https://www.facebook.com/104873109061417/

She - Health Tips for Ladies, ဘာအံလမ်း နှင့် မင်းလှ လမ်းထောင့်၊ (၉) ရပ်ကွက်၊ စနေမ မှတ်တိုင်၊ လှိုင်သာယာမြို့နယ်၊ ရန်ကုန်။, Yangon (2026)

30/04/2025

ဆေးခန်းပိတ်ရက် ကြေညာခြင်း

၁၊ ၅၊ ၂၀၂၅ ၊ ကြာသပတေးနေ့ (အလုပ်သမားနေ့)

ထွန်းအခမဲ့ဆေးခန်းများအားလုံး တစ်ရက်ပိတ်ပါသည်။

၂၊ ၅၊ ၂၀၂၅ (သောကြာနေ့ ) တွင် ပုံမှန်အချိန်အတိုင်းပြန်လည်ဖွင့်လှစ်ပါမည်။

#ထွန်းအခမဲ့ဆေးခန်း

29/04/2025

ဆေးသောက်ဖို့ မမေ့အောင် ဘာတွေလုပ်ကြမလဲ???

ART ဆေးတွေကို နေ့စဉ် အချိန်မှန်သောက်သုံးမှသာ ဆေးအာနိသင် အပြည့်အဝ ရပြီး မျှော်မှန်းထားတဲ့ ပန်းတိုင်ဖြစ်တဲ့ U=U ကိုရောက်နိုင်မှာပါ။

ဒါပေမယ့် ART ဆေးကို သောက်သုံးနေရတဲ့သူတွေဟာ
နေ့စဉ်လူမှုကိစ္စတွေကြားထဲ လုံးပန်းနေရင်း တစ်ခါတစ်ရံမှာ ဆေးသောက်ဖို့‌မေ့သွားတတ်ကြပါတယ်။

ဒီလို မမေ့အောင် ဘာတွေလုပ်သင့်လဲ ဘယ်လိုတွေ စီစဉ်ထားသင့်သလဲဆိုတာ ပြောပြပေးသွားမယ်နော်.....

ဆေးသောက်ဖို့ မမေ့စေဖို့အတွက်

၁။ဆေးသောက်ချိန်ကို Alarm ပေးထားခြင်း၊

၂။ Reminder Application တွေကိုအသုံးပြုပြီး ဆေးသောက်ချိန်ကိုအသိပေးစေခြင်း၊

၃။ အကျင့်တစ်ခုအနေနဲ့ စွဲမြဲအောင်လုပ်ခြင်း

၄။ နေ့စဉ် ဆေးသောက်တာကို ပြက္ခဒိန်မှာ အဝိုင်းဝိုင်းတာဖြစ်ဖြစ် မြင်သာတဲ့ အမှတ်အသားတစ်ခုပြုလုပ်၍ မမေ့အောင်လုပ်ခြင်း

၅။ မိသားစုကိုဖြစ်ဖြစ်၊ ကိုယ်ယုံကြည်ရတဲ့ သူငယ်ချင်းကိုဖြစ်ဖြစ် ဆေးသောက်ချိန်ကိုသတိပေးခိုင်းခြင်း တို့ကိုပြုလုပ်ပြီး

ဆေးသောက်ချိန်မမေ့ဖို့ ပြင်ဆင်လို့ရပါတယ်။

ဆေးသောက်မမေ့စေဖို့ ကြိုတင်ပြင်ဆင်ထားပါ၊ မေ့သွားခဲ့တယ်ဆိုရင်လဲ မိမိဆေးထုတ်တဲ့ဌာနမှာ ရှိတဲ့ ဆရာဝန်များ၊ နှစ်သိမ့်ဆွေးနွေးသူများကို ပြောပြပါ။ ဆရာဝန်များ၊ နှစ်သိမ့်ဆွေးနွေးသူများ၏ လမ်းညွန်ချက်အတိုင်းဆက်လက်သောက်သုံးနိုင်ပါတယ်။

