https://www.facebook.com/104475765614543/

Khin May Kha, Yangon (2026)

10/06/2026

ရေခဲသေတ္တာ မရှိတဲ့နေရာဒေသတွေ၊ လျှပ်စစ်မီးအပြည့်အဝ မရတဲ့နေရာဒေသတွေ၊ အချိန်တွေမှာ insulin ကို ဘယ်လိုသိမ်းကြမလဲ 🧐❓

👉မဖွင့်ဖောက်ထားသော Insulin ထိုးဆေးများကို ပုံမှန်အားဖြင့် ရေခဲသေတ္တာထဲတွင် 2’C - 8’C ကြားအပူချိန်တွင် သိမ်းဆည်းရပါတယ်။

👉ဖွင့်ဖောက်ပြီးပါက 25’C - 37’C ရှိသော အခန်းအပူချိန်မျိုးတွင် ရက်သတ္တပတ် ၄ပတ် အထိထားရှိနိုင်ပါတယ်။

👉နယ်မှဆေးလာကုကြသော ဦးဦး၊ ဒေါ်ဒေါ် တို့သည် Insulin ထိုးဆေးများကို နယ်တွင်အလွယ်တကူမရနိုင်သောကြောင့်ကြိုတင်ကာဝယ်သွားလေ့ရှိပါတယ်။

👉ရေခဲသေတ္တာ မရှိသော နေရာဒေသမျိုးတွင်၊
မီးပုံမှန်မရရှိသော အချိန်မျိုးတွင် အခြားသော သိမ်းဆည်းနည်းတွေထက် မြေအိုးထဲတွင်ထဲ့၍ သိမ်းဆည်းခြင်းသည် ကုန်ကျစရိတ်အနဲဆုံးနှင့် အထိရောက်ဆုံးသိမ်းဆည်းခြင်းပဲဖြစ်ပါတယ်။

✨Insulin ထိုးဆေးပုလင်း (သို့) Insulin pen ကို ရေမဝင်အောင် အိတ်ထဲထဲ့ပါ။

✨မြေအိုးအကြီးနှင့်အသေး၂လုံး လိုအပ်ပါမယ်။

✨မြေအိုးအကြီးထဲကို မြေအိုးအသေးထဲ့ပြီး အိုး၂အိုးကြားထဲ နေရာကို စိုစွတ်သောမြေ၊ သဲ တို့ကို ထဲ့ထားပေးခြင်းဖြင့် အိုးထဲအပူချိန်အေးမြနေအောင် ထိန်းထားနိုင်မှာဖြစ်ပါတယ်။

✨အဲ့လိုပြင်ဆင်ပြီးရင်တော့ အိုးလေးထဲမှာထဲ့၍ သိမ်းဆည်းနိုင်ပါပြီ။

🔺Refrigerator မရှိသောနေရာများတွင် Insulin ကို မြေအိုးထဲတွင် သိမ်းဆည်းခြင်းသည် short-term storage အတွက် အကောင်းဆုံးဖြစ်ပါတယ်။

🔺Insulin ထိုးဆေးများကို နေရောင်နှင့်တိုက်ရိုက်ထိတွေ့နိုင်သော နေရာမျိုးမှာထားခြင်း၊ အေးခဲလွန်းသော နေရာမျိုးမှာသိမ်းဆည်းခြင်း၊ အပူချိန်မြင့်သောနေရာမျိုးမှာ ထားခြင်းတို့သည် ဆေးပျက်ခြင်း၊ ဆေးဝါးအာနိသင်ကို ထိရောက်စွာ မရရှိနိုင်ခြင်းတို့ကိုဖြစ်စေနိုင်သောကြောင့် သတိထားမိစေရန်နှင့် Insulin ထိုးဆေးများ၏ ဆေးဝါးအာနိသင် အပြည့်အဝရနိုင်စေရန် ရည်ရွယ်၍ insulin ထိုးဆေး ပြောင်းလဲသိမ်းဆည်းနည်းလေးကို မျှဝေပေးလိုက်ပါတယ်ရှင်✍️

👩‍💻🫶
👩🏻‍⚕️🙌
📖

***copy ကူးယူခြင်းခွင့်မပြုပါ
မျှဝေနိုင်ပါသည်***

05/06/2026

ဒီနေ့ကတော့ ဆီးချိုဝေဒနာရှင်များအတွက် insulin အကြောင်းလေး မျှဝေပေးထားပါတယ်👩🏻‍⚕️

Antidiabetic hormone ဖြစ်တဲ့ Insulin ဆိုတာ pancreas ရဲ့ beta cell တွေကနေ ထုတ်လွှတ်ပေးနေတဲ့ hormone တမျိုးပဲဖြစ်ပါတယ်💁‍♀️

အစာစားပြီးတဲ့အခါ insulin hormone ဟာ သွေးထဲထွက်လာပြီး သွေးထဲမှာရှိတဲ့ အချိုဓာတ် ( blood glucose level ) ကိုထိန်းညှိပေးပါတယ်💁‍♀️

ခန္ဓာကိုယ်က insulinကို လုံလုံလောက်လောက်မထုတ်နိုင်တဲ့အခါ၊ ထုတ်လွှတ်ပေးတဲ့ insulin ကို ခန္ဓာကိုယ်က အချိုဓာတ်ထိန်းညှိတဲ့နေရာမှာ ကောင်းကောင်းမသုံးစွဲနိုင်တဲ့အခါမျိုးတွေမှာ insulin ကိုပြင်ပကနေ ထိုးပေးကြရပါတယ်💁‍♀️

Insulin ကို ထိုးဆေးအနေနဲ့

• Rapid-acting insulin (insulin lispro)
• Short-acting insulin (regular insulin)
• Intermediate-acting insulin (insulin NPH)
• Long-acting insulin (insulin Glargine)
ဆိုပြီး အမျိုးအစားလေးမျိုးနဲ့တွေ့ရပါတယ်🧏‍♀️

ဆေးလေးရဲ့ လုပ်ဆောင်ချက်ကတော့ သွေးထဲက glucose ကို body cell ထဲထဲ့ပေးမယ်၊ အသည်းနဲ့ ကြွက်သားတွေမှာ glucose ကို glycogen အနေနဲ့ ပြောင်းလဲစုဆောင်းပေးခြင်းဖြင့် သွေးထဲက glucose level ကိုကျစေပါတယ်🧏‍♀️

Insulin ကို

• Type 1 Diabetes Mellitus
• Type 2 Diabetes Mellitus
• Diabetic ketoacidosis (DKA)
• Gestational diabetes
• Hyperkalemia (with glucose) တွေမှာ glucose level ကို ထိန်းညှိရန်အတွက်ပေးရပါတယ်💁‍♀️

Insulin ကို digestive enzymes (အစာချေ အင်ဇိုင်း)တွေက ဖျက်ဆီးနိုင်သောကြောင့် သောက်ဆေးပုံစံအနေနဲ့ မရရှိနိုင်ပါဘူး💁‍♀️

Insulin ကို လူနာတဦးခြင်းစီရဲ့ လိုအပ်ချက်ပေါ်မူတည်ပြီး

• Subcutaneous injection
• Insulin pen
• Insulin pump တွေအနေနဲ့ ဆရာဝန်များ ညွှန်ကြားကြပါတယ်💁‍♀️

Side effects အနေနဲ့ကတော့

-ဗိုက်ဆာတာ၊ မူးဝေတာ၊ တုန်ရီတာ၊ ချွေးထွက်တာ၊ ဂယောင်ချောက်ခြားဖြစ်တာ အစရှိတဲ့ ဆီးချိုကျခြင်းလက္ခဏာများ ဖြစ်တတ်သလို

-အချို့သူတွေမှာ body weight တက်တာ၊

-ဆေးထိုးတဲ့နေရာတွေမှာ နီမြဲတာ၊ဖောရောင်ရမ်းလာတာ၊ ယားယံတာမျိုးတွေ ဖြစ်တတ်ပါတယ်။

Insulin ကို ဘယ်လိုသိမ်းဆည်းရမလဲဆိုရင်

📌မဖွင့်ရသေးတဲ့ insulin ကို refrigerator ထဲမှာ 2 to 8 degrees Celsius မှာ သိမ်းပါ။

