15/11/2023
ပေးရတဲ့ဈေးနဲ့လည်း တန်သော cream လေး
Fraijour watery cream……
အခုတစ်လော Fraijour ရဲ့ဒီ watery cream ကြောင့် ဝက်ခြံထွက်လာကြသူများတာရော၊ ကိုယ်တိုင်လည်း review ရေးခဲ့ဖူးတာကြောင့် တစ်ခေါက်ထပ်ပြီး တိုတိုနဲ့လိုရင်း၊ အကျဉ်းချုံးလောက်ပဲ သူ့အကြောင်းထပ်ရေးလိုက်တယ်။
Wormwood အစိမ်းရောင် skincare series ထဲက toner မှာ AHA,BHA ပါပေမဲ့၊ ဒီ watery cream က ဘာ AHA,BHA မှ မပါပါ။ တစ်ချို့ပါတယ်ဆိုပြီးအမှတ်မှားနေကြလို့။
နောက် cell turnover rate ကိုမြန်စေပြီး purging ဖြစ်စေနိုင်သော မည်သည့် ingredients မှမပါတာကြောင့် သူ့ကြောင့် purging(ကန်ထွက်) တာမျိုးမရှိနိုင်ပါ။ ကန်ထွက်တယ်ဆိုတာ retinol, AHA, BHA တို့လို cell turnover rate ကိုမြန်စေနိုင်တဲ့ ပါဝင်ပစ္စည်းတွေကြောင့်သာ ကန်ထွက်နိုင်တာ။ ingredient တိုင်းက purging မဖြစ်စေနိုင်ဘူး။
ခြွင်းချက်အနေနဲ့ ကန်ထွက်စေနိုင်သော ပါဝင်ပစ္စည်းပါတဲ့ပစ္စည်းနဲ့ ဒါကိုတွဲသုံးနေရင်တော့ အဲ့ပစ္စည်းကြောင့် ကန်ထွက်လာတာရှိနိုင်တယ်။ ဒီ cream ကြောင့်တော့မဖြစ်နိုင်။
အဲ့တော့ ဒီ cream နဲ့ တည့်တယ်ဆို အဖုမထွက်ဘူး။ မတည့်ရင်အဖုထွက်မယ်။ ဘာမှ ကန်ထွက်တယ်ဆိုပြီး နှစ်ပတ်သုံးပတ်စောင့်နေစရာမလိုဘူး။ သူ့မှာပါတဲ့ ပါဝင်ပစ္စည်းတစ်ခုခုကြောင့်၊ ဒါမှမဟုတ် သူ့ overall formulation ကြောင့် မတည့်တာသာ ဖြစ်နိုင်လို့၊ သူ့ကြောင့်ဝက်ခြံထွက်ရင် ရပ်သာရပ်လိုက်။
ဒီ cream က အစိုဓာတ်တော်တော်ပေးနိုင်တယ်။အရင်နှစ်ဆောင်းတွင်းက ဂျူလီတော်တော်အသားခြောက်တာ၊ cerave moisturizing lotion သုံးထပ်လောက်နေ့တိုင်းပိတ်လိမ်းတာတောင် မျက်နှာကခြောက်ဆဲပဲ။အဲ့ဒါနဲ့ နေ့တိုင်း ညဘက်ကို သူ့ကို ထူထူလေးပြောင်းလိမ်းပြီးအိပ်ကြည့်တာ တစ်ပတ်လောက်နဲ့တင် အသားခြောက်တာ အများကြီးသက်သာသွားတယ်။
အစိုဓာတ်ကောင်းကောင်းပေးနိုင်တာကလွဲ၊ အခြားဝက်ခြံအဆီဖု ဘာမှထူးမသက်သာဘူး။ အစိုဓာတ်လိုအပ်နေချိန် အစိုဓာတ်ရသွားရင်၊ skin barrier တဖြည်းဖြည်းပြန်ကောင်းမယ်။ skin barrier ကောင်းတော့ အသားအရေရဲ့ healing process မြန်မယ်။ ဒီတော့ skin barrier ပျက်လို့ထွက်လာတဲ့ ဝက်ခြံတွေ သက်သာကောင်းသက်သာသွားနိုင်တယ်။ ဒီလောက်ပါပဲ။
ဘယ်လို ရာသီဉတု၊ ဘယ်လို အသားအရေတွေနဲ့ အဆင်ပြေမလဲဆို > အသားခြောက်တတ်ရင် နွေကနေ ဆောင်းအထိသုံးလို့ရနိုင်တယ်။ အေးတဲ့ရာသီဉတုမှာနေတဲ့သူ၊ ရာသီအေးတော့ အမြဲအသားခြောက်လို့ အစိုဓာတ်ကောင်းတာလိုချင်ရင် အဆင်ပြေနိုင်တယ်။ အဆီပြန်တတ်တယ်၊ dewy ဖြစ်တာလည်း မကြိုက်ရင်တော့ အေးတဲ့ဆောင်းရာသီညဘက်လောက်မှလိမ်း။ မနက်ဘက်လိမ်းရင် oxidized ဖြစ်ပြီး မျက်နှာညိုကျသွားတတ်တယ်။
နောက် မန္တလေးလိုဒေသရဲ့ နွေရာသီမှာ အဆီပြန်သမားများ သုံးဖို့မစဉ်းစားပါနဲ့။ ကိုယ့်အဆီနဲ့ကိုယ် ဟင်းတောင်ချက်စားလို့ရပါလိမ့်မယ်။ မီးပျက်တတ်တော့ နွေညဘက်တွေလိမ်းရင်တောင် ပူပြီးအဆီတဝင်းဝင်းနဲ့။ skin type က ဂျူလီ့လို အရမ်းအဆီပြန်လွယ်ရင် အေးတဲ့ဆောင်းညဘက်လောက်ပဲ သုံးကောင်းတယ်။
Let’s care with
Juliee,
Reposting & copying are not permitted.
