07/06/2026
" ကုသိုလ်ရေစက် ဆုံချင်ခဲ့ရင် "
ဆရာ့ဆီကို ကလေးကျန်းမာမေးကြတဲ့အခါ အမြဲတမ်း ပရဟိတအနေနဲ့ ဖြေပေးခဲ့ပါတယ်။ တချို့က အဝေးကနေ Money Agent တစ်ခုခုကနေ တိုင်ပင်ဆွေးနွေးခအနေနဲ့ လက်ခံပေးပါလို့ပြောတဲ့အခါတိုင်း ဆရာအလှူလုပ်ဖို့ရှိတယ်၊ အဲဒီကျမှ ပေါင်းပြီးလှူပါလို့ အမြဲပြောခဲ့ပါတယ်။
ဒီနှစ်တော့
အရင် ၂နှစ်ကျော်တုန်းက ဆရာနဲ့ သူငယ်ချင်း နန်းမြတ်ဖြိုးသင်း တူတူလှူခဲ့တဲ့ "အောင်မြေ" ဘုန်းတော်ကြီးသင်စာသင်ကျောင်းမှာ ပြန်လှူမှာပါ။ ဆရာ့ Page မှာရှိတဲ့ ကလေးမိဘတွေနဲ့အတူတူ အရင်နှစ်စဥ်နှစ်တိုင်းလိုပဲ လှူဖို့အစီအစဥ်ရှိပါတယ်။
ဒီ ဇွန်လ ၁၀ ရက်နေ့မှာ ဆရာ့မွေးနေ့ရှိပါတယ်။ တကယ်လိုအပ်တဲ့နေရာတစ်ခုကိုပဲ အမြဲလှူနေကျဖြစ်တဲ့အတိုင်း ကျောင်းသားဦးရေ သုံးရာကျော်ရှိတဲ့ အောင်မြေကျောင်းကို ဒီနှစ်ပြန်လှူပါမယ်။
အကယ်၍ ဆရာနဲ့တူတူ ကုသိုလ်ရေစက်ဆုံပြီး လှူချင်ခဲ့ရင် အလှူငွေ စပြီးလက်ခံပါပြီ။
ဒဂုံဆိပ်ကမ်းမြို့နယ် ၊ ၇၈ ရပ်ကွက်၊ အောင်သပြေလမ်းမှာ "အောင်မြေ ဘုန်းတော်ကြီးသင်ပညာရေးကျောင်း" မှာ နှစ်စဥ် ကျောင်းသားဦးရေ သုံးရာဝန်းကျင်ခန့်ကို ပညာသင်ပေးနေပါတယ်။
လွန်ခဲ့တဲ့နှစ်များကတော့ ဘုန်းဘုန်းဆီကို ကလေးတွေအတွက်စာသင်ဖို့ ကျောင်းအဆောင်သစ် ဆောက်ဖို့ အလှူရှင်ရောက်လာပါတယ်။ အလှူရှင်ရှိပြီဆိုတော့ ဘုန်းဘုန်းလဲ ကျောင်းစဆောက်ပါတယ်။ ကျောင်းဆောက်နေဆဲမှာပဲ အလှူရှင်က ရုတ်တရက် ဆုံးပါးသွားခဲ့ပါတယ်။ ဆက်ပြီးလှူဖို့လဲမဖြစ်နိုင်တော့တာကြောင့် စာသင်ကျောင်းဆောက်နေတာက တန်းလန်းကြီးနဲ့ ဘာမှဆက်မလုပ်နိုင်၊ ဘုန်းဘုန်းလဲ တခါမှမဖြစ်စဖူး ပစ္စည်းကြွေး တွေပါတင်ပြီး ဒုက္ခရောက်နေခဲ့တယ်။ ဘုန်းတော်ကြီးသင်ကျောင်းက ကလေးတွေက ဆင်းရဲနွမ်းပါးတဲ့ကလေးတွေအများစုဖြစ်ပါတယ်။ ကျောင်းမရှိပေမယ့် ကလေးတွေကိုတော့ဆက်ပြီး ရှိတဲ့နေရာလေးမှာ ရအောင်သင်ပေးခဲ့ရင်း ခုတော့ စာသင်ကျောင်းက အမိုးလုံအကာလုံဖြစ်လာပါပြီ။ ဒါပေမယ့် လိုအပ်ချက်တွေရှိနေဆဲပါ။ နွမ်းပါးတဲ့ကျောင်းသားတွေရှိနေဆဲပါ။
လာမယ့် ဗုဒ္ဓဟူးနေ့ ( ၁၀.၆.၂၀၂၆ ) ဆရာ့မွေးနေ့ရက်မှာ အောင်မြေဘုန်းတော်ကြီးသင်ပညာရေးကျောင်းမှာ အလှူလုပ်ဖြစ်ပါမယ်။
နီးတဲ့မိဘတွေ လာချင်ရင် မနက် ကိုးနာရီ (၉:၀၀ နာရီ) အခမ်းအနား စတင်ပါမယ်။
ကုသိုလ်ယူဖို့ စိတ်ဝင်စားလို့ လှူချင်တဲ့ ကလေးမိဘတွေဆီကတော့ ကလေးတွေအတွက် လိုအပ်တဲ့ သင်ထောက်ကူပစ္စည်းဝယ်ဖို့နဲ့ စာသင်ကျောင်းအတွက် အလှူငွေ ကူညီကောက်ခံချင်ပါတယ်။
လှူဒါန်းပါဝင်ချင်တဲ့ ကလေးမိဘတွေက kPay မှတဆင့် ပါဝင်လှူဒါန်းနိုင်ပါတယ်။
09421953244 - Su Su Phyo
kPay account ကိုလွှဲနိုင်ပါတယ်။
ဆရာ့မှာစာရင်း ကူလုပ်ပေးမယ့် အင်အားမရှိတာကြောင့် အလှူငွေကိုတော့ တစ်သောင်းကျပ်က စပြီးထည့်ဝင်ဖို့ မေတ္တာရပ်ခံချင်ပါတယ်။ တစ်သောင်းအထက် ကြိုက်သလောက်ထည့်ဝင်နိုင်ပါတယ်။ Screenshot ကို messenger က လာပြပေးပါ။
၉.၆.၂၀၂၆ အထိပဲ အလှူငွေကောက်ခံပါမယ်။ ၉.၆.၂၀၂၆ ည မှာ အလှူရှင်စာရင်းနဲ့ ကောက်ခံရရှိငွေကို ပြန်ပြီး တင်ပေးပါမယ်။
စိတ်ဝင်တစား ကူညီကြတဲ့ ကလေးမိဘအားလုံးကို ဆရာကျေးဇူးအများကြီးတင်ပါတယ်။
စိုင်းမြတ်သူ