📌ဆေးကို အေးခဲသော အခဲခန်းမှာ မထားရပါ။

📌ဆေးကို နေပူတိုက်ရိုက်ထိတွေ့နိုင်သောနေရာမှာ မထားရပါ။

📌ဆေးကို ဖွင့်ဖောက်ပြီးပါက room temperature ( 25’C ) မှာ ထားနိုင်ပါတယ်။

📌Insulin ထိုးဆေးပုလင်းများမှာ သုံးစွဲတဲ့ brand ပေါ်မူတည်ပြီး ဖွင့်ဖောက်ပြီးပါက၂၈ ရက်မှ ၄၂ ရက်အတွင်း သုံးစွဲနိုင်ပါတယ်။

📌Insulin pen များကိုတော့ ဖွင့်ဖောက်ပြီးပါက ၂၈ရက်မှ ၃၂ရက်အတွင်း သုံးစွဲနိုင်ပါတယ်။

📌မဖွင့်ဖောက်ထားတဲ့ insulin များကိုတော့ ဘူးမှာ expiry date ရှိသည်အထိ ဆေးအာနိသင်ရှိနေမှာဖြစ်ပါတယ်။

Insulin ထိုးနေသော လူနာတွေအနေနဲ့ သတိပြုရမဲ့အချက်တွေကတော့

🔺မိမိရဲ့သွေးတွင်းအချိုဓာတ်ကို ဆရာဝန်ညွှန်ကြားချက်အတိုင်း ပုံမှန်တိုင်းထားပြီး recordလေးရေးမှတ်ထားရန် လိုပါတယ်။

🔺ဆေးထိုးရာမှာလဲ တနေရာထဲကို မထိုးဘဲ နေရာရွှေ့ပြောင်းကာထိုးပေးခြင်းဖြင့် injection site reactions မဖြစ်အောင် သတိပြုရပါမယ်။

🔺Rapid-acting Insulin နှင့် Short-acting insulin ထိုးပြီးရင် အစာစားရပါမယ်။

🔺သွေးတွင်းအချိုဓာတ်ကျဆင်းခြင်း မဖြစ်အောင် သတိထားရပါမယ်။

🔺ဆေးဝါးပျက်ဆီးမှု မဖြစ်အောင် ဆေးကို စနစ်တကျ သိမ်းဆည်းရပါမယ်။

Insulin သည် ဆီးချိုထိန်းချုပ်ရာမှာ အရေးကြီးသောနေရာမှ ပါဝင်နေသော vital hormone တမျိုးဖြစ်ပါတယ်။စနစ်တကျ နည်းမှန်လမ်းမှန်သုံးစွဲခြင်းဖြင့် သွေးတွင်းအချိုဓာတ်ကို ကောင်းမွန်စွာထိန်းထားနိုင်ခြင်း၊ ဆီးချိုကြောင့်နောက်ဆက်တွဲဆိုးကျိုးတွေကို တားဆီးနိုင်ခြင်းဖြင့် မိမိရဲ့ quality of life ကို ပိုမိုကောင်းမွန်လာစေနိုင်ပါတယ်💁‍♀️

ဆီးချို ဆေးဝါးလေးတွေရဲ့ brand လေးတွေနဲ့ ဆေးရဲ့အာနိသင်ရရှိချိန်လေးတွေကို ပုံလေးတွေနဲ့ ဖော်ပြထားပေးပါတယ်ရှင်💁‍♀️

အားလုံးပဲ ကျန်းမာကြပါစေရှင်🙌

👩‍💻
👩🏻‍⚕️
📖

***copyကူးယူခွင့်မပြုပါရှင် မျှဝေနိုင်ပါသည်။***

04/06/2026

လူနာ အတော်များများရင်းနှီးပြီးသားဖြစ်တဲ့ ပိုးသတ်ဆေးလေးတမျိုးအကြောင်းပြောပြပေးထားပါတယ်ရှင်👩🏻‍⚕️

အဲ့ဆေးလေးကတော့ Penicillin အုပ်စုဝင် ဖြစ်တဲ့ Amoxicillin 💊 လေးပဲဖြစ်ပါတယ်။

Amoxicillin သည်Broad-spectrum Antibiotic ဖြစ်ပြီး Gram-positive bacteria တော်တော်များများကို နှိမ်နှင်းနိုင်တဲ့အပြင် အချို့သော Gram-negative bacteria တွေကိုလဲ နှိမ်နှင်းနိုင်ပါတယ်။

Amoxicillin ကို capsules, tablets, oral suspension ကဲ့သိုသော ဆေးဝါးပုံစံမျိုးတွေနဲ့ ရရှိနိုင်ပါတယ်။

ဆေးလေးရဲ့လုပ်ဆောင်ချက်ကတော့ bacteria cell wall synthesis ကိုတားပြီး bacteria ကိုသေစေပါတယ်။

Amoxicillin ကို
-အသက်ရှူလမ်းကြောင်းဆိုင်ရာ ပိုးဝင်ခြင်း
-နားအတွင်းပိုင်း ပိုးဝင်ရောင်ရမ်းခြင်း
-လည်ချောင်းပိုင်း ပိုးဝင်ခြင်း
-ဆီးလမ်းကြောင်း ပိုးဝင်ခြင်း
-အရေပြားဆိုင်ရာ ပိုးဝင်ခြင်း
-သွားနှင့်ခံတွင်းဆိုင်ရာ ပိုးဝင်ခြင်း တို့အတွက် လူကြီးများရော ကလေးသူငယ်များမှာပါ ဆရာဝန်များပေးကြပါတယ်။

Side effects တွေအနေနဲ့ကတော့
-ဆေးနဲ့ဓာတ်မတည့်တာ
-မူးဝေတာ
-ပျို့အန်တာ
-ဝမ်းလျှောတာနဲ့
-အရေပြား ယားယံတာတွေ ဖြစ်တတ်ပါတယ်။

🔺Penicillin အုပ်စုဝင် antibiotic ဖြစ်လို့ Penicillin allergy ရှိသူတွေဆိုရင် သက်ဆိုင်ရာဆရာဝန်ကို allergy ရှိကြောင်းကြိုတင်ပြောပြထားရပါမယ်။

🔺ကျောက်ကပ်မကောင်းသောလူနာတွေမှာလဲ ဆေးရဲ့ dose ပမာဏကိုလျော့ရမှာဖြစ်ပါတယ်။

🔺Warfarin လို သွေးကျဲဆေးသောက်နေသူတွေ၊ Gout အတွက် Allopurinol သောက်နေသူတွေ၊ တားဆေးသောက်သုံးနေသူများလဲ သတိထားသင့်ပါတယ်။ Amoxicillin မှာ ထိုဆေးများနှင့် ဆေးဝါးဓာတ်ပြုမှုများရှိသောကြောင့် မိမိသောက်နေသောဆေးများအား သက်ဆိုင်ရာဆရာဝန်ကို ကြိုတင်ပြောပြထားသင့်ပါတယ်ရှင့်။

လူနာများအနေနဲ့ ပိုးသတ်ဆေးဝါးတွေနှင့် ပတ်သက်လို့ သတိထားရမှာကတော့

-ဆေးကို ဆရာဝန်ညွှန်ကြားချက်အတိုင်း အချိန်မှန် ရက်ပြည့်အောင်သောက်ရပါမယ်🧏‍♀️

-oral suspension ဆေးရည်ပုလင်းများကို မသောက်ခင် shake လုပ်ရပါမယ်🧏‍♀️

-ဆေးဝါးနှင့်ဓာတ်မတည့်သော လက္ခဏာများ ဖြစ်လာပါက ဆရာဝန်နှင့် ချက်ခြင်းပြန်ပြရပါမယ်🧏‍♀️