ဆေးသောက်မေ့သွားလို့ ဘယ်လိုဆက်သောက်ရမလဲ မေးမြန်းလိုတာပဲဖြစ်ဖြစ်၊ HIV နှင့် ကာလသားရောဂါများအပါအဝင် ကျန်းမာရေးနဲ့ပတ်သက်ပြီးသိလိုတာများမေးမြန်းဖို့ဖြစ်ဖြစ် ကျွန်တော်တို့ရဲ့ page messenger နှင့် Hotline 09259512012 / 09 453512012 တို့ကို ရုံးချိန်အတွင်း ဆက်သွယ်မေးမြန်းနိုင်ပါတယ်။

#ထွန်းအခမဲ့ဆေးခန်း #ထွန်းပိတောက်၁

10/04/2025

သင်္ကြန်ဆေးခန်းပိတ်ရက်ကြေညာခြင်း

‌သင်္ကြန်ရုံးပိတ်ရက်များဖြစ်သော ဧပြီ ၁၃၊၁၄၊၁၅၊၁၆၊၁၇ ရက်နေ့များတွင် ထွန်းဆေးခန်းများအားလုံးပိတ်ပါသည်။

ဧပြီ ၁၈၊ ၁၉၊ ၂၀ ရက်များတွင် ART နှင့် PrEP ဆေးထုတ်ယူမယ့်သူများအတွက် ဆေးခန်း ဖွင့်ပါသည်။

ဧပြီ ၂၁ ရက်နေ့တွင် ထွန်းဆေးခန်းများအားလုံး တစ်ရက်ပိတ်ပါသည်။

ဧပြီ ၂၂ ရက်မှ စတင်၍ ပုံမှန်အချိန်များတိုင်း ဖွင့်လှစ်ထားပြီး ဆေးခန်းဝန်ဆောင်မှုများ ရယူနိုင်ပါသည်။

#ထွန်းအခမဲ့ဆေးခန်း

28/03/2025

သဘာဝ ဘေးအန္တရာယ်တွေထဲမှာ ငလျင်လှုပ်တာကလဲ တစ်ခုအပါအဝင်ဖြစ်ပါတယ်။ ငလျင်လှုပ်တာဟာ စက္ကန်ပိုင်း နဲ့ မိနစ်ပိုင်းလေးသာ ကြာတတ်ပေမယ့် တစ်ခြားသဘာဝဘေးအန္တရာယ်တွေလိုပဲ ပြင်းထန် ဆိုးရွားတဲ့ ထိခိုက်မှုတွေကို ဖြစ်စေနိုင်ပါတယ်။

ငလျင် ဟာ ကြိုတင်ခန့်မှန်းလို့မရတဲ့အတွက် ရုတ်တရက် ဖြစ်လာတဲ့အခါ ဘယ်လို အန္တရာယ်ကင်းအောင်နေထိုင်ရမလဲဆိုတာ သိထားဖို့လိုအပ်ပါတယ်။ဒါမှ ကိုယ့်ကိုယ်ကိုယ် ကာကွယ်နိုင်မယ် ကိုယ်နဲ့ အတူနေတဲ့သူတွေကိုလဲ ဘေးကင်းအောင် ကူညီနိုင်ပါလိမ့်မယ်။

ငလျင်လှုပ်တဲ့အခါ အရင်ဆုံး စိတ်ကို တည်တည်ငြိမ်ငြိမ်ထားပါ။

“ဝပ်(ငလျင်လှုပ်လျှင် ဝပ်နေပါ)၊
ကာ (အကာအကွယ်ယူပါ)၊
ငြိမ် (ငြိမ်နေပါ) ” ပြုလုပ်ပါ။

မိမိက အိမ် သို့မဟုတ် အဆောက်အအုံထဲတွင်ရှိနေပါက

ပြတင်းပေါက်များ၊ မှန်ချပ်များနဲ့ ကွဲရှနိုင်တဲ့ ပစ္စည်းများနဲ့ ခပ်ဝေးဝေးနေပါ။

မိမိပေါ်ကို ပြိုကျ နိုင်တဲ့ ပစ္စည်းများနဲ့လဲ ဝေးဝေးနေပါ။

မီးလောင်လွယ်တဲ့ ပစ္စည်းများ နှင့် လောင်စာဆီများ အနီးတွင် မနေပါနဲ့။

စားပွဲအောက်တွင်နေခြင်း၊ Safety Triangle ဖြစ်စေတဲ့နေရာများတွင်နေခြင်းဖြင့် ကိုယ့်ကိုယ်ကိုယ် ကာကွယ်ပါ။

