03/06/2026
နှာစေးချောင်းဆိုးတာနဲ့ အနီးနားက ဆေးဆိုင်မှာ "အဖျားပျောက်ဆေး/ အကိုက်အခဲပျောက်ဆေးနဲ့ ပိုးသတ်ဆေး" ဆိုပြီး သွားစပ်သောက်လေ့ ရှိပါသလား?
"ခဏခဏသောက်နေတာပဲ ဘာမှမဖြစ်ပါဘူး" ဆိုပြီး ပေါ့ဆနေရင်တော့ သင်ဟာ သင့်ခန္ဓာကိုယ်ထဲက ပိုးမွှားတွေကို "ကိုယ်ခံပညာ" သင်ပေးနေတာနဲ့ တူတူပါပဲ။
ဆေးယဉ်ပါးတယ်ဆိုတာ ဘာလဲ? နားလည်လွယ်အောင် ဥပမာလေးတစ်ခု နဲ့ ပြောပြမယ်... 💡
"တစ်ခါ ဒဏ်ရာရဖူးသွားတဲ့ ပိုးမွှား"
သင့်ခန္ဓာကိုယ်ထဲကို ပိုးမွှားတစ်ကောင် ဝင်လာလို့ သင် နေမကောင်းဖြစ်တယ်။ ဆရာဝန်မပြဘဲ ပိုးသတ်ဆေး သောက်လိုက်တဲ့အခါ ဆေးက ပိုးမွှားကို သွားတိုက်ခိုက်တယ်။ ဒါပေမယ့် ရောဂါနဲ့ ဆေးမတည့်တာပဲဖြစ်ဖြစ်၊ ဆေးပတ်လည်အောင် မသောက်တာပဲဖြစ်ဖြစ်ကြောင့် အဲဒီပိုးက လုံးဝမသေဘဲ ဒဏ်ရာနဲ့ ထွက်ပြေးလွတ်မြောက်သွားတယ်။
အဲဒီအခါ အဲဒီပိုးမွှားက မှတ်သားထားလိုက်ပြီ— "အော်... ဒီကောင်တွေ သုံးတဲ့လက်နက် (ဆေး) က ဒါမျိုးပါလား" ဆိုပြီး သူ့ကိုယ်သူ အဆင့်မြှင့် (Evolution) လိုက်တယ်။ နောက်တစ်ခါ အဲဒီပိုး သင့်ဆီ ထပ်ဝင်လာတဲ့အခါ သင် အရင်ဆေးကိုပဲ ထပ်သောက်လည်း သူက မသေတော့ဘူး။ ဘာလို့လဲဆိုတော့ သူက အဲဒီဆေးရဲ့ ဒဏ်ကို ခံနိုင်ရည်ရှိအောင် "ဒိုင်း" လုပ်ပြီးသား ဖြစ်သွားလို့ပါ။
ဒါကိုပဲ "ဆေးယဉ်ပါးခြင်း (Antimicrobial Resistance)" လို့ ခေါ်ပါတယ်။
⚠️ ဆေးယဉ်ပါးသွားရင် ဘာဥပါဒ်တွေ ကြုံရမလဲ?
၁။ ရောဂါမပျောက်တော့ခြင်း
အရင်က သောက်နေကျ ကျပ်ပြားတန်ဆေးက အစွမ်းမပြတော့တဲ့အတွက် ခန္ဓာကိုယ်ထဲမှာ ပိုးတွေက ပိုပွား၊ ရောဂါက ပိုကျွမ်းလာပါလိမ့်မယ်။
၂။ ငွေကုန်ကြေးကျ ပိုများခြင်း
သာမန်သောက်ဆေးနဲ့ မပျောက်တော့တဲ့အတွက် ပိုမိုပြင်းထန်ပြီး ဈေးကြီးတဲ့ (အထူးကုသမှရမယ့်) ဆေးဝါးတွေ၊ ဆေးထိုးဆေးတွေကို ပြောင်းသုံးရပါလိမ့်မယ်။
၃။ အသက်အန္တရာယ် စိုးရိမ်ရခြင်း
တကယ့်ကို ပြင်းထန်တဲ့ အရေးပေါ်အခြေအနေ ရောက်တဲ့အခါ ဘယ်ဆေးနဲ့မှ တိုက်လို့မရဘဲ လွယ်လွယ်ကူကူ ပျောက်ကင်းနိုင်တဲ့ ရောဂါနဲ့တင် အသက်ဆုံးရှုံးရတဲ့အထိ ဒုက္ခပေးနိုင်ပါတယ်။
💡 ဆေးယဉ်ပါးမှုဒဏ်ကနေ ကိုယ့်ကိုယ်ကိုယ် ဘယ်လိုကာကွယ်မလဲ?
ဆရာဝန်ညွှန်ကြားချက်မပါဘဲ ပိုးသတ်ဆေးတွေကို သဘောအလျောက် မဝယ်သောက်ပါနဲ့။ (ဖျားနာတိုင်း ပိုးသတ်ဆေး သောက်စရာမလိုပါဘူး။ ဗိုင်းရပ်စ်ကြောင့်ဖြစ်တဲ့ တုပ်ကွေးဆိုရင် ပိုးသတ်ဆေးက လုံးဝအာနိသင်မရှိပါဘူး)။
ဆရာဝန်က ပိုးသတ်ဆေး ပေးခဲ့ရင်လည်း နေကောင်းသွားတာနဲ့ ဆေးဖြတ်မပစ်ပါနဲ့။ ညွှန်ကြားထားတဲ့ ရက်အတိုင်း (ဆေးပတ်လည်အောင်) သောက်ရပါမယ်။
ကိုယ်နေမကောင်းရင် မိသားစုဝင်တွေကို အရင်က ကိုယ်သောက်ဖူးတဲ့ ဆေးတွေ လျှောက်မတိုက်ပါနဲ့။
"ဆေးဆိုတာ စနစ်တကျသုံးရင် ဘေးကင်းပေမယ့်၊ မသိဘဲ လျှောက်သုံးရင်တော့ ကိုယ့်အသက်ကို ရန်ရှာမယ့် လက်နက် ဖြစ်သွားတတ်ပါတယ်။"
🏥 မိမိတို့ ကျန်းမာရေးအတွက် ဝေဒနာခံစားရပြီဆိုရင် အနီးနားက ကျွမ်းကျင်တဲ့ ဆရာဝန်များ၊ သတ်မှတ်ထားတဲ့ ဆေးခန်းများမှာ သေချာပြသပြီးမှသာ စနစ်တကျ ဆေးဝါးကုသမှု ခံယူကြဖို့ ကျွန်တော်တို့ စံပြ 24hr clinic မှ တိုက်တွန်းနှိုးဆော်လိုက်ရပါတယ်။
📍 စံပြ ၂၄ နာရီဆေးခန်း
ဆန်ဆိုင်းရပ်ကွက် ၊ ပုံလိုမီးပွိင့်အနား ၊ တာချီလိတ်မြို ။
ဆေးခန်းဖွင့်ချိန် - ၂၄ နာရီ
24 hours service number
📌09 688 422 406
📌09 899 519 599