-Virus 🦠ကြောင့်ဖြစ်သော တုပ်ကွေးဖျားနာများအတွက်လဲ သုံးလို့မရပါဘူးရှင်🙅‍♀️

📍မိမိသဘောနှင့်မိမိ ပိုးသတ်ဆေးများကို သောက်သုံးခြင်းသည် Antibiotics misuse ဖြစ်ပြီး ပိုးသတ်ဆေးယဉ်ပါးမှုကို ဖြစ်စေနိုင်သောကြောင့် ပိုးသတ်ဆေးများကို သက်ဆိုင်ရာဆရာဝန်ညွှန်ကြားချက်မပါပဲ မသောက်သုံးရပါဘူးရှင်💁‍♀️

Amoxicillin ပါဝင်သော antibiotic သုံးစွဲနေရသူတွေအတွက် ဗဟုသုတအနေနဲ့မျှဝေပေးခြင်း ဖြစ်ပါတယ်ရှင့်✍️✍️✍️

အားလုံးပဲ ကျန်းမာကြပါစေရှင် 👩🏻‍⚕️💊🫶

👩‍💻
👩🏻‍⚕️
📖

***Copy ကူးခြင်းခွင့်မပြုပါရှင်။
မျှဝေနိုင်ပါသည်။****

10/02/2026

Iron injection/infusion 🩸💉👩🏻‍⚕️

🩸💉IV iron တွေကို oral iron therapy ကို absolute non-compliance သမားတွေ၊ intolerance ဖြစ်တဲ့သူတွေ၊ iron malabsorption လူနာတွေနှင့် rapid Hb response ရရန်လိုအပ်နေသူတွေမှာသုံးကြပါတယ်။

🩸အခုလက်ရှိ ဆေးရုံတွေမှာ အသုံးပြုနေတာကတော့ iron sucrose injection နဲ့ FERCARI ( iron carboxymaltose injection )တွေဖြစ်ပါတယ်။

🩸ဒီ post လေးကတော့ သူတို့လေးတွေရဲ့ အားသာချက်၊ အားနဲချက် နဲ့ အသုံးပြုရမဲ့အချိန်လေးတွေ သတိထားမိနိုင်ရန်အတွက်ရည်ရွယ်ပါတယ်။

💉Iron injection နှစ်မျိုးရဲ့ကွာခြားချက်လေးတွေကတော့

🩸Iron sucrose တွင် elemental iron 20mg/ml ပါဝင်ပြီး slow IV injection or infusion ပေးလို့ရပါတယ်။ 1000mg ကို divided into 3 doses/week နဲ့ပေးရပါတယ်။ တခါပေးရင် maximum dose 200mg နဲ့ တပတ်ကို ၃ ရက်လောက်ခွဲပေးရပါတယ်။ Full therapeutic dose မပေးခင်မှာ test dose လုပ်ရန်လိုပါတယ်။ Dialysis patients တွေ နှင့် non-dialysis CKD patients တွေမှာသုံးပါတယ်။
အားနဲချက်အနေနဲ့ smaller repeated dose ပေးရပါတယ်။ side effects တွေက mild common symptoms တွေပဲဖြစ်တတ်ပါတယ်။

🩸Ferric carboxymaltose မှာတော့ elemental iron 50mg/ml ပါဝင်ပါတယ်။ သူလဲ slow injection or infusion ပေးလို့ရပါတယ်။ iron sucrose နဲ့ မတူတဲ့အချက်က FCM ကိုတော့ တကြိမ်တည်းနှင့် 1000mg high dose ကို over 15 minutes လောက်နဲ့ ပေးလို့ရပါတယ်။ test dose လဲလုပ်စရာ မလိုပါဘူး။ side effects ကလဲ မရှိသလောက်နဲပါးပါတယ်။ FCM ဆေး dose ကိုတော့ Hb level, body weight နဲ့ age ပေါ်မူတည်ပြီး 500mg, 1000mg, 1500mg, 2000mg ထိ ပေးကြပါတယ်။ မြန်မာနိုင်ငံမှာတော့ ပုံမှန်အားဖြင့် Hb 10-14g/dL , body weight 35-70kg ကြားရှိသောသူများသောကြောင့် 1000mg ပေးလေ့ရှိပါတယ်။ oral iron fail ဖြစ်သော iron deficiency သမားတွေ၊ CKD patients တွေနှင့် heart failure patients တွေမှာပေးပါတယ်။ Iron sucrose နဲ့ ကွာခြားချက်က hypophosphatemia ဖြစ်တာ ပိုပြီး significant ဖြစ်ပါတယ်။ အားသာချက်ကတော့ Hemoglobin တက်တာမြန်စေတယ်၊ တခါတည်းနဲ့ high dose ပေးလို့ရလို့ patients’ hospital visits နဲစေတယ်။

🩸IV Iron supplements တွေကို ကိုယ်ဝန်ဆောင်ချိန် 1st trimester နှင့် နို့တိုက်မိခင်တွေမှာ မသုံးရပါဘူး။

Oral iron therapy ကတော့ first line treatment ဖြစ်ပေမဲ့ oral iron ကို intolerance ဖြစ်တဲ့မေမေတွေမှာ Pregnancy phase 2nd trimester နဲ့ 3rd trimester တွေမှာ ပေးလို့ရပါတယ်။

🩸Oral ဆေးများအတွက် Effective therapeutic dose ရဖို့အတွက်ဆိုရင် Oral iron supplements များမှာ ပါဝင်သော elemental iron ပမာဏကိုကြည့်၍ oral ဆေးများကို တနေ့ ၂ကြိမ် -၃ကြိမ် ပေးနိုင်ပါတယ်။

🩸ပုံမှန်အားဖြင့် Iron deficiency anaemia (IDA) patients တွေအတွက် recommended dose က 100-200mg daily ဖြစ်ပါတယ်။

🩸Oral iron supplements တွေကိုလဲ calcium ပါသောဆေးတွေ၊ antacids တွေ၊ လက်ဖက်ရည်ကဲ့သို့သောအစာတွေနှင့်ခြားသောက်ပါ။ အထူးသဖြင့် အစာမစားခင် တနာရီအလိုလောက် အစာနှင့်ဆေး ခြား၍ သောက်ပါ။ vitamin C ပါဝင်သောအစာ ဉပမာအားဖြင့် လိမ္မော်ရည်မျိုးနှင့်တွဲသောက်ပါက ဆေးအာနိသင်ကောင်းစွာရရှိနိုင်ပါတယ်။

❤️ဆရာ၊ဆရာမတွေ၊P’cist မောင်လေး ညီမလေးအတွက် ဗဟုသုတရစေရန်ချစ်သောစိတ်ဖြင့်မျှဝေပေးခြင်းဖြစ်ပါတယ်။

လိုအပ်သည်များကို ဖြည့်စွက်နိုင်ပါတယ်။

👩‍💻
👩🏻‍⚕️

***copy ကူးယူခြင်းခွင့်မပြုပါ***
***sharing လုပ်နိုင်ပါသည်***

27/12/2025

ဆရာတယောက်မေးလို့ လက်လှမ်းမှီသလောက်လေး sharing လုပ်ပေးခြင်းဖြစ်ပါတယ် 📝

သံဓာတ်အားဆေး သောက်ဆေးများအကြောင်း
🩸💉💊🩸

သံဓာတ်အားဆေးများကို ပါဝင်ဖွဲ့စည်းမှုပုံစံပေါ်မူတည်ပြီး အမျိုးအစားအများအပြားတွေ့နိုင်ပါတယ်။ ခန္ဓာကိုယ်က စုပ်ယူနိုင်မှုနဲ့ ဘေးထွက်ဆိုးကျိုးရရှိမှုတွေကတော့ ဆေးတခုနှင့်တခု မတူကြပါဘူး။

Ferrous Sulfate မှာတော့ high elemental iron content ပါဝင်ပြီး cost effective လဲဖြစ်ပါတယ်။
မူးဝေတာ၊ ဝမ်းချုပ်တာ၊ ဗိုက်အောင့်တာ ဆိုတဲ့
GI side effects လေးတွေတော့ဖြစ်နိုင်ပါတယ်။