ငလျင်လှုပ်တဲ့အခါ အပြင်ရောက်နေပါက

မိမိပေါ်ပြုတ်ကျ ပြိုကျနိုင်တဲ့ အရာတွေနဲ့ ဝေးဝေးနေပါ၊ မီးကြိုးတွေ၊ သစ်ပင်တွေနဲ့ ဝေးဝေးနေပါ။

ကားမောင်းနေတဲ့အခါမျိုး ဆိုရင် ကားကို အန္တရာယ်ကင်းတဲ့ လမ်းဘေးတစ်နေရာတွင်ရပ်ထားပါ။

တံတားပေါ် ဖြတ်သန်းမောင်းနှင်ခြင်းမပြုပါနဲ့။ ဂုံးတံတားအောက် သစ်ပင်အောက် မီးကြိုးများနှင့် ဆိုင်းဘုတ်များအောက်တွင်လဲ ကားရပ်မထားပါနဲ့။

ငလျင်ပြီးတဲ့အထိ ငြိမ်နေပါ။ ငလျင်ပြီးသွားတဲ့အခါ မိမိမှာ ဒဏ်ရာ ရ မရ စစ်ဆေးပါ။ လိုအပ်တဲ့ ကုသမှုတွေခံယူပါ။ မိသားစုဝင်တွေကိုလဲ ဂရုစိုက်ပေးပါ။ လိုအပ်ပါက ကူညီကယ်ဆယ်ရေး အဖွဲ့များထံ ဆက်သွယ်အကူညီတောင်းခံပါ။

#ငလျင် #ထွန်းအခမဲ့ဆေးခန်း

24/03/2025

ဆေးခန်းပိတ်ရက်ကြေညာခြင်း

၂၇. ၃ . ၂၀၂၅ ၊ ကြာသပတေးနေ့၊ ထွန်းဆေးခန်းများအားလုံး တစ်ရက်ပိတ်ပါသည်။

၂၈. ၃ .၂၀၂၅၊ သောကြာနေ့တွင် ဆေးခန်းများအားလုံးပုံမှန်အချိန်တိုင်းပြန်လည်ဖွင့်လှစ်ထားမည်ဖြစ်ပါကြောင်း အသိပေးကြေညာအပ်ပါသည်။

#ထွန်းအခမဲ့ဆေးခန်း

20/03/2025

U=U ဖြစ်တာက HIV ပိုးပျောက်သွားတာလား?

❓အမြဲလိုလို မေးတတ်ကြတာက U=U ဖြစ်ရင် HIV ပိုးမရှိတော့တာလား ပျောက်သွားတာလား ဆိုတာပဲဖြစ်ပါတယ်။

🔺U=U ဖြစ်တာက HIV ပိုးကောင်ရေကို ထိန်းချုပ်ထားနိုင်ခြင်းကို ဆိုလိုတာပါ။

🔬ဘယ်လောက်အထိတောင် ထိန်းချုပ်ထားနိုင်လဲဆိုရင် သွေးထဲမှာရှိတဲ့ HIV ပိုးကောင်တွေကို စက်နဲ့ရှာဖွေ့လို့မရသည်အထိ ထိန်းချုပ်ထားနိုင်တာပဲဖြစ်ပါတယ်။

💁သွေးထဲမှာ HIV ပိုးကောင်ရေကို ထိန်းချုပ်ထားနိုင်ပေမယ့် အရှင်းပျောက်သွားအောင်တော့မလုပ်ဆောင်နိုင်ပါဘူး။

