05/07/2025
🤍
FDA က တားမြစ်ထားတဲ့ Mercury(ပြဒါး) နဲ့ lead(ခဲ) တို့ပါလို့၊ MLM မို့ မသုံးနဲ့ တားတာ ပြဿနာမရှိပေမဲ့၊ ကိုယ်နဲ့အဆင်မပြေတာနဲ့ ဒီပစ္စည်းသုံးသမျှ အခြားလူတိုင်းက ကြာလာရင် မျက်နှာစုတ်မှာ မဟုတ်ဘူး။
ပစ္စည်းတိုင်းက လူ ၁၀၀ ရှိရင် ၁၀၀ လုံးနဲ့မတည့်နိုင်ဘူး။ ဒါက အကုန်လုံးလည်းသိကြမှာပါ။ အဆင်ပြေရင် ဘာလို့အဆင်ပြေလဲ၊ အဆင်မပြေဘူးဆို ဘာကြောင့်အဆင်မပြေဘူးလဲ၊ consumer တွေ သိထားရမဲ့ သတိပြုစရာတွေရှိရင် ပြောပြပေးရမှာ ကိုယ်တွေအလုပ်ပဲ။ သူ့ဘာသူ နာမည်ရှိပြီးသား၊ regulation တင်းကြပ်တဲ့ ဂျပန်မှာတောင် FDA ရလို့၊ တရားဝင်ရောင်းချနေတဲ့ပစ္စည်းမှာ အသားအရေကို တဖြည်းဖြည်းပါးပြီး စားသွားမဲ့ Mercury,lead, steroid တို့မပါလို့ အသားအရေပါးသွားစရာမရှိပါ။ ဖြတ်လိုက်လို့ ဝက်ခြံတွေပြန်ပေါက်ရအောင်လည်း စတီးရွိုက်လည်းမဟုတ်။ မသုံးတော့လို့ ဝက်ခြံပေါက်လာရင်လည်း ဒါက ကိုယ်ဘယ်လို ဆက်ထိန်းသိမ်းသလဲပေါ်ပဲ မူတည်တယ်။
အစကတည်းက စျေးသက်သက်သာသာသုံးရအောင် ထုတ်ထားတဲ့ cleansing oil မို့ တစ်ချို့ cleansing oil တွေလောက် texture ပိုင်းမကျဲ၊ နည်းနည်းပျစ်တာမျိုး ရှိချင်ရှိမယ်။ ဒါပေမဲ့ အောမနေဘူး။ သူ့စျေးနဲ့သူ သုံးရအဆင်ပြေလို့ သုံးနေကြတဲ့သူတွေအတွက် စျေးသက်သက်သာသာနဲ့ တည့်တာတွေ့တာ inflation ကြီးမားတဲ့ဒီခေတ်ကာလမှာ ရွှေပဲ။ တစ်နေရာမှာ ချွေတာလိုက်ခြင်းဖြင့် အခြား step မှာ ငွေပိုသုံးလို့ရသွားတယ်။
အခုခေတ်မှာ review များတိုင်း လိုက်ဝယ်သုံးဖို့မလိုနေဘူး။ လိုက်ဝယ်သုံးချင်တယ်ဆိုလည်း ingredient တွေအကြောင်း၊ product အကြောင်း အကုန်နားမလည်နေတောင် ဒီပစ္စည်းက ကိုယ်နဲ့တည့်လား၊ မတည့်ရင်ရော ဘယ်အချိန်မှာ ရပ်သင့်လဲ၊ ဒီလောက်အခြေခံက သိထားရမယ်။
ကိုယ်က ဒီ cleansing oil သုံးပြီး အဖုထွက်လာရင် အရင်ဆုံး သုံးပုံသုံးနည်းမှန်လား၊ မပြောင်ရင် ချွေးပေါက်ပိတ်နိုင်တဲ့အတွက် သုံးတဲ့မျက်နှာသစ်ဆေးကရော သေချာပြောင်စင်ပေးနိုင်တာမျိုးလား အရင်ဆန်းစစ်ကြည့်။ ကန်ထွက်စေနိုင်တဲ့ ဘာ ပါဝင်ပစ္စည်းမှ မပါတဲ့အတွက် usage မှန်ရဲ့သားနဲ့ အဖုထွက်လာရင် ဒါ 100% မတည့်တာပဲ။ ဘယ်သူ့မှတောင် သွားမေးနေစရာမလိုဘူး။
product တစ်ခု မတည့်ရင် အနည်းဆုံး ၁-၂ ပတ်၊မြန်ရင် တစ်ညနဲ့တင် သိနေရတဲ့ဟာကို၊ မတည့်မှန်းအခုထိမသိဘဲ လချီသုံးမိနေရင်တော့ ဒါကိုယ့်ဘက်က အ တာပဲ။ ဒီလိုတွေမဖြစ်အောင်လည်း patch test,patch test နဲ့ တစ်ချိန်လုံး စမ်းခိုင်းနေတာ။
ဒီ cleansing oil က mineral oil ကို အခြေခံထားတာမို့ mineral oil allergy ရှိရင် မသုံးသင့်ဘူး။ ဒီလိုပဲ။ Ingredient list ကို စစ်ကြည့်ပြီး ကိုယ်နဲ့အဆင်မပြေနိုင်မှာမျိုး ပါနေရင် review ဘယ်လောက်ကောင်းကောင်း၊ စမ်းမသုံးသင့်ဘူး။ နောက်ပြီး မှိုဝက်ခြံ(fungal acne) သမားများဆို cleansing oil အများစုကို မသုံးသင့်တာ။ မှိုဝက်ခြံရှိရဲ့သားနဲ့ သုံးရင်တော့ ကိုယ်ဖြစ်ကိုယ်ခံပေါ့။
