27/05/2026
လူကောင်း မရှိကြတော့ဘူးလား
ငွေဒဏ် မခံနိုင်ကြတာ များတယ်
"ယုံအောင်ဟန်ပြပြီး... သိန်း ၉ သောင်းကျော်နဲ့ မိသားစုလိုက် လစ်ပြေးသွားပြီလား?"
လူတွေရဲ့ ယုံကြည်မှုကို အသုံးချပြီး ဟန်ပြ စီးပွားရေးတွေလုပ်၊ နောက်ဆုံးတော့ ငွေကျပ် သိန်းပေါင်း (၉) သောင်းကျော်ကို တစ်ညတည်းနဲ့ အကုန်သိမ်းပြီး မိသားစုလိုက် လစ်ပြေးသွားတယ်လို့ ယူဆရတဲ့ ရန်ကုန်မြို့က အံ့မခန်း ဖြစ်ရပ်အကြောင်းကို ပရိသတ်ကြီး ကြားပြီးကြပြီလား?
ဖြစ်စဉ်က ဒီလိုပါ။ ရန်ကုန်မြို့၊ ကုန်သည်လမ်းနဲ့ သိမ်ဖြူလမ်းထောင့်လို နေရာကောင်းမှာ "Joy Family Mart" ဆိုတဲ့ ကုန်စုံဆိုင် ဖွင့်လှစ်ထားတဲ့ လုပ်ငန်းရှင် ဦးကျင့်ခန့်စိန် နဲ့ ဇနီးဖြစ်သူတို့ဟာ (၂) ဦးစလုံး ကျန်းမာရေးဓာတ်ခွဲကျွမ်းကျင် ဘွဲ့ရထားသူတွေဖြစ်ပြီး လူထုရဲ့ ယုံကြည်မှုကို အပြည့်အဝ ရရှိထားသူတွေ ဖြစ်ပါတယ်။
အဲဒီလို ယုံကြည်ရလောက်တဲ့ ဟန်ပန်တွေနဲ့ အကြောင်းပြချက်အမျိုးမျိုး၊ အတိုးနှုန်းအမျိုးမျိုး ပေးမယ်ဆိုပြီး အသိမိတ်ဆွေတွေဆီကနေ ငွေကြေးတွေ အမြောက်အမြား ချေးယူခဲ့ပါတယ်။ ဒါပေမယ့် ပြီးခဲ့တဲ့ ဧပြီလ (၂၉) ရက်နေ့မှာတော့ မော်တော်ယာဉ်အမှတ် (5R/3962) ကားလေးနဲ့ "ညစာသွားစားမလို့" ဆိုပြီး သားသမီးတွေအပြင် အိမ်အကူဖြစ်သူ မကိမ်ဘွဲ့ ကိုပါ တစ်ပါတည်း ခေါ်ဆောင်ကာ မိသားစုလိုက် ရုတ်တရက် ပျောက်ကွယ်သွားခဲ့တာ ဒီကနေ့အထိ (၁) လနီးပါး ရှိလာခဲ့ပါပြီ။
စစချင်းမှာတော့ အန္တရာယ်တစ်ခုခုများ ကြုံရလို့ ပျောက်ဆုံးနေတာလားဆိုပြီး လူမှုကွန်ရက်မှာ ဝိုင်းဝန်းရှာဖွေပေးခဲ့ကြပေမယ့်... နောက်ကွယ်က အကြွေးစာရင်းတွေ ထွက်ပေါ်လာချိန်မှာတော့ အားလုံး ပါးစပ်ဟောင်းလောင်း ဖြစ်ခဲ့ရပါတယ်။ လက်ရှိ စုံစမ်းသိရှိရသရွေ့ အကြွေးရှင်အသီးသီးဆီကနေ ချေးယူသွားတဲ့ စုစုပေါင်း ငွေကြေးပမာဏဟာ "မြန်မာငွေကျပ် သိန်းပေါင်း ၉ သောင်းကျော်" (၉,၀၀၀,၀၀၀,၀၀၀ ကျပ်ခန့်) အထိ ရှိနေတယ်လို့ သိရပါတယ်။
အခုဆိုရင် ချင်းအမျိုးသား အကြွေးရှင်တစ်ဦးအပါအဝင် ငွေကျပ် သိန်းရာချီ၊ ထောင်ချီ ထုတ်ချေးထားတဲ့ အကြွေးရှင်တွေခမျာ သူတို့ရဲ့ ငွေတွေကို တစ်မိုးအောက် အကုန်လိပ်ပြီး ကြိုတင် စီစဉ်ထားတဲ့အတိုင်း တိမ်းရှောင်သွားပြီလား ဆိုတဲ့ စိုးရိမ်ပူပန်မှုတွေနဲ့ သောကရောက်နေကြရပါပြီ။ (တချို့သော အကြွေးရှင်တွေကတော့ အခြေအနေကို စောင့်ကြည့်ချင်သေးလို့ ငွေပမာဏကို ထုတ်မပြောကြသေးပါဘူး)
ပရိသတ်ကြီးတို့ရော... ဒါဟာ တကယ်ပဲ ကြိုတင် အကွက်ချပြီး ယုံအောင်ဟန်ပြကာ ညစာစားမယ်ဆိုတဲ့ ခေါင်းစဉ်နဲ့ လစ်ပြေးသွားတာလို့ ထင်ပါသလား? အခြားသူတွေလည်း ဒီလို ယုံကြည်ရပါတယ်ဆိုတဲ့ ဟန်ပြသမားတွေကို သတိထားနိုင်အောင်နဲ့ ဒီမိသားစုကို အမြန်ဆုံး ရှာတွေ့နိုင်အောင် Post လေးကို ဝိုင်းဝန်း မျှဝေ ပေးသွားကြပါဦးခင်ဗျာ။