ဒါပေမယ့် HIVပိုးပျောက်သွားသကဲ့သို့ ကောင်းကျိုးများစွာကိုဖြစ်စေပါတယ်။

🛑ကိုယ့်စီကနေသူများကို လိင်မှုကိစ္စကနေကူးစက်ခြင်းမရှိတော့ဘူး၊ ဒီရောဂါကြောင့် နောက်ဆက်တွဲဝင်လာနိုင်တဲ့ရောဂါတွေလဲ အလွယ်တကူမဖြစ်နိုင်တော့ဘူး၊ ချစ်ရသူနဲ့လဲလက်တွဲသွားနိုင်ပြီး ပျော်ရွှင်ရတဲ့နေ့ရက်တွေကို သာမန်လူတစ်ယောက်အတိုင်း အပြည့်အဝ ရရှိစေပါတယ်။

🙆အရှင်းပျောက်သွားတာမဟုတ်ပေမယ့် ဒါသည် အရှင်းပျောက်သလို အကောင်းဆုံးအခြေနေတစ်ခုပါ။

🌝ဆေးကိုနေ့စဉ်အချိန်မှန်သောက်၍ U=U ဖြစ်အောင်ကြိုးစားပါ၊ U=U ဖြစ်ရင်လဲ ဆက်လက်ထိန်းသိမ်းပါ။

HIV နဲ့ပတ်သက်ပြီးဖြစ်ဖြစ် U=U နဲ့ပတ်သက်ပြီးဖြစ်ဖြစ် သိချင်တာတွေရှိခဲ့ရင် Page Messenger နှင့် Hotline 09259512012 ကို ဆက်သွယ်မေးမြန်းနိုင်ပါတယ်။

#ထွန်းအခမဲ့ဆေးခန်း

17/03/2025

ဘယ်အချိန်မှာသွေးစစ်ရမလဲ ???

လိင်မှတဆင့်ကူးစက်ရောဂါတွေနဲ့ပတ်သက်ပြီး ရောဂါရှာဖွေဖို့အတွက် သွေးစစ်ဆေးတဲ့အခါမှာ ကူးစက်နိုင်တဲ့ ထိတွေ့မှုဖြစ်ဖြစ်ခြင်း စစ်ရတာမျိုးမဟုတ်ဘဲ သွေးစစ်ဆေးခြင်းဖြင့် သိနိုင်မယ့် အချိန်တစ်ခုကို စောင့်ရပါတယ်။ ဒါမှ ကိုယ်ဖြစ်ခဲ့တဲ့ကိစ္စနဲ့ပတ်သက်ပြီး ကူးစက်ခဲ့လား မကူးစက်ခဲ့လားဆိုတာကို တိကျတဲ့ သွေးအဖြေ ရရှိမှာပဲဖြစ်ပါတယ်။

လိင်မှတဆင့် ကူးစက်နိုင်တဲ့ ရောဂါတွေကတော့ HIV၊ ဆစ်ဖလစ် ( ကာလသားရောဂါ )၊ Bပိုး နဲ့ Cပိုးရောဂါတွေပဲဖြစ်ပါတယ်။ ဒီရောဂါရှိမရှိ အဖြေရှာဖို့အတွက် ဘယ်အချိန်မှာ သွေးစစ်ရမလဲဆိုရင်….

🔬HIV အတွက်ဆိုရင်တော့

ကူးစက်နိုင်တဲ့အပြုအမူဖြစ်ပြီး တစ်လ ခွဲ ကနေ သုံးလ အတွင်းမှာ သွေးစစ်ဆေးခြင်းဖြင့် မိမိမှာ HIVရှိ မရှိ သိနိုင်ပါတယ်။

🧫ဆစ်ဖလစ်(ကာလသားရောဂါ) အတွက်ဆိုရင်တော့

ကူးစက်နိုင်တဲ့အပြုအမူဖြစ်ပြီး ရောဂါလက္ခဏာပြတဲ့အချိန်မှာဖြစ်စေ၊ ကူးစက်နိုင်တဲ့အပြုအမူဖြစ်ပြီး ၁၄ရက် မှ သုံးလအတွင်းမှာဖြစ်စေ သွေးစစ်ဆေးခြင်းဖြင့် သိနိုင်ပါတယ်။