Ferrous Gluconate မှာတော့ low elemental iron content ပါဝင်ပါတယ်။ GI side effects ကတော့ Ferrous Sulfate ထက်နဲပါတယ်။ Sulfate နှင့် tolerate မဖြစ်တဲ့သူတွေအတွက် သင့်တော်ပါတယ်။

Ferrous Fumerate မှာတော့ high elemental iron content ပါဝင်ပြီး တချို့လူနာတွေမှာ Sulfate form ထက်ပိုပြီး tolerate ဖြစ်တာတွေ့ရပါတယ်။

Ferric Citrate/ Ferric Sulfate တွေကတော့ ဝမ်းချုပ်ခြင်းကို သက်သာစေတယ်။ ဝမ်းချုပ်လေ့ရှိသူတွေ နှင့် ကျောက်ကပ်လူနာများမှာ ပေးလေ့ရှိပါတယ်။ တခြား iron form တွေထက်စျေးပိုကြီးတာတွေ့ရပါတယ်။

Ferrous Ascorbate မှာတော့ ferrous iron နှင့် ascorbic acid ( Vitamin C ) တို့ပါဝင်ပေါင်းစပ်ထားပါတယ်။ High bioavailability & well- tolerated oral iron supplements ဖြစ်ပါတယ်။

Heme Iron Polypeptide တွေကတော့ animal haemoglobin ဖြစ်ပါတယ်။ အသားကနေရပါတယ်။
GI side effect နဲပါတယ်။ Low elemental iron content ဖြစ်ပြီး စျေးလဲကြီးပါတယ်။

Lactoferrin ကတော့ animal milk ထဲကရတဲ့ iron-binding protein ဖြစ်ပါတယ်။ ခန္ဓာကိုယ်ကနေ
သံဓာတ်စုပ်ယူမှုကို ပုံမှန်ဖြစ်စေတဲ့အပြင် immune- boosting နှင့် anti-inflammatory properties တွေရှိပါတယ်။ GI side effect လဲနဲပါတယ်။

Iron Bisglycinate ကတော့ high bioavailability, superior absorption & tolerability ဖြစ်ပါတယ်။
စျေးနှုန်းအားဖြင့်လဲ ကြီးပါတယ်။ GI side effects
လဲနဲပါတယ်။

ကလေးငယ်လေးများအတွက် Liquid and Gummy iron supplements တွေလဲရနိုင်ပါတယ်။ IDA အတွက်တော့ထိရောက်စွာ ကုသမှု မရနိုင်ပါဘူး။

သံဓာတ်အားဆေးများကို လူနာများ လိုအပ်ချက်ပေါ်မူတည်၍
Vitamin B9 ( folate)/ folic acid,
Vitamin B12 ( methylcobalamin )တို့နှင့်တွဲ၍ သုံးကြပါတယ်။

သံဓာတ်အားဆေးများကို သံဓာတ်အားနဲခြင်း ကာကွယ်ရန် နှင့် ကုသရန်၊ နာတာရှည်ကျောက်ကပ်ဝေဒနာရှင်များမှာ သံဓာတ်လျော့နဲခြင်း၊
ကိုယ်ဝန်ဆောင်နှင့် နို့တိုက်မိခင်များအတွက် ဖြည့်စွက်အားဆေး အနေဖြင့်ပေးခြင်း၊ သံဓာတ်အားနဲခြင်းကြောင့် ပင်ပန်းနွမ်းနယ်ခြင်းတွေအတွက်ပေးကြပါတယ်။

သံဓာတ်အားဆေးများကို အစာနှင့်အချိန်ခြားသောက်ခြင်းက ဆေးအာနိသင်ရရှိမှု ပ်ုမိုကောင်းမွန်စေပါတယ်။ မစားခင်တနာရီအလို
(သို့) စားပြီး၂နာရီခြားသောက်ပေးနိုင်ပါတယ်။
Vitamin C နှင့် တွဲဖက်သောက်သုံးခြင်း ဆေးအာနိသင်ရရှိမှု ပိုကောင်းစေမှာဖြစ်ပြီး
နို့နှင့်နို့ထွက်ပစ္စည်း၊ လက်ဖက်ရည်၊ ကော်ဖီ၊ calcium၊
Magnesium ပါဝင်သောဆေးများ၊ antacids (လေဆေးများ) နှင့် တွဲသောက်ခြင်းက ဆေးအာနိသင်ရရှိမှုကျစေပါတယ်။

သံဓာတ်အားဆေးသောက်ခြင်းကြောင့် ဝမ်းအရောင် ညိုမဲခြင်းများဖြစ်တတ်ပါတယ်။

သံဓာတ်အားနဲနေသူတယောက် သံဓာတ်ပြန်ပြည့်ဖို့ရာလဲ ဆေးကိုအချိန်ကာလတခုထိ စွဲသောက်ရတတ်ပါတယ်။ တဉီးခြင်းစီအတွက် သံဓာတ်လိုအပ်မှု ပမာဏမှာ မတူနိုင်ပါ။ သက်ဆိုင်ရာဆရာဝန်များ၏ ညွှန်ကြားထားသော ဆေးပမာဏအတိုင်းသောက်သုံးနိုင်ပါတယ်။

💜
***copy ကူးယူခြင်းခွင့်မပြုပါ***
***sharing လုပ်နိုင်ပါသည်***

08/10/2025

SGLT2
( sodium-glucose cotransporter-2 )inhibitors

👉 SGLT2 inhibitors များသည် နောက်ပိုင်းတွင် ရောဂါတော်တော်များများအတွက် ကောင်းကျိုးရလာဒ်ဖြစ်စေသော အသုံးတည့်သော ဆေးဝါးများဖြစ်လာပြီး တွင်တွင်ကျယ်ကျယ်သုံးလာကြပါတယ်။

👉 ဒီနေ့ပြောပြမှာတော့ SGLT2 inhibitors ဆေးများကို ဆရာဝန်များက ညွှန်ကြားထားသကဲ့သို့ နည်းမှန်လမ်းမှန်နှင့်သောက်ရမှာဖြစ်ပြီး SGLT2 inhibitors များသောက်နေစဉ်အတွင်း သတိမူသင့်သော ဘေးထွက်ဆိုးကျိုးများမဖြစ်စေရန် ဆောင်ရန် ရှောင်ရန်လေးများကို သိစေရန်အတွက်ရည်ရွယ်ပါတယ်။

👉SGLT2 inhibitors များကတော့
Empagliflozin
Dapagliflozin
Canagliflozin
Ertugliflozin စတာတွေပဲဖြစ်ပါတယ်။

👉SGLT2 inhibitors တွေကို သူတခုတည်း monotherapy အနေနဲ့ပေးနိုင်သလို metformin တွင် ထပ်ပေါင်း၍ add on therapy အနေနဲ့လဲ ဆီးချိုထိန်းရန်ပေးကြပါတယ်။

👉SGLT2 inhibitors များသည် ဆီးချိုထိန်းရန်အတွက်သာမက နှလုံးနှင့်ဆက်နွယ်ရောဂါများ၊ ကျောက်ကပ်နှင့်ပတ်သက်သောရောဂါများတွင်လည်း ကောင်းမွန်သော အကျိုးရလာဒ်များကြောင့် ဆရာဝန်ကြီးများကိုယ်တိုင် တွင်တွင်ကျယ်ကျယ် သုံးနေကြပြီ ဖြစ်တဲ့အတွက် သတိမူသင့်သော common side effects လေးများကို ပြောပြပေးလိုက်ပါတယ်။

✨ဖြစ်တတ်သော side effects များကတော့
- ဆီးလမ်းကြောင်း ပိုးဝင်လွယ်ခြင်း
- မျိုးပွါးလမ်းကြောင်း မှိုပိုးဝင်လွယ်နိုင်ခြင်း
- ဆီးသွားများခြင်း
- ရေဓာတ်ဆုံးရှုံးခြင်း
- ခေါင်းမူးဝေခြင်း
- သွေးပေါင်ကျခြင်းတို့ ဖြစ်တတ်ပါတယ်။

