18/05/2026
ဆိုင်မှာ. Instock ရပါတယ်နော်
[REVIEW] FIRST IMPRESSION – I’M FROM RICE TONER
Light, comforting, and slightly nourishing – just like rice does to our bodies.
ဒီ I’m From က Rice Toner ကနာမည်ကြီးတဲ့အထဲမှာပါတယ် ပြီးတော့ ဖူးပွင့်ဆီကိုလာပြီးတော့မေးကြတဲ့အထဲမှာ ဒါကိုသုံးသင့်မသုံးသင့်ကိုမေးကြတာလည်းများတယ်။ ဆိုတော့ ဖူးပွင့်အခုတလော skincare collaboration တွေမရှိတုန်း စိတ်ထဲမှာသုံးချင်တာလေးတွေကိုလိုက်ပြီးသုံးနေတဲ့အတွက်ကြောင့်မို့လို့ အချိန်ကိုက်ပြီးတင်လိုက်ပါတယ်။
Rice ကပြောရရင်တော့ အာရှမှာသုံးတဲ့ skincare ingredient တွေထဲမှာနာမည်ကြီးတယ်။ ဟိုးအရင်တည်းကနေပြီးတော့ အခုထိ ဆန်ဆေးရေနဲ့မျက်နှာသစ်တာ၊ ဆံပင်ကိုဆေးတာမျိုးတွေလုပ်ကြတယ်။ အဲ့ဒီလိုလုပ်ရင် အသားညီတယ် ဖြူလာတယ်ပေါ့။ အဲ့ဒီ concept ကိုယူပြီးတော့ Asian skincare brand တွေက skincare line တွေထုတ်ကြတယ်။ ဒါကြောင့်မို့လည်း rice ingredient တွေကိုတော်တော်များများကထုတ်ကြတယ်။
ဒီတစ်ခုကလည်းအဲ့ဒီအတိုင်းဘဲ။ ဆန်ကနေပြီးတော့ထုတ်ထားတဲ့ toner ပေါ့။ အဓိကကတော့ ဆန်နဲ့လုပ်တာပေါ့။ ဆန်ထဲမှာက niacinamide ကသဘာဝအလျောက်ပါပြီးသား။ ငယ်ငယ်တုန်းကကျောင်းမှာသင်ရတယ်လေ ဆန်ထဲမှာ vitamin B3 (niacin) တွေပါတယ်ဆိုပြီးတော့။ အဲ့ဒီ niacin ထဲမှာက niacinamide ကပါပြီးသားပေါ့နော်။ ဖူးပွင့်အမြင်ကတော့ ဒီ toner ကဆန်ကရတဲ့ niacinamide တွေကိုအဓိကထားပြီးထုတ်ထားတဲ့ skincare item တစ်ခုပေါ့။ ဒါကြောင့်လည်း သူက ဒါကိုသုံးရင်အသားကို bright ဖြစ်စေတယ်လို့ပြောထားတယ်။ ဖြူတယ်၊ ဝင်းစေတယ်ပေါ့။ Niacinamide ကတော့ပြောရရင် အသားအရေကိုကာကွယ်ပေးတယ်ပြီးတော့ အားဖြည့်ပေးပြီးတော့ အဖုတွေမထွက်အောင်ကာကွယ်ပေးတယ်လို့ပြောကြတယ်။
Rice toner ထဲမှာပါတဲ့ ingredient တွေအကြောင်းကိုပြောပြီးတော့ ဖူးပွင့်သုံးလိုက်တဲ့ experience နဲ့ result အကြောင်းကိုပြောကြရအောင်။ ဖူးပွင့်အနေနဲ့သုံးတာကနှစ်ပါတ်လောက်ဘဲရှိသေးတဲ့အတွက်ကြောင့်မို့လို့ တစ်ပုလင်းကုန်အောင်သုံးတာနဲ့ယှဥ်လိုက်ရင်နည်းနည်းတော့ကွာမယ်လို့ထင်တယ်။
ဒီ toner ကိုဖူးပွင့်ကအစကထင်တာက အဖြူရောင်ကိုမှ texture နည်းနည်းပျစ်မယ်လို့ထင်တာ။ စသုံးတော့ အထင်နဲ့အမြင်တက်တက်စင်အောင်လွဲတယ်ပေါ့နော်။ သူက ရေလိုမျိုး watery type လို့ပြောရမယ်။ Watery type လို့ပြောပေမယ့် အချို့ watery type toner လိုမျိုး လိမ်းပြီးသွားရင်အေးခနဲဖြစ်သွားတာမျိုးမရှိဘူး။ အသားပေါ်ကိုရေလေးတင်လိုက်သလိုမျိုးဘဲ။ လိမ်းပြီးသွားရင်အသားထဲကိုချက်ချင်းကြီးစိမ့်ဝင်သွားတာမျိုးလည်းမဖြစ်ဘူး။ အသားပေါ်မှာ ၅ စက္ကန့်လောက်နေပြီးတော့မှအသားထဲကိုစိမ့်ဝင်သွားတယ်။ စိမ့်ဝင်ပြီးသွားရင် အသားအရေက comfortable ဖြစ်သွားတယ်။ အသားက moisturised ဖြစ်သွားတယ်ပေါ့။ အပေါ်ကနေပြီးတော့ ကာကွယ်ပေးတဲ့အလွှာလေးတစ်ခုရောက်လာသလိုမျိုးခံစားရတယ်။ အဲ့ဒီလိုမျိုးပေမယ့် အသားကပူပြီးတော့ ချွေးပေါက်ပိတ်မယ့်ဖီလင်လိုမျိုးမဟုတ်ဘူး။ သက်သောင့်သက်သာဘဲ။ Moisturised ဖြစ်စေတဲ့ ဆိုပေမယ့်လည်း အသားပေါ်မှာအဆီတွေကျန်ခဲ့တာမျိုးမဟုတ်ဘူး။ စိုစိုလေးလည်းဖြစ်တယ်။