မတည့်လို့ ဝက်ခြံထွက်တာကတော့ သိပ်ပြီးမထူးဆန်းနေပါဘူး။ ဘယ်သူမဆို မတည့်တာကရှိတာပဲ။ ထုတ်ပြောတာနဲ့၊ မပြောတာပဲ ကွာသွားတယ်။ ဂျူလီဆို ဝက်ဝက်ကွဲရောင်းနေတဲ့ JM solution cleansing water ဘယ်လိုမှ သုံးမရဘူး။ တစ်ညထဲနဲ့တင် အသားတွေစပ်၊ဝက်ခြံတွေပေါက်လို့။ ဒါပေမဲ့ ကိုယ်မတည့်လို့ လုံးဝမသုံးနဲ့တစ်ခါမှမပြောဖူးဘူး။ စတီးရွိုက်ပါလို့ အမုန်းခံပြောတာ ပြဿနာမရှိပေမဲ့၊ သူ့ဘာသူ အဆင်ပြေလို့ သုံးနေတဲ့သူတွေကို ဘာမှ explanation မရှိဘဲ ဒါသုံးရင်ကို မျက်နှာစုတ်ပြတ်တော့မဲ့အတိုင်း ပြောတာက ဇဝေဇဝါဖြစ်သွားစေတယ်။
ဒီ cleansing oil ဆို ဂျူလီ review အခါခါရေးဖူးတယ်။ ဘာလို့ဆို ကိုယ်နဲ့ တည့်ပြီး အရမ်းသုံးကောင်းလို့။ ဘယ်သူ့ဆီကမှ gift ရတာတောင်မဟုတ်၊ ကိုယ့်ပိုက်ဆံနဲ့ ကိုယ်ဝယ်သုံးနေတာ ဘူးပေါင်းတောင် မရေတွက်နိုင်ဘူး။ အိုးမလုံ အုံပွင့်တယ်လို့ဆိုရအောင်လည်း ကိုယ်ဆိုသည်မှာ review ရေးကတည်းက အိုဗာတင်းမဖျော်ဘဲ ၊ ပြောသင့်ပြောထိုက်တဲ့ သတိပေးချက်အကုန်လုံးကို ထည့်ပြောပြ၊ရှင်းပြပြီးသား။ အိုဗာတင်းဖျော်တဲ့ post တွေလောက်မြင်ပြီး၊ ဝယ်သုံးမိရင်တော့ မပြောတတ်ဘူးပေါ့နော်။
ဆိုတော့ မတည့်တဲ့သူက မတည့်တဲ့အတွက် ဆက်မသုံးနဲ့။ တည့်ရင်က ဆက်သုံး။ ဂျပန်က FDA regulation သည် တင်းကြပ်ပါတယ်။ SPF,PA test တွေနဲ့ပတ်သက်ရင်တောင် ကိုရီးယားသာ SPF scandal ထွက်တယ်၊ ဂျပန် sunscreen တွေဆိုတာ လှည့်ကြည့်စရာမလိုအောင်တောင် SPF,PA ကို စနစ်တကျနဲ့ထုတ်ထားတာ။ အဲ့လိုနိုင်ငံက ထွက်တဲ့ပစ္စည်းက တည့်တဲ့သူကိုပါ မျက်နှာစုတ်ရလောက်အောင် Mercury,steroid,lead တွေမပါဝင်ကြောင်း 100% ယုံထားလို့ရတယ်။
ဘယ်ဂျောင်က ဘယ်ပေါက်မှန်းမသိ၊ ထိုင်းမှာနာမည်ကြီးလို့ပြောပြီး ထိုင်းကောင်တာတွေမှာတောင် မရှိတဲ့ body lotion တွေကျ အသားဖြူတယ်ဆိုတာနဲ့ စတီးရွိုက်ပါမှာ၊ ပြဒါးပါမှာ မကြောက်ဘဲ ဝက်ဝက်ကွဲ ရောင်းကြ၊ဝယ်နေကြပြီး rules & regulations တင်းကြပ်တဲ့နိုင်ငံက ထုတ်ထားတဲ့ product ကျ ကြောက်နေတာ သိပ်တော့ဘဝင်ကျစရာမရှိဘူး။ ပစ္စည်းတစ်ခုက တည့်သူ၊မတည့်သူ အမြဲဒွန်တွဲနေတာမို့၊ ကိုယ်နဲ့မတည့်ရင် ဆက်မသုံးနဲ့။ မတည့်ဘဲသုံးမိလို့၊ မတည့်လို့ ဝက်ခြံထွက်ပြီး ဆေးခန်းပြနေရတာတွေ တွေ့ရင်လည်းစိတ်မကောင်းပါဘူး။နောက်တစ်ခါ ကိုယ့်အသားအရေပေါ် တစ်ခုခုတင်မယ်ဆို အမြဲ patch test စမ်းပါ။
တည့်တဲ့သူတွေကတော့ သံသယကင်းကင်းနဲ့သာ ဆက်သုံးပါ။ သုံးတာကြာလို့ မျက်နှာစုတ်ရအောင်လည်း steroid ပါနေတာမဟုတ်လို့။
Let’s care with
Juliee,