🧪Bပိုး Cပိုး အတွက်ဆိုရင်တော့

ကူးစက်နိုင်တဲ့အပြုအမူဖြစ်ခဲ့ပြီး သုံးလအကြာမှာ သွေးစစ်ဆေးခြင်းဖြင့် မိမိမှာ ရှိမရှိ ကိုသိနိုင်ပါတယ်။

🚨အကယ်၍ မိမိက ကူးစက်နိုင်တဲ့အခြေနေမျိုးတွေမကြာမကြာလုပ်ဖြစ်တယ်ဆိုရင်တော့ သုံးလ တစ်ခါ ဖြစ်စေ ခြောက်လ တစ်ခါဖြစ်စေ ကိုယ့်ကျန်းမာရေးအတွက် ပုံမှန်သွေးစစ်ဆေးသင့်ပါတယ်။

👱သင့်ကျန်းမာရေးအတွက် သွေးစစ်ဆေးချင်တယ်ဆိုရင် ထွန်းအခမဲ့ဆေးခန်းမှာ အခမဲ့ စစ်ဆေးလို့ရပါတယ်။

သွေးစစ်ဆေးဖို့ဖြစ်ဖြစ် တိုင်ပင်ဆွေးနွေးဖို့ပဲဖြစ်ဖြစ် 🔊09259512012 ကို ဆေးခန်းဖွင့်ချိန်အတွင်းဆက်သွယ်မေးမြန်းနိုင်ပါတယ်။

#ထွန်းအခမဲ့ဆေးခန်း #ထွန်းပိတောက်၁

11/03/2025

ဆေးခန်းပိတ်ရက် ကြေညာခြင်း

၁၃.၃.၂၀၂၅ ၊ကြာသပတေးနေ့ (တပေါင်းလပြည့်နေ့) ၊ထွန်း အခမဲ့ ဆေးခန်းများအားလုံး တစ်ရက်ပိတ်ပါသည်။

၁၄.၃.၂၀၂၅၊ သောကြာနေ့ တွင် ဆေးခန်းများအားလုံး ပုံမှန်အချိန်တိုင်း ပြန်လည်ဖွင့်လှစ်ထားမည်ဖြစ်ပါကြောင်း အသိပေးကြေညာအပ်ပါသည်။

#ထွန်းအခမဲ့ဆေးခန်း

07/03/2025

လေဒီလေးတို့ရေ

လေဒီလေးတို့ တိုးတိုးတိတိတ် တိုင်ပင်ချင်တဲ့ ကျန်းမာရေးအကြောင်းအရာတွေရှိရင် 09259512012 ကို ဖုန်းဆက်လိုက်နော်။

တနင်္လာမှ သောကြာနေ့အထိ မနက်၉နာရီမှ ညနေ ၄နာရီအတွင်း ဖုန်းဆက်မေးမြန်းနိုင်ပါတယ်။

လေဒီလေးတို့ မေးမြန်းဖို့ ဖုန်းနံပါတ်လေးကို မှတ်ထားလိုက်အုံးနော်။

#ထွန်းအခမဲ့ဆေးခန်း

03/03/2025

ခြံခုန်သွားလို့… အသစ်တွေ့သွားလို့…. Relationshipတွေ ပြတ်ကြပါတယ်ဆိုတာကို ကျွန်တော်တို့ ပတ်ဝန်းကျင်မှာရော ကျွန်တော်တို့ကိုယ်တိုင်ရော ကြုံတွေ့ဖူးကြမှာပါပဲ။

တတိယ လူပေါ်လာတာဟာ Relationship တွေကို ပြတ်သွားစေနိုင်တယ်ဆိုပေမယ့် သူ တစ်ခုတည်းကြောင့်တော့ ပြတ်သွားကြတာမဟုတ်ပါဘူး။