သူ့ရဲ့ texture နဲ့ formula ကြောင့် တစ်လွှာပြီးတစ်လွှာလိမ်းလို့ကောင်းတယ်။ ဒီ toner ကိုနှစ်လွှာလောက်လိမ်းလိုက်ရင်ကို လိမ်းစရာမလိုတဲ့အထိအသားအရေကို moisturizing factor ဖြည့်ပေးတယ်။ ဖူးပွင့်က moisturizing factor လို့ပြောလို့ ချွေးပေါက်ပိတ်မလား အဆီပြန်မလား ဝက်ခြံထွက်စေမလားလို့ထင်ကြမယ်။ Ingredient list ထဲမှာအဲ့ဒီလိုမျိုးဖြစ်စေတာမျိုးတော့မတွေ့မိဘူး။ ပြီးတော့ တော်တော်များများသိပြီးသားဘဲ niacinamide ကိုလည်းဝက်ခြံအတွက်ထိရောက်တယ်လို့ ရေးကြတယ်နော်။ ဒါကြောင့်မို့ ဒီတစ်ခုကိုလိမ်းလို့ ဝက်ခြံတွေထွက်လာမှာတို့ အဆီဖုတွေထွက်လာမှာတို့ အဆီပိုပြန်လာမှာတို့မရှိဘူး။
All skin type အသားအရေအမျိုးအစားအားလုံးလိမ်းလို့ရတယ်။ (NOT fungal acne safe) ဒါပေမယ့် ဒီတစ်ခုကိုလိမ်းရင်သတိထားရမှာရှိတယ်။ သူ့ကိုလိမ်းလိုက်ရင်အပေါ်မှာရေးထားသလိုမျိုးအသားက moisturised ဖြစ်သွားတဲ့အတွက် ဒီတစ်ခုကိုလိမ်းရင်ကောင်းချင်ဇောနဲ့ toner ကိုလည်းလိမ်း အနောက်ကနေပြီးတော့ serum တွေလိမ်း၊ cream တွေလိမ်း။ အဲ့ဒါမျိုးဆိုရင်တော့အဆင်မပြေဘူး။ အဲ့ဒီလိုမျိုးလိမ်းချင်ရင်လည်း ဖူးပွင့်လို့ dry and dehydrated skin type မှအဆင်ပြေမှာ။
ဘယ်လိုမျိုးလိမ်းသင့်လည်းဆိုတော့ ဒီ toner ကိုလိမ်း၊ ပြီးရင်အနောက်ကနေပြီးတော့ light gel cream လောက်လေးလိမ်း။ ဒါမှမဟုတ်လည်း oily skin, super oily skin, combination skin type with oily zone ဆိုရင် ဒီ toner ကို နှစ်လွှာလောက်လိမ်းပြီးလိမ်းလိုက်ရင်လည်းပြီးတယ်။
ဒါကိုလိမ်းရင် ဝက်ခြံညှစ်ပြီးကျန်ခဲ့တဲ့အမာရွတ်တွေသက်သာနိုင်တယ်။ မျက်နှာကို bright ဖြစ်စေတယ်။ သိသိသာသာကြီးစွတ်စွတ်ဖြူသွားတာထက်စာရင် အသားညီပြီးဖြူလာသလိုမျိုးလေးဖြူတာကိုပြောတာ တင်းတိပ်လို မှဲ့ခြောက်လိုမျိုးအတွက်ကတော့ ဒီတစ်ခုတည်းကအဆင်မပြေလောက်ဘူး။ တခြားဟာတွေထပ်ပြီးတော့ထည့်မှအဆင်ပြေမယ်။
အကျဥ်းချုပ်အားဖြင့်ပြောရရင်တော့ ဒီတစ်ခုက အသားကို moisturized and nourished ဖြစ်စေတဲ့ toner ကိုရှာနေတဲ့သူတွေအတွက်အဆင်ပြေတယ်။ ပြီးတော့ natural ingredient ကထုတ်တဲ့ skincare product ကိုကြိုက်တဲ့သူတွေအတွက်လည်းအဆင်ပြေတယ်။ ဒါမှမဟုတ် ဒီ toner တစ်မျိုးတည်းကိုနှစ်လွှာလောက်လိမ်းပြီးလို့ တခါတည်း sunscreen လေးတန်းလိမ်းရအောင် day routine အမြန်ပြီးချင်တဲ့သူတွေအတွက်လည်းအဆင်ပြေတယ်။ Quick and easy solution လိုမျိုးပေါ့။
ဈေးက 150 ml – 35,000 MMK ဖြစ်တဲ့အတွက် ဈေးသက်သာတဲ့အထဲမှာတော့မပါပေမယ့် ဈေးအရမ်းကြီးတဲ့အထဲမလည်းမပါပါဘူး။ Natural plant ကနေထုတ်တဲ့ skincare product တွေကဈေးကြီးတာများတယ်။ အကြောင်းရင်းက manufacturing process တွေကဈေးကြီးတာရယ်။ ထိရောက်ဖို့ထုတ်ရတဲ့ကုန်ကြမ်းကိုဝယ်ရတာလည်း cost များလို့။
ကဲ review လေးကတော့ဒါပါဘဲ။ စိတ်ဝင်စားလို့ဝယ်ချင်ရင်တော့ I'm From official dealer Mi Mi Dara Korean Cosmetics မှာဝယ်လို့ရပါတယ်။
See you in the next post!
Love,
Rosie
Disclaimer – This was gifted to me by I’m From Myanmar. I am not paid to write this post. This review is 100% my own opinion.