👉ကျောက်ကပ်ရဲ့လုပ်ငန်းဆောင်တာ ကျဆင်းနေသောသူတွေနဲ့ ခဏခဏ ဆီးလိင်လမ်းကြောင်း ပိုးခဏ ခဏဝင်သူတွေမှာ မသုံးသင့်ပါဘူး။

👉ဒါကြောင့်မို့ ဒီဆေးသောက်နေတဲ့ အချိန်အတွင်း -ရေများများသောက်မယ်။ (ရေသောက်မို့ ကန့်သတ်ထားသူတွေက ဆရာဝန်ညွှန်ကြားချက်အတိုင်းသောက်ပါ။)
-ဆီးဝမ်းပုံမှန်ဖြစ်အောင်နေမယ်။ ဆီးအောင့်ထားခြင်း၊ ဝမ်းချုပ်ခြင်းမဖြစ်အောင် ဂရုစိုက်မယ်။
- မျိုးပွါးအဂါလမ်းကြောင်းတဝိုက် သန့်ရှင်းစွာထားမယ်
- ချည်သားဘောင်းဘီလေးတွေ ဝတ်ဆင်မယ်။
- အမျိုးသမီးများ လစဉ်သုံးပစ္စည်းများ အကြာကြီးမထားဘဲ ပုံမှန်လဲမယ်။
- တကိုယ်ရေ သန့်ရှင်းမှုကို ဂရုစိုက်ခြင်းဖြင့်
SGLT2 inhibitors များရဲ့ ဆောင်ရန် ရှောင်ရန်လေးများကို ပြောပြပေးလိုက်ပါတယ်နော် 👩‍💻✨

💜

***copy ကူးခြင်းခွင့်မပြုပါ***

***sharing လုပ်နိုင်ပါသည်***

18/06/2025

Diclofenac Potassium and Diclofenac Sodium အာနိသင်ဘာကွာတာလဲ 🧐🧐

✨Diclofenac ဆိုသည်မှာ နာတာ ရောင်ရမ်းတာတွေကို သက်သာအောင်ပြုလုပ်ပေးတဲ့ NSAID တမျိုးပဲဖြစ်ပါတယ်။ အခြားသော opioid analgesics တွေနှင့်တွဲဖက်၍လဲ ပြင်းထန်စွာနာကျင်ရောင်ရမ်းမှုများ လျော့ချပေးနိုင်ရန်အတွက်လဲ အသုံးပြုကြပါတယ်။

✨ဒီနေ့မှာတော့ Diclofenac ရဲ့အနောက်က sodium နဲ့ potassium စတဲ့ salt formလေးတွေ မတူညီတာကြောင့် ဆေးအာနိသင် သက်ရောက်မှု၊ ဆေးအာနိသင်ရရှိမှု၊ ဆေးရဲ့ဘေးထွက်ဆိုးကျိုးနှင့် ဘယ်လိုရောဂါမျိုးမှာ Diclofenac sodium နဲ့ Diclofenac potassium ဘယ်လိုရွေးချယ်ပေးကြလဲ သိနိုင်စေရန် ဗဟုသုတလေးမျှဝေပေးခြင်းဖြစ်ပါတယ်။

✨Diclofenac Potassium ✨

Diclofenac Potassium သည်

✨အစာအိမ်အူလမ်းကြောင်းမှ ဆေးစုပ်ယူမှုအား မြန်ဆန်ကောင်းမွန်တဲ့အတွက် ဆေးအာနိသင်ကို မြန်မြန်ရရှိနိုင်စေပါတယ်။

✨ဆေးသောက်ပြီး နာရီဝက်မှ တနာရီအတွင်း ဆေးအာနိသင်ရရှိနိုင်ပါတယ်။

✨လျင်မြန်စွာ နာကျင်မှုသက်သာရန်
လိုအပ်သောဝေဒနာတွေဖြစ်သည့်

✨ခေါင်းတခြမ်းကိုက်ခြင်း၊
✨အမျိုးသမီးများ ဓမ္မတာလာချိန်တွင် ခံစားရသော နာကျင်မှုသက်သာစေခြင်း၊
✨ သွားနာခြင်း စသည့်ဝေဒနာမျိုးတွင် သုံးလေ့ရှိပါတယ်။
✨နှလုံးသွေးကြောရောဂါနှင့်ပတ်သက်သောဝေဒနာ ခံစားနေရသူတွေမှာလဲ သုံးနိုင်ပါတယ်။

✨Diclofenac Sodium ✨

Diclofenac Sodium သည်

✨delayed-release formulationနှင့်ထုတ်လုပ်ထားသောကြောင့် ဆေးစုပ်ယူနိုင်မှုအားနှေးကွေးသောကြောင့် ဆေးသောက်ပြီး ၂နာရီမှ ၄နာရီအတွင်းမှသာ ဆေးအာနိသင်ကို ရရှိနိုင်ပါတယ်။

✨အရိုးနှင့်အဆစ်အမြစ် နာတာရှည်ရောင်ရမ်းနာကျင်မှု ခံစားနေရသောဝေဒနာမျိုးတွင် ပေးကြပါတယ်။

✨နှလုံးသွေးကြောရောဂါနှင့်ပတ်သက်သောဝေဒနာ ခံစားနေရသူတွေမှာတော့သတိထားအသုံးပြုသင့်ပါတယ်။

•Diclofenac ကို
-Enteric-coated tablets
-Sustained-release tablets
-Topical gels
-Suppositories
-Injections ( IV/IM )
-Ophthalmic drops အစရှိတဲ့ ဆေးဝါးပုံစံအမျိုးမျိုးဖြင့်ရရှိနိုင်ပါတယ်။

✨✨✨နှလုံးသွေးကြောရောဂါနှင့်ပတ်သက်သောဝေဒနာ ခံစားနေရသူတွေ၊ သွေးတိုးရောဂါရှိသူတွေ၊ သွေးထဲမှာ potassium level မြင့်နေတဲ့သူတွေ၊ ဆေးနှင့်ဓာတ်မတဲ့သူတွေ၊ အသဲမကောင်းတဲ့သူတွေ၊ ကျောက်ကပ်မကောင်းတဲ့သူတွေမှာတော့ salt and water retention ကြောင့် အရည်စုတာ၊ ဖောရောင်တာတွေကြောင့် နောက်ဆက်တွဲဆိုးကျိုးများ ရှိနိုင်သဖြင့် အထက်ပါရောဂါအခံရှိသူတွေမှာသက်ဆိုင်ရာဆရာဝန်၊ ဆေးဝါးပညာရှင်တို့၏ ညွှန်ကြားချက်ဖြင့်သာ သောက်သုံးသင့်ပါကြောင်း သတိပြုမိရန်အတွက် ဗဟုသုတအနေဖြင့် မျှဝေပေးလိုက်ပါတယ်ရှင် 💁‍♀️

💜

***Copy ကူးယူခြင်းခွင့်မပြုပါ***
**Sharing ပြုလုပ်နိုင်ပါသည်**

06/06/2025

👉 လိပ်ခေါင်းလား 🙄? အူမကြီးကင်ဆာလား 🙄??

လူတိုင်းလိုလိုမှာ ထုတ်မပြောကြပေမဲ့ လိပ်ခေါင်းနဲ့ပတ်သက်လို့ ခံစားနေရတာလေးတွေ ရှိနေတတ်ပါတယ်။ ရောဂါပြင်းထန်လာလေ နေ့စဉ်လုပ်ဆောင်မှုတွေမှာပါ ထိခိုက်လာလေပဲ ဖြစ်ပါတယ်။

ယနေ့ခေတ်တွင် လူတိုင်းသည် အလုပ်အတွက်အချိန်နဲ့အမျှ လှုပ်ရှားရုန်းကန်နေကြရသောကြောင့် balanced diet ရရှိအောင်ပုံမှန်စားဖို့ မလွယ်ကူပါ။

ကြာရှည်စွာ အညောင်းထိုင်ခြင်း၊ မတ်တပ်ရပ်ခြင်း၊ ဝမ်းချုပ်ခြင်း၊ ဝမ်းညှစ်ခြင်း၊ အပူအစပ်စားလွန်းခြင်း၊ processed food( ready made) တွေစားလွန်းခြင်း၊ သင့်တော်သောပုံမှန် exercise မလုပ်ခြင်း၊ unhealthy diet၊ unhealthy lifestyle အစရှိသည့် အကြောင်းအရာတို့မှ တဆင့်ဖြစ်ပွါးလာရခြင်းဖြစ်ပါတယ်။

အူမကြီးကင်ဆာနှင့် လိပ်ခေါင်းရောဂါ တို့မှာ ရောဂါဖြစ်ပွါးပုံအခြေအနေလုံးဝမတူ ကွဲပြားခြားနားသော်လည်း ရောဂါလက္ခဏာပြပုံ တချို့အရာတွေမှာ ဆင်တူနေတတ်ပါတယ်။ ဒါကြောင့်မို့ ဒီ post လေးကို knowledge sharing အနေနဲ့မျှဝေလိုက်ပါတယ်။ လူအများသိချင်နေတဲ့ ရောဂါလက္ခဏာပြပုံလေးတွေကို လေ့လာကြရအောင်

လိပ်ခေါင်းရဲ့ရောဂါလက္ခဏာများကတော့

~ ဝမ်းသွားပြီးတိုင်း နီရဲသောသွေးပါခြင်း
~ ဝမ်းညှစ်လွန်း၍ စအိုကွဲခြင်း
~ စအိုတဝိုက် ယားယံခြင်း
~ ဝမ်းသွားလျှင် နာကျင်မှုခံစားရခြင်း
~ စအိုနားမှာ ရောင်ရမ်းသောအစိုင်အခဲဖြစ်လာခြင်း
~ ဝမ်းကျန်သလိုခံစားရခြင်း
~ ဝမ်းသွားပြီးတိုင်း အချွဲအကျိများထွက်ခြင်း စသည့်လက္ခဏာများခံစားရပါတယ်။

အူမကြီးကင်ဆာရဲ့ ရောဂါလက္ခဏာများကတော့ အူမကြီးအတွင်း ရောဂါဖြစ်ပွါးခံစားနေရသောအဆင့်ပေါ်မူတည်ပါတယ်။ဖြစ်လေ့များသော လက္ခဏာများအနေနဲ့

~ ဝမ်း အရောင့်ရင့် ( သို့ ) အမဲရောင် သွားခြင်း ( ဝမ်းတွင်သွေးပါခြင်းဖြစ်စဉ် )
~ ဝမ်းလျောလိုက် ဝမ်းချုပ်လိုက် ဖြစ်နေခြင်း
~ ဝမ်းသွားရတာမဝခြင်း၊ ဝမ်းကျန်သလို အမြဲခံစားနေရခြင်း
~ ဗိုက်နာဗိုက်အောင့်ခြင်း ခံစားရခြင်း
~ အားမရှိသလိုနုံးချိပြီး အမြဲလို ပင်ပန်းနွမ်းနယ်နေခြင်း
~ အစားအသောက်ပျက်ခြင်း
~ ကိုယ်အလေးချိန်ကျလာခြင်း
~ သံဓာတ်ချို့တဲ့ကာ သွေးအားနဲလက္ခဏာဖြစ်လာခြင်း တို့ကို ခံစားရပါတယ်။

အပေါ်မှာပြောပြခဲ့တံ့လက္ခဏာလေးတွေမှာ အမျိုးမျိုးသော အခြေအနေတွေကြောင့် ဖြစ်နိုင်ပြီး အူမကြီးကင်ဆာလား 🙄?? လိပ်ခေါင်းလား 🙄? သိရှိနိုင်ဖို့အတွက် အပေါ်မှာပြောခဲ့တဲ့လက္ခဏာလေးတွေက ဆက်တိုက်ခံစားနေရပြီဆိုလျှင် မိမိ မိသားစုဝင်များမှာ အူမကြီးကင်ဆာ မျိုးရိုးရှိခဲ့ဖူးသူဆိုလျှင်
Colonoscopy ( အူမကြီးအတွင်း camera ဖြင့် စစ်ဆေးခြင်း ) ဖြင့်သိနိုင်ပါတယ်။

လူတိုင်းအသက်၄၀ကျော်ဆိုလျှင် သတိထားစစ်ဆေးသင့်သည့် medical checkup တခုဖြစ်သောကြောင့် သတိပြုနိုင်ရန်နှင့် နေ့စဉ်သတိနှင့်ယှဉ်ကာ မိမိ lifestyle၊ diet ကိုလဲ သတိထားသင့်ကြောင်း ဗဟုသုတလေးမျှဝေပေးလိုက်ပါတယ်ရှင် 🧏‍♀️

https://www.drvivekmangla.com/blog/can-we-differentiate-between-symptoms-of-haemorrhoids-piles-and-colorectal-cancert

💜

*** copy ကူးယူခြင့်ခွင့်မပြုပါရှင် ***
*** Sharing လုပ်နိုင်ပါတယ် ***

16/01/2025

ဆောင်းရာသီ အသားခြောက်ခြင်းနှင့် ဆောင်ရန် ရှောင်ရန်များ 🧏‍♀️

☃️ ဆောင်းလေအေးလာချိန်ဖြစ်ပြီမို့ အသားတွေလဲခြောက်ကပ်လာပါပြီ။ အသားတွေခြောက်လို့ ယားတဲ့အထိတောင် ဖြစ်နေပါပြီ။ ဆောင်းလေအေးအေးရာသီကို ကြိုက်ပေမဲ့ အသားအရည်ခြောက်သွေ့ပြီး ပက်ကြားအက်ကာ ယားယံတဲ့ဒုက္ခကလဲ မသေးပေ။ ဒါကြောင့်မို့ ဆောင်းတွင်းအသားခြောက်ခြင်းနှင့် ဆောင်ရန်ရှောင်ရန်တို့ကို မျှဝေပေးလိုက်ပါတယ်။

☃️အရေပြားရဲ့အပေါ်ယံလွှာကို ဆဲလ်သေများ၊ အဆီ တို့ဖြင့်ပါ၀င်ပေါင်းစပ်ထားပြီး ခန္ဓာကိုယ်ကို အစိုဓါတ်ထိန်းထားနိုင်ရန်နှင့် ခန္ဓာကိုယ်တွင်းသို့ အဆိပ်အတောက်များ မ၀င်ရောက်နိုင်ရန် ပြင်ပအကာအကွယ်လွှာတခုအနေနဲ့ ပြုလုပ်ပေးပါတယ်။ ထို့အပြင် အရေပြားမှာရှိတဲ့အစိုဓါတ်ဆိုသည်မှာလည်း အသက်အရွယ်၊ ကျားမမတူမှု၊ လူမျိုး၊ ပတ်၀န်းကျင်အခြေအနေတွေကြောင့် တဦးနဲ့တဦးမှာ မတူညီနိုင်ပေ။

☃️ဆောင်းရာသီတွင် စိုထိုင်းမှုနှင့် အပူချိန်ပြောင်းလဲလာမှု၊ ရာသီဥတုပြင်းထန်မှု၊ လေအေးကြမ်းတိုက်ခိုက်မှုတို့ကြောင့် အရေပြားရဲ့ သဘာ၀အစိုဓါတ်ထိန်းထားမှုတို့ဆုံးရှုံးကာ အရေပြားခြောက်သွေ့မှုဖြစ်လာပါတယ်။ လူတချို့ကမူ အသားရေခြောက်သွေ့ယုံမျှမက အရေပြားတွင် ပက်ကြားအက်ခြင်း၊ နီလာခြင်းနှင့် ယားယံခြင်းဖြစ်ပြီး အရေပြားများစူးကာကြမ်းရှလာကြပါတယ်။ အသားရည်နှင့် လေအေးအများဆုံးထိတွေ့သော မျက်နှာ၊ ပါး၊ နှာခေါင်းထိပ်တွေမှာ အဓိက အသားပတ်ကြပါတယ်။ တချို့ဆို အသားရည်အရမ်းခြောက်ကာ ကုတ်ဖဲ့ခြင်းကြောင့် အရေပြားတွင် အနာများ၊ သွေးများစို့ခြင်းများအထိ ဖြစ်လာတတ်ပါတယ်။ အရေပြားပြသာနာအခံရှိသူတို့တွင် အရေပြားဆိုင်ရာပြသာနာများ ပိုပြီးဆိုးရွာစွာခံစားရပါက ထိုအချိန်မျိုးတွင် သင့်တော်သောကုသမှုမျိုးကို ခံယူရပါမယ်။

☃ဆောင်းရာသီတွင်း ခြောက်သွေ့ပြီးပျက်စီးလာသော အသားအရည်အတွက် အကောင်းဆုံးကုသနည်းမှာ အစိုဓါတ်ပြန်လည်ဖြည့်ခြင်းပဲဖြစ်ပါတယ်။ ဒီလိုအချိန်မျိုးတွင် မျက်နှာပေါ်မှာ toner, serum, heavy make up တွေလိမ်းခြယ်ခြင်း မပြုပဲ moisturizer သုံးခြင်းကသာလျှင် အပေါ်ယံအရေပြားအလွှာကို ရေဓါတ်ပြန်လည်ဖြည့်တင်းနိုင်ပြီး အရေပြားမှ ရေဓါတ်ဆုံးရှုံးမှုကိုလဲ ကာကွယ်ပေးမှာဖြစ်ပါတယ်။

☃️ဆောင်းရာသီတွင် ရာသီဥတု အရမ်းအေးခဲလာပါက နူးညံ့သောနှုတ်ခမ်းသားလေးတွေပင် အသားပတ်ခြင်း၊ အဖတ်လန်ခြင်း၊ အက်ကွဲခြင်းများဖြစ်တတ်ပါတယ်။ နှုတ်ခမ်းအသားပတ်နေချိန်မှာ ခဲဓါတ်ပါ၀င်သော နှုတ်ခမ်းဆိုးဆေးရင့်ရင့်ကို မသုံးပဲ အဆီပါ၀င်သော နှုတ်ခမ်းဆိုးဆေးကိုသာ ရွေးချယ်သုံးသင့်ပါတယ်။

☃️ဆောင်းရာသီတွင် အသားခြောက်ခြင်းမဖြစ်ရန် Linoleic, linolenic, lauric acid ကဲ့သို့ အသားအရည်နူးညံ့ပျော့ပြောင်းစေသော moisturizerမျိုး၊ ceramides, hyaluronic acid, glycerin, sorbitol အစရှိသည့် အစိုဓါတ်ထိန်းပေးထားနိုင်သော moisturizerမျိုး၊ အခြားသော Bio oil, oleic oil, petroleum jelly, lanolin, silicone နှင့် mineral oil စသည့် လိမ်းဆေးမျိုးတို့ သုံးနိုင်ပါတယ်။ ထိုကဲ့သို့သော moistirizer တို့သည် ပတ်၀န်းကျင်ရာသီဥတု ဒဏ်ကြောင့် အရေပြားပျက်စီးခြင်းမဖြစ်အောင် အကာအကွယ်ပေးနိုင်ကြပါတယ်။ moisturizer များတွင်လည်း gel type ထက်စာလျှင် စေးကပ်ကာ အဆီဓါတ်ပါသော moisturizer မျိူးက သာ၍ပိုကောင်းပါတယ်။ Sensitiveဖြစ်သော အသားအရည်မျိုးတို့တွင် Aloe vera (ရှားစောင်းလက်ပတ်) တို့ကို ညအိပ်ရာ၀င်ခါနီးတွင် အသုံးပြုနိုင်ပါသည်။

☃️ဆောင်းရာသီတွင် အသားအရည်ခြောက်သွေ့ခြင်းဖြစ်စေနိုင်သော အောက်ပါ အကြောင်းအရင်းတို့ကိုရှောင်ကျဥ်ရပါမယ်။

-Antibacterial soap အပြင်းစားများသုံးခြင်း၊
-ရေနွေးပူပူဖြင့် ရေချိူးခြင်း၊
-ရေနွေးဖြင့် မျက်နှာသစ်ခြင်း၊
-ရေနွေးဖြင့်ခေါင်းလျှော်ခြင်း၊
-မကြာခန မျက်နှာသစ်ခြင်း၊ ခြေလက်ဆေးခြင်း၊
-ချမ်းမှာကြောက်၍ ရေပုံမှန်မချိုးခြင်း၊
-ရေသောက်နည်းခြင်း၊
-၀မ်းပုံမှန်မသွားခြင်း၊
-အစာချေဖျက်ရ ခက်ခဲသောအစာများစားခြင်း
တို့ကို ရှောင်ရှားရပါမယ်။

☃️ ဆောင်းရာသီမှာ အရေပြားမခြောက်သွေ့အောင် ဆောင်ရမှာတော့

-ရေများများသောက်တာ
-vitamin E ပါ၀င်သောမျက်နှာသစ်ဆေးသုံးတာ
-Omega 3, Omega 6 ပါ၀င်တာတွေစားတာ
-moisturizer တွေသုံးတာ
-Humidifier( အစိုဓါတ်ထိန်းစက် ) သုံးတာ
-sunscreen လိမ်းတာ
-body lotion သုံးတာ
-ပန်းကန်ဆေး၊ အ၀တ်လျှော်လျှင် လက်အိတ်၀တ်တာ စသည့်တို့ကို ဆောင်ရွက်သင့်ပါတယ်။

💛နွေအချို၊ မိုးအခါး၊ ဆောင်းအချဥ်ဆိုသည့် ရှေးလူကြီးများ ဆိုစကားနှင့်အညီ အေးမြသောဆောင်းရာသီမှာ အချဥ်ဓါတ်စားပေးခြင်းဖြင့် ခန္ဓာကိုယ်ရဲ့ အစိုဓါတ်ကိုထိန်းညှိပေးယုံမျှမက ခုခံအားစနစ်ကိုပါ ကောင်းမွန်စေပါတယ်။ အသည်းနှင့်ဆီးအိမ်ကို ကျန်းမာစေသည့်အပြင် မိမိစားသောက်လိုက်သော အစားသောက်ထဲရှိသတ္တုဓါတ်များကို အလွယ်တကူစုပ်ယူနိုင်ပြီး ခန္ဓာကိုယ်တစ်ရှူးများကို သန့်စင်ပေးပါတယ်။ ထို့ကြောင့် သံပုရာသီး၊ ရှောက်သီး၊ သံပုရိုသီး၊ နာနတ်သီး၊ ပန်းသီး၊ မန်ကျည်းသီး၊ သစ်တော်သီး၊ ဒိန်ချဥ်၊ ဖရဲသီး၊ ဘယ်ရီသီး စသည့်တို့ကို စားသုံးသင့်ပါတယ်။

💚ခန္ဓာကိုယ်တွင်းအပူဓါတ်လျော့ချပေးနိုင်သော ဆောင်းရာသီဓါတ်စာများဖြစ်သော
-မုန်လာဥဖြူ၊ မုန်လာဥနီ၊ ခရမ်းချဥ်သီး၊ ဘူးသီး၊ ဂေါ်ရခါးသီး၊ စိမ်းစားဥ၊ သခွားသီး
တို့ကိုလဲစားပေးရပါမယ်။

🥚ဗီတာမင်နှင့် ပရိုတိန်းကြွယ်၀ရန်အတွက် ဗာဒံစေ့၊ သစ်ကြားသီးတို့ကို စားနိုင်ပါတယ် ။

🥛နို့သောက်ခြင်းကလဲ အသားအရည်ခြောက်တာကို သိသိသာသာသက်သာစေတဲ့အတွက် နေ့စဥ်နို့တခွက်သောက်ခြင်းဖြင့် ဆောင်းရာသီတွင်း အသားအရည်ခြောက်တာကို ကင်းဝေးစေနိုင်ပါတယ်။

🥬အစိမ်းရောင်ရှိသော ဟင်းသီးဟင်းရွက်လတ်လတ်ဆတ်ဆတ်တို့ကို စားခြင်းဖြင့်လည်း ဆောင်းရာသီတွင် အဖြစ်များသော ၀မ်းချုပ်ခြင်းကို ကာကွယ်ပေးနိုင်ပါတယ်။

🏃‍♂️ ဆောင်းရာသီတွင် နိစ္စဓူဝလှုပ်ရှားမှူတိုင်းကို ခပ်သွက်သွက်လုပ်၍ ချွေးထွက်အောင်နေထိုင်သင့်ပါတယ်။ ဆောင်းရာသီမှာ ချွေးထွက်ခြင်းက သွေးလေလည်ပတ်မှုကို ကောင်းမွန်စေပြီး အသားအရည်ကိုလဲ ထိန်းသိမ်းရာရောက်ပါတယ်။

💁‍♀️အချုပ်အားဖြင့်ဆောင်းရာသီအသားခြောက်ခြင်းသည် လူတိုင်းရှောင်လွဲမရ ကြုံတွေ့ရမည့် လက္ခဏာများဖြစ်သောကြောင့် ဆောင်းရာသီတွင်း ရှောင်ရန်၊ ဆောင်ရန် တို့ကို သတိမူကာ ကျန်းမာတဲ့အရေပြားလေးဖြစ်အောင် ထိန်းသိမ်းနိုင်ရန် ဤဆောင်းပါးလေးမှ တဆင့်ဗဟုသုတတို့ကို မျှဝေပေးလိုက်ပါတယ်။

💜

**Post ကို Copy ကူးယူခြင်းခွင့်မပြုပါရှင်***
**Sharing ပြုလုပ်နိုင်ပါသည်***

https://m.facebook.com/story.php?story_fbid=882675843225235&id=100044484822051&mibextid=9R9pXO

medicalnewstoday ;winter dry skin
Written by Amanda Barrell on January 29, 2021

10/01/2025

သတိနှင့်ယှဥ်ကာ ကျော်ဖြတ်ကြမည် HMPV 🦠

ဆောင်းအကုန်နွေဦးအ၀င်တွင် လူတိုင်းလိုလို
နှာစေးကြ ချောင်းဆိုးကြ ဖြစ်ကြသည်။
ကလေးငယ်များနှင့် သက်ကြီးရွယ်အို ဖိုးဖိုး၊ဖွားဖွားတို့ အတွက် ဒီလိုရာသီမျိုးတွင် ရေချိုးမှား၊ အအေးမိတာနှင့် အဖျားစ၀င်တော့သည်။ HMPV (Human metapneumovirus) 🦠သည်လဲပဲ ဒီရာသီတွင် ကျင်လည်နေသော အသက်ရှုလမ်းကြောင်းဆိုင်ရာရောဂါပိုး ဗိုင်းရပ်စ် တမျိုးပင်ဖြစ်သည်။ ကုသမှု၊ ကာကွယ်ဆေးမရှိသော်လည်း မည်သို့ကူးစက်နိုင်သည်နှင့် ရောဂါလက္ခဏာများ၊ ရောဂါပြန့်ပွားမှုနဲပါးအောင် ဂရုပြုရမည့် အောက်ပါအချက်တို့ကို မျှဝေပေးလိုက်ပါတယ်။

HMPV virus 🦠 သည် လူတစ်ယောက်မှတစ်ယောက်သို့ ချောင်းဆိုး နှာစေးရာမှတဆင့် ကူးစက်၀င်ရောက်နိုင်သည်။ရောဂါပိုးကပ်တွယ်နေသော မျက်နှာပြင်၊ မသန့်စင်သောလက်တို့မှတဆင့်လဲ
ကူးစက်၀င်ရောက်နိုင်သည်။

ရောဂါပိုးကူးစက်၀င်ရောက်ခြင်းခံရပါက
သာမန်အအေးမိဖျားနာလက္ခဏာများဖြစ်သော ချောင်းဆိုးခြင်း၊ ဖျားခြင်း၊ နှာပိတ်ခြင်း၊ အသက်ရှုမ၀ခြင်း၊ အသက်ရှုရခက်ခြင်း၊ လည်ချောင်းနာ၊ အရေပြားဓါတ်မတဲ့ခြင်း စသည့်လက္ခဏာများ ခံစားရလေ့ရှိပါတယ်။

ရောဂါစဖြစ်ပြီး ၂ရက်မှ ၅ရက်အတွင်း ရောဂါလက္ခဏာများ သက်သာပျောက်ကင်း လာတတ်ပါတယ်။ ကိုယ်ခံအားနဲနေပြီဖြစ်တဲ့ အသက်ကြီးတဲ့ဖိုးဖိုး၊ ဖွားဖွားတွေ၊ ကိုယ်ခံအားစနစ် အပြည့်အ၀မရှိသေးတဲ့ ၅နှစ်အောက် ကလေးငယ်လေးတွေမှာတော့ ရောဂါလက္ခဏာပြင်းထန်မှုတွေကို ပိုမိုခံစားရတတ်ပါတယ်။

ဒီလို ရာသီတုပ်ကွေးဖျားနာ အဖြစ်များတဲ့ ရာသီမျိုးမှာ ရာသီတုပ်ကွေးကာကွယ်ဆေးထိုးခြင်း၊ မိမိကိုယ်ကို ကိုယ်ခံအားကောင်းအောင်နေခြင်း၊ တကိုယ်ရည်သန့်ရှင်းမှုဂရုစိုက်ခြင်း၊ လူထူထပ်တဲ့နေရာလိုမျိုးတွေမှာ ပိုကူးစက်လွယ်နိုင်တဲ့အတွက် mask တပ်ခြင်း၊ တခုခုကိုင်တွယ်ပြီးတိုင်းလက်ဆေးကြခြင်း၊ အိမ်တွေ အဆောက်အဦးတွေမှာ လေ၀င်လေထွက်ကောင်းအောင် ထားခြင်းဖြင့် ရောဂါကူးစက်ပြန့်ပွားနှုန်းကို လျော့ချနိုင်မှာပဲဖြစ်ပါတယ်။

HMPV virus 🦠 ၀င်ရောက်ခြင်းခံရပါက အိမ်တွင်နေ၍နားခြင်း၊ ခန္ဓာကိုယ်အတွက်ရေဓါတ်ပြန်လည်ဖြည့်ခြင်း နှင့် OTC ဆေးဝါးများဖြစ်သော paracetamol, ibuprofen အစရှိသည့် ကိုက်ခဲဖျားနာ သက်သာစေသောဆေးများဖြင့် သက်သာပျောက်ကင်းနိုင်ပါသည်။ သို့ရာတွင် ရောဂါလက္ခဏာပြင်းထန်ပါက နောက်ဆက်တွဲရောဂါ၀င်ရောက်မှုများရှိနိုင်သဖြင့် ထိရောက်သော ဆေးကုသမှုခံယူရပါမယ်။

HMPV virus 🦠မှာ ပြင်းထန်မှုမရှိသော်လည်း မိမိကိုယ်ခံအားကျ၍ ရောဂါ၀င်ရောက်နေချိန်တွင် အိမ်တွင်အနားယူသင့်ပါသည်။ ကိုယ်ခံအားနဲနေသော လူနာများအားသွားရောက်ကြည့်ခြင်း၊ အသက်အရွယ်ကြီးသောသူများ၊ ကလေးသူငယ်များနှင့် နီးနီးကပ်ကပ်နေခြင်းမှ ရှောင်ကျဥ်၍ အခြားသူများသို့မပျံ့နှံ့အောင် နေထိုင်ခြင်းဖြင့် သတိနှင့်ယှဥ်ကာ HMPV virus🦠 ပြန့်ပွားကူးစက်မှုကို ကျော်ဖြတ်ကြပါစို့။

💜

Reference; WHO , CNN Health

Khin May Kha

10/06/2026

05/06/2026

04/06/2026

10/02/2026

27/12/2025

08/10/2025

18/06/2025

06/06/2025

16/01/2025

10/01/2025

Address

Website

Alerts

Contact The Business

Shortcuts

Share

Category