အစကတည်းက မချစ်ဘဲ အပျော်တွဲခဲ့ကြတယ်ဆိုရင်သာ ပြတ်သွားနိုင်ပေမယ့် ချစ်ခဲ့ပြီးတွဲခဲ့ကြတယ်ဆိုရင်တော့ တခြားအကြောင်းအရင်းများစွာနဲ့လဲ သက်ဆိုင်မှုရှိပါတယ်။

တတိယလူကို ပိုအသက်ဝင်စေပြီး ကိုယ့်ရဲ့ Relationship တွေကို ပြတ်စီးသွားစေတဲ့ အဓိကအကြောင်းအရင်းကတော့

(၁) အသက်ဝင်နေတဲ့ Conflict တွေကြောင့်

အမြင်မတူညီမှုပြဿနာတွေ၊ နှစ်ယောက်ကြားရန်ပွဲတွေ၊ သူများနဲ့ နှိုင်းယှဉ်မှုတွေ၊ တစ်ယောက်ကပဲ အမြဲ နစ်နာသူအဖြစ်ရှိနေမှုတွေဟာ သိသာ အသက်ဝင်နေတဲ့ Conflict တွေပဲဖြစ်ပါတယ်။

ဒီလိုဖြစ်နေပေမယ့် တစ်ယောက်ကိုတစ်ယောက်သေချာအချိန်ပေးပြီး ခံစားချက်တွေကိုနားလည်အောင်လုပ်တာ၊ ပြဿနာရဲ့ တကယ့် အရင်းအမြစ်ကို ရှာဖွေတာမျိုးတွေကတော့ ဒီ Conflict ကို ရပ်တန့်သွားစေနိုင်ပါတယ်။ Relationship Counselling Section တွေရယူတာမျိုးတွေကလဲ ပိုမိုကောင်းမွန်တဲ့ ပြောင်းလဲခြင်းကို ဖြစ်စေနိုင်ပါတယ်။ ဒီလို ပြင်ဆင်တာမျိုး ကြိုးစားတာမျိုးမရှိဘူးဆိုရင်တော့ နောက်လူဝင်လာတဲ့အခါ “သူက ကိုယ့်ကို ပိုနားလည်ပေးတယ်၊ ဒုက္ခမပေးဘူး” ဆိုတဲ့ ခေါင်းစဉ်နဲ့ နောက်လူ နဲ့ပိုနီးစပ်သွားမှာပဲဖြစ်ပါတယ်။

(၂) ဥပေက္ခာသဘောမျိုး Conflict တွေကြောင့် ?

တစ်ယောက်နဲ့တစ်ယောက် ဆက်သွယ်ပြောဆိုမှုတွေနည်းလာတာ၊ အလေးထားမှုတွေနည်းလာတာ၊ ချစ်ခြင်းကို ဖော်ပြချင်စိတ်မရှိတော့တာ၊ emotional Distance လို့ခေါ်တဲ့ နီးနေပေမယ့် ခံစားချက်ခြင်းက ဝေးကွာနေတာတွေ၊ တည်ငြိမ်နေပေမယ့် အသက်မဝင်တော့တဲ့ ဆက်ဆံရေးတွေဟာ ဥပေက္ခာသဘောမျိုး Conflictတွေပဲဖြစ်ပါတယ်။

နှစ်ယောက်သားကြားမှာ ရန်ဖြစ်နေတာ အချေအတင်ပြောဆိုနေတာတွေမရှိဘဲ တည်ငြိမ်နေပေမယ့် အဆင်ပြေနေတဲ့ဆက်ဆံရေးတော့မဟုတ်ပါဘူး။ စိတ်ကုန်နေပြီ ဆိုတဲ့ အဓိပ္ပာယ်မျိုးမို့ ဒီ Relationship မပြတ်သွားအောင်တော့ ထိန်းသိမ်းဖို့ကတော့ တော်တော် ခက်ခဲနိုင်ပါတယ်။

ဒီအခြေနေမှာ တတိယ လူပေါ်လာခဲ့ရင် ကိုယ်အရမ်းလိုချင်ပြီး ပျောက်နေတဲ့ပစ္စည်းတစ်ခုကို သူတစ်ပါးကပြန်လာပေးသလို ဖြစ်နေပါလိမ့်မယ်။ ဒီRS ကြားမှာ ပျောက်နေတဲ့ ချစ်ခြင်းခံစားမှုတွေကို တတိယလူစီမှာ ပြန်ရလိုက်တဲ့အခါ တတိယ လူကိုပဲပြတ်သားစွာ ရွေးချယ်သွာတတ်ကြပါတယ်။

ဒါကြောင့် သင်တို့ဝေးရတာဟာ ကြားလူအပြင် သင်တို့ကြားမှာ ရှိနေတဲ့ ဆက်ဆံရေးအခြေနေတွေနဲ့လဲများစွာသက်ဆိုင်ပါတယ်။

Conflict တွေ ကိုညှိနှိုင်းပါ၊ Relationshipကို အမြဲအသက်ဝင်နေအောင်လုပ်ပါ၊ လိုအပ်ရင် Relationship Counselingတွေရယူပါ။ Conflict တွေ ထိန်းမရတော့ဘူးဆိုရင်တော့ တတိယလူ တွေ ဝင်လာပြီး သင်ဘယ်လိုပဲဖြစ်နေနေ တတိယလူကိုပဲ ရွေးချယ်ဖို့ပဲ အကြောင်းများစွာရှိနေမှာပါပဲ။..................................................

Relationship အကြောင်းတိုင်ပင်ဆွေးနွေးရင်း ကိုယ့်ကျန်းမာရေးအတွက် HIV ရှိ မရှိ စစ်ဆေးချင်တယ်ဆိုရင်တော့ ထွန်းအခမဲ့ဆေးခန်းမှာ အခမဲ့ စစ်ဆေးလို့ရတယ်နော်။

အသေးစိတ်ကို messenger နဲ့ Hotline 09259512012 မှာဆက်သွယ်မေးမြန်းနိုင်ပါတယ်။

#ထွန်းအခမဲ့ဆေးခန်း

27/02/2025

လူပြောများနေတဲ့ အသည်းရောင်အသားဝါ Aပိုး နဲ့ Eပိုး အကြောင်း

အသည်းရောင်အသားဝါလို့ ပြောလိုက်ရင် Bပိုး Cပိုးကိုပဲ လူသိများကြပါတယ်။ အသည်းရောင်အသားဝါ ရောဂါကိုဖြစ်စေတဲ့ ဗိုင်းရပ်စ်ပိုးတွေဟာ A, B, C, D, E ဆိုပြီး အမျိုးအစားအများကြီးရှိပါတယ်။ ဒီထဲမှာ မှ လတ်တလောမှာ ကူးစက်မှုများလာတာကတော့ အသည်းရောင်အသားဝါ Aပိုး နဲ့ Eပိုး ပဲဖြစ်ပါတယ်။

အသည်းရောင်အသားဝါ A နဲ့ E ဟာ ရေ နှင့် အစားသောက်ကနေ ကူးစက်နိုင်တဲ့အတွက် ကူးစက်ခံရဖို့ကလွယ်ကူပါတယ်။ ဗိုင်းရပ်ပိုးပါတဲ့ အစားသောက်ကို စားမိခြင်း၊ ရောဂါရှိသူနှင့် နီးကပ်စွာထိတွေ့ခြင်း၊ ရောဂါပိုးရှိသူနဲ့ ရေခွက်တစ်ခွက်ထဲ တူတူသောက်ခြင်း /ဇွန်းတစ်ချောင်းထဲနဲ့ အတူတူစားသောက်ခြင်း၊ ရောဂါပိုးရှိသူ၏ သွေး နှင့် ခန္ဓာကိုယ်မှ ထွက်သောအရည်များထိတွေ့မိခြင်း၊ လိင်ဆက်ဆံခြင်း တို့ကနေ ကူးစက်နိုင်ပါတယ်။

မစင်အညစ်အကြေးကနေလဲ အများဆုံးကူးစက်ပါတယ်။ (ဥပမာ။ ။ ရောဂါပိုးရှိသူရဲ့မစင်အညစ်ကြေးကို ယင်ကောင်နား ပြီး ထို ယင်ကောင်ဟာ အစားသောက်တွေပေါ်နားတဲ့အခါ ထိုအစားသောက်တွေကို စားမိတဲ့သူတွေဟာ အသည်းရောင်အသားဝါ Aပိုး သို့မဟုတ် Eပိုး ကူးစက်ခံရနိုင်ပါတယ်)။

ကူးစက်ခံရပါက ဖြစ်လေ့ဖြစ်ထ ရှိတဲ့ လက္ခဏာများကတော့ ဗိုက်အောင့်ခြင်း၊ ဝမ်းလျှောခြင်း၊ နုံးခြင်း၊ အသား နှင့် မျက်စိ ဝါခြင်း၊ မူးဝေအော့အန်ခြင်း၊ ဖျားခြင်း တို့ဖြစ်တတ်ပါတယ်။

ကိုယ်ခံအားနည်းတဲ့သူများ နှင့် နာတာရှည်ရောဂါဖြစ်ပွားနေသောသူများမှာ ကူးစက်ခံရဖို့ ပိုလွယ်ကူပြီး ရောဂါပြင်းထန်ခြင်းကို ကြုံတွေ့ရနိုင်ပါတယ်။

ဒီနေ့ကူးစက် ဒီနေ့လက္ခဏာပြတာမျိုးမဟုတ်ဘဲ ၂ ပတ် ကနေ ၆ ပတ်အတွင်းမှာ လက္ခဏာပြတတ်ပါတယ်။ ဒီရောဂါဟုတ် မဟုတ် ကိုတော့ လူနာရဲ့ သွေးကိုယူ၍ ဓာတ်ခွဲ စစ်ဆေးလို့ရပါတယ်။

ရောဂါကုသဖို့ သီးသန့်ဆေးဝါးများမရှိသေးပေမယ့် အသည်းရောင်အသားဝါ A ပိုးအတွက်တော့ ကာကွယ်ဆေးထိုးနှံလို့ရပါတယ်။

ရောဂါမဖြစ်အောင် ကာကွယ်ဖို့ဆိုရင် မသန့်ရှင်းသော အစားအစာများကို မစားပါနဲ့ သန့်ရှင်းသောရေကိုသာ သောက်သုံးပါ။ ပူပူနွေးနွေးချက်ပြုတ်စားသောက်ပါ။ အစားအစာများကို ယင် မနားအောင် ဖုံးအုပ်ထားပါ။ တစ်ကိုယ်ရေသန့်ရှင်းရေးကို ဂရုစိုက်ပါ၊ ပတ်ဝန်းကျင်သန့်ရှင်းရေးကိုလဲ ဂရုပြုဆောင်ရွက်သင့်ပါတယ်။

အသည်းရောင်အသားဝါ Aပိုး နဲ့ E ပိုး ကူးစက်ခံရတယ်လို့ သံသယရှိပါက အမြန်ဆုံးဆေးရုံ ဆေးခန်းတွေကို သွားရောက်ပြသပြီး ကုသမှုခံယူသင့်ပါတယ်။ လူနာကိုပြုစုစောင့်ရှောက်မယ့်သူတွေအနေနဲ့လဲ ကာကွယ်ရေးနည်းလမ်းတွေကို ဆရာဝန်များပြောပြတိုင်းအတိအကျလိုက်နာပြီး ကာကွယ်မှုတွေရယူသင့်ပါတယ်။

#ထွန်းအခမဲ့ဆေးခန်း #အသည်းရောင်အသားဝါ

She - Health Tips for Ladies

30/04/2025

29/04/2025

10/04/2025

28/03/2025

24/03/2025

20/03/2025

17/03/2025

11/03/2025

07/03/2025

03/03/2025

27/02/2025

Address

Telephone

Website

Alerts

Shortcuts

Share