ့ သန့်ရှင်းရေးကို အထူးဂရုစိုက်ပါ။ကိုယ့်အိမ်မှာ ကြွက်တွေမရှိအောင် ဂရုစိုက်ပါ။ ကြွက်ချေး၊ ကြွက်ဆီး ပေကျံနိုင်တဲ့ နေရာတွေကို သေချာ သန့်ရှင်းရေးလုပ်ပါ။
၃။ ဖျားနာတာ၊ အသက်ရှူရ ခက်ခဲတာမျိုးရှိရင် ဆရာဝန်နှင့်အမြန်ပြသပါ
WHO ရဲ့ ပြောကြားချက်အရ လုံလောက်တဲ့ ကြိုတင်ကာကွယ်မှုတွေ လုပ်ရင်တော့ ကမ္ဘာလုံးဆိုင်ရာ ကပ်ရောဂါအသွင် (Pandemic) ဖြစ်လာနိုင်ခြေ မရှိဘူးလို့ ဆိုပါတယ်။ ဒါကြောင့် မကြောက်ပါနဲ့၊ ဒါပေမဲ့ သတိတော့ ထားသင့်ပါတယ်
#ထွန်းအထူးကုတိုင်းရင်းဆေးခန်း
#ထွန်းသစ္စာဆေးတိုက်
#ထွန်းသစ္စာရှောက်ပေါင်းလိမ်းဆေး